19/10/2026
မတရားဖမ်းဆီးချုပ်နှောင်ထားသည့် ဒေါ်အောင်ဆန်းစုကြည်ထံသို့ ဗြိတိန်နိုင်ငံ၊ ချားလ်စ်ဘုရင်က ပေးပို့သည့် စာအုပ်၂ အုပ်နှင့် စာအိတ်များကို စစ်တပ်အရာရှိ ၂ ဦးက သွားရောက်ပေးပို့၊သတင်းထုတ်ပြန်ရာတွင်လည်း အကြမ်းဖက် ခိုင်ခိုင်စိုးက ရိုင်းစိုင်းစွာသုံးနှုန်းထုတ်ပြန်
ရန်ကုန်၊ အောက်တိုဘာ ၁၉
မတရားဖမ်းဆီးချုပ်နှောင်ထားသည့် နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ထံသို့ ဗြိတိန် နိုင်ငံ၊ ချားလ်ဘုရင်ကပေးပို့သည့် စာအုပ် ၂ အုပ်နှင့်စာအိတ်များကို စစ်တပ်အရာရှိ ၂ ဦးက သွားရောက် ပေးပို့ခဲ့ကြောင်း စစ်ကောင်စီပြောခွင့်ရ ပုဂ္ဂိုလ် ခိုင်ခိုင်စိုးက ထုတ်ပြန်သည်။
ယနေ့အောက်တိုဘာလ ၁၉ ရက် နံနက် ၁၀ နာရီ ၄၀ မိနစ်မှ ၁၀ နာရီ ၅၀ မိနစ်အထိ ပြည်ထဲရေး ဝန် ကြီးဌာန တာဝန်ရှိသူများက နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ထံသို့ သွားရောက် တွေ့ဆုံကာ ဗြိတိန်နိုင်ငံ၊ တတိယမြောက် ချားစ်ဘုရင်က ပေးပို့သည့် စာအုပ် ၂ အုပ် (The Land Garderners – Soil to Table နှင့် Soil The World at Our Feet) အိတ်ပိတ်စာအိတ် ၁ အိတ်နှင့် သံ တမန်အိတ်ပိတ်စာတို့အား ပေးအပ်ခဲ့ကြောင်း သိရသည်။
“ချားလ်ဘုရင်ကပေးပို့တဲ့ စာအုပ် ၂ အုပ်နဲ့ အိတ်ပိတ်စာသွားပေးတယ်ဆိုပြီး ထုတ်ပြန်ထားတယ်။ သူတို့ က ပြည်ထဲရေးဝန်ကြီးဌာနကလို့ ပြောပေမယ့် တကယ့်တကယ်က စစ်တပ်ကအဖွဲ့ပါပဲ။ ဒါပေမယ့် ပြည် ထဲရေးလက်အောက်ခံ သတင်းရဲတပ်ဖွဲ့မှူးတော့ပါတာပေါ့၊ အဲဒီလိုတော့ သိထားရပါတယ်” ဟု CDM ဗိုလ်ကြီးဇင်ယော်က ရန်ကုန်ခေတ်သစ်သတင်း ဌာနထံသို့ ပြောကြားသည်။
နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ထံသို့ သွားရောက်တွေ့ဆုံသူများမှာ စစ်ဖက်ရေးရာ လုံခြုံရေးတပ်ဖွဲ့မှ တန်ပြန်ဌာနမှူးကြီး ဗိုလ်မှူးချုပ် သန့်ဇော်နှင့် ပြည်ထဲရေးဝန်ကြီးဌာန၊ လက်အောက် ခံ သတင်းရဲတပ်ဖွဲ့မှူး ရဲမှူးချုပ် လှိုင်မင်းတို့ဖြစ်ကြောင်း သိရသည်။
ယင်းသို့ပေးပို့သည်အကြောင်းထုတ်ပြန်ရာတွင်လည်း စစ်ကောင်စီပြောခွင့်ရ ပုဂ္ဂိုလ် အကြမ်းဖက် ခိုင်ခိုင်စိုးက "ဒေါ်စုကြည်"ဟု ရိုင်းစိုင်းစွာ သုံးနှုန်းထုတ်ပြန်ခဲ့သည်။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ထံသို့ ပေးပို့ခဲ့သည့် စာအုပ်များမှာ သဘာဝပတ် ဝန်းကျင်နှင့် မပျက်စီးသော စိုက်ပျိုးရေးစနစ်များ၊ မြေဆီလွှာ ကျန်း မာရေးသဘာဝအတိုင်း အားကောင်း အောင် ဖန်တီးပုံ၊ ဓာတုဗေဒ ကင်းလွတ်သည့် သဘာဝမြေဩဇာပြုလုပ်ပုံများနှင့် မြေဆီလွှာမှတဆင့် အ ရည်အသွေးမြင့် သဘာဝအစားအစာများ အဆင့်ဆင့် ထုတ်လုပ်ပုံအကြောင်း၊ ကမ္ဘာ့ဂေဟစနစ်နှင့် လူ သားတို့၏ သက်ရှိ ရပ်တည်မှုအတွက် မြေဆီလွှာအရေးပါပုံ၊ မြေဆီလွှာအတွင်းရှိ ဇီဝမျိုးကွဲများနှင့် သ ဘာဝပတ်ဝန်းကျင် ထိန်းသိမ်းရေးဆိုင်ရာ အသိပညာများကို အခြေခံကျကျ ဖော်ပြထားသည့် စာအုပ်များ ဖြစ်ကြောင်း သိရသည်။
ပြီးခဲ့သည့် ဩဂုတ် ၃ ရက်ကလည်း အပြည်ပြည်ဆိုင်ရာ ကြက်ခြေနီကော်မတီ (ICRC) က ဒေါ်အောင် ဆန်းစုကြည်ထံ သွားရောက် တွေ့ဆုံခဲ့ကြောင်း စစ်ကောင်စီနှင့်အတူ ICRC တို့က ထုတ်ပြန်ခဲ့သည်။
လက်ရှိတွင် ဒေါ်အောင်ဆန်းစုကြည် လွတ်မြောက်ရေးအတွက် သားဖြစ်သူ ကင်မ်အဲရစ် (ခေါ်) ကိုထိန် လင်းက ဦးဆောင်၍ လှုပ်ရှားမှုများ ပြုလုပ်နေသလို မိခင်ဖြစ်သူနှင့် တွေ့ဆုံခွင့်ပေးရေးအတွက်လည်း တောင်းဆိုလျက် ရှိသည်။
