What are the opening hours?

Monday 08:00 - 16:30 Tuesday 08:00 - 16:30 Wednesday 08:00 - 16:30 Thursday 08:00 - 16:30 Friday 07:30 - 16:00

Richmond Municipality KZN

Home
South Africa
Richmond
Richmond Municipality KZN

Call Directions Website

Richmond Municipality is a local municipality servicing Richmond Area within the uMgungundlovu Distr

30/10/2026

Closing Date 05 November 2026

23/10/2026

Let us love one another.

22/10/2026

KUNXUSWE UKUTHULA NOKUBEKEZELELANA NJENGOBA KUSONDELA UKHETHO LOHULUMENI BASEKHAYA

Njengoba sekusele izinsuku ezimbalwa kusingathwe ukhetho lohulumeni basekhaya oluzokuba ngomhlaka 4 November 2026, imeya yoMkhandlu wase-Richmond ukhansela Melikhaya Ngcongo, usenxuse ukuthi kubekhona ukubambisana, ukubekezelelana kanye nokuthobelana kwemimoya ukuze kuqinisekiswe ukuthi ukhetho luba nokuthula.

Lesi sicelo usenze ngesikhathi kunomkhuleko obuhlelwe amabandla ahlangene wokunxusa ukhetho olunokuthula, obubanjelwe eRichmond Sports Complex, lapho bekuhlangene khona abefundisi bamabandla ahlukene, amalungu amaqembu ezepolitiki ahlukene kanye namalungu omphakathi.

“Abafundisi bamabandla ahlangene babone kufanele ukuthi kusingathwe umkhuleko kucelwe uNkulunkulu ukuba avikele i-Richmond, alethe ukuthula, umoya wobumbano kanjalo nokuzwana njengoba sibheke kukhetho lohulumeni basekhaya.”

“Laba ababhalisele ama- special votes bona bazovota phakathi komhlaka 2 November kanye nomhlaka 3 November. Sibonga ihhovisi lika - Municipal Electoral Officer, umama uMaphumulo ophuma kwa- IEC, okunguye umdidiyeli wokhetho ebambisene nenhlangano ezimele u- IEC,” kusho umeya.

Uphinde wanxusa abalandeli bamaqembu ezepolitiki ukuba bahloniphe ama - posters bangawakhiphi, bagweme ukuthukana.

“Noma imibono ingahlukana ngokwezepolitiki ekugcineni singabahlali base-Richmond. Akumele sivumele ukwehlukana kwethu kwezepolitiki kusihlukanise njengomphakathi. Kumele sibambisane,”kubeka uNgcongo.

Uphinde wanxusa abalandeli bamaqembu ezepolitiki ukuba bangacabangi ukuthi labantu amaqembu afolosa ngabo (candidates) ayizitha.

“Abazona izitha, umuntu ngamunye ukholelwa kumbono wakhe ngalesosikhathi.”

Umeya uNgcongo ubonge nawo wonke amaqembu ezepolitiki abeyingxenye yalomkhuleko.

UMfundisi uNdlovu webandla elethiwe ngokuthi Hour of Deliverance Ministries unxuse uthando.

“Masithandaneni. Bafowethu nina enigqoke imifaniswano yezepolitiki eyahlukene ningabandawonye. Thanda umakhelwane wakho. Isifiso sethu njengabefundisi base- Richmond ukubona indawo yethu (Richmond) inokuthula. Uma izwe linokuthula ngisho intuthuko ibakhona.”

21/10/2026

“Ithina bantu besilisa ekumele sithi cha egameni lethu. Sizobavikela abantu besifazane kanjalo nezingane,”

Lawa ngamazwi abedluliswa ngesikhathi kunenkulumompendulwano ekuhloswe ngayo ukuthola ikhambi lodlame lobulili (GBV) ebisingethwe ehholo lomphakathi e- Argosy, eHopewell.

21/10/2026

Umphakathi uyakhunjuzwa ngalokhu okulandelayo:

15/10/2026

Pothole patching is underway in Hopewell as part of our ongoing road maintenance efforts to improve road conditions and enhance safety for all road users.

15/10/2026

KUDINGIDWE IZINDLELA ZOKUNQANDA ISIHLAVA SE-GBV ENDALENI

I-Operation Sukuma Sakhe (OSS), ngokubambisana noMasipala waseRichmond, basingathe inkulumo mpendulwano ngodlame lobulili (GBV) enkundleni yezemidlalo iKhethokuhle Ground, endaweni yaseNdaleni, ku- Ward 7, izolo ngo-10h00.

Le ngxoxo, ebihlanganise amalungu omphakathi nabafundi base-Indala High School, ibigxile ekuqwashiseni ngesihlava se-GBV, izimbangela zaso kanye nomthelela esinawo emindenini nasemphakathini wonkana.

Amalungu omphakathi athole ithuba lokuphumela obala ngezinto akholelwa ukuthi zinomthelela ekubhebhethekeni kwe-GBV, aphinde abelana ngemibono ngezindlela ezingasetshenziswa ukunqanda lesi sihlava.

Abamele iminyango eyahlukene kahulumeni nabo babambe iqhaza kule ngxoxo, lapho bechazele khona umphakathi ngezinsiza ezitholwa izisulu zalolu dlame kanye nezindlela ezingasetshenziswa ukulwa ne-GBV.

Okunye okuvelele kule ngxoxo kube yindlela abazali abakhulisa ngayo izingane zabafana nezamantombazane, nokuthi lokhu kungaba nomthelela kanjani kwindlela eziphathana ngayo sezikhulile.

Elinye ilungu lomphakathi liveze ukuthi ukungakhuliswa ngendlela efanayo kwezingane zabafana nezamantombazane kungaba nomthelela ekutheni zikhule zinemibono engafani ngokulingana ngokobulili.

“Ezikhathini eziningi indlela esikhulisa ngayo izingane zethu inomthelela kule nkinga. Ingane yentombazane ikhuliswe ngokuthi yenze imisebenzi yasendlini, ibuye ekhaya ngaphambi kwehora lesihlanu iphinde ihloniphe umfowabo. Kodwa ingane yomfana yona ivunyelwa ukubuya noma nini ekhaya. Uma ifika, udadewabo kufanele ayiphakele ukudla aze ayihambisele khona egumbini layo. Lezi zingane zigcina zikhule zinemiqondo ehlukene ngenxa yