https://www.facebook.com/154167984436598/

Sindh United Students Federation

Home
Pakistan
Karachi
Sindh United Students Federation

Sindh United Students Federation; (SUSF) Students Front of Sindh United Party.

25/10/2026

پريس رليز!
25 آڪٽوبر 2026ع
سنڌ يونائيٽيڊ اسٽوڊنٽس فيڊريشن (سياف) مرڪز

سنڌ يونائيٽيڊ اسٽوڊنٽس فيڊريشن جي مرڪزي آرگنائيزنگ ڪابينہ جو ٻيون اجلاس سياف ڪوآرڊينيٽر امير آزاد پنھور جي نگراني ۾ چيف آرگنائيزر راجا سوڻيکي جي صدارت هيٺ ٿي گذريو، جنھن دوران آرگنائيزر صفت ﷲ پتافي ۽ جي ايم مجيب شرڪت ڪئي.

اجلاس دوران هيٺيان فيصلا ورتا ويا
1 غير تنظيمي ضلعن کي فعال ڪيو ويندو
2 سياف جي چوٿين مرڪزي ڪابينہ جي چونڊ لاءِ ڪنوينشن 28 نومبر تي جي ايم سيد ايڊيفيس ڄامشورو ۾ ڪرايو ويندو

سنڌ يونائيٽيڊ اسٽوڊنٽس فيڊريشن (سياف) مرڪز

22/10/2026

پريس رليز!
22 آڪٽوبر 2026ع

سنڌ يونائيٽيڊ اسٽوڊنٽس فيڊريشن (سياف) مرڪز

سنڌ زرعي يونيورسٽي ڪيمپس عمرڪوٽ جي تالابندي خلاف زرعي يونيورسٽي ٽنڊوڄام ۾ سياف زرعي ڪيمپس طرفان 24 ڪلاڪن تائين قائم ڪيل بک هڙتال ٿي گذري 23 ڪلاڪن کان پوءِ انتظاميا جي پاران ڳالھيون ويون جنھن ۾ سياف جي مرڪزي چيف آرگنائيزر راجا سوڻيکي، چيف آرگنائيزر سياف زرعي ڪيمپس ناصر حسين درس ۽ عبدالقدير رند تي مشتمل ٽي رُڪني ڪميٽي ڳالھيون ڪيون جنھن دوران هيٺيان مطالبا رکيا ويا.

1 زرعي ڪيمپس بحال ڪيو وڃي
2 زرعي ڪيمپس جي بحالي کان پوءِ داخلا فارم جو ٻيھر اشتھار جاري ڪري الڳ ٽيسٽ ورتي وڃي
3 غيرقانوني طور ورتل ٽرانسپورٽ فيس واپس ڪئي وڃي
4 آنلائين ڪلاسن جو منصوبو ناڪام ٿيڻ تي رھجي ويل نصاب عملي طور پڙھائي پوءِ امتحان ورتا وڃن
5 امتحان ڊسمبر جي آخري هفتي ۾ ورتا وڃن
6 زرعي ڪيمپس جي مستقل عمارت تعمير ڪرائي وڃي
7 جمعي جي ڏينھن ٿيندڙ غيرقانوني موڪل ختم ڪئي وڃي
8 تالابندي سبب شاگردن جي تعليمي نقصان جو ازالو ڪيو وڃي

انتظاميا پاران ڪيمپس جي بحالي لاءِ حتمي تاريخ بابت يقين نہ ڏيارڻ، آنلائين ڪلاسن واري منصوبي جي ناڪامي ۽ ٽرانسپورٽ فيس واپس ڪرڻ وارا مطالبا تسليم نہ ڪرڻ تي سياف جي ڳالھيون ڪندڙ نمائندن پاران ڳالھين کي رد ڪري بک هڙتالي ڪيمپ تي پھچي، انتظاميا پاران ست ڏينھن تائين ڪيمپس جي بحالي جو نوٽيفڪيشن جاري نہ ڪرڻ جي صورت ۾ هائيڪورٽ ۽ آئيني پٽيشن داخل ڪرڻ جو اعلان ڪندي بک هڙتال ختم ڪئي وئي.

