The library of dream

စာအုပ်များကို ထိုင်းနိုင်ငံမည်သည့်နေရာမဆို ပို့ခfree အိမ်ရောက်ငွေချေနဲ့ပို့ပေးပါတယ်ရှင့်...📚🌷
(2)

08/11/2026

ဒီကမ္ဘာပေါ်မှာ ပျော်ရွှင်မှုနှစ်မျိုး ရှိတယ်တဲ့...

တစ်မျိုးက
စိတ်ပါလက်ပါ ရယ်မောပျော်ရွှင်နိုင်ခြင်းဖြစ်ပြီး

နောက်တစ်မျိုးက
ညဘက်မှာ နှစ်နှစ်ခြိုက်ခြိုက် အိပ်ပျော်နိုင်ခြင်းဖြစ်တယ်။

“ပျော်ရွှင်စွာ ရယ်မောနိုင်ခြင်း” က
နေ့ဘက်ကပေးတဲ့ လက်ဆောင်တစ်ခုဖြစ်တယ်။

“ကောင်းကောင်းအိပ်ပျော်နိုင်ခြင်း” က
ညအမှောင်က ပေးတဲ့
စိတ်အေးချမ်းမှုနဲ့ ကုစားမှုတစ်ခုဖြစ်တယ်။

ဘဝကို တင်းကျပ်နေအောင်
ဖြတ်သန်းစရာ မလိုပါဘူး။
စိတ်အေးချမ်းပြီး သက်သောင့်သက်သာရှိရင်
လုံလောက်ပါပြီ။

ဒီပျော်ရွှင်မှုနှစ်မျိုးလုံးကို
ပိုင်ဆိုင်နိုင်ပါစေနော်...

အားလုံး ဂွတ်နိုက် ... 🌓

💌
#နိုင်းနိုင်းစနေ

08/11/2026

ဒီစာအုပ်က ထူးခြားတယ်။
အတွင်းစွဲ Introverts တွေဘက်က လူ့အဖွဲ့အစည်းကို စိန်ခေါ်ထားတဲ့ စာအုပ်...

Extroverts (လူပေါ်လူဇော်) တွေကိုပဲ ခင်ဗျားတို့ အဟုတ်ထင်မနေနဲ့ ၊ ငြိမ်ငြိမ်သက်သက်နေတတ်တဲ့
Introverts (ငြိမ်သက်သူ) တွေမှာလည်း ကိုယ်ပိုင်အစွမ်းအစတွေ ဒုနဲ့ဒေးဆိုတာ တည့်တည့်ကြီး ပြောလိုက်တဲ့ စာအုပ်။

ကမ္ဘာမှာ ချီးကျူးမှုတွေ သောသောညံသွားတယ်
အတွေး တော်လှန်ရေးတရပ်လို့တောင် တင်စားခံရတယ်။

'မိတ္တဗလ' ဆိုတဲ့ လူပေါင်းဆံ့ရေးဟာ ကျွန်တော်တို့ ခင်ဗျားတို့ လူအဖွဲ့အစည်းကို အရိုးစွဲ လွှမ်းမိုးထားတဲ့ အတွေး..
တိတိကျကျ ပြောရရင်~
၂၀ ရာစုအစ မြို့ကြီးပြကြီးတွေ စက်ရုံ အလုပ်ရုံတွေ တိုးပွားလာမှုကနေ ဒီလွှမ်းမိုးမှုက ကျယ်ပြန့်လာတယ်။

အဓိက ဇစ်မြစ်အတွေးက
'မြင်တာနဲ့ လူအထင်ကြီးရမယ်'..
'လူပေါ် လူဇော် ဖြစ်ရမယ်'။
ဒါ ခင်ဗျားတို့သိတဲ့ ဒေးလ်ကာနယ်ဂျီပေါ့
(ဦးနုရဲ့ မိတ္တဗလဋီကာပေါ့)

ဒီတော့ ... လူပေါ် လူဇော် Extroverts တွေက ကိုယ်ရည်ကိုယ်သွေး တဆင့် ပိုမြင့်သူတွေလို့ လူ့အဖွဲ့အစည်းမှာ သတ်မှတ်ခံလာရတယ်။

ငြိမ်သက်တိုးတိတ်သူ introverts တွေကို အရည်အသွေးနိမ့်သူတွေလို့ သတ်မှတ်ချင်လာတယ် 'ဘေးလူ' လို့တောင် သတ်မှတ်ချင်လာကြတယ်...

