Siquijor District Jail

19/08/2026

Pag-asa sa Likod ng mga Rehas, Edukasyon para sa Mas Maliwanag na Kinabukasan

Patunay na ang edukasyon ay nananatiling susi sa pagbabago at pagbangon ng bawat indibidwal.

Noong Agosto 17, 2026, matagumpay na isinagawa sa Siquijor District Jail ang College Education Behind Bars (CEBB) ng Siquijor State College

Sa pangunguna ni SJO4 Celerino R Gornez III, acting Warden, katuwang sina JO2 Gil Prudencio G Jumalon, WD Officer, Mrs. Philna S Palongpalong, Extension Director, Mrs. Peachy T Balquilta, Assistant Extension Director, at Ms. Zyxell Jumawan, Guidance Personnel, isinagawa ang Entrance Examination para sa walong (8) Persons Deprived of Liberty (PDL) bilang bahagi ng proseso ng kanilang pagpasok sa Siquijor State College sa ilalim ng College Education Behind Bars (CEBB) Program.

Pinangunahan ni Ms. Zyxell Jumawan ang pangangasiwa ng pagsusulit, habang mahigpit namang tiniyak ng mga jail personnel ang maayos, ligtas, at disiplinadong daloy ng buong aktibidad alinsunod sa mga umiiral na patakaran at alituntunin.

Ang programang ito ay sumasalamin sa matibay na paniniwala na ang edukasyon ay hindi lamang isang karapatan kundi isang makapangyarihang daan tungo sa rehabilitasyon, personal na pagbabago, at matagumpay na pagbabalik ng mga PDL sa lipunan bilang mga responsableng mamamayan.

Sa Siquijor District Jail, ang bawat pagkakataong makapag-aral ay isang hakbang patungo sa panibagong pag-asa, mas maliwanag na kinabukasan, at makabuluhang pagbabago.





BJMPNIR-SDJ-2026-08-08

17/08/2026

SIQUIJOR DISTRICT JAIL | TRADISYUNAL NA MONDAY FLAG RAISING CEREMONY AT VALUE FOCUS DISCUSSION

Sa patuloy na pagsusulong ng disiplina, pagkamakabayan, at tapat na paglilingkod sa sambayanan, matagumpay na isinagawa ng Siquijor District Jail ang Tradisyunal na Seremonya ng Pagtataas ng Watawat ngayong Agosto 17, 2026, sa pangunguna ni SJO4 Celerino R Gornez III, Acting Warden, kasama ang lahat ng kawani ng pasilidad.

Bilang mahalagang bahagi ng programa, ibinahagi ni SJO2 Jingle A Paculba, Values Restoration Program (VRP) Speaker of the Week, ang kanyang makabuluhan at nagbibigay-inspirasyong mensahe na nakatuon sa pangunahing pagpapahalagang Pilipino ng linggo, "Pagpapatawad."

Binigyang-diin niya na ang tunay na pagpapatawad ay hindi tanda ng kahinaan, kundi isang pagpapakita ng lakas ng loob, kababaang-loob, at mataas na paggalang sa kapwa. Ito ay nagsisilbing daan tungo sa pagkakaisa, kapayapaan, at mas matibay na ugnayan sa loob ng organisasyon at ng komunidad.

Sa pamamagitan ng mga gawaing tulad nito, patuloy na pinagtitibay ng Siquijor District Jail ang kultura ng integridad, malasakit, at pananagutan sa serbisyo publiko. Higit pa sa isang seremonya, ang pagtataas ng watawat ay sumisimbolo sa panibagong panata ng bawat kawani na gampanan ang kanilang tungkulin nang may dangal, katapatan, at buong puso, habang isinasabuhay ang mga pagpapahalagang humuhubog sa isang disiplinado, makatao, at propesyonal na lingkod-bayan.

"Ang tunay na lakas ay nasusukat hindi sa kakayahang gumanti, kundi sa tapang na magpatawad at magpatuloy para sa ikabubuti ng lahat."







BJMPNIR-SDJ-2026-08-07

17/08/2026

𝗕𝗔𝗦𝗔𝗛𝗜𝗡: Mensahe ni Jail Director Efren A Nemeño sa mga kadete ng Pihilippine National Police Academy sa ginanap na Testimonial Parade and Review sa Camp Mariano N Castañeda, Silang, Cavite.


========
For more updates:

Follow us on FB:


Follow us on Instagram:


Follow us on X:

17/08/2026

14/08/2026

13/08/2026

📚 EDUKASYON: DAAN TUNGO SA PAG-ASA AT PAGBABAGO

SIQUIJOR DISTRICT JAIL | ALS FACE-TO-FACE CLASS – JUNIOR HIGH

Patuloy na isinusulong ng Siquijor District Jail ang edukasyon bilang mahalagang bahagi ng pagbabago, paghubog ng kakayahan, at paghahanda sa mas maayos na pagbabalik sa lipunan ng mga Persons Deprived of Liberty (PDL).

