04/11/2026
بٹگرام: ڈپٹی کمشنر بٹگرام گوہر علی خان نے بازار کا تفصیلی دورہ کیا اور تجاوزات کی صورتحال کا جائزہ لیا۔ اس موقع پر ایڈیشنل اسسٹنٹ کمشنر اور ریونیو اسٹاف نے تجاوزات کے حوالے سے ڈپٹی کمشنر کو بریفنگ دی۔
ڈپٹی کمشنر نے متعلقہ افسران کو سختی سے ہدایات جاری کرتے ہوئے کہا کہ بازار سے تمام غیر قانونی تجاوزات کا مکمل خاتمہ یقینی بنایا جائے اور سرکاری اراضی، سڑکوں اور عوامی راستوں کو ہر قسم کی تجاوزات سے پاک کیا جائے۔ انہوں نے واضح کیا کہ اس سلسلے میں کسی قسم کی کوتاہی برداشت نہیں کی جائے گی۔