ဝေးဝေး မကြည့်နဲ့.. ကလေးတွေကိုကြည့်။
စကားတပြောပြောနဲ့ တက်တက်ကြွကြွနေတဲ့ ကလေးကို 'ဟယ် တော်လိုက်တဲ့ ကလေး'လို့ တဖွဖွ ချီုးကျူးနေချိန်မှာ ...

တစ်ယောက်ထဲ ငြိမ်ငြိမ်ကုပ်ကုပ်နေပြီး တစ်စုံတစ်ခုအပေါ် အာရုံစိုက်နေတတ်တဲ့ စကားနည်းတဲ့ကလေးဆီမှာ အားမလို အားမရမှုကို ပိုခံရတယ်..

ဒါကို ခင်ဗျား မငြင်းနဲ့။
လူ့အဖွဲ့အစည်းရဲ့ စံလွဲချော်မှုက ဒီကစတယ်

Extroverts တွေနဲ့ Introverts တွေမှာ
ပုံစံမတူတဲ့ ကိုယ်ရည်ကိုယ်သွေးကိုယ်စီရှိတယ်

တစ်ယောက်က အာရုံလှုံ့ဆော်မှုတွေကိုကြိုက်တယ်
စကားများများပြောတယ် လူများများကြားသွားတယ်..

တစ်ယောက်က ငြိမ်သက်တီထွင်ဖန်တီးမှုကို ကြိုက်တယ်၊ အာရုံစူးစိုက်တယ်၊ စနစ်တကျ အသေးစိတ်ပုံဖော်တယ် လူများများကြားမှာ မောဟိုက်တယ်။

Steve Job က ငြိမ်သက်သူတစ်ယောက်
introverts အတွင်းစွဲ အိုင်းစတိုင်းက ငြိမ်သက်သူတစ်ယောက် ဂန္ဒီဟာ ငြိမ်သက်သူတစ်ယောက်
သူတို့ပြောင်းလဲပေးခဲ့တဲ့ ကမ္ဘာကို ခင်ဗျား သိတယ်..

ထပ်သိအောင် ဒီစာအုပ်က ခင်ဗျားကို
တွင်တွင်ကျယ်ကျယ် ပြောပြလိမ့်မယ်..

ဒီစာအုပ်က သုတေသနပြုချက်တွေအများကြီးနဲ့ တဖက်စောင်းနင်း လက်ခံထားမှုကြီးကို မျှခြေပြန်တည့်အောင် ကြိုးစားထားတယ်..

အတွင်းစွဲ ငြိမ်သက်သူတွေရဲ့ တန်ဖိုးကို
နားလည်သဘောပေါက်စေပြီး ကိုယ့်ရဲ့ ကိုယ်ရည်ကိုယ်သွေး 'အစစ်'အတိုင်း ရှင်သန်နေထိုင်တတ်ဖို့ တိုက်တွန်းထားတယ်။

#ငြိမ်သက်ခြင်း
#မောရိသျှ

08/11/2026

ကိုယ့်ပျော်ရွှင်မှုကို သူများအပေါ်
မှီခိုလိုက်မိတဲ့နေ့ကစပြီး ကိုယ်က
သူကြိုးဆွဲရာကို က တဲ့ ရုပ်သေးရုပ်တစ်ရုပ်
ဖြစ်သွားတော့တာပဲ ။

သူဂရုစိုက်ရင်ပျော်ပြီး သူပစ်ထားရင်
ကိုယ့်မှာ ကမ္ဘာပျက်ရတယ် ။
ကိုယ့်စိတ်အလုံးစုံကို သူ့အပေါ် မှီခိုလိုက်တဲ့အခါ
စိတ်ပျက် ဝမ်းနည်း အားငယ် စရာတွေနဲ့
ပြည့်နက်သွားတယ် ။

သူ့လျစ်လျှူရှု့မှုနဲ့ ဖြတ်သန်းရတဲ့အချိန်မှာ
ဘဝဟာ နေပျော်စရာနေရာ
မဟုတ်ဘူးလို့ ခံယူမိလာတယ် ။
ကိုယ့်ကိုယ်ကိုထက် သူ့ကို ဦးစားပေးခဲ့တယ် ။

