27/10/2026
TINGNAN: Naging matagumpay ang isinagawang Joint 2nd Semester 2026 Provincial Implementation Team on Responsible Parenthood and Reproductive Health (PIT-RPRH) Meeting at October 2026 Provincial Health Board (PHB) Regular Monthly Meeting ngayong araw, Oktubre 27, 2026, sa Governor’s Conference Room 2A, Puerto Princesa City.
Layunin ng pagpupulong na palakasin ang koordinasyon ng mga tanggapan ng pamahalaan at mga katuwang na sektor, suriin ang pagpapatupad ng mga programang pangkalusugan, at talakayin ang mahahalagang polisiya at hakbang para sa mas maayos na paghahatid ng serbisyong pangkalusugan sa lalawigan.
Sa pagpupulong ng PIT-RPRH, tinalakay ang mga usaping may kaugnayan sa Responsible Parenthood and Reproductive Health, kabilang ang pagsasaayos at pagtutugma ng datos sa pagitan ng Provincial Health Office (PHO), Provincial Social Welfare and Development Office (PSWDO), at Ugat ng Kalusugan, patungkol sa RPRH. Iprinesenta rin ang RPRH updates at Strategic Framework at Plan of Action ng Population Development Plan bilang gabay sa pagpaplano at pagpapatupad ng mga kaugnay na programa.
Samantala, sa regular na pagpupulong ng Provincial Health Board, tinalakay ang Executive Order para ng Provincial Health Workforce Planning Committee, Technical Working Group, at Secretariat; DOH and PGP Terms of Partnership; Tripartite MOU sa pagitan ng PGP, DOH CHD, at PhilHealth; gayundin ang Malaria Situationer at Global Fund Support in Palawan.
Ang pagpupulong ay regular na isinasagawa ng Provincial Health Board kada buwan upang talakayin ang mga usaping may kinalaman sa kalusugan ng mga Palaweño habang ang Provincial Implementation Team naman ay isasagawa kada quarter upang talakayin ang mga napapanahong isyu at magbigay solusyon patungkol sa mga usaping RPRH.