OMAg TBOLI

29/10/2026

𝐓𝐈𝐍𝐆𝐍𝐀𝐍! Narito ang mga kuhang larawan mula sa ginanap na Song Duet Competition bilang bahagi ng selebrasyon ng Cooperative Day sa bayan ng Tboli.

29/10/2026

𝐓𝐈𝐍𝐆𝐍𝐀𝐍! Narito ang mga kuhang larawan mula sa ginanap na Mash-Up Dance Competition bilang bahagi ng selebrasyon ng Cooperative Day sa bayan ng Tboli.

29/10/2026

𝑷𝒂𝒈𝒅𝒊𝒓𝒊𝒘𝒂𝒏𝒈 𝒏𝒈 𝑪𝒐𝒐𝒑𝒆𝒓𝒂𝒕𝒊𝒗𝒆 𝑫𝒂𝒚 𝒔𝒂 𝑩𝒂𝒚𝒂𝒏 𝒏𝒈 𝑻𝒃𝒐𝒍𝒊, 𝑵𝒂𝒈𝒊𝒏𝒈 𝑴𝒂𝒕𝒂𝒈𝒖𝒎𝒑𝒂𝒚!

Mahigit isaang-daan at limampung (150) miyembro ng sampung (10) kooperatiba sa bayan ng Tboli ang lumahok sa ginanap na selebrasyon ng Cooperative Day noong October 22, 2026 sa Tboli Municipal Covered Court.

Naging makabuluhan ang nasabing selebrasyon dahil sa mga paligsahan sa Song Duet at Mash- Up Dance kung saan parehong nasungkit ng mga kalahok mula sa pinagsamang grupo ng Manuel Guianga and Sirib Growers Employees Cooperation Multi-Purpose Cooperative (MAGSIGE- MPC) at Fludi Tuan Small Mining Cooperative ang kampyonato.

Pinaunlakan ni Juriski A. Mangelen, Regional Director ng Cooperative Development Authority (CDA) Region XII ang selebrasyon. Sa kanyang mensahe, hinikayat nyia ang mga magsasaka na maging myembro ng kooperatiba upang mapalakas ang kanilang kabuhayan. Itinampok din niya ang kahalagahan ng pagiging rehistrado sa National Coconut Farmers Registry System (NCFRS) na makakatulong hindi lamang sa pagpapalago ng niyugan kundi maging sa pagkakaroon ng mga benepisyong may kaugnayan sa serbisyong pangkalusugan.

Dumalo sa aktibidad si Vice Mayor Ronie Dela Peña, kasama si Hon. Pacifico Cordada, Jr., Chairperson ng Committee on Agriculture, bilang pagpapakita ng buong suporta ng Lokal na Pamahalaan ng Tboli sa pagdiriwang ng Cooperative Day sa ilalim ng pamumuno ni Mayor Keo Dayle T. Tuan.

Ang nasabing selebrasyon na may temang “Matibay Na Kooperatiba: Nagkakaisang Pamayanan para sa Kapayapaan at Kaunlaran”, ay ginanap upang ipagdiwang ang kulminasyon ng Cooperative Month na ipinagdiriwang sa buong buwan ng Oktobre.

29/10/2026

𝗣𝗔𝗧𝗨𝗟𝗢𝗬 𝗔𝗡𝗚 𝗣𝗔𝗚𝗧𝗔𝗡𝗚𝗚𝗔𝗣 𝗡𝗚 𝗦𝗢𝗜𝗟 𝗦𝗔𝗠𝗣𝗟𝗘𝗦 𝗛𝗔𝗡𝗚𝗚𝗔𝗡𝗚 𝗕𝗨𝗞𝗔𝗦, 𝗢𝗖𝗧𝗢𝗕𝗘𝗥 𝟯𝟬, 𝟮𝟬𝟮𝟲!

Patuloy ang pagtanggap ng Mobile Soil Laboratory ng mga soil sample mula sa ating mga magsasaka hanggang bukas, October 30, 2026. Layunin nitong matukoy ang kalagayan at pangangailangan ng lupa na makakatulong upang malaman ang tamang dami ng pataba na kailangan ng lupa para sa mas mabuting produksyon at mataas na ani.

Narito ang mga mahahalagang proseso sa loob ng Mobile Soils Laboratory:

𝑪𝑯𝑬𝑴𝑰𝑪𝑨𝑳 𝑺𝑬𝑪𝑻𝑰𝑶𝑵
Dito sinusuri ang mga macronutrients at micronutrients na matatagpuan sa mga soil sample. Mahalaga ang pagsusuring ito upang matukoy ang dami ng mga nasabing elements upang mabigyang ng tamang rekomendasyon ang mga magsasaka pagdating sa paglalagay ng abono at ibang mga soil ameliorants.

𝑷𝑯𝒀𝑺𝑰𝑪𝑨𝑳 𝑺𝑬𝑪𝑻𝑰𝑶𝑵
Sinusuri sa seksyong ito ang pisikal na katangian ng lupa, kabilang ang komposisyon ng sand, silt, at clay. Ang mga resulta, kasama ang impormasyon tungkol sa dami ng organic matter at pH level, ay makatutulong upang higit na maunawaan ng mga magsasaka ang kondisyon ng kanilang lupa. Ang mga impormasyong ito ay ilalagay sa Soil Health Card na ibibigay sa mga magsasakang nagsumite ng soil sample.

𝑴𝑰𝑪𝑹𝑶𝑩𝑰𝑶𝑳𝑶𝑮𝑰𝑪𝑨𝑳 𝑺𝑬𝑪𝑻𝑰𝑶𝑵
Isinasagawa rito ang mga proseso ng isolation at pagsusuri upang matukoy ang presensya ng mga kapaki-pakinabang na mikroorganismo sa lupa, tulad ng Trichoderma, na maaaring makatulong sa kalusugan ng lupa at paglago ng mga pananim.

27/10/2026

𝐁𝐀𝐒𝐀𝐇𝐀! Libre nga Soil Analysis para sa tanan mangunguma sang Tboli.

21/10/2026

𝐌𝐮𝐧𝐢𝐜𝐢𝐩𝐚𝐥 𝐅𝐢𝐬𝐡𝐞𝐫𝐲 𝐂𝐨𝐨𝐫𝐝𝐢𝐧𝐚𝐭𝐨𝐫𝐬' 𝐌𝐞𝐞𝐭𝐢𝐧𝐠, 𝐈𝐝𝐢𝐧𝐚𝐨𝐬 𝐬𝐚 𝐎𝐌𝐀𝐠 𝐓𝐛𝐨𝐥𝐢

Idinaos noong October 15, 2026 ang monthly meeting ng Municipal Fishery Coordinators ng South Cotabato sa Office of the Municipal Agriculturist (OMAg) Training Center sa bayan ng Tboli, South Cotabato.

Pinangasiwaan ng Provincial Fisheries Office (PFO) ng South Cotabato at Bureau of Fisheries and Aquatic Resources (BFAR) ang nasabing meeting na nakasentro sa pagtalakay sa mga paghahanda para sa kauna-unahang Tilapia Festival ng lalawigan na gaganapin sa October 26-30, 2026. Upang gawing makabuluhan ang naturang festival, magkakaroon ng ibat-ibang aktibidad at paligsahan na inaasahang lalahukan ng mga fisherfolk mula sa iba’t-ibang bahagi ng South Cotabato.

Layunin ng pagdaraos ng Tilapia Festival na ipagdiwang at bigyang-pagkilala ang industriya ng tilapia bilang mahalagang sektor na tumutulong sa pagtitiyak ng sapat na suplay ng isda sa buong lalawigan gayundin ang kontribusyon ng mga mangingisda sa patuloy na pagpapaunlad at pagpapalakas ng industriya ng tilapia sa South Cotabato.

Dinaluhan ang aktibidad nina Rommel Eladia, Field Operation Division Supervising Agriculturist; Mufred Ebrahim, Provincial Fishery Officer (PFO) ng Bureau of Fisheries and Aquatic Resources (BFAR)–South Cotabato, Shiny Rose F. Janiel, Provincial Fishery Coordinator (PFC) ng South Cotabato, mga Municipal Fishery Coordinator, at mga kinatawan ng Municipal Fisheries and Aquatic Resources Management Council (MFARMC) mula sa bawat munisipalidad.

Dumalo rin si Vice Mayor Ronie Dela Peña upang ipakita ang suporta ng lokal na pamahalaan ng Tboli sa ilalim ng pamumuno ni Mayor Keo Dayle T. Tuan.

09/10/2026

𝟑𝐫𝐝 𝐁𝐚𝐭𝐜𝐡 𝐨𝐟 𝐞𝐧𝐭𝐞𝐫𝐩𝐫𝐢𝐬𝐢𝐧𝐠 𝐈𝐏𝐎𝐬 𝐝𝐞𝐯𝐞𝐥𝐨𝐩 𝐁𝐮𝐬𝐢𝐧𝐞𝐬𝐬 𝐂𝐨𝐧𝐜𝐞𝐩𝐭 𝐍𝐨𝐭𝐞𝐬 𝐭𝐡𝐫𝐨𝐮𝐠𝐡 𝐄𝐧𝐭𝐞𝐫𝐩𝐫𝐢𝐬𝐞 𝐏𝐫𝐢𝐨𝐫𝐢𝐭𝐢𝐳𝐚𝐭𝐢𝐨𝐧 𝐚𝐧𝐝 𝐁𝐮𝐬𝐢𝐧𝐞𝐬𝐬 𝐌𝐨𝐝𝐞𝐥𝐥𝐢𝐧𝐠

GENERAL SANTOS CITY — Indigenous Peoples Organizations (IPOs) from the Blaan-Tagakaulo and Tboli-Blaan Ancestral Domains participated in the Enterprise Prioritization and Business Modelling activity of the Department of Agriculture-Mindanao Inclusive Agriculture Development Project (DA-MIADP RPCO XII) on October 5–8 at the Greenleaf Hotel, this city.