ဒါဟာ မှန်သလား မှားသလား ၊ တန်သလား မတန်ဘူးလား မဆုံးဖြတ်တတ်ခင် ကိုယ့်ထက်သူ့ကို ပိုမြတ်နိုးခဲ့တယ် ။

ဘယ်လောက်ပဲ ပေးဆပ်ချစ်ခဲ့ခဲ့
သူလိုအပ်တာ ကိုယ် မဟုတ်တဲ့အခါ
ဒဏ်ရာတွေနဲ့ ကျန်ခဲ့တာ ကိုယ်ပဲ ဖြစ်ခဲ့တယ် ။

ဘယ်လောက်အထိ ရူးမိုက်သလဲဆိုတော့
မချစ်တော့လို့စွန့်ပစ်ခဲ့တဲ့သူတစ်ယောက်ဆီကို
သနားစိတ်နဲ့ ငဲ့ညှာမလားဆိုတဲ့ မျှော်လင့်ချက်
အမျှင်တန်းလေးနဲ့ တငိုငို တရယ်ရယ်...
အဲဒီအရာကို ဆက်အရောင်တင်ခဲ့တယ် ။

နောက်ဆုံးအထိ ကိုယ်ဟာ
သူ့အတွက်ဖြစ်ခဲ့ပေမယ့် သူကတော့
ကိုယ့်အတွက် မဖြစ်ခဲ့ဘူး ။

ကိုယ့်ကိုယ်ကိုထက် သူစိမ်းလူကို ပိုချစ်လိုက်တာဟာ
ကိုယ့်ကိုသတ်ဖို့ဓားကို ကိုယ်တိုင်သွေးနေတာနဲ့တူတယ် ။

အချိန်ကြာလေလေ ကိုယ့်အတွက် အန္တရာယ်ပိုကြီးလေပဲ

ဒါကိုသိသိကြီးနဲ့ မေ့ထားလိုက်ရင်
ကိုယ့်ဘဝဟာ အဖက်ဆယ်မရအောင်
ရေစုန်မျှောနေပါလိမ့်မယ် ။
တချို့အသိတရားတွေက ကိုယ်တိုင်တွေးမှ ၊
ကိုယ်က လက်ခံမှ အမှားအမှန် ကွဲပြားသိလာရတာ ။

ကိုယ်လျှောက်နေတဲ့လမ်းကိုလည်း မှားလား ၊
မှန်လား အမြဲသုံးသပ်နိုင်ရမယ် ။

ရပ်သင့်ပြီထင်တဲ့နေရာမှာ ရပ်လိုက်ခြင်းနဲ့ ကိုယ့်တန်ဖိုးကို ကိုယ်မြှင့်တင်ပါ ။

#သက်ထားခင်(THK)
#တစ်ကပြန်စလိုပါသည်

08/11/2026

"စိန်ပန်းပင်ဟာတော်ဝင်ပန်းမဟုတ်ဘူး
သူ့ကိုဘယ်သူကမှခေါင်းမှာမဆင်ဘူး
ဒါပေမယ့်သူကသစ္စာရှိစွာပွင့်တယ်
လောကကိုနှိမ့်ချစွာနဲ့အလှဆင်တယ်"

ပန်းနှင့်ပိုက်ဆံ၊ ပိုက်ဆံနှင့်ပန်း
ဘာဆိုင်သနည်း
စိန်ပန်းကဲ့သို့ရောင်းမရသောပန်းကို
မလှဟုဆိုမည်လော။

#မေတ္တာများနဲ့စိန်ပန်းနီနီ

05/11/2026

ပျော်ရွှင်ဖို့ မထိုက်တန်ဘူးလို့
မင်းကို ဘယ်သူပြောလဲ

ခက်ခက်ခဲခဲကြိုးစားပြီး ရှင်သန်နေရတဲ့မင်းက
အများကြီးအချစ်ခံသင့်တဲ့ ကလေးတစ်ယောက်ပဲလေ...

