Leyte 1st Congressional District Office

𝐀𝐧𝐚𝐤 𝐧𝐠 𝐦𝐚𝐧𝐢𝐤𝐮𝐫𝐢𝐬𝐭𝐚 𝐚𝐭 𝐭𝐫𝐚𝐟𝐟𝐢𝐜 𝐞𝐧𝐟𝐨𝐫𝐜𝐞𝐫, 𝐋𝐢𝐜𝐞𝐧𝐬𝐞𝐝 𝐏𝐫𝐨𝐟𝐞𝐬𝐬𝐢𝐨𝐧𝐚𝐥 𝐓𝐞𝐚𝐜𝐡𝐞𝐫 𝐧𝐚!

Kung mayroon man daw isang taong sinamantala ang mga pwedeng maibigay na tulong ng pamahalaan, si Marlyn Abalos ‘yun.

Ang isa sa lubos niyang ipinagpapasalamat ay ang scholarship na naipagkaloob sa kaniyang panganay na anak, na ngayon ay isa nang ganap na licensed professional teacher.

Panoorin ang kanilang kwento ng pagsisikap, pag-asa, at tagumpay.

Buong linggo mong inuna ang mundo. Ngayong araw, ibalik mo naman ang kapayapaan sa sarili mo. Hindi kasalanan ang mapagod, at mas laging hindi kasalanan ang mamili ng sariling kapayapaan.

Huminga ka muna. Karapatan mo ’yan. Happy Sunday po! 🙏🏼

𝐏𝐓𝐂𝐀 𝐦𝐚𝐬 𝐩𝐢𝐧𝐚𝐥𝐚𝐤𝐚𝐬: 𝐌𝐚𝐠𝐮𝐥𝐚𝐧𝐠, 𝐠𝐮𝐫𝐨 𝐚𝐭 𝐤𝐨𝐦𝐮𝐧𝐢𝐝𝐚𝐝 𝐦𝐚𝐠𝐬𝐚𝐬𝐚𝐦𝐚-𝐬𝐚𝐦𝐚 𝐩𝐚𝐫𝐚 𝐬𝐚 𝐝𝐞𝐤𝐚𝐥𝐢𝐝𝐚𝐝 𝐧𝐚 𝐞𝐝𝐮𝐤𝐚𝐬𝐲𝐨𝐧

Isinusulong ngayon ni Congressman Martin Romualdez ang Parent-Teacher and Community Association Act o ang House Bill No. 2972. Layunin ng panukalang ito na palawakin ang papel ng Parent-Teacher and Community Association (PTCA) upang mas maging aktibo sa paghubog ng mga kabataan.

Narito ang mga pangunahing pagbabago:
✅ Pinalawak na Membership: Bukod sa magulang at g**o, kabilang na rin ang social workers, health workers, at child rights experts.
✅ Automatic Membership: Ang lahat ng magulang at guardian ng mga batang naka-enroll sa mga Child Development Centers at basic education schools ay awtomatikong magiging miyembro ng PTCA.
✅ Holistic Development: Ang PTCA ang gagawa ng mga programa upang masig**ong ang mga bata ay lumaking well-rounded, stable, at civic-oriented.
✅ Child Protection: Magiging katuwang ang PTCA sa pagpapatupad at pagbabantay ng mga child protection policy sa loob at labas ng paaralan.
✅ Boses ng Kabataan: Obligadong konsultahin ang mga mag-aaral sa pamamagitan ng student council, sa pagbuo ng mga plano at aktibidad na para sa kanila.

Binibigyang-diin din ng House Bill No. 2972 na ang pagpapalaki at pag-protekta sa mga bata ay isang shared responsibility ng magulang, paaralan, at komunidad.

𝐓𝐮𝐧𝐚𝐲 𝐧𝐚 𝐢𝐧𝐬𝐩𝐢𝐫𝐚𝐬𝐲𝐨𝐧: '𝐍𝐨 𝐰𝐨𝐫𝐤, 𝐍𝐨 𝐩𝐚𝐲' 𝐧𝐚 𝐦𝐚𝐠𝐮𝐥𝐚𝐧𝐠, 𝐧𝐠𝐚𝐲𝐨𝐧 𝐦𝐚𝐲 𝐚𝐧𝐚𝐤 𝐧𝐚𝐧𝐠 𝐬𝐨𝐜𝐢𝐚𝐥 𝐰𝐨𝐫𝐤𝐞𝐫!

Sa kabila ng hirap sa gastusin at hindi permanenteng kita, naging sandigan ng pamilya Vergara ang Tulong-Dunong Program (TDP) Scholarship ni Cong. Martin Romualdez. Naipagkaloob ito sa anak ni Jocelyn na nakapagtapos sa kursong Bachelor of Science in Social Work (BSSW) sa Leyte Normal University.

Kung dati ay isa sila sa mga humihingi ng tulong dahil sa kakapusan, ngayon ay labis ang pasasalamat at kaligayahan ni Jocelyn dahil ang kaniya mismong anak na ang nagtatrabaho sa DSWD upang magpaabot ng tulong sa mga nangangailangan. .

Panoorin ang kanilang kwento ng pagsisikap at tagumpay.

𝐉𝐮𝐧𝐤 𝐟𝐨𝐨𝐝 𝐚𝐭 𝐬𝐮𝐠𝐚𝐫-𝐬𝐰𝐞𝐞𝐭𝐞𝐧𝐞𝐝 𝐛𝐞𝐯𝐞𝐫𝐚𝐠𝐞𝐬 𝐬𝐚 𝐥𝐨𝐨𝐛 𝐚𝐭 𝐥𝐚𝐛𝐚𝐬 𝐧𝐠 𝐬𝐜𝐡𝐨𝐨𝐥, 𝐛𝐚𝐰𝐚𝐥 𝐧𝐚!

