Barangay Tibig Silang Cavite

PABATID SA LAHAT!

Ang atin pong Sangguniang Barangay sa pangunguna ng ating ABC President Kap. Luciano P. De Jesus Jr. ay bumuo ng mga "ORDINANSANG PAM-BARANGAY" alinsunod sa kauutusan ng Department of Interior and Local Government hinggil sa "paggamit ng videoke machine, paglalakad ng hubad at pag-inom ng alak sa pampublikong lugar at pagtatakda ng oras ng mga kabataan".

PANUKALANG KAUTUSAN BILANG 1, SERYE NG 2026
ORDINANSA NA NAGBIBIGAY NG REGULASYON SA PAGGAMIT NG MGA "VIDEOKE MACHINE, AT IBA PANG AMPLIFIED AUDIO DEVICES" SA BARANGAY TIBIG, SILANG, CAVITE, AT NAGTATAKDA NG PARUSA SA PAGLABAG AT IBA PANG LAYUNIN.

PANUKALANG KAUTUSAN BILANG 2, SERYE NG 2026
ORDINANSANG NAGBABAWAL SA "PAGLALAKAD O PANANATILING WALANG PANG ITAAS NA DAMIT (TOPLESS O HALF-NAKED)" SA MGA PAMPUBLIKONG LUGAR SA LOOB NG BARANGAY TIBIG, SILANG, CAVITE, AT NAGTATAKDA NG KAUKULANG PARUSA SA MGA LALABAG DITO.

PANUKALANG KAUTUSAN BILANG 3, SERYE NG 2026
ORDINANSA NA NAGBABAWAL SA "PAG-INOM NG ALAK AT MGA INUMING NAKALALASING SA MGA PAMPUBLIKONG LUGAR" SA LOOB NG BARANGAY TIBIG, SILANG, CAVITE, AT NAG PAPATAW NG KAUKULANG PARUSA SA MGA LALABAG DITO.

PANUKALANG KAUTUSAN BILANG 4, SERYE NG 2026
ORDINANSA NA NAGPAPA-IRAL NG "CURFEW HOURS PARA SA MGA BATA NA NASA PANGANIB (CHILDREN AT RISK)" SA BARANGAY TIBIG, SILANG, CAVITE. NAGTATAKDA NG MGA HAKBANG AT INTERBESYON AT DAYBERSYON ALINSUNOD SA BATAS REPUBLIKA BLG. 9344, AT NAGTATADHANA NG PANANAGUTAN PARA SA MGA MAGULANG AT TAGA PAG-ALAGA.

Ang atin pong mga BARANGAY TANOD, at mga kawani ng PHILIPPINE NATIONAL POLICE ay magkatuwang na ipatutupad ang ordinansang ito sa ating barangay. Hinihingi po namin ang inyong pakiki-isa at kooperasyon.

Maraming salamat po!

📢 PABATID SA ATING KA-BARANGAY!

“ANTI-DENGUE MISTING AT SPRAYING OPERATION”

Upang mapanatili ang kaligtasan ng bawat pamilya laban sa sakit na dengue sa ating Barangay, ang MUNICIPAL HEALTH OFFICE ng Bayan ng Silang sa pakikipag-tulungan ng SANGGUNIANG BARANGAY ng TIBIG sa pangunguna ng ating Punong Barangay at ABC President Luciano P. De Jesus Jr., ay magsasagawa ng komprehensibong Anti-Dengue Misting at Spraying Operation.

Ang hakbang na ito ay naglalayong puksain ang mga lamok na nagdadala ng virus.
Ito po ay gagawain sa bahagi ng SITIO ILAYA at mga karatig na SITIO sa ika-15 ng Mayo 2026, araw ng Biyernes simula ika-6:00 ng umaga.

Maraming salamat po.

PABATID SA LAHAT 🔊

Alinsunod sa Barangay Resolusyon Blg. 12, Serye 2026, ang lahat ng transient residents tulad ng mga boarder, construction worker na nagba-barracks, at iba pang hindi permanenteng residente na kasalukuyang naninirahan sa ating barangay ay inaatasang kumuha ng Barangay Identification Card (ID).
Layunin ng hakbang na ito na mapanatili ang kaayusan, seguridad, at maayos na talaan ng mga naninirahan sa ating komunidad.

Mga Paalala:
1. Ang pagpaparehistro at pagkuha ng Barangay ID ay obligasyon ng lahat ng transient residents.
2. Magdala ng valid ID at patunay ng paninirahan (hal. kontrata sa upa o sertipikasyon mula sa may-ari ng bahay).