ကြောက်ရွံ့ရင်းနဲ့တောင်မှ ရှေ့ကိုဆက်ခဲ့တဲ့ မင်းက
မင်းထင်ထားတာထက် အများကြီးပိုသန်မာပါတယ် ။

#ဝေလငါးပြာလေးသို့ပေးစာ

02/11/2026

နှလုံးသားနောက်ကို ၊ ခံစားချက်နောက်ကို လိုက်မယ် ဆိုပြီး ကိုယ်လုပ်ခဲ့သမျှ အပျက်အစီးတွေကို လှည့်မကြည့်ဘဲ အေးအေးဆေးဆေး ဘယ်လိုများ မေ့လိုက်ကြသလဲ။

အဲဒီလို လူတွေကို လုံးဝနားမလည်ဘူး ။
နှလုံးသားနဲ့ဆုံးဖြတ်တာ ကောင်းတယ်...လို့
ပြောခဲ့တာ ဘယ်သူတွေလဲ ။
ဒါ..တစ်ကိုယ်ကောင်းစိတ် သက်သက်ပဲ ။
တစ်ကိုယ်ကောင်း အဆန်ဆုံး စိတ်ဓာတ်ပဲ ။

တစ်ခါတလေ ကျွန်မတွေးမိတယ်။
အဓိပ္ပာယ်ရှိတဲ့ အထိအတွေ့မျိုး
မခံစားရတာ ဘယ်လောက်ကြာသွားပြီလဲ ။
ဒီအတိုင်း ပွေ့ဖက်လိုက်တာပဲဖြစ်ဖြစ်
လက်ဖဝါးတွေကို ချစ်ခြင်းနဲ့ ဆုပ်ကိုင်လိုက်တာပဲဖြစ်ဖြစ်

“ ဒီတစ်ပတ် ရုံးပိတ်ရက်က တော်တော်သာယာမယ်ဆိုပဲ
အားလုံးက ပြောနေကြတယ်
နေသာမယ် ၊ တိမ်ကင်းစင်မယ်တဲ့ ။

နေသာလည်း ၊ တိမ်ကင်းစင်နေလည်း
ကျွန်မဘေးမှာ ဘယ်သူမှ မရှိဘူး ။
ဘာမှ လုပ်စရာ မရှိဘူး ။
ကျွန်မအတွက် ဒီလိုနေရတာ.. အခုလို ဖြစ်နေရတာ..
နွေရာသီမှာ ပိုခက်တယ် ။

လင်းနေတဲ့ နေရောင်ကြောင့်
ပြေးပုန်းစရာ အမှောင် မရှိဘူး ။

လူတွေအားလုံး အပြင်ကိုထွက်
ပိုးစိုးပက်စက် ပျော်နေကြ ။
ကြည့်ရတာ မောလိုက်တာ ။

ပျော်တဲ့အထဲ ကိုယ်မပါတော့ ပိုဆိုးတယ် ။ ”

#ရထားပေါ်ကမိန်းကလေး.
#ချမ်းမြေ့ဝင်း

02/11/2026

မြစ်တစ်စင်းဟာ ကမ်းနှစ်ခုအကြားမှာ စီးဆင်းနေလို့ သာ
ပင်လယ်ဆီကို ရောက်နိုင်တာပါ။ ဘေးတစ်ဖက်စီမှာ
ကမ်းမရှိတဲ့အခါ ရေပြင်ကျယ် ဖြစ်သွားနိုင်ပေမဲ့
ဦးတည်ရာ ဦးတည်ချက်တော့ ရှိနေမှာ မဟုတ်ပါဘူး။ လူ့ ဘဝဟာလဲ ဒီအတိုင်းပါပဲ။ ကိုယ့်ကိုယ်ကိုယ် ထိန်းသိမ်း တဲ့ စည်းကမ်း၊ ကိုယ့်ဘဝကို လမ်းကြောင်းမှန်ပေါ်ထိန်း ပေးတဲ့ စည်းကမ်း ရှိနေမှသာ ကိုယ်သွားချင်တဲ့ ပန်းတိုင် ဆီ မယိမ်းမယိုင်ဘဲ အရောက်လှမ်းနိုင်မှာပါ။

'ပျော်ရွှင်မှု' ဆိုတာ အရာအားလုံးကို ပိုင်ဆိုင်လိုက်တဲ့အခါ မှ ရရှိမဲ့ ဆုလာဘ်တစ်ခု မဟုတ်ပါဘူး။ ကိုယ့်မှာရှိပြီး သား အရာတွေကို တန်ဖိုးထားတတ်ခြင်း၊ လိုချင်မှုနဲ့ လိုအပ်မှုကို ခွဲခြားသိမြင်ခြင်း၊ ဘဝကို ဟန်ချက်ညီညီ ရွေးချယ်နေထိုင်ခြင်းတို့ကနေ တဖြည်းဖြည်း ပေါက်ဖွား လာတဲ့ စိတ်အခြေအနေတစ်ခု၊ ဘဝနေထိုင်မှုပုံစံတစ်ခု ဖြစ်ပါတယ်။

