Dr-Zarqa Naseem Ghalib

30/10/2026

30/10/2026

ہزار قصے سنا کے ہم کو
وہ ہم سے دامن چھڑا رہے ہیں

پونم جی کے اس شعر سے بندی خدا نے فی البدیہ کلام کہہ دیا احباب کی خوبصورت بصارتوں کی نذر

ابھی تو آئے تھے پاس میرے
ابھی سے دور وہ جا رہے ہیں

محبتوں کے عجیب ہیں رنگ
گلے لگا کے ستا رہے ہیں

وہ جن کے ہونٹوں پہ مسکراہٹ
وہی ہمیں اب رلا رہے ہیں

شکایتِ دل کروں میں کیسے
وہ خود ہی مجھ کو بلا رہے ہیں

ہزاروں غم تھے مگر خوشی ہے
کہ زرقا مسکرا رہی ہے

سکوں ملے گا مجھے بھی آخر
زرقا جب مسکرا رہی ہے

29/10/2026

کلام: ہجومِ رنگ میں الماس کی پہچان

ہجومِ رنگ میں ہر روز گم ہوتے چلے جاتے ہیں
مگر کچھ نور ایسے ہیں جو اندھیرے میں چمکتے ہیں

وہی بدبخت ہے جو بھیڑ میں تنہا سا رہتا ہو
مگر بدتر وہ ہے جو اپنے ہی گھر میں اجنبی سا رہتا ہو

جو ہیرے کو پرکھ لے ایک نظر میں، جان لے اس کو
وہی خوش قسمت انسان ہے، وہی منزل کو پا لیتا ہے

نہ لوگوں کی کثرت سے کوئی رشتہ نبھتا ہے
دلوں کی روشنی سے ہی چراغِ زندگی جلتا ہے

بصیرت چاہیے، آنکھیں نہیں صرف دیکھنے کو
کہ ہر پتھر میں چھپا اک نگینہ ہے پہچاننے کو

جو بھیڑ میں بھی اپنے آپ کو تنہا نہیں پاتا
وہی ہے خوش نصیب اور وہی الماس پہچانتا

زرقا! یہی ہے عقلِ مند کی پہچان
کہ بھیڑ میں بھی پہچان لے وہ الماس کی شان

29/10/2026

سیاہ بخت وہ نہیں جو ساری عمر ہجوم میں رہے اور کوئی اپنا نہ ہو بلکہ سیاہ بخت وہ ہے جو ہجوم میں رہتے ہوئے الماس پہچان نہ سکے

یہ جملہ دراصل انسانی بصیرت اور پہچان کی اہمیت پر گہری نظر ڈالتا ہے۔ اس کا مفہوم یہ ہے کہ بدقسمت وہ شخص نہیں جو عمر بھر بھیڑ میں رہے اور کوئی اس کا اپنا نہ بن سکا، بلکہ اصل بدقسمتی یہ ہے کہ انسان بھیڑ میں رہتے ہوئے بھی ہیرے جیسی قیمتی شخصیت یا موقع کو پہچان نہ سکے۔

اس جملے میں "ہجوم" سے مراد معاشرہ، محفل یا روزمرہ کی مصروفیات ہیں، جہاں انسان بے شمار لوگوں کے درمیان تو ہوتا ہے مگر حقیقی رشتوں اور قیمتی افراد کی قدر سے محروم رہتا ہے۔ "الماس" استعارہ ہے ان نیک، مخلص، باکردار اور قیمتی لوگوں یا مواقع کا، جو ہر جگہ نہیں ملتے اور جن کی پہچان کے لیے بصیرت، سمجھ بوجھ اور خلوصِ نظر ضروری ہے۔

انسان کی اصل خوش قسمتی یہ ہے کہ وہ بھیڑ میں بھی اپنے اردگرد موجود اچھے لوگوں، سچے رشتوں اور سنہری مواقع کو پہچانے اور ان کی قدر کرے۔ جو شخص ہجوم میں رہتے ہوئے بھی الماس کو نہ پہچان سکے، وہ درحقیقت زندگی کی سب سے بڑی نعمت سے محروم رہ جاتا ہے۔