Maaaring magtungo sa tanggapan ng barangay upang magparehistro.
Ang sinumang hindi makakasunod sa nasabing kautusan ay maaaring patawan ng kaukulang aksyon alinsunod sa umiiral na patakaran ng barangay.
Hinihiling din po namin ang pakikipag tulungan ng lahat ng “LESSOR, LAND LORD at LAND OWNER” na abisuhan ang mga umuupa at nagre-renta sa kanila.
Para sa karagdagang impormasyon, makipag-ugnayan lamang sa tanggapan ng barangay.

Maraming salamat po sa inyong pakikiisa.

"PAALALA PO SA ATING MHA KA-BARANGAY"

**ABISO KA-BARANGAY**

Kayo po ay malugod naming ina-anyayahan sa "1st Semester BARANGAY ASSEMBLY” na gaganapin sa ating Barangay Hall sa Ika-21 ng Marso, 2026, araw ng Sabado, sa ganap na ika-8:00 ng umaga. Dito po ay i-uulat ang ating mga kawani ng Sangguniang Barangay ang mga proyekto na nagawa at mga nakatakdang gawain na kung saan ay pinopondohan ng pera ng taong bayan.

Bilang ka-barangay, ang inyong pong boses at pakikibahagi sa talakayang ito ay mahalaga.

Maraming salamat po.

Inauguration of Tibig Elementary School new building.

| Bukas, Pebrero 25, 2026, ay gaganapin ang blessing ng mga bagong school buildings sa 𝐓𝐢𝐛𝐢𝐠 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥, 𝐊𝐚𝐨𝐧𝐠 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥, 𝐚𝐭 𝐁𝐚𝐥𝐢𝐭𝐞 𝐈 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥 — bahagi ng 11 school buildings na sinimulang ipatagyo sa ilalim ng administrasyon ni Mayor Ted Carranza sa layuning maalis ang shifting ng classes sa bayan ng Silang.

Ayon kay Mayor Ted Carranza, “Tatanggalin po natin ang shifting (ng classes) sa Bayan ng Silang — yan po ang goal natin.”

Hindi lang ito konkretong istruktura. Ito ay simbolo ng malasakit, pag-asa, at paniniwalang ang edukasyon ang tunay na pundasyon ng kinabukasan ng bayan.

📢 ABISO MGA KA-BARANGAY📢

📍 Ang Tibig Elementary School ay kasalukuyang tumatanggap ng mga mag-aaral na nagnanais na mag-aral para sa School Year 2026-2027 🎒✨

🗓 January 31 – February 27, 2026
⏰ Registration starts at 8:00 AM

Ito po ay para sa mga sumusunod:
✅ Incoming Grade 7
✅ Transferees
✅ Balik-Aral
✅ Out-of-School Youth

📄 Dalhin lang po ang kanilang PSA/Birth Certificate at report card sa ating paaralan at makipag-ugnayan sa ating mga g**o.

📌 Para po sa iba pang mga katanungan, magtungo lang po sa Tibig Elementary School.

📣 Magpa rehistro ng maaga, ito po ay hanggang Febrero 27, 2026 lamang!

|Para sa ating mga Ka-Barangay|

Tayo po ay magkakaroon ng libreng bakuna laban sa "PNEUMONIA" na gaganapin bukas, ENERO 9, 2026 sa ganap na Ika-8:00 ng umaga sa ating BARANGAY HEALTH CENTER.

"FIRST COME -FIRST SERVE" po ito dahil limitado para sa 100 slots sa Senior Citizens at 100 slots para sa mga kabataan na may edad na 6-13 taong gulang lamang.

Ito po ay hatid sa atin ng ating Sangguniang Barangay sa pangunguna ni ABC President Kap. Luciano P. Jesus Jr.

Maraming salamat po!

|Para sa ating mga Ka-Barangay|

Muli po, ang inyong Sangguniang Barangay sa pangunguna ni ABC President Kap. Luciano P. Jesus Jr. ay muling magsasagawa ng "KASALANG BARANGAY" sa darating na buwan ng Pebrero 2026.

Ang lahat po ng mga nagsasama at nagnanais na magpakasal ay aming inaanyayahan na makilahok.

Makipag ugnayan lang po sa tanggapan ng Barangay Tibig para sa mga detalye. Maraming salamat po!