سنڌ زرعي يونيورسٽي ٽنڊوڄام جي شرڪت ڪندڙ شاگرد تنظيمن جو شڪريو ادا ڪيو ويو، سياسي شاگرد اڳواڻن جي خلاف دھشتگردي جا ڪوڙا ڪيس داخل ڪرائي گرفتار ڪرائي داخلائون ختم ڪرڻ جي مذمت ڪئي وئي.

سنڌ يونائيٽيڊ اسٽوڊنٽس فيڊريشن سنڌ جي شاگردن جي نمائنده جماعت آھي جيڪا زرعي ڪيمپس عمرڪوٽ جي بحالي تائين قانوني (عدالتي) محاظ تي جدوجھد ڪرڻ سان گڏوگڏ پرامن سياسي جدوجھد جاري رکڻ جو وچن ڪري ٿي.

سنڌ يونائيٽيڊ اسٽوڊنٽس فيڊريشن (مرڪز)

21/10/2026

پريس رليز!
21 آڪٽوبر 2026ع

سنڌ يونائيٽيڊ اسٽوڊنٽس فيڊريشن (سياف) زرعي ڪيمپس عمرڪوٽ

سنڌ زرعي يونيورسٽي ڪيمپس عمرڪوٽ جي تالابندي جي خلاف سياف زرعي ڪيمپس عمرڪوٽ جي طرفان ٽنڊوڄام يونيورسٽي ۾ ريلي ڪڍي ايڊمن بلاڪ اڳيان احتجاج رڪارڊ ڪرائڻ کان پوءِ پي ڊي چوڪ اڳيان 24 ڪلاڪن لاءِ بک هڙتال قائم ڪئي وئي آهي.

تعليمي درسگاھون قومي انقلاب ۽ ترقي جو بنياد رکندڙ هونديون آھن، ان بدران سنڌ جي تعليمي ادارن کي پرائيويٽ سيڪٽر ۾ تبديل ڪري غير سائنسي نصاب پڙھايو ٿو وڃي، جتي نون تعليم ادارن جي سخت ضرورت آھي اتي زرعي ڪيمپس کي بند ڪرڻ سنڌ جي روشن مستقبل سان هٿ چراند آھي سياف ڪيمپس جي بحالي تائين ڀرپور نموني جدوجھد ڪرڻ جو اعلان ڪري ٿي،
سياف پاران قائم ڪيل بک هڙتال ۾ زرعي ڪيمپس جي چيف آرگنائيزر ناصر حسين درس، آرگنائيزر عبدالقدير راھمون، فيض پلي، عبدالقدير رند، تيرٿ چوھاڻ، منير آريسر سميت ٻين تنظيمن جي اڳواڻن شرڪت ڪئي.
سياف جي مرڪزي چيف آرگنائيزر راجا سوڻيکي خصوصي شرڪت ڪري شاگردن سان مخاطب ٿيندي چيو تہ زرعي يونيورسٽي سنڌ سطح جا اڳواڻ پيدا ڪري ڏنا آھن زرعي يونيورسٽي جي شاگرد سياست باوقار رھي آھي انتظاميا هن وقت شاگرد اڳواڻن مٿان دھشتگردي جا ڪوڙا ڪيس داخل ڪري هيسائڻ جي ناڪام ڪوشش ڪري آھي اسان سڀني کي ظلم جو تختو اونڌو ڪرڻ لاءِ سياسي مزاحمت ڪري ادارن ۾ نج تعليمي ماحول پيدا ڪرائڻ جي ضرورت آھي.

جاري ڪندڙ
پريس ترجمان
سياف زرعي ڪيمپس عمرڪوٽ

19/10/2026

مذمتي بيان
19 آڪٽوبر 2026ع
سنڌ يونائيٽيڊ اسٽوڊنٽس فيڊريشن (SUSF)

محمد علي جناح يونيورسٽي ۾ شاگردن سان مبينا انتظامي هراساني جي مذمت، تعليمي حقن جي بحاليءَ جو مطالبو

سنڌ يونائيٽيڊ اسٽوڊنٽس فيڊريشن (SUSF) محمد علي جناح يونيورسٽي (MAJU) ۾ شاگردن خلاف مبينا انتظامي هراساني، غيرمنصفاڻي تاديبي ڪارروائين ۽ تعليمي حقن جي لتاڙ جي سخت مذمت ڪري ٿي.

