Sangguniang Barangay ng Dakila

𝐓𝐈𝐍𝐆𝐍𝐀𝐍: 𝐈𝐤𝐚-𝟏𝟏 𝐑𝐞𝐠𝐮𝐥𝐚𝐫 𝐧𝐚 𝐏𝐚𝐠𝐩𝐮𝐩𝐮𝐥𝐨𝐧𝐠 𝐧𝐠 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐫𝐚𝐧𝐠𝐚𝐲 𝐧𝐠 𝐃𝐚𝐤𝐢𝐥𝐚

Hunyo 5, 2026 — Isinagawa ang Ika-11 Regular na Pagpupulong ng Sangguniang Barangay ng Dakila na pinangunahan ni IGG. Vener C. Dela Cruz, kasama ang mga kagalang-galang na miyembro ng konseho, para sa patuloy na pagtalakay at pag-aksyon sa mga mahahalagang usapin ng barangay.

Sa naturang pagpupulong, tinalakay at naipasa ang mga sumusunod:

MGA NAIPASANG KAPASIYAHAN / RESOLUSYON

• Kapasiyahang Pambarangay Blg. 25-2026
Isang Kapasiyahan na Nagtatakda ng Regular na Iskedyul ng Paggamit ng Barangay Covered Court tuwing araw ng Biyernes, mula ika-9:00 ng umaga hanggang ika-11:00 ng umaga, para sa mga mag-aaral ng Dakila Child Development Center.

MGA BAGONG USAPIN (NEW BUSINESS)

• Pagsusukat ng mga daang-tubig bilang bahagi ng pagtukoy sa mga kinakailangang hakbang upang mapabuti ang daloy ng tubig sa barangay;
• Patuloy na paglilinis ng mga drainage upang makatulong sa pag-iwas sa pagbaha at pagpapanatili ng kalinisan ng kapaligiran;
• Paghahanda para sa Libreng Gupit na gaganapin sa ika-6 ng Hunyo 2026 para sa mga mag-aaral at residente ng barangay;
• Posibleng pagsasagawa ng Medical Mission para sa mga mamamayan ng Barangay Dakila;
• Pagdalo ng mga opisyal ng barangay sa awarding ceremony ng BEST Barangay sa ika-8 ng Hunyo 2026.

MGA ULAT NG MGA KOMITE

Nagkaroon din ng pag-uulat ang bawat kasangguni ukol sa mga programa, proyekto, aktibidad, at iba pang usaping may kaugnayan sa kanilang mga komite bilang bahagi ng pagpapaigting ng koordinasyon at mas mahusay na paghahatid ng serbisyo sa mamamayan.

Kasabay nito, tinalakay rin ang mga natanggap na komunikasyon at iba pang mahahalagang usapin na may kaugnayan sa patuloy na pag-unlad ng barangay.

Sa patuloy na pagkakaisa at responsableng pamamahala, muling pinagtitibay ng Sangguniang Barangay ng Dakila ang kanilang layunin para sa isang mas maayos, disiplinado, at progresibong pamayanan.

𝐋𝐈𝐁𝐑𝐄𝐍𝐆 𝐆𝐔𝐏𝐈𝐓 𝐇𝐀𝐍𝐃𝐎𝐆 𝐏𝐀𝐑𝐀 𝐒𝐀 𝐌𝐆𝐀 𝐌𝐀𝐆-𝐀𝐀𝐑𝐀𝐋

Sa pagtutulungan ng Sangguniang Barangay ng Dakila, Sangguniang Kabataan ng Dakila, at Konsehal ng Lungsod ng Malolos Konsehal Coach Geli Bulaong, ay isasagawa ang isang LIBRENG GUPIT para sa mga mag-aaral.