Upang mas maprotektahan ang kalusugan ng mga mag-aaral, isinusulong ni Cong. Martin Romualdez sa ilalim ng House Bill 2773 o "Healthy Schools Food Environment Act" ang pagbabawal ng mga junk food at matatamis na inumin sa loob at labas ng mga paaralan.

Ano ang nilalaman ng HB 2773?
✅ Healthier Options: Ipagbabawal na ang pagbebenta ng unhealthy food at sugar-sweetened beverages sa loob ng mga paaralan.
✅ 100-Meter Buffer Zone: Hindi lang sa loob ng school, kundi pati na ang mga tindahan within 100-meter radius mula sa gate ng eskwelahan ay sakop ng regulasyon.
✅ Nutrient Profiling: May susunding "Green, Yellow, at Red List" ang lahat ng mga nagtitinda ganudin ang scool canteen para masig**o na masustansya ang mga pagkaing ibinibenta nila.
✅ Sponsorship Ban: Bawal na ang mga advertisement o sponsorship ng mga unhealthy food brand sa mga school event.

Sama-sama nating protektahan ang kalusugan ng mga kabataan. Dahil ang batang malusog ay mas masigla at mas mabilis matuto!

𝐓𝐮𝐧𝐚𝐲 𝐧𝐚 𝐢𝐧𝐬𝐩𝐢𝐫𝐚𝐬𝐲𝐨𝐧: 𝐀𝐧𝐚𝐤 𝐧𝐠 𝐦𝐚𝐠𝐬𝐚𝐬𝐚𝐤𝐚 𝐚𝐭 𝐭𝐢𝐜𝐤𝐞𝐭𝐢𝐧𝐠 𝐚𝐠𝐞𝐧𝐭, 𝐠𝐫𝐚𝐝𝐮𝐚𝐭𝐞 𝐧𝐚!

Sa hirap ng buhay at hindi permanenteng kita, naging sandigan ng pamilya Metante ang Tulong Dunong Program (TDP) Scholarship ni Cong. Martin Romualdez. Naipagkaloob ito sa anak ni Lucil na si April Anne na kaka-graduate lang sa kursong Bachelor of Science in Tourism Management (BSTM).

Lubos ang pasasalamat ni Lucil sa naipagkaloob na oportunidad sa panganay na anak. Magsasaka ang asawa ni Lucil at siya naman ay isang ticketing agent sa terminal.

Panoorin ang kanilang kwento ng pagsisikap at tagumpay.

Ang buhay ay hindi paligsahan kung sino ang nauuna. Ang tunay na tagumpay ay ang pagbibigay-oras sa sarili na huminto, huminga, at magpasalamat sa iyong mga narating.

Salamat sa iyong katatagan at hindi pagsuko. Bitawan mo ang mga pasanin at kabiguan na hindi saklaw ng iyong control. Huminga ka nang malalim, magpahinga ka. Handa ka na para sa panibagong bukas. 🤍

𝐒𝐚 𝐇𝐨𝐮𝐬𝐞 𝐁𝐢𝐥𝐥 𝟒𝟐𝟒𝟗, 𝐄𝐒𝐒𝐔-𝐀𝐫𝐭𝐞𝐜𝐡𝐞, 𝐓𝐚𝐫𝐠𝐞𝐭 𝐆𝐚𝐰𝐢𝐧𝐠 𝐑𝐞𝐠𝐮𝐥𝐚𝐫 𝐂𝐚𝐦𝐩𝐮𝐬

Para sa mga estudyanteng taga-Arteche at karatig-bayan, alam natin ang hirap ng byahe at bigat ng gastos para lamang makakuha ng de-kalidad na edukasyon.

Ngunit sa gitna ng pagod, may hatid na bagong pag-asa ang House Bill No. 4249.

Ang panukalang batas na ito, na inihain ni Congressman Martin Romualdez kasama sina Rep. Yedda Marie Romualdez, Rep. Andrew Julian Romualdez, at Rep. Jude Acidre, ay naglalayong gawing regular campus ang ESSU-Arteche. Layunin nito na magbukas ng mas maraming kurso at mas magandang pasilidad mismo sa ating bayan upang hindi na kailangang lumayo pa ng ating mga kabataan.

Isang hakbang ito tungo sa pangarap na walang naiiwan dahil sa layo o gastos. Naniniwala tayo na sa tulong ng mga ganitong inisyatiba, mas magiging abot-kamay ang diploma para sa bawat pamilyang taga-Eastern Samar.

Tuloy ang laban para sa edukasyon!

𝐏𝐚𝐧𝐠𝐚𝐫𝐚𝐩 𝐧𝐚 𝐯𝐮𝐥𝐜𝐚𝐧𝐢𝐳𝐢𝐧𝐠 𝐦𝐚𝐜𝐡𝐢𝐧𝐞𝐬, 𝐧𝐚𝐭𝐮𝐩𝐚𝐝!

Kung dati mano-mano ang pagkukumpuni sa kaniyang maliit na vulcanizing shop, ngayon, may sariling air compressor, electric impact wrench, at jack stand na si Lito Camero. Isa si Lito sa mga benepisyaryo ng Sustainable Livelihood Program (SLP) ng DSWD at ni Cong. Martin Romualdez sa Leyte.

Ngayon, mas mabilis at episyente na ang paghahanap-buhay ni Lito. Natutugunan at natutustusan na rin niya ang pag-aaral ng kaniyang tatlong anak.

Panoorin ang kaniyang mga pagsisikap.