17/11/2026
🦺 Më 16 nëntor 2026 u mbajt trajnimi me temën “Rreziqet ndaj higjienës – Masat parandaluese dhe mbrojtëse!”
Në kuadër të projektit “Bizneset Lokale drejt standardeve të BE-së për Zhvillim të Balancuar në Rajonin Veri”, të financuar nga Ministria e Zhvillimit Rajonal (MZHR) dhe të zbatuar nga Agjencia për Zhvillim Rajonal Veri (AZHR Veri), u realizua trajnimi i radhës, i cili kishte në fokus identifikimin e rreziqeve ndaj higjienës në vendin e punës dhe zbatimin e masave për parandalimin dhe mbrojtjen nga ato.
Trajnimi synoi të forcojë njohuritë dhe kapacitetet e bizneseve lokale lidhur me rreziqet që mund të ndikojnë në shëndetin e punonjësve, si dhe të promovojë praktika të sigurta dhe kushte më të mira higjienike në ambientet e punës.
📚 Gjatë trajnimit u trajtuan këto tema:
✅ Substancat e rrezikshme
✅ Zhurma dhe dridhjet
✅ Rrezatimi dhe ndriçimi
✅ Mjedisi termik dhe ventilimi
✅ Rreziqet biologjike
✅ Pajisjet personale mbrojtëse (PPM)
Përmes prezantimeve teorike, diskutimeve interaktive dhe ushtrimeve praktike, pjesëmarrësit patën mundësi të thellojnë njohuritë mbi identifikimin e faktorëve të rrezikut, mënyrat e ekspozimit ndaj tyre dhe masat e nevojshme për mbrojtjen e shëndetit. Vëmendje e veçantë iu kushtua përdorimit të duhur të pajisjeve personale mbrojtëse dhe krijimit të një mjedisi pune të shëndetshëm e të sigurt.
Përmes këtyre aktiviteteve, AZHR Veri vazhdon të kontribuojë në ngritjen e kapaciteteve të bizneseve lokale, përmirësimin e kushteve të punës dhe promovimin e standardeve të sigurisë dhe shëndetit në punë, në përputhje me praktikat dhe standardet e Bashkimit Evropian.