Umkhanyakude District Municipality

01/11/2026

‼️ QAPHELA UKUDUMA KWEZULU OKUNAMANDLA OKUHAMBISANA NEZIMVULA NESICHOTHO ‼️

31/10/2026

‼️ IKHWAYA YASEMKHANYAKUDE IZONCINTISANA ESIGABENI SESIFUNDAZWE‼️

IZINDABA: LITSHENGISE ikhono nokudlondlobala ikhwaya ebelimele uMkhanyakude emqhudelwaneni walo mkhakha obusehholo iNkosi Mzondeni obuhlelwe ngokubambisana noMnyango WezeMidlalo UBuciko namaSiko khona namhlanje ngoMgqibelo. Leli khwaya liqwaqwade nozakwabo abavela eKing Cetshwayo naseZululand kwisigaba se-Advanced African Section kwathi kwi-Western Section lalala isibili. Le mpumelelo, ichaza ukuthi le khwaya, iCelestial Portal lizoncintisana esigabeni sesifundazwe nontanga bakwezinye izifunda. Nansi imiphumela ephelele ngomzuliswano wanamhlanje wamakhwaya ezifunda ezaziwa nge-Northern Cluster.

Soprano solo

1. 74,33 Esikhawini Choristers
2. 68,22 Marvelous Choral
3. 65,33 Celestial Portal

Tenor

1. 71,33 Esikhawini Choristers
2.68. Voices Chorale
3. 66,67 Marvelous Chorale

Mezzo

1. 76,67. Marvelous Chorale
2. 76,33. Esikhawini Choristers
3. 72. Celestial Portal

Bass

1. 63,67 Marvelous Chorale
2. 61,33 Voices Chorale

Development Section
Western

1. 70,33 Marvelous Chorale
2. 68,33 Voices Chorale

Advanced Section
Western

1. 75,33 Esikhawini Choristers
2. 69.33. Celestial Portal

Development Section
African

1. 69,67 Marvelous Chorale
2. 65,33 Voices Chorale

Advance Section
African

1. 75,33 Celestial Portal
2. 74.33 Esikhawini Choristers

31/10/2026

WATCH:The KwaZulu-Natal Inter-District Choral Music Competition is currently underway at iNkosi Mzondeni Hall, bringing together talented choirs from across the province to showcase musical excellence. Among the participants is The Celestial Portal Chorus (amaCPC), proudly representing uMkhanyakude District in the Advanced Category. Other participating choirs include Esikhawini Choristers, Marvellous Choir and The Voices, representing different districts. The competition celebrates both Western classical and African choral music while providing a platform for cultural exchange, artistic development, preservation of musical heritage and strengthening social cohesion through the universal language of music .

30/10/2026

‼️ EZINGENAYO‼️

30/10/2026

LALELA /BUKA: iNGUMHOLI onombono ocacile umakuziwa ekuthuthukiseni osomabhizinisi abakhasayo iMeya uMhlonishwa Siphile Mdaka. Lokhu kuhlale obala namhlanje ngoLwesihlanu ngesikhathi imukelisa uMnu Sipho Fakude izinsiza kusebenza ebhizinisi lakhe lamasondo. UMnu Fakude ibhizinisi lakhe iMeya ehlose ukuba ligcine lisesigabeni se-SMMME libhaliswe ngokusemthethweni kwa-CPCI umkhandlu ukuze lihambisane nemigomo ka-SARS. IMeya uMdaka iphezu kwamalungiselelo okuthi athole umshini wokukhokhisa (speed point) okuzoholela ekutheni ibhizinisi lakhe likwazi ukuheha neminyango kahulumeni nezivakashi ezisuke zizongcebeleka eMkhuze namaphethelo esiFunda.

30/10/2026

30/10/2026

‼️ IMEYA IXHASE USOMABHIZINISI OHWEBA NGAMASONDO NGEZINSIZA-KUSEBENZA‼️

IZINDABA: UHLABE ngedolo phansi, wabanjwa isidwa, usomabhizinisi ofufusayo onebhizinisi lokufaka amathayi phambi kwesakhiwo sikaMasipala uMkhanyakude iMeya ehola uMasipala wesiFunda uMkhanyakude uMhlonishwa Siphile Mdaka, imupha njengenduku ubhazabhaza we-compressor nomshini wesimanjemanje osetshenziswa kwibhizinisi lakhe.

Uyokhohlwa efile uMnu Sipho Fakude waselokishini eMlingo, eMkhuze, iMeya uMdaka nezisebenzi zomkhandlu zizomupha "phi" lezi zinsiza kusebenza. UMnu Fakude, uchaze iMeya njengomuntu oneqisiso futhi osifezayo isethembiso njengoba ubezitshela ukuthi iMeya iyazenzela nje ifika kuye ngo-February izobuka ibhizinisi lakhe ifuna ukwazi kabanzi ngalo, kanti imfihlele induku emqubeni.

Ayigcinanga lapho iMeya uMdaka ithengele abasebenzi bakhe ababili inyumfomu enuka istolo, namaquzu ngaphezulu. Ibongela uMnu Fakude iMeya iveze ukuthi usendaweni ekahle ukuheha amakhasimende. "Sinomsebenzi omkhulu wokuthuthukisa osomabhizinisi abancane sibenze abasimeme. Sizoqinisekisa ukuthi siyamlekelela uMnu Fakude kuze kube ibhizinisi liba ngelisimeme nelihlonishwayo" uMasipala uMkhanyakude uphinde walekelela uMnu Fakude ngokubhalisa ibhizinisi lakhe ngokusemthethweni kwa-CPCI.

30/10/2026

UMnyango wezaseKhaya uzobe uvuliwe ngoMsombuluko ngoLwesibili ezweni lonke, uyakhunjuzwa ukuthi ufake izicelo, ulande umazisi wakho owuqwembe, incwadi ekugunyazayo noma umazisi wesikhashana okuzokugunyaza ukuba vote ngoLwesithathu.
.

29/10/2026

‼️ UMKHANYAKUDE UYAZIQHELANANISA NESTAMKOKO ESESIPHIHLIKE IVIKI LONKE EDOLOBHENI EMKHUZE‼️

UMasipala wesiFunda UMkhanyakude uyaziqhelananisa nesitamkoko esesiphihlike cishe isonto lonke njengoba silawulwa yisitolo esidayisa inyama ethosiwe(privately owned) . Yize lo mkhandlu ungangeni kulolu daba ihhovisi lakwa-Technical Service lingenelele ngokuthi lidlokodle lesi stamkoko esiphihlikayo esiqondene nesitolo esidayisa inyama ethosiwe eMkhuze Mall.

UMasipala uyaziqhelananisa nalesi stamkoko osekuphele iviki siphihlika njengoba ungenalo ipayipi lendle elihamba kule ndawo. Yize kunjalo, ungenelele, lokhu akusho ukuthi le nkinga izoxazululeka ngokuphelele njengoba amakhasimende alesi sitolo engena ngobuningi futhi kuphele nenyanga. UMnyango wakwa-Enviromental Health nawo ulubukela eduze lolu daba njengoba lesi simo sinukubeza idolobha uMkhuze futhi siphambene no-Section 24 womthethosisekolo wakuleli okubeka ngokusobala ukuthi izakhamizi zakuleli zinelungelo yokuba sendaweni ehlanzekile.