စာရေးသူ အက်ရှာ (Asher) ရဲ့ ‘စည်းနဲ့ ကမ်းနဲ့ ပျော်ရွှင်ပါ’ စာအုပ်က ပျော်ရွှင်မှုကို ရှာဖွေနည်းတစ်ခုတည်းကိုသာ ပြောထားတာ မဟုတ်ပါဘူး။ စိတ်အေးချမ်းမှု၊ ကျေးဇူး တရား၊ ကောင်းမွန်တဲ့ လူမှုဆက်ဆံရေး၊ အချိန်ကို တန်ဖိုး ထားတတ်ခြင်း၊ စည်းကမ်းရှိတဲ့ အလေ့အကျင့်များနဲ့ ဟန်ချက်ညီတဲ့ ဘဝတစ်ခုကို ဘယ်လို တည်ဆောက်နိုင် မလဲဆိုတာကို ရိုးရှင်းပြီး လက်တွေ့အသုံးချနိုင်တဲ့ အတွေးအမြင်တွေနဲ့ မျှဝေပေးထားပါတယ်။

ဒီစာအုပ်ဟာ ဘဝမှာ ပြဿနာကင်းဖို့ မဟုတ်ဘဲ ပြဿနာ တွေကြားထဲမှာတောင် ငြိမ်းချမ်းမှုကို ရှာဖွေနိုင်ဖို့၊ ပိုင်ဆိုင်မှုတွေထက် စိတ်ချမ်းသာမှုကို တန်ဖိုးထားတတ် ဖို့၊ ကိုယ့်ဘဝကို ကိုယ်တိုင် ဟန်ချက်ညီညီ တည်ဆောက် နိုင်ဖို့ လမ်းညွှန်ပေးမယ့် မိတ်ဆွေကောင်းတစ်အုပ် ဖြစ်လာမယ်လို့ မျှော်လင့်ပါတယ်။

#စည်းနဲ့ကမ်းနဲ့ပျော်ရွှင်ပါ
#အက်ရှာ

01/11/2026

စိတ် အားလပ်တဲ့အခါ
ကိုယ်နှစ်သက်တဲ့ စာလေးတွေ ဖတ်ပါ။

နား အားလပ်တဲ့အခါ
စိတ်အေးချမ်းတဲ့ အသံတွေ နားထောင်ပါ။

မျက်စိ အားလပ်တဲ့အခါ
သစ်ပင်ပန်းမန်တွေကို ကြည့်ပါ။

စိတ်မှာ ကြည်နူးပျော်ရွှင်မှုတွေ ပြည့်လာပါစေ တဲ့...

မင်္ဂလာ မနက်ခင်းပါ ☀️

💌
#နိုင်းနိုင်းစနေ

01/11/2026

ကိုယ့်ရဲ့စိတ်လေးကို ပြန်ဆန်းစစ်ကြည့်လိုက်တဲ့အခါ… ကိုယ့်ရဲ့စိတ်ဟာချမ်းသာနေတယ် ကြည်လင်ငြိမ်းချမ်းနေတယ်ဆိုတာ… လောဘ..ဒေါသ..မောဟ..မာနနဲ့ ဣဿာမစ္ဆရိယအစရှိတဲ့ စိတ်အညစ်အကြေးတွေ ကင်းစင်နေလို့ဖြစ်ပါတယ်..။ တစ်နည်းအားဖြင့် နေ့ရက်တိုင်းမှာ စိတ်ချမ်းသာစွာနေထိုင်ခြင်းဟာ…အကုသိုလ်စိတ်အညစ်အကြေးကင်းစင်စွာ နေထိုင်ခြင်းလည်းဖြစ်ပါတယ်…။ ကုသိုလ်စိတ်နဲ့ နေထိုင်ခြင်းလည်းဖြစ်ပါတယ်..။