اپريل 2026ع ۾ چئن شاگردن جون داخلاون مبينا طور منصفاڻي ٻڌڻيءَ کان سواءِ رد ڪيون ويون. ٽن شاگردن جون داخلاون بحال ٿيڻ باوجود کين تعليمي رڪاوٽن کي منهن ڏيڻو پئجي رهيو آهي، جڏهن ته هڪ شاگرد جي داخلا اڃا بحال ناهي ٿي. شاگردن پاران ڌمڪين ۽ دٻاءُ وجهڻ جا الزام پڻ لڳايا ويا آهن.

اسان جا مطالبا آهن ته سڀني متاثر شاگردن جا تعليمي حق فوري بحال ڪيا وڃن، الزامن جي غيرجانبداراڻي جاچ ڪرائي وڃي ۽ شاگردن کي انتقامي ڪارروائين کان تحفظ ڏنو وڃي.

شاگردن جي تعليم ۽ مستقبل سان ناانصافي ڪنهن به صورت ۾ قبول نه ڪئي ويندي. انتظاميا قانون، شفافيت ۽ منصفاڻي طريقيڪار جي پابندي ڪندي شاگردن جا مسئلا فوري حل ڪري.

سنڌ يونائيٽيڊ اسٽوڊنٽس فيڊريشن مرڪز

17/10/2026

بهتر تعليم، بهتر سياست

پريس پڌرائي - 17 آڪٽوبر 2026ع

سنڌ يونائيٽيڊ اسٽوڊنٽس فيڊريشن (سياف) ضلعي اولهه ڪراچي طرفان ٽوڙهي ڦاٽڪ سانحي جي شهيد شاگرد اڳواڻن مالڪ خشڪ، ذڪريا ميمڻ، انور عباسي، مٺو بلندي ۽ امان الله وستڙو جي ورسي جي موقعي تي هڪ تقريب منعقد ڪئي وئي.

ورسي تقريب کي خطاب ڪندي سياف ضلعي اولهه ڪراچي جي جنرل سيڪريٽري واجد علي چيو ته جنرل ضياء جي دور ۾ سنڌ جي تعليمي ادارن کي منصوبابندي تحت تباهه ڪيو ويو. هن چيو ته 1984ع وارو ٽوڙهي ڦاٽڪ جو سانحو اڄ تائين وسريو ناهي، جنهن ۾ سنڌي شاگردن کي شهيد ڪيو ويو هو.

هن وڌيڪ چيو ته ضلعي اولهه ۾ سياف طرفان ٽوڙهي ڦاٽڪ جي شهيدن کي ڀيٽا پيش ڪرڻ جو سلسلو جاري رکيو ويندو.

جاري ڪندڙ:
عمران شيخ
پريس سيڪريٽري، سياف ضلعو اولهه ڪراچي

17/10/2026

بهتر تعليم، بهتر سياست

پريس پڌرائي - 17 آڪٽوبر 2026ع

سنڌ يونائيٽيڊ اسٽوڊنٽس فيڊريشن (سياف) ضلعي قمبرشھدادڪوٽ طرفان ٽوڙهي ڦاٽڪ سانحي جي عظيم شهيد شاگرد اڳواڻن عبدالمالڪ خشڪ، ذڪريا ميمڻ، انور عباسي، مٺو بلندي ۽ امان الله وستڙو جي ورسي جي موقعي تي گلشن حاجي خان, وارھ ۾ سياسي تقريب منعقد ڪئي وئي.