خلاصہ یہ کہ زندگی میں کامیابی اور سکون کا راز لوگوں کی تعداد میں نہیں، بلکہ صحیح لوگوں کی پہچان اور ان سے سچے رشتے قائم کرنے میں ہے۔ بصیرت وہ نعمت ہے جو ہجوم میں بھی الماس کو چمکا دیتی ہے، اور یہی بصیرت انسان کو بدقسمتی سے نکال کر خوش قسمتی کی راہ دکھاتی ہے۔

ہجوم میں رہتے ہوئے دعویٰ نہ کر سکنا کہ کوئی ہمارا ہے یہ ہمارے سچے کھرے ہونے کی نشانی ہے یہ بات سب کو پہنچانی ہے

28/10/2026

بتاریخ : 28-10ـ2026
رپورٹ : ڈاکٹر زرقانسیم غالب
بمقام : قاسم علی شاہ فاؤنڈیشن
تقریب : غلام نہیں !! گوہر نایاب ہوں
مصنفہ : ڈاکٹر پونم نورین
صدارت : محترم کرامت بخاری
مہمان خصوصی : محترمہ سلمی اعوان
مہمان اعزاز : محترمہ مسرت کلانچوی
اظہار خیال : محترمہ سلمی اعوان، بلقیس ریاض، تسنیم کوثر، مسرت کلانچوی و ڈاکٹر زرقانسیم غالب
نقابت : عائشہ صاحبہ
مہمانان گرامی : محترمہ بلقیس ریاض، مسرت کلانچوی، تسنیم کوثر، ثوبیہ خان نیازی، سب کے نام زہن میں نہیں آرہے جیسے یاد آئے گا لکھ دوں گی
قاسم علی شاہ فاؤنڈیشن میں رکھی گئی تقاریب ایک خوبصورتی ہے وقت مقررہ پہ تقریب شروع ہوتی ہے اور وقت پر ہی اہتمام ہوتا ہے سو تقریب اپنے وقت مقرر پر شروع ہوئی نہایت مناسب تعداد میں کتاب پر اتنی خوبصورت گفتگو کی گئ ایک ایک شخصیت نے ڈاکٹر پونم نورین کی لکھی کتاب "غلام نہیں گوہر نایاب ہوں" پر مفصل اظہار خیال کیا اس وقت شائید بندی خدا اس طرح سے بیان نہ کر پائے جس طرح سے محبتوں کے پھول نچھاور کیے گئے اور کیوں نہ کیے جاتے ہماری پیاری مصنفہ نے اپنے تجربات کی روشنی جو کتاب میں سمو دی مجھے آپ کے مجازی خدا کا آپ کے بارے میں اظہار الفت ادا کرنا بہت پسند آیا عورت کی کامیابی وہی سے شروع ہو جاتی ہے جہاں اس کا ساتھی اس کی محنتوں محبتوں قربانیوں کا اعتراف خلوص دل سے سب کے سامنے کرے میرے خیال میں عورت یہی سے جیت جاتی ہے ڈاکٹر پونم نورین ایک بے مثال ماں بیوی بہن بیٹی اور مستند مصنفہ ہیں اکثر آپ کی تحاریر شاعری فیس بک پر نظر سے گزرتی رہتی ہے آپ زیرک نگاہی کا مظاہرہ کرتے ہو ئے لکھتی ہیں تقریب میں موجود ہر شخصیت نے آپ کے قلم کردار رویعے کو سراہا صدارتی کلمات میں محترم کرامت بخاری بہت کچھ کہنا چاہ رہے تھے وقت کی تنگ دامانی حائل ہوئی پھر بھی آپ نے عمدہ انداز میں بہت دل سے ڈاکٹر پونم نورین کی کتاب کو سراہا اور اسے نصاب میں شامل کرنے کی تجویز بھی پیش کی اس کے بعد چائے سموسے گلاب جامن و رس گلوں کے ساتھ تصویری مراحل بھی چلتے رہے قاسم علی شاہ صاحب بھی آگئے اور بڑے وسیع قلب و نظر کا مظاہرہ کرتے ہوئے سب کے ساتھ تصاویر بنوائیں اور یوں ایک خوبصورت تقریب اپنے احتیتام کو پہنچی
پونم جی آپ کا بے پناہ شکریہ جو تصاویر بروقت سینڈ کردیں رپورٹ لگانے میں تاخیر نہیں ہوتی
ادارہ زرقاپبلیکیشنز انٹرنیشنل، زرقا ہینڈی کرافٹس و دل سے دل تک ادبی آرٹ نگر کے تمام ممبران کی جانب سے ڈاکٹر پونم نورین کو اپنی نئی تخلیق پر ڈھیروں مبارکباد و دلی دعائیں آپ دنیائے ادب میں یونہی اپنا مقام بناتے ہوئے قلم سے دلوں پر راج کرتی رہیں آمین ۔۔