ကိုယ့်ရဲ့စိတ်ဟာ မချမ်းသာဘူး… လို့ခံစားရတဲ့အခါ ပြန်ဆန်းစစ်ကြည့်လိုက်ပါ..။ လောဘ… ဒေါသ… မာန်မာနနဲ့.. မလိုမုန်းထားစိတ်တွေ… ဣဿာ မစ္ဆရိယစိတ်တွေ လွှမ်းမိုးချယ်လှယ်ခံနေရလို့ဖြစ်ပါတယ်…။ စိတ်မချမ်းသာခြင်းဟာ စိတ်အညစ်အကြေးတွေ… အကုသိုလ်စိတ်တွေနဲ့နေထိုင်ခြင်းဖြစ်ပါတယ်..။

နေ့စဉ်နေ့တိုင်း ကိုယ့်ကိုယ်ကိုယ် စိတ်ချမ်းသာအောင်ထားပါ..။ ကုသိုလ်စိတ်ကလေးနဲ့ ကြည်လင်ငြိမ်းချမ်းစွာ နေထိုင်ကြည့်ပါ..။ ဒါဟာ ဘာနဲ့မှ လဲယူလို့မရတဲ့… အဆင့်မြင့်တဲ့ ဘဝနေနည်းတစ်ခုဖြစ်ပါတယ်…။

ကိုယ်တိုင် စိတ်ချမ်းသာစွာနေထိုင်တတ်သူဟာ… သူများကိုလည်း စိတ်ချမ်းသာအောင် ကူညီစောင့်ရှောက်ပေးတတ်ပါတယ်…။ စိတ်ချမ်းသာစွာနေထိုင်ခြင်းဆိုတာ ကိုယ့်ကိုယ်ကိုယ်ရော… သူများကိုပါ ပေးနိုင်တဲ့ လက်ဆောင်တစ်ခုလည်းဖြစ်ပါတယ်…။

ကိုယ့်ရဲ့စိတ်ချမ်းသာမှုထက် ဘယ်အရာက ပိုအရေးကြီးဦးမှာလဲ…။ ငွေကြေးစည်းစိမ်ချမ်းသာတွေက ကိုယ့်ကို စိတ်ချမ်းသာမှု မပေးနိုင်ပါဘူး..။ ကိုယ့်ဘဝကို အမြဲ ရောင့်ရဲတင်းတိမ်ကျေနပ်နေတဲ့စိတ်ကသာ ကိုယ့်ကို စိတ်ချမ်းသာမှု ပေးနိုင်တာဖြစ်ပါတယ်…။ မလိုအပ်တဲ့နေရာတွေမှာ ကိုယ့်ရဲ့စွမ်းအင်တွေကို မသုံးဘဲ…အရာအရာတိုင်းကို ကိုယ်ဖြစ်စေချင်သလို လိုက်ပြီးချုပ်ထိန်းမနေဘဲ… မကျေနပ်တာ… အလိုမကျတာ… မုန်းတီးတာ…စတဲ့ စိတ်ခံစားမှုတွေရဲ့ လွှမ်းမိုးချယ်လှယ်တာကို မခံဘဲ….သဘာဝအတိုင်းဖြစ်လာသမျှအခြေအနေတိုင်းကို လက်ခံပေးနိုင်ခြင်းဟာ… စိတ်ချမ်းသာစွာနေထိုင်ခြင်းဖြစ်ပါတယ်…။

တန်ဖိုး 180 ဘတ်
ပို့ခfree🪷

#လွန်းထားထား
#စိတ်ချမ်းသာစွာနေထိုင်ခြင်း
Library of dream

01/11/2026

7 Rules of Life
▪️ လွတ်ချပါ (Let it Go )

မနေ့က အကြောင်းအရာတွေကြောင့် ဒီနေ့ရဲ့နေ့သစ်ကို မဖျက်ဆီးလိုက်ပါနဲ့။ဘဝမှာ လွတ်ချရမယ့်အရာတွေ အများကြီးရှိတယ်။ဘယ်ချိန်မှာ လွတ်ချရမလဲဆိုတာ သိဖို့ လိုတယ်။

▪️ လျစ်လျူရှုပါ (Ignore Them)

လူတွေရဲ့ဝေဖန်သံကြား မနေပါနဲ့။လူတွေက သူတို့ထက် သာ သွားမှာ ပျော်မှာကို မလိုချင်ဆုံးဘဲ။ဒါကြောင့် လူတွေရဲ့စကားသံကို အမြဲနားထောင်ပြီး ခံစား နေစရာ မလိုဘူးနော်။ကိုယ့်ဘဝကို အဓိပ္ပာယ်ရှိရှိသာ နေထိုင်ပါ။

