Barangay Catuday Updates

25/10/2026

📸 PASASALAMAT | SECOND SEMESTER BARANGAY ASSEMBLY

Taos-pusong pasasalamat sa lahat ng mga kabarangay na nakiisa at dumalo sa katatapos na Second Semester Barangay Assembly ng ating Barangay ngayong araw.

Maraming salamat sa ating mga opisyal ng barangay, mga kawani, mga kinatawan ng iba't ibang samahan, at sa lahat ng naglaan ng oras at pagsisikap upang maging maayos at makabuluhan ang pagtitipong ito.

Ang inyong presensya, pakikilahok, at suporta ay mahalaga sa pagsusulong ng mga programa at adhikain para sa ikauunlad ng ating barangay.

Patuloy nating palakasin ang pagkakaisa, pagtutulungan, at aktibong pakikilahok tungo sa isang mas maunlad at nagkakaisang Barangay Catuday.

Maraming salamat po sa ating Resource Speaker na sina Municipal Agricultural Technologist Arben Valdez RAgr at Patrolman Mark Ronald Valdez, kay Principal Hermelie De Leon and Principal Pretelin Dacumos at sa ating butihing EMCEE ♥

Maraming salamat po sa inyong lahat! Sama-sama para sa mas maayos at maunlad na barangay! 💚

25/10/2026

📢 PAALALA AT PANAWAGAN SA ATING MGA KABARANGAY

Muli na naman pong may naireport na nakawan ng palay sa ating barangay. Nitong nakaraang gabi, dalawang (2) sako ng palay ang naiulat na nawawala sa plaza ng Namarbaran mula sa mga palay na ibinilad kahapon at ibibilad sana muli sa plaza at tinakpan ng tolda upang muling ibilad kinabukasan.

Alam po natin ang hirap at pagod na pinagdaraanan ng ating mga magsasaka upang maani ang kanilang mga pananim. Kaya naman nakalulungkot na may ganitong pangyayari na nakaaapekto sa kanilang kabuhayan.

Hinihikayat po ang lahat, hindi lang ang mga nagbibilad ng palay , kundi ang inyong bahayan na siguruhing naka secure bago kayo aalis lalo ang mahahalagang bagay.

Sama-sama po tayong mag-ingat, magbantay at magtulungan. Igalang natin ang pinaghirapan ng bawat isa. Ang bawat butil ng palay o anumang pinaghirapan ay bunga ng kanilang pawis at pagsisikap.

Maraming salamat po sa inyong pang-unawa at pakikiisa.

— Barangay Catuday 🤝

24/10/2026

MAGANDANG UMAGA PO KaBarangay!!!

Ipinapaalala lamang sa lahat na ngayong araw napo itong Second Semester Barangay Assembly Day natin.

Inaasahan namin ang inyong pakikiisa sa araw na ito.

Maraming salamat🙏

📣 PANAWAGAN SA LAHAT NG ATING KABARANGAY!

Inaanyayahan po ang lahat na makiisa sa ating Barangay Assembly Day ngayong October 25, 2026 (Sunday), ala- 1:00 ng hapon.

Mahalaga ang inyong presensya, pakikinig at pakikilahok. Dito natin mapag-uusapan ang mga programa, proyekto, pangangailangan at iba pang mahalagang usapin ng ating barangay.

Sama-sama nating pag-usapan, pakinggan at pagkaisahan ang ikabubuti ng ating barangay. 🤝

Inaasahan po na may representative na kahit isa sa kada isang bahay para makilahok sa nasabing Assembly.

Kita-kits po tayo, mga kabarangay! ❤️

24/10/2026

ANG TUNAY NA NGITI PAGKATAPOS NG BAYANIHAN! 🥤🍫

Akala ninyo clean-up drive lang ang ganap, may bonus pala na candid moments! 📸

Pagod sa paglilinis, pero mga nakangiti parin.

Simpleng refreshment lang na softdrinks at Fudge bar pero ang saya parang may pa-grand celebration! ❤️

Dahil minsan, hindi naman kailangang bongga ang pagsasaluhan. Ang mahalaga, sama-sama, nagkakaisa at masayang naglilingkod para sa ating barangay.

Maraming salamat sa lahat ng nakiisa! Sa susunod na bayanihan, sama-sama ulit tayo! 🤝🌿

24/10/2026

🌿 PASASALAMAT SA PAGKAKAISA AT PAKIKIISA PARA SA MALINIS NA PAMAYANAN 🌿

Taos-pusong pasasalamat sa lahat ng mga empleyado ng Barangay Catuday at sa bawat indibidwal at grupong nakiisa sa isinagawang Clean-Up Drive sa ating sementeryo bilang paghahanda sa nalalapit na paggunita ng Undas.