Isinagawa ang Mock Test para sa limang (5) PDL students na naka-enroll sa Alternative Learning System (ALS) Junior High, sa pangunguna ni Mr. Jerry S Pao, ALS Mobile Teacher.

Layunin ng aktibidad na masukat ang kaalaman at kahandaan ng mga mag-aaral bilang bahagi ng kanilang patuloy na pagkatuto at paghahanda sa mga susunod na pagsusulit.

Mahigpit namang pinangasiwaan ng Welfare and Development personnel sa ilalim ng tagubilin ni SJO4 Celerino R Gornez III, Acting Warden, ang aktibidad upang matiyak ang maayos, ligtas, at disiplinadong pagsasagawa ng mock test, alinsunod sa mga itinakdang alituntunin at pamamaraan.

Ang edukasyon ay hindi lamang tungkol sa kaalaman. Ito ay isang hakbang tungo sa pag-asa, pagbabago, at panibagong pagkakataon.







BJMPNIR-SDJ-2026-08-06

13/08/2026

REGULAR NA CHECK-UP NG MGA PDL

Sa patuloy na pagsisikap na mapangalagaan ang kalusugan ng mga Persons Deprived of Liberty (PDL), nagsagawa ang Health Service Unit ng pagsusuri ng presyon ng dugo at Regular na Pagsubaybay sa blood sugar ng 17 lalaking PDL at 3 babaeng PDL noong Agosto 12, 2026, sa Multi-purpose Hall ng Kulungan ng Distrito ng Siquijor.

Ang aktibidad ay isinagawa mga naka-duty na personnel ng Health Service Unit na sina JO3 Meluna V Venzuelo at JO3 Leo Manuel A Cortes sa ilalim ng pangangasiwa at tagubilin ni SJO4 Celerino R Gornez III, Acting warden.

Layunin ng aktibidad na masubaybayan ang presyon ng dugo at blood glucose level ng mga PDL upang mamonitor ang kanilang kalusugan, at mahikayat ang pagpapanatili ng isang malusog na pamumuhay.

Sa kabuuang bilang ng mga sumailalim sa pagsusuri, dalawang (2) PDL ang nakitaan ng mataas na presyon ng dugo. Agad silang ire-refer alinsunod sa umiiral na proseso upang mabigyan ng karagdagang pagsusuri at naaangkop na pangangalagang medikal.

Patuloy na isinusulong ng Siquijor District Jail ang mga programang pangkalusugan bilang bahagi ng layunin nitong mapanatili ang ligtas, maayos, at makataong pangangalaga sa mga PDL.







BJMPNIR-SDJ-2026-08-05

12/08/2026

10/08/2026

SIQUIJOR DISTRICT JAIL | TRADISYUNAL NA MONDAY FLAG RAISING CEREMONY AT VALUE FOCUS DISCUSSION

Kaninang umaga, nagsagawa ang mga kawani ng Siquijor District Jail ng Tradisyunal na Monday Flag Raising Ceremony sa loob ng Siquijor District Jail Compound sa pangunguna ni SJO4 Celerino R Gornez III, Acting Warden.

Bilang bahagi ng programa, ibinahagi ni SJO2 Alfie B. Sunogan, Values Restoration Program (VRP) Speaker of the Week, ang kanyang makahulugang talakayan tungkol sa pangunahing pagpapahalaga ng linggo tungkol sa "Nasyonalismo." Binigyang-diin niya na ang tunay na pagmamahal sa bayan ay hindi lamang naipapakita sa pamamagitan ng paggalang sa watawat at pag-awit ng pambansang awit, kundi higit sa lahat, sa tapat, disiplinado, at may integridad na paglilingkod sa sambayanan. Hinikayat din niya ang bawat jail officer na maging huwaran sa pagtataguyod ng kapakanan ng bansa sa pamamagitan ng mahusay, makatao, at responsableng pagtupad sa kanilang mga tungkulin.

Kasunod nito ay ang pamamahagi ng Certificate of Commendation bilang pagkilala sa dedikasyon at mahalagang ambag nina SJO2 Alfie B. Sunogan at JO2 Gil Prudencio Jumalon sa matagumpay na pagsasagawa ng mga programa ng tanggapan.

Sa pamamagitan ng gawaing ito, muling pinagtibay ng Siquijor District Jail ang paninindigan sa pagtataguyod ng disiplina, pagkakaisa, at makabayang paglilingkod, alinsunod sa adhikain ng Bureau of Jail Management and Penology na makapaghatid ng mahusay, makatao, at de-kalidad na serbisyo publiko.







BJMPNIR-SDJ-2026-08-04