▪️ အချိန်ပေးပါ (Give It Time)

ကိုယ်မဖြေရှင်းနိုင်တဲ့အရာဆို
အချိန်ကိုပဲ ပုံအပ်လိုက်ပါ။အချိန်ကပဲ ကိုယ်ခံစားရတဲ့ဝေဒနာတွေကို ကုစားပါစေ။
ကိုယ့်ကို အပြစ်မတင်ပါနဲ့နော်။
လူမှားချစ်မိတဲ့အခါ အချိန်ပေးလိုက်ပါ။အချိန်က အရာအားလုံးကို ကုစားပေးလိမ့်မယ်။

▪️ မနှိုင်းယှဥ်ပါနဲ့(Don't compare)

တခြားသူနဲ့ မိမိကိုယ်ကို မနှိုင်းယှဥ်ပါနဲ့။လူတိုင်းက လျှောက်တဲ့လမ်းတွေ မတူနိုင်ဘူး။သူများနဲ့ နှိုင်းယှဥ်ချင်လာတဲ့အခါတိုင်း
သူများ မလုပ်နိုင်တာ ကိုယ်လုပ်နိုင်တယ်ဆိုတာ သတိရပါ။ပြိုင်ချင်ရင် ကိုယ့်ကိုယ်ကိုယ်ပဲ
ပြိုင်ပါ။မနေ့ကထက် ဒီနေ့ ပိုကောင်းတဲ့လူ ဖြစ်လာပါစေ။

▪️တည်ငြိမ်ပါ (Stay Calm)

အရာအားလုံးကို တစ်ပြိုင်နက်
ပိုင်ရဖို့ မကြိုးစားသင့်ဘူး။မဖြစ်နိုင်လို့ပါ။တစ်ချိန်တည်းမှာပဲ အားလုံး ပိုင်ဖို့ မလိုဘူးနော်။ကိုယ့်ရဲ့အချိန်ရောက်ရင် လိုချင်တာ တစ်ခုမကျန် ရပါလိမ့်မယ်။ဒါကြောင့် မလောပါနဲ့။တည်ငြိမ်ပါ။

▪️ ကိုယ့်အပေါ်ပဲ မူတည်တယ်
(It's on you)

ကိုယ်ပျော်မယ် မပျော်ဘူးဆိုတာ
ကိုယ့်အပေါ်ပဲ မူတည်တယ်။
တခြားသူအပေါ် လိုအပ်တာထက် မမှီခိုပါနဲ့။ကိုယ့်ဘေးမှာ လူတွေ မရှိတဲ့အခါ ပျော်အောင် နေတတ်ဖို့ လိုပါတယ်။

▪️ ပြုံးပါ (Smile)

ဘဝက တိုတယ်၊ခက်တယ်၊ကြမ်းတယ်။ဘာတစ်ခုမှ အဆင်မပြေတဲ့နေ့တွေလည်း
အပြုံးနဲ့ ဆက်လျှောက်ရတယ်။
လောကဓံ ဘယ်လောက်ပဲ ရိုက်ခတ်ပါစေ။အမြဲတမ်း ပြုံးနိုင်အောင် ကြိုးစားပါ။ပျော်လည်း ပြုံး မပျော်လည်း ပြုံး။
ဒီနေ့အတွက်ရော တစ်ချက်လောက် ပြုံးလိုက်ပါဦးလား။

အများကြီး မတွေးပါနဲ့နော်။
အရာအားလုံး အဆင်ပြေသွားမှာပါ။ဘယ်လိုပဲဖြစ်ဖြစ် ဘဝက ဆက်သွားနေတာမို့ ရပ်တန့်လို့တော့ မရဘူးလေနော်။

#နူးနူးအောင်

ที่อยู่

Bangkok

เบอร์โทรศัพท์

+66835504719

เว็บไซต์

https://s.lazada.co.th/s.nRFTv

แจ้งเตือน

เป็นคนแรกที่รู้ข่าว: เราจะส่งอีเมลแจ้งเมื่อ The library of dream โพสต์ข่าวสารและโปรโมชั่น อีเมลของคุณจะไม่ถูกนำไปใช้เพื่อวัตถุประสงค์อื่น และคุณสามารถยกเลิกการรับข่าวสารได้ทุกเมื่อ