Ang inyong oras, pagod at kusang pagtulong ay patunay ng tunay na diwa ng bayanihan at malasakit sa ating komunidad.

Sa pamamagitan ng pagkakaisa at pagtutulungan, mas napapanatili natin ang kalinisan, kaayusan at pagiging handa ng ating pamayanan sa pagdating ng Undas.

Maraming salamat sa inyong pakikiisa at patuloy na paglilingkod para sa ikabubuti ng Barangay Catuday! 🤝💚

18/10/2026

Magandang Gabi sa ating mga Senior Citizens dito sa Catuday!

Bukas, Oktubre 19, 2026 po ay may mag house to house para mag SURVEY from DSWD sa mga Senior Citizen dito sa Barangay natin. May 10 na staff from DSWD po ang magpupunta para mag bahay-bahay dito kaya sana po ay nasa mga bahay lamang po kayo.

Sa mga may kakilala na Senior Citizen pakisabhihan na lamang sana sila.

Maraming salamat.

Panawagan mula sa SC President

08/10/2026

📣 PANAWAGAN SA LAHAT NG ATING KABARANGAY!

Inaanyayahan po ang lahat na makiisa sa ating Barangay Assembly Day ngayong October 25, 2026 (Sunday), ala- 1:00 ng hapon.

Mahalaga ang inyong presensya, pakikinig at pakikilahok. Dito natin mapag-uusapan ang mga programa, proyekto, pangangailangan at iba pang mahalagang usapin ng ating barangay.

Sama-sama nating pag-usapan, pakinggan at pagkaisahan ang ikabubuti ng ating barangay. 🤝

Inaasahan po na may representative na kahit isa sa kada isang bahay para makilahok sa nasabing Assembly.

Kita-kits po tayo, mga kabarangay! ❤️

07/10/2026

📢 PANAWAGAN SA LAHAT NG RESIDENTE NG CATUDAY.

Kaugnay ng ating paalala tungkol sa bawal na pagsusunog ng basura sa bakuran at tabing-kalsada, nauunawaan po ng Barangay ang inyong mga katanungan at suhestiyon—lalo na kung saan maaaring dalhin ang basura ng mga lugar na hindi naaabot ng garbage truck, at ang mungkahing pagkakaroon ng cage o collection point sa mga lugar na dinadaanan ng truck.

👉 Ang lahat po ng inyong katanungan, suhestiyon at concerns tungkol dito ay maaari nating talakayin sa darating na Barangay Assembly.

📅 Oktubre 25, 2026 (Linggo)
⏰ 1:00 ng hapon
📍 Catuday Covered Court

Hinihiling po ng Barangay na bawat household ay magpadala ng kahit isang (1) miyembro ng pamilya upang makadalo, makapagbigay ng suhestiyon, at maging bahagi ng pagbuo ng maayos na solusyon para sa ating barangay.

Mahalaga ang inyong presensya at pakikilahok. Sama-sama nating pag-usapan, pakinggan at ayusin ang mga concern para sa kalinisan at kapakanan ng ating komunidad. 🙏

Maraming salamat po sa inyong pakikiisa!
— Barangay Catuday Council

07/10/2026

📢 PAABISO SA LAHAT NG ATING MGA KABARANGAY DITO SA CATUDAY

Mahigpit na ipinapaalala ng Barangay na BAWAL ANG PAGSUSUNOG ng basura, tuyong dahon, sanga at iba pang materyales sa mga bakuran at paligid ng bahay. 🚫🔥

Ito ay alinsunod sa mga umiiral na regulasyon ng DENR ukol sa pagbabawal ng pagsusunog na maaaring makapagdulot ng polusyon at panganib sa kalusugan at kaligtasan.

📌 Magsasagawa ng pag-iikot at pagbabantay ang mga kinauukulan sa mga barangay. Ang sinumang mahuling lumalabag ay maaaring patawan ng kaukulang multa at iba pang parusa alinsunod sa batas.

Maaari po ninyong dalhin ang mga basura ninyo sa barangay basta naka segregate ang nabubulok at di-nabubulok para ito ay mahakot ng truck ng basura.

🙏 Hinihiling po ng Barangay ang pakikiisa ng bawat isa.
Huwag magsunog. Panatilihin nating malinis, ligtas at malusog ang ating barangay.

Maraming salamat po sa inyong pang-unawa at pakikiisa. 💚