03/11/2026
Mas masaya ang pagkatuto kapag may kasamang saya, kuwento, at tamang nutrisyon!
Noong Oktubre 30, 2026, nakasama natin ang mga mag-aaral ng Cabaroan Elementary School sa paglulunsad ng programang “The Adventures of KalaGirl & KalaBoy,” na naglalayong itaguyod ang wastong nutrisyon sa pamamagitan ng makabuluhan at masasayang aktibidad para sa ating mga kabataan.
Sa pakikipagtulungan ng Pamahalaang Lokal ng San Juan, Department of Agriculture - Philippine Carabao Center (DA-PCC), at Department of Education (DepEd) Region I, naging bahagi ng programa ang pamamahagi ng sariwang gatas upang hikayatin ang mga bata na magkaroon ng masustansiya at malusog na pang-araw-araw na pamumuhay.
Nakiisa rin sa aktibidad ang mga kinatawan ng DepEd sa pangunguna nina Regional Director Dr. Estela Leon-Cariño, Schools Division Superintendent Jorge M. Reinante, at PSDS Dr. Anacleta A. Eslava; gayundin ang DA-PCC sa pangunguna nina Ms. Vilma C. Gagni at Mr. Don Miguel Capariño. Mainit din tayong tinanggap ni School Head Mrs. Marlyn E. Marzo, kasama ang mga g**o at magulang.
Lalong naging makulay ang programa sa pamamagitan ng storytelling, ceremonial milk toast, interactive games, at iba pang gawaing naghatid ng ngiti at saya sa mga mag-aaral.
Naniniwala tayo na ang malusog na pangangatawan at wastong nutrisyon ay mahalagang pundasyon ng magandang kinabukasan. Kaya naman, patuloy ang ating Pamahalaang Lokal, katuwang sina Vice Mayor Arturo P. Valdriz at ang mga miyembro ng Sangguniang Bayan, sa pagsuporta sa mga programang nagbibigay-halaga sa kalusugan, edukasyon, at kapakanan ng bawat batang San Juaneño.
Dahil ang bawat batang malusog, masigla, at may sapat na kaalaman ay isang hakbang tungo sa mas magandang kinabukasan ng ating bayan!