- Petsa: Hunyo 6, 2026 (Sabado)
- Oras: 8:00 ng umaga hanggang 12:00 ng tanghali
- Lugar : Dakila Elementary School, Barangay Dakila, Lungsod ng Malolos

Layunin ng programang ito na matulungan ang mga mag-aaral sa kanilang paghahanda para sa nalalapit na pasukan sa pamamagitan ng libreng serbisyo ng gupit.

Ang libreng gupit ay handog ni Konsehal Coach Geli Bulaong bilang patuloy na suporta sa kabataan ng ating komunidad.

📣𝐀𝐓𝐓𝐄𝐍𝐓𝐈𝐎𝐍 𝐉𝐎𝐁𝐒𝐄𝐄𝐊𝐄𝐑𝐒! 𝐘𝐎𝐔𝐑 𝐍𝐄𝐗𝐓 𝐂𝐀𝐑𝐄𝐄𝐑 𝐎𝐏𝐏𝐎𝐑𝐓𝐔𝐍𝐈𝐓𝐘 𝐀𝐖𝐀𝐈𝐓𝐒! 💼✨

Ipagdiwang ang diwa ng kalayaan sa pamamagitan ng pagbubukas ng mga bagong oportunidad para sa iyong kinabukasan! Sama-sama tayong dumalo sa 𝐏𝐑𝐄-𝐈𝐍𝐃𝐄𝐏𝐄𝐍𝐃𝐄𝐍𝐂𝐄 𝐃𝐀𝐘 𝐉𝐎𝐁 𝐅𝐀𝐈𝐑 (Local & Overseas Employment with One-Stop Shop Government Services) na gaganapin sa:

📅 𝐇𝐮𝐧𝐲𝐨 𝟏𝟎, 𝟐𝟎𝟐𝟔
🕙 𝟏𝟎:𝟎𝟎 𝐚𝐦
📍 𝐋𝐞𝐯𝐞𝐥 𝟏, 𝐑𝐨𝐛𝐢𝐧𝐬𝐨𝐧𝐬 𝐌𝐚𝐥𝐨𝐥𝐨𝐬, 𝐌𝐜𝐀𝐫𝐭𝐡𝐮𝐫 𝐇𝐢𝐠𝐡𝐰𝐚𝐲, 𝐋𝐮𝐧𝐠𝐬𝐨𝐝 𝐧𝐠 𝐌𝐚𝐥𝐨𝐥𝐨𝐬, 𝐁𝐮𝐥𝐚𝐜𝐚𝐧

🔹 Makipag-ugnayan nang direkta sa mga employer at tuklasin ang iba't ibang oportunidad sa trabaho.

🔹 Makinabang sa 𝐎𝐧𝐞-𝐒𝐭𝐨𝐩 𝐒𝐡𝐨𝐩 𝐆𝐨𝐯𝐞𝐫𝐧𝐦𝐞𝐧𝐭 𝐒𝐞𝐫𝐯𝐢𝐜𝐞𝐬 para sa mas madali at mas maginhawang proseso ng aplikasyon.

📝 𝐌𝐚𝐠𝐩𝐚-𝐫𝐞𝐡𝐢𝐬𝐭𝐫𝐨 𝐧𝐚 𝐧𝐠𝐚𝐲𝐨𝐧:
https://forms.gle/EU12Me7MKNvDZivK8

𝐏𝐚𝐠𝐦𝐚𝐦𝐚𝐡𝐚𝐥 𝐩𝐚𝐫𝐚 𝐬𝐚 𝐋𝐚𝐡𝐚𝐭. 🌈

Ngayong Pride Month, ating ipinagdiriwang ang pagkakaiba-iba at isinusulong ang paggalang, pagtanggap, at pagkakapantay-pantay para sa lahat. Sama-sama nating buuin ang isang komunidad kung saan ang bawat isa ay ligtas, mahalaga, at may lugar.

