SHFMU "Ulina" - Kosavë

Sot, në një atmosferë festive dhe të mbushur me gëzim, shënuam Ditën e Shkollës sonë, një ditë e veçantë që na bashkon për të festuar sukseset, arritjet dhe vlerat që ndërtojmë së bashku.

Në kuadër të aktiviteteve të organizuara, u zhvillua ceremonia e ndarjes së lëvdatave për nxënësit që u dalluan në Testin e Brendshëm për klasat I–V, si dhe për fituesit dhe pjesëmarrësit e Kuizit të Diturisë për klasat VI–IX.

Urime të përzemërta për të gjithë nxënësit e vlerësuar! Sukseset tuaja janë krenari për shkollën.

Falënderojmë stafin pedagogjik dhe nxënësit për mbështetjen dhe kontributin e tyre në realizimin e kësaj dite të veçantë.

Gëzuar Ditën e Shkollës!

📚Festa e Abetares 📖
🎈1 Qershori 🎊

Atmosferë festive në shkollën tonë me rastin e "Festës së Abetares" dhe "1 Qershorit".

Sot bashkë me lulet e pranverës dhe cicërimat e zogjve, nxënësit e klasës së parë përfunduan me sukses mësimin e shkronjave. Sot jehuan dhe zërat e fëmijëve të shkollës sonë të cilët me programin e tyre festiv i dhanë hijeshi kësaj dite duke festuar edhe festën e fëmijëve. Urojmë që të jenë të shëndetshëm e të suksesshëm në hapat e dijes.

Urime fëmijë! Ju jeni zëri më i bukur për prindërit dhe mësuesit tuaj!

Gjatë ekskursionit të organizuar me nxënësit e shkollës sonë, patëm kënaqësinë të vizitojmë ëmbëltoret “Drita” në Mitrovicë dhe “Sharri” në Gjakovë.

Me këtë rast, dëshirojmë t’i falënderojmë sinqerisht për mikpritjen e ngrohtë, shërbimin e shkëlqyer dhe atmosferën e këndshme që na ofruan. Pritja e tyre e veçantë e bëri vizitën tonë edhe më të bukur dhe la përshtypje shumë pozitive tek nxënësit dhe stafi ynë.

Mirënjohje të veçantë për profesionalizmin, bujarinë dhe respektin që treguan ndaj grupit tonë. Ju falënderojmë përzemërsisht dhe ju dëshirojmë suksese të vazhdueshme në punën tuaj.

Aromë Bajrami në shkollën tonë!

Falendërojmë bashkëfshatarin tonë z. Armend Kalanderi që me rastin e festës së Kurban Bajramit solli dhurata për nxënësit e klasëve të ndërrimit të pasditës. Ne si staf i shfmu: " Ulina " u jemi mirënjohës të gjithë atyre që sjellin gëzim në sytë e fëmijëve duke iu mësuar praktikisht se gjërat që ndahen me të tjerët kanë shije më të mirë. Respekt!

Urime Kurban Bajrami!

Sot nxënësit e klasës së IX-të realizuan një vizitë në shkollën e mesme të lartë“Ruzhdi Berisha”, në Dragash ku u njohën nga afër me drejtimet dhe profilet që ofron kjo shkollë.

Gjatë vizitës, nxënësit patën mundësinë të vizitojnë kabinetet mësimore, të informohen për kushtet dhe aktivitetet që zhvillohen në shkollë, si dhe të marrin informata të dobishme për orientimin e tyre në të ardhmen.

Falënderojmë stafin e shkollës për mikpritjen dhe prezantimin e drejtimeve profesionale dhe edukative.

Vizitë nga mjekët e QKMF-së

Sot në shkollën tonë patëm një vizitë mjekësore për klasën e parë dhe të pestë nga stafi profesionist i QKMF-së të cilët i falënderojmë për iniciativën.
Ne si shkollë jemi shumë të kënaqur që kemi nxënës të mirëedukuar dhe të shëndetshëm.

Aktivitet fizik në lënden e Edukates Fizike nga mësimdhënësi Mentor Mejzini

Sot, mësimdhënësit e shkollës sonë së bashku me nxënësit e klasave IV dhe V realizuan një vizitë edukativo-kulturore në qytetin historik të Prizrenit. Gjatë kësaj vizite, nxënësit patën mundësinë të njihen nga afër me monumentet historike, kulturore dhe trashëgiminë e pasur që karakterizon këtë qytet të veçantë.
Kjo vizitë shërbeu si një përvojë e vlefshme edukative dhe kulturore për nxënësit, duke ndikuar në zgjerimin e njohurive të tyre mbi historinë dhe kulturën e vendit tonë.

Në emër të shkollës, shprehim mirënjohje të veçantë për bashkëfshatarin tonë në mërgim dhe njëherit prindin, Labinot Kolloni, i cili mbështeti financiarisht realizimin e kësaj shëtitjeje me shumën prej 200 eurosh. E falënderojmë sinqerisht për përkrahjen dhe kujdesin ndaj nxënësve dhe shkollës sonë.

📚 23 Prilli - Dita Ndërkombëtare e Librit në shkollën tonë u shënua përmes leximit dhe komentimit të lektyrave shkollore duke pasur për qëllim vetëdijesimin rreth rëndësisë së librit. 📚🖋📖