23/10/2026

@ ادبی تنظیم تخلیق کار انٹرنیشنل کے روح روح رواں ارحم روحان اپنی ادبی خدمات میں دل و جان سے پیش پیش ہیں ان کی ٹیم ممبر روشن چہرے کی شہزادی روبینہ شاہین بھی اپنا حق ادا کر رہی ہیں تخلیق کار کی جانب فائیو سٹار پروگرام شروع ہو جس کا پہلا پروگرام زرقاپبلیکیشنز انٹرنیشنل کے سٹال لاہور آرگینک ویلج ڈیفنس مین بلیوارڈ میں رکھا گیا اس پروگرام کے مہمان خصوصی محترم فیاض وردک ہمارے خان جی اور ڈاکٹر زرقانسیم غالب رہی ارحم روحان اور روبینہ شاہین نے اپنے اپنے ادبی فرائض بخوبی نبھائے بندی خدا کو میزبانی نصیب ہوئی اس پروگرام کی پانچویں ادبی شخصیت ڈاکٹر نگہت خورشید بھی تھی جو الحمرا میں ہونے والی ایک تقریب میں شمولیت کی وجہ سے آرگینک ویلج نہ آسکی انشاءاللہ نیکسٹ شامل ہوں گی اور شیلڈ میڈل سرٹیفیکیٹ و نادر کتب سے بندی خدا کو نوازہ گیا یہ لائف ٹائم اچیومنٹ ایوارڈ تخلیق کار انٹرنیشنل کی جانب سے ان کثیر ادبی شخصیات کو نوازا گیا جنہوں نے ادب میں اپنے قلم اور ادبی سرگرمیوں سے نام پیدا کیا میسج نہ پڑھنے کی وجہ سے اقبال اکیڈمی میں ہونے والی تخلیق کار انٹرنیشنل کی لائف اچیومنٹ ایوارڈ میں شرکت کرنے سے قاصر رہی تخلیق کار کے روح رواں نے بندی خدا کے ایوارڈ ادارہ زرقاپبلیکیشنز انٹرنیشنل کے سٹال پر آکر عزتوں سے نوازہ ارحم روحان کے لیے دلی دعا ہے جس طرح ادب میں اپنے حصہ کا دیا جلائے ہوئے اس کی روشنی سے اب ادب میں ان کا مقام خاص ہے روبینہ شاہین نام کی طرح اپنی شاہینی پرواز سے روشنی بکھیر رہی ہیں اور محترم فیاض ورگ ہمارے ادب کے سینئیر استاد شاعر ہیں آپ کا حسن اخلاق عاجزانہ مزاج اور خوبصورت انداز بیان آپ کو نمایا کرتا ہے آپ سے فیس بک پر شناسائی ہوئی اور وٹس اپ پر گفتگو اور آج کبھی نہ بھولنے والی خوبصورت ملاقات حسین یاد بن گئ اللہ یہ ادب کا کارواں یونہی رواں دواں رہے اور ہم سب اپنے اپنے حصہ کی روشنی سے ادب کو روشن و خوشبو سے معطر رکھیں آمین ثم آمین 🙏🤲

