21/10/2026
🕯️OPLAN KALULUWA: PAGHAHANDA PARA SA LIGTAS AT MAAYOS NA PAGGUNITA SA MGA YUMAO 🕊️
Sa atas ng ating butihing Mayor Leonardo “Ding“ Valeda, isinagawa ang pagpupulong para sa Oplan Kaluluwa, na pinangunahan ng ating butihing Konsehal Buboy Banag, bilang Committee Chairperson on Peace and Order, upang pag-usapan ang mga kinakailangang paghahanda at hakbang para matiyak ang kaligtasan, kaayusan, at kapayapaan ng ating mga kababayan sa paggunita sa Araw ng mga Patay.
Dumalo rin sa pagpupulong ang mga kinatawan mula sa iba't ibang tanggapan, barangay, at organisasyon, kabilang sina Chief of Staff Dan Mart Caleon; ang head ng Sementeryo ng Obando; Kap. Tessie Banag, Kap. Randy Miranda, at Kap. Manuel Valeda; Kagawad Ruben Francisco; Kagawad Lorenzo Jacinto; Kagawad Luisito Darilag; mga kinatawan ng PNP, Reservist, MDRRMO, TMO, Alpha Phi Omega, at National Shrine of Our Lady of Salambao – San Pascual Baylon Parish; BFP FINSP Rhonma Ocasion; MHO Dr. Abner Ganaban; BHW President Nicanor Lazaro; at OIC Fish Port Master Evelyn Marquez.
Layunin ng pagpupulong na mapag-ugnay ang mga kinauukulang tanggapan at mga katuwang na sektor upang matiyak ang maayos na daloy ng mga aktibidad, mapanatili ang kaayusan sa mga sementeryo at matugunan ang mga posibleng pangangailangan ng publiko.
Sa pangunguna ni Konsehal Buboy Banag, patuloy ang pagsusulong ng mga hakbang para sa kaligtasan, kapayapaan, at kaayusan ng bawat Obandeño. 🤝