The activity brought together the third batch of identified and validated IPOs, and prioritize potential enterprises based on their organizational needs, available resources, enterprising capabilities, and the priority commodities of their respective Ancestral Domains.

The activity also introduced business modelling to help the IPOs examine the operational, financial, and market considerations of their proposed enterprises, including the risks and requirements that may affect their viability.

The results of the prioritization and business modelling process will form part of the development of the IPOs’ Business Concept Notes, which will outline their proposed enterprises and provide the basis for succeeding stages of enterprise development under MIADP.

#𝐈𝐏𝐬𝐇𝐎𝐏𝐄 | Indigenous Peoples Harnessing Opportunities for a Progressive Economy

09/10/2026

08/10/2026

𝑻𝒂𝒕𝒍𝒖𝒎𝒑𝒖’𝒕- 𝑫𝒂𝒘𝒂𝒍𝒂𝒏𝒈 (32) 𝑴𝒂𝒈𝒔𝒂𝒔𝒂𝒌𝒂, 𝑵𝒂𝒈𝒔𝒊𝒑𝒂𝒈𝒕𝒂𝒑𝒐𝒔 𝒔𝒂 𝑺𝒆𝒂𝒔𝒐𝒏-𝑳𝒐𝒏𝒈 𝑭𝒂𝒓𝒎𝒆𝒓𝒔’ 𝑭𝒊𝒆𝒍𝒅 𝑺𝒄𝒉𝒐𝒐𝒍 𝒐𝒏 𝑪𝒐𝒓𝒏 𝑷𝒓𝒐𝒅𝒖𝒄𝒕𝒊𝒐𝒏

Idinaos kamakailan ang pagtatapos ng Season-Long Farmers’ Field School (FFS) on Corn Production na nilahukan ng tatlumpu’t dalawang (32) magsasaka mula sa Barangay Lamhaku, Tboli.

Pangunahing layunin ng nasabing FFS na mabigyan ang mga magsasaka ng sapat na kaalaman at kasanayan sa tama, wasto, at napapanahong pamamaraan ng pagtatanim ng mais. Kabilang sa mga paksang tinalakay ang pagpili ng angkop na barayti o hybrid at de-kalidad na binhi, paghahanda ng lupa, pangangasiwa sa tubig, wastong paglalagay ng abono, pagtatanim, pagbabawas ng tanim, paglilinang, pamamahala sa mga peste, side-dressing o paglalagay ng abono sa paligid ng halaman, pangangalaga sa pananim, pag-aani, mga gawain bago at pagkatapos ng pag-aani, at wastong pag-iimbak ng ani.

Naging mahalagang bahagi ng FFS ang isinagawang Agroecosystem Analysis (AESA), kung saan sinusuri at tinutukoy ang iba’t ibang uri ng insekto na matatagpuan sa loob ng isang (1) square meter quadrant sa taniman. Isinasagawa ito upang matukoy ang presensya ng mga natural enemies o kapaki-pakinabang na organismo, gayundin ang nararapat na pest management approach para sa mga insect pest na matatagpuan sa pananim.

Nagkaroon din ng pagkakataon ang iba’t ibang sektor sa Office of the Municipal Agriculturist (OMAg) na magbahagi ng mahahalagang kaalaman at teknolohiya sa mga kalahok. Kabilang dito ang Integrated Pest Management, Tilapia Culture, Vegetable Production, at Agripreneurship, na naglalayong higit pang mapalawak ang kaalaman ng mga magsasaka at mapaunlad ang kanilang kakayahan sa iba't ibang larangan ng agrikultura.

Sa pangunguna ni Mayor Keo Dayle T. Tuan, isinagawa ng OMAg ang Season-Long Farmers’ Field School on Corn Production upang maibahagi ang tama, angkop, at napapanahong teknolohiya sa produksyon ng mais. Ang nasabing programa ay pinondohan ng Local Government Unit (LGU) sa ilalim ng Local Development Fund bilang bahagi sa patuloy na suporta ng lokal na pamahalaan sa pagpapaunlad ng kabuhayan ng mga magsasaka.

06/10/2026

𝑻𝑰𝑵𝑮𝑵𝑨𝑵! | Mga kuhang larawan sa isinagawang evaluation ng Organic Gulayan and Backyard Gardening Competition ng Office of the Provincial Agriculturist (OPAg) South Cotabato sa El-Laat Farmers Association mula sa brgy. Lamhaku, na kumatawan sa Rural Improvement Club (RIC) Category.