ورسي تقريب سان مخاطب ٿيندي سياف اڳواڻ برھان سنڌيار, مختيار خاصخيلي ۽ ٻين چيو ته جنرل ضياء جي دور ۾ سنڌ جي تعليمي ادارن سازش تحت تباهه ڪيو ويو. شاگرد سياست تي بندش لڳائي شاگردن کي بنيادي حقن جي جدوجهد کان پري رکيو ويو, هنن چيو ته 1984ع تي ٽوڙهي ڦاٽڪ جو سانحو ڪرائي سنڌ شاگرد سياست جي رستاروڪ ڪئي وئي, شاگردن قومن جي باوقار مستقبل جا ضامن ھوندا آهن پر آمريت جي دور ۾ شاگردن کي زندگين کان محروم ڪيو ويو,

هن وڌيڪ چيو سياف سنڌ جي ھر شاگرد جي وارث آهي ٽوڙهي ڦاٽڪ جا شهيد شاگرد صدين تائين شاگردن جو اتساھ رھندا

تقريب جي آخر ۾ شاگردن اڳواڻـن جي تصويرون اڳيان ميڻ بتيون ٻاري گل نڇاور ڪري ڀيٽا پيش ڪئي وئي٠

پروگرام ۾
سياف ايس يو پي ڪارڪنن شاگردن شرڪت ڪئي

جاري ڪندڙ:
آصف حسين
پريس سيڪريٽري، سياف قمبرشھدادڪوٽ

17/10/2026

17 آڪٽوبر 2026ع
پريس رليز
سنڌ يونائيٽيڊ اسٽوڊنٽس فيڊريشن (سياف) ضلعو بدين

سنڌ ڌرتي خاطر پنھنجيون جانيون قربان ڪندڙ ٽوڙھي ڦاٽڪ جي قومي شھيدن جي ورسي جي موقعي تي سياف ضلعي بدين طرفان کورواه ۾ ڀيٽا پيش ڪئي وئي اُن موقع تي سياف ضلعي بدين جي چيف آرگنائيزر سبحان پنهور ڳالهائيندي چيو ته شهيد قَومن جا اثاثا هوندا آهن ٽوڙهي ڦاٽڪ جي شهيدن کي سلام پيش ٿو ڪجي جن پنھنجي رت جو ريج ڏئي قوم جو ڳاٽ فخر سان اوچو ڪيو ..
جاري ڪندڙ
سياف ضلعي بدين
ترجمان ..

17/10/2026

پريس پڌرائي
17 آڪٽوبر 2026ع
سياف سنڌ يونيورسٽي

سنڌ يونائيٽيڊ اسٽوڊنٽس فيڊريشن (سياف) سنڌ يونيورسٽي طرفان 17 آڪٽوبر 1984ع ٽوڙهي ڦاٽڪ جي عظيم شهيدن جي شهادت ڏهاڙي تي شهيدن کي ڀيٽا پروگرام سائين جي ايم سيد ايڊيفس تي منقعد ڪيو ويو، پروگرام جي صدارت سنڌ يونائيٽيڊ پارٽي مرڪزي سينيئر نائب صدر روشن علي ٻرڙو ڪئي،

پروگرام جي شروعات قومي گيت "وٺي هر هر جنم وربو مٺا مهراڻ ۾ ملبو" سان ڪئي وئي،

پروگرام کي مخاطب ٿيندي ايس يو پي مرڪزي سينيئر نائب صدر روشن علي ٻرڙو خطاب ڪندي چيو تہ ٽوڙهي ڦاٽڪ جا شهيد نج شاگرد سياست جا شهيد آهن، جنهن ضياءُ جي قهري مارشلا ۾ رت جو ريج ڏيئي شاگرد سياست کي اُتساھ ڏنو
ٽوڙهي ڦاٽڪ جي عظيم شھيدن کي ضياءُ مارشلا ۾ ٽوڙهي ڦاٽڪ ويجهو بسن مان لاهي گوليون وسايون ويون جيڪي شاگرد هٿين خالي جشن لطيف جي تقريب ۾ شرڪت لاء چانڊڪا ميڊيڪل ڪاليج لاڙڪاڻي وڃي رهيا هيا، اڄ بہ ڪوڙي جمھوريت ۾ شاگردن مٿان ڪوڙا ڪيس گرفتاريون ڪيون پيون وڄن پر اڄ به شھيد شاگردن جو رتُ نئين نسل لاءِ اُتساھ بڻيل آھي،

پروگرام ۾ سياف سنڌ يونيورسٽي صدر آفتاب سنڌي، سينيئر نائب صدر منصور ملگاڻي، جنرل سيڪريٽري فيضان اوٺو، سياف سينئر اڳواڻ زبير حسن پنھور، سرمد باريجو، سياف آرٽس فيڪلٽي صدر ساگر گاڏھي، سياف تعلقا انگلش صدر مدثر ڏيرو، سميت ڪيترين ئي سياف جي دوستن شرڪت ڪئي.