𝐓𝐈𝐍𝐆𝐍𝐀𝐍: 𝐏𝐚𝐠𝐬𝐚𝐬𝐚𝐠𝐚𝐰𝐚 𝐧𝐠 𝐅𝐥𝐚𝐠-𝐑𝐚𝐢𝐬𝐢𝐧𝐠 𝐂𝐞𝐫𝐞𝐦𝐨𝐧𝐲 𝐬𝐚 𝐁𝐚𝐫𝐚𝐧𝐠𝐚𝐲 𝐃𝐚𝐤𝐢𝐥𝐚

Hunyo 1, 2026 — Sa pagsisimula ng bagong buwan, muling nagtipon ang mga opisyal ng Sangguniang Barangay, mga kawani ng barangay, at Sangguniang Kabataan ng Barangay Dakila para sa isinagawang Flag-Raising Ceremony bilang simbolo ng pagkakaisa, pananagutan, at patuloy na dedikasyon sa paglilingkod sa mamamayan.

Naging makabuluhan ang seremonya bilang pagbubukas ng buwan ng Hunyo, kung saan muling pinagtibay ng bawat lingkod-bayan ang kanilang paninindigan na maghatid ng tapat, episyente, at makataong serbisyo para sa kapakanan ng bawat Dakileño. Binigyang-diin din ang kahalagahan ng sama-samang pagkilos at pagtutulungan upang maisakatuparan ang mga programang nakatuon sa kaunlaran, kalinisan, kapayapaan, at pangkalahatang kapakanan ng komunidad.

Sa pagharap sa mga bagong layunin at hamon ng buwan na ito, nananatiling matatag ang Barangay Dakila sa adhikaing makapaglingkod nang may integridad, malasakit, at kahusayan, tungo sa mas maunlad, nagkakaisa, at masiglang pamayanan.

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐊𝐚𝐩 𝐕𝐞𝐧𝐞𝐫! 🎉

Maraming salamat sa iyong tapat at walang sawang paglilingkod sa ating komunidad. Tunay na kahanga-hanga ang iyong dedikasyon bilang isang lingkod-bayan na patuloy na naglilingkod nang walang pinipiling araw, oras, at panahon para sa kapakanan ng bawat mamamayan.

Nawa’y pagkalooban ka pa ng mabuting kalusugan, lakas, karunungan, at masaganang biyaya upang maipagpatuloy ang iyong mabuting hangarin para sa ating barangay.

𝐓𝐢𝐧𝐠𝐧𝐚𝐧: 𝐒𝐚𝐛𝐚𝐲𝐚𝐧𝐠 𝐏𝐚𝐠𝐥𝐢𝐥𝐢𝐧𝐢𝐬 𝐬𝐚 𝐁𝐚𝐫𝐚𝐧𝐠𝐚𝐲 𝐃𝐚𝐤𝐢𝐥𝐚 𝐩𝐚𝐫𝐚 𝐬𝐚 𝐊𝐀𝐋𝐈𝐍𝐈𝐒𝐀𝐍 (𝐊𝐚𝐥𝐢𝐧𝐠𝐚 𝐚𝐭 𝐈𝐧𝐢𝐬𝐲𝐚𝐭𝐢𝐛𝐚 𝐩𝐚𝐫𝐚 𝐬𝐚 𝐌𝐚𝐥𝐢𝐧𝐢𝐬 𝐧𝐚 𝐁𝐚𝐲𝐚𝐧).

Sama-sama at tulong-tulong ang mga Kawani ng Barangay Dakila, Barangay Justices, at SK Dakila sa PAGLILINIS/CLEAN-UP ACTIVITY na ginanap ngayong Ika-30 ng Mayo.

Nagkakaisang mamamayan para sa malinis at malusog na pamayanan!

