18/10/2026
တရားဝင် ကန့်ကွက်ကြောင်း ထုတ်ပြန်ချက် (4)ချက်
**************************************
ထိုင်းရောက်လုပ်သားများ ဒီ Post လေးကို
အထူးလေ့လာကြဖို့မေတ္တာရပ်ခံ စာတွေ
လေ့လာဖို့အချိန်မရှိပေမဲ့တကာ်လိုအပ်တဲ့အခါစာဖက်တဲ့အကျိုးတွေကတစ်ဦတယောက်မှတနိုင်ငံလုံးအတွအကျိုးဖြစ်စေပါတယ်
ထိုင်းနိုင်ငံ ညှိနိီုင်ရေးကော်မတီ ( MMWRCCT )မှ CI-စာအုပ်ကိုမလုပ်ဖို့ပန်းရောင်းကဒ်နှင့်အလုပ်ပါမစ်ဖြင့်လုပ်ခွင့်ပြုပေးပါတောင်းဆိုချက်
တွေကို တချို့သောပြည်သူတွေကလိုက်ပါ
ပူးပေါင်းမှုမရှိသည့်အပြင် မဖြစ်နိုင်ပါဘူး
သူများနိုင်ငံမှနေရတာ ဒီလိုအထောက်အထားမရှိရင်ဘယ်လိုရပ်တည်မလဲအတွေးဝင်နေကြတဲ့လုပ်သားများအောက်ပါဥပဒေအကြောင်းဖက်ပါ မှတ်ပါလေ့လာပါ
ထိုင်းနိုင်ငံရှိ မြန်မာရွှေ့ပြောင်လုပ်သားများအပေါ်နှစ်ထပ်အခွန်ကောက်ခံခြင်း၊ ငွေကြေးခြိမ်းခြောက်ငွေတောင်းခြင်းနှင့် ခေါင်းပုံဖြတ်ခြင်းတို့အား ကန့်ကွက်ခြင်းဖြစ်ပါတယ်
ထိုင်းနိုင်ငံတွင် နေထိုင်ပြီး အလုပ်လုပ်ကိုင်နေကြသော မြန်မာရွှေ့ပြောင်းလုပ်သားများထံမှ နိုင်ငံတော်စီမံအုပ်ချုပ်ရေးကောင်စီ (မြန်မာစစ်ကောင်စီ) က ဝင်ငွေခွန် ၂% နှင့် မိသားစုလွှဲပြောင်းငွေ ၂၅% ကို မဖြစ်မနေ လွှဲပြောင်းရမည်ဟု ဖိအားပေးကောက်ခံနေခြင်းအပေါ် ကျွန်ုပ်တို့မှ ပြင်းထန်စွာ ကန့်ကွက်ရှုတ်ချပါသည်။
ယင်းသို့ ကောက်ခံရာတွင် နိုင်ငံကူးလက်မှတ် (Passport) နှင့် မည်သူမည်ဝါဖြစ်ကြောင်း သက်သေခံလက်မှတ် (CI) သက်တမ်းတိုးပေးခြင်းကို အဓိက လက်နက်သဖွယ် အသုံးပြု၍ လုပ်သားတစ်ဦးလျှင် ဘတ် (2660 ) ဘတ်အတည်ပြုချက်အပြင် ထိုင်းဘတ်ငွေ
လုပ်ပ်သားတစ်ဦး မူရင်းနေထိုင်ခွင့် သက်တမ်းကုန်ဆုံးချိန်ကာလအတွင်းထိုင်းဘတ်(6000 )ထက်မက မတရားတောင်းခံနေသဖြင့် ရွှေ့ပြောင်းလုပ်သားများမှာ အလွန်တရာ အခက်အခဲ
ကြုံတွေ့နေရပါသည်။
ထို့အပြင် ယခုကဲ့သို့ အဓမ္မကောက်ခံရရှိသော ငွေကြေးများကို မြန်မာနိုင်ငံအတွင်းရှိ ပြည်သူများအား လေကြောင်းမှ ဗုံးကြဲတိုက်ခိုက်ခြင်းနှင့် သတ်ဖြတ်ခြင်းအပါအဝင် စစ်ရေးဆိုင်ရာ ကိစ္စများတွင် ဘဏ္ဍာငွေအဖြစ် အသုံးပြုနေပါသည်။
အပြည်ပြည်ဆိုင်ရာ အခွန်ဥပဒေနှင့် နှစ်ထပ်အခွန်ရှောင်ရှားရေး သဘောတူစာချုပ် (DTA) ကို ချိုးဖောက်ခြင်း
မြန်မာစစ်ကောင်စီ၏ လုပ်ဆောင်ချက်သည် ထိုင်း-မြန်မာ နှစ်ထပ်အခွန်ရှောင်ရှားရေး သဘောတူစာချုပ်
Double Tax Agreement (သို့) Double Taxation Avoidance Agreement - DTAA) ကို "နှစ်ထပ်အခွန် ရှောင်ရှားရေး သဘောတူစာချုပ်" ကိုချိုးဖေါက်တဲ့အတွက် အခုလိုဆန္ဒဖော်ထုတ်ရတာဖြစ်ပါတယ်၊
(DTA) နှင့် ထိုင်းနိုင်ငံ၏ အခွန်ဆိုင်ရာ ဥပဒေများကို ထင်ရှားစွာ ချိုးဖောက်နေပါသည်။