پريس ترجمان
سياف سنڌ يونيورسٽي

15/10/2026

پريس رليز!
15 آڪٽوبر 2026ع
سنڌ يونائيٽيڊ اسٽوڊنٽس فيڊريشن ضلعو بدين

سنڌ جي امڪاني ورھاڱي، نون صوبن واري منصوبي ۽ انتظامي يونٽن واري بحث خلاف سياف مرڪز جي سڏ تي .. متحد سنڌ ۽ نوجوانن جو ڪردار.؟ جي عنوان هيٺ ليڪچر پروگرام
ايس يو پي آفيس بدين ۾ ٿي گذريو

ليڪچر پروگرام ۾ سنڌ يونائيٽيڊ پارٽي جي مرڪزي نائب صدر امير آزاد پنهور تفصيلي ليڪچر ڏنو.
اُن موقعي تي
سنڌ يونائيٽيڊ اسٽوڊنٽس فيڊريشن جي مرڪزي اڳواڻ دانش کوسو پارٽيءَ جو سينيئر اڳواڻ حيدر شاهه سنڌ يونائيٽيڊ پارٽيءَ بدين جي صدر دانش نور سومرو سياف ضلعي بدين جي چيف آرگنائيزر سبحان پنهور ماجد انصاري سياف جي اڳوڻي ضلعي اڳواڻ اويس قادر ميمڻ. شرڪت ڪئي اُن موقع تي
سياف ضلعي بدين جا ڪارڪن ۽ پارٽيء جا ساٿي موجود هئا

جاري ڪندڙ
پريس ترجمان
سياف ضلعو بدين

13/10/2026

پريس رليز!
13 آڪٽوبر 2026ع
سنڌ يونائيٽيڊ اسٽوڊنٽس فيڊريشن زرعي ڪيمپس عمرڪوٽ

سنڌ جي امڪاني ورھاڱي، نون صوبن واري منصوبي ۽ انتظامي يونٽن واري بحث خلاف سياف مرڪز جي سڏ تي متحد سنڌ جي عنوان هيٺ ليڪچر پروگرام روحل واءُ ۾ ٿي گذريو.

ليڪچر پروگرام دوران حاجي ساند ڳالھائيندي چيو تہ برِصغير جي ورھاڱي کان وٺي اڄ تائين سنڌ پنھنجو جاگرافيائي وجود قائم ۽ سلامت رکيو آھي سنڌ جي مٿان پنجاب طرفان ون يونٽ، ٻولي، ڪالا باغ ڊيم يا ڪينالن جي منصوبن خلاف فيصلا ڪيا آھن سنڌ جي ماڻھن ان تي ڀرپور سياسي مزاحمت ڪري سوڀ حاصل ڪئي آهي سنڌ جي وجود تي وار ڪندڙ ڌرين کي ماضي مان سبق سکڻ گھرجي سنڌ جو هر نسل پنھنجي ڌرتي خاطر جدوجھد ڪندو.

ليڪچر پروگرام دوران سياف زرعي ڪيمپس جي چيف آرگنائيزر ناصر حسين درس، سھراب رونجھو، سياف ضلع عمرڪوٽ ڊپٽي چيف آرگنائيزر دودو امراڻي، فيض پلي، ايس يو پي اڳواڻ جمال ساند، ڌنيش سوٽھڙ، خصوصي طور سياف مرڪزي چيف آرگنائيزر راجا سوڻيکي ۽ ٻين شرڪت ڪئي

جاري ڪندڙ
پريس ترجمان
سياف زرعي ڪيمپس عمرڪوٽ

Address

Karachi, Sindh
Karachi

Website

facebook.com

Alerts

Be the first to know and let us send you an email when Sindh United Students Federation posts news and promotions. Your email address will not be used for any other purpose, and you can unsubscribe at any time.