18/10/2026

باہر سے آئے ہوئے پھر چاہے شاعر ہوں یا نہ ہوں قلم کا میرٹ ہو یا نہ ہو انہیں بڑی عزت و توقیر سے نوازہ جاتا ہے بڑے ادب سے نام لیے جاتے ہیں بڑی بڑی شخصیات جھک جھک کر بات کرتے ہیں اب شاعر یا شاعرہ کوئی بھی ہے نام تو لگ گیا ہو ایس اے، یو کے، فرانس، اٹلی، آسٹریلیا، جرمن وغیرہ وغیرہ بندے کا کام ہو یا نہ ہو بڑھا بڑھا کر بتایا جائے گا اس کا کوئی کام ہو یا نہ ہو کاروائی پوری ڈالی جاتی ہے سارا ادب ہی وکیل بن چکا ہے کسی بھی طرح اسے عام سے خاص ادبی شخصیت بنانے میں اسی سے پیسے لے کر خوب قلابے الاپے جائیں گے ساتھ لگ لگ کر تصویریں بنائی جائیں گی جو ملک میں مقیم ہیں پھر چاہے وہ جتنی مرضی عزت دیں جتنی مرضی محنت کر رہے ہوں جتنا مرضی میرٹ کے ہوں اس پر ان کی حمایت والا کوئی نہ ہو کسی سے کوئی ایسا رشتہ استوار نہ ہو جس سے ناصرف مزہب پر بات بنے انسانیت سے گرے ہوئے کام ہوں اسے فراموش کیا جاتا ہے نمود و نمائش نے اتنا گھنا تاریک سایہ پھیلا دیا ہے ہر کوئی اس سائے میں کالا ہوتا جا رہا ہے سچ کی روشنی کھا گیا یہ اندھیرا حق کی بات ناپید ہوگئ جن لوگوں کے کبھی نہ کلام سننے تو دور نظر سے بھی نہ گزرے کبھی حوالے تک نہ ملے یکدم باہر سے آئے ہوئے شاعر ہیں یا شاعرہ سٹیج کی زینت بن جاتے ہیں بڑے اہتمام سے تقاریب رکھی جاتی ہیں اور ان کی کتاب کا ایسے ذکر ہوتا ہے جیسے وہ قران ہو استغفرللہ ناصرف کتاب کا ذکر ان کی شان میں قصیدے پڑھے جاتے ہیں اللہ کیا ہوگیا ہے ہمارے ادب کو مجھے بھی باہر جانا ہے اب خود کو منوانا ہے ہاہاہاہاہا
انہی سب باتوں کو دیکھتے ہوئے بندی خدا کہتی ہے
ادب میں بڑے ادب سے
ادب کی بے ادبیاں ہورہی ہیں
میں یہ نہیں کہتی کہ سارے ایسے ہی ہوتے ہیں بہت سے ہمارے شاعر اور شاعرات میرٹ کے ہیں اور سچ میں قلم کے بندھن سے واقف ہیں ان کے اعزاز میں ایسا نہیں ہوتا بہت کم دیکھنے میں آیا انہیں پزیرائی دی گئی لیکن زیادہ تر جو دیکھنے میں آرہا ہے وہ یہی سب چل رہا ہے اللہ ہمیں حق سچ راہ پہ چلائے کچھ آخرت کی فکر بھی ہو کچھ سچ بولنے کی توفیق بھی کچھ فتنہ گروں حاسدین کی سنی سنائی باتوں میں آکر کسی مخلص کو فراموش نہ کیا جائے اللہ ہمیں ایسا بنا دے جیسا تو پسند فرماتا ہے آمین