အပိုဒ် (၁၅) အား ချိုးဖောက်ခြင်း (ဝန်ထမ်းများ၏ လုပ်ခလစာ ဝင်ငွေ) - လုပ်ခလစာနှင့် အလုပ်လုပ်ကိုင်ခြင်းမှ ရရှိသော ဝင်ငွေများအပေါ် အခွန်ကောက်ခံပိုင်ခွင့်သည် အမှန်တကယ် သွားရောက်အလုပ်လုပ်ကိုင်သည့် နိုင်ငံ (ထိုင်းနိုင်ငံ) တွင်သာ သီးသန့်ရှိကြောင်း ပြဋ္ဌာန်းထားသည်။
အပိုဒ် (၂၃) အား ချိုးဖောက်ခြင်း (နှစ်ထပ်အခွန် ကောက်ခံမှုကို ဖျက်သိမ်းခြင်း)
မူရင်းနိုင်ငံမှ အခွန်ကောက်ခံပိုင်ခွင့်ရှိသည်ကိုလုပ်သားများမှသဘောတူထားပါသည်၊
လုပ်သားများနှစ်ရှည်နေထိုင်ဒေသတွင်းဥပဒေအရ ပေးဆောင်ခဲ့ပြီးသောအခွန်များ သို့မဟုတ် ကင်းလွတ်ခွင့်ရရှိထားသော အခွန်များအတွက်
" Tax Credit "(အခွန်ခုနှိမ်ခွင့်) သို့မဟုတ် အပြည့်အဝ ကင်းလွတ်ခွင့် ပေးရမည်ဟုတရားဝင်
ရှိနေပါလျှက်နှင့်
ထိုင်းနိုင်ငံ အခွန်ဥပဒေ ပုဒ်မ ၄၁ ကို ချိုးဖောက်ခြင်း - ထိုင်းဥပဒေအရ တစ်နှစ်လျှင် အသားတင်ဝင်ငွေ ဘတ် "၁၅၀,၀၀၀" မကျော်လွန်သော ပုဂ္ဂိုလ်များကို အခွန်ကင်းလွတ်ခွင့် ပေးထားသည်။
မြန်မာစစ်ကောင်စီက ထိုင်းဥပဒေပါ အခွန်ကင်းလွတ်ခွင့်များကို ထည့်သွင်းစဉ်းစားခြင်းမရှိဘဲ ၂% အခွန်ကောက်ခံခြင်းသည် နှစ်ထပ်အခွန် ကောက်ခံခြင်းဖြစ်ပြီး ထိုင်းဥပဒေ၏ လုပ်သားအကာအကွယ်ပေးရေး ရည်ရွယ်ချက်ကို ဖျက်ဆီးရာရောက်သည်။
အပြည်ပြည်ဆိုင်ရာ အလုပ်သမား စံချိန်စံညွှန်းများနှင့် လူ့အခွင့်အရေးဆိုင်ရာ စံနှုန်းများကို
ချိုးဖောက်ခြင်း၊
အပြည်ပြည်ဆိုင်ရာ အလုပ်သမားအဖွဲ့ချုပ် ညီလာခံ သဘောတူစာချုပ် အမှတ် ၉၅ (ILO Convention No. 95) - အပိုဒ် (၈) - လုပ်သားများ၏ မရှိမဖြစ်
မူလစားဝတ်နေရေးကို ထိခိုက်စေသည့်
မတရားသော လုပ်ခလစာ ဖြတ်တောက်မှုများကို တားမြစ်ထားသည်။
ILO သဘောတူစာချုပ် အမှတ် ၉၇ နှင့် ၁၄၃ - ရွှေ့ပြောင်းလုပ်သားများအား ခေါင်းပုံဖြတ်ခံရမှု မရှိစေဘဲ တန်းတူညီမျှ စောင့်ရှောက်မှုနှင့် ဆက်ဆံမှု ရရှိစေရမည်၊
ကုလသမဂ္ဂ ရွှေ့ပြောင်းလုပ်သားများနှင့် မိသားစုဝင်များ၏ အခွင့်အရေး ကာကွယ်ရေး သဘောတူစာချုပ် (UN ICRMW) - သံရုံးများ သို့မဟုတ် အစိုးရဌာနများအနေဖြင့် အထောက်အထား စာရွက်စာတမ်း ထုတ်ပေးခြင်းကို လာဘ်ပေးလာဘ်ယူ ပြုလုပ်ရန်နှင့် ငွေကြေးခြိမ်းခြောက် တောင်းခံရန်အတွက် အခွင့်အရေးယူ အသုံးချခြင်းကို တားမြစ်ထားသည်၊
တောင်းဆိုချက်များတွေအားလုံးက
အလုပ်သမားများအနေဖြင့် ထိုင်းအစိုးရ၊ အပြည်ပြည်ဆိုင်ရာ အလုပ်သမားအဖွဲ့ချုပ် (ILO) နှင့် အပြည်ပြည်ဆိုင်ရာ လူ့အခွင့်အရေး အဖွဲ့အစည်းများအား ယခုကဲ့သို့ တရားမဝင် အခွန်ကောက်ခံခြင်းနှင့် ငွေကြေးခြိမ်းခြောက် တောင်းခံခြင်းများကို စုပေါင်းငြင်းပယ်ကြပါရန် အရေးတကြီး တောင်းဆိုအပ်ပါသည်။
ထို့အပြင် ထိုင်းနိုင်ငံရှိ မြန်မာရွှေ့ပြောင်းလုပ်သားများ၏ အခွင့်အရေးနှင့် တရားဝင် ရပ်တည်ခွင့်များကို တရားမျှတစွာ ကာကွယ်ပေးနိုင်ရေးအတွက် စာရွက်စာတမ်းဆိုင်ရာ သက်ညှာဖြေလျှော့ပေးသည့် မူဝါဒများကိုလည်း စဉ်းစားဆောင်ရွက်ပေးပါရန် တောင်းဆိုအပ်ပါသည်။
(18-10-2026)SUNDAY