𝐁𝐀𝐒𝐀𝐇𝐈𝐍: 𝐏𝐑𝐎𝐉𝐄𝐂𝐓 𝐒𝐀𝐅𝐄 𝐇𝐀𝐕𝐄𝐍 “𝐒𝐭𝐫𝐞𝐧𝐠𝐭𝐡𝐞𝐧𝐢𝐧𝐠 𝐀𝐰𝐚𝐫𝐞𝐧𝐞𝐬𝐬 𝐚𝐧𝐝 𝐅𝐢𝐠𝐡𝐭𝐢𝐧𝐠 𝐄𝐱𝐩𝐥𝐨𝐢𝐭𝐚𝐭𝐢𝐨𝐧 𝐭𝐡𝐫𝐨𝐮𝐠𝐡 𝐇𝐨𝐥𝐢𝐬𝐭𝐢𝐜 𝐀𝐧𝐭𝐢-𝐕𝐢𝐨𝐥𝐞𝐧𝐜𝐞 𝐚𝐧𝐝 𝐕𝐢𝐠𝐢𝐥𝐚𝐧𝐜𝐞 𝐄𝐝𝐮𝐜𝐚𝐭𝐢𝐨𝐧 𝐍𝐞𝐭𝐰𝐨𝐫𝐤”

Mayo 29, 2026 — Matagumpay na isinagawa sa Barangay Dakila ang PROJECT SAFE HAVEN “Strengthening Awareness and Fighting Exploitation through Holistic Anti-Violence and Vigilance Education Network”, isang makabuluhang programa na nakatuon sa pagpapalawak ng kamalayan hinggil sa sexual abuse awareness, crime prevention, at pagsusulong ng tamang edukasyon upang mapanatili ang ligtas at maayos na komunidad para sa lahat.

Layunin ng proyektong ito na hikayatin ang aktibong partisipasyon ng bawat mamamayan sa paglikha ng safe spaces, pagpapaigting ng pagbabantay, at pagsusulong ng kultura ng paggalang, proteksyon, at malasakit sa kapwa.

Naging katuwang ng Pamahalaang Barangay ng Dakila sa pagsasagawa ng programa ang Philippine National Police (PNP), Women and Children Protection Center ng PNP, Bulacan Police Provincial Office, at Malolos Police Station na nagbahagi ng mahahalagang kaalaman at impormasyon para sa kapakanan at kaligtasan ng komunidad.

Patuloy na magsisilbing katuwang ang Barangay Dakila sa mga programang naglalayong protektahan ang karapatan, dignidad, at seguridad ng bawat Dakileño tungo sa isang mas ligtas at mas maalam na pamayanan.

𝐁𝐀𝐒𝐀𝐇𝐈𝐍: 𝐌𝐄𝐋𝐋𝐏𝐈 𝐏𝐫𝐨 𝐀𝐬𝐬𝐞𝐬𝐬𝐦𝐞𝐧𝐭 𝐬𝐚 𝐁𝐚𝐫𝐚𝐧𝐠𝐚𝐲 𝐃𝐚𝐤𝐢𝐥𝐚

Mayo 14, 2026 — Matagumpay na isinagawa sa Barangay Dakila ang MELLPI Pro Assessment bilang bahagi ng pagsusuri at pagtataya sa mga naging plano, programa, at proyektong ipinatupad ng barangay noong taong 2025, partikular sa larangan ng nutrisyon at kalusugan.

Pinangunahan ito ng Barangay Nutrition Committee sa pangunguna ni Punong Barangay Igg. Vener C. Dela Cruz katuwang ang mga opisyal, kawani, at mga katuwang na sektor ng barangay na naging bahagi ng paghahanda at presentasyon para sa nasabing assessment.

Lubos ding binabati ng Pamahalaang Barangay ng Dakila ang ating Barangay Nutrition Scholar na si Gng. Mel sa matagumpay na pagsasagawa at pangunguna sa nasabing assessment. Ang kaniyang dedikasyon at pagsusumikap ay malaking bahagi sa patuloy na pagpapaunlad ng mga programang pangkalusugan at nutrisyon para sa komunidad.

Patuloy ang Barangay Dakila sa pagsusulong ng mga programang may malasakit at positibong epekto para sa kapakanan at kalusugan ng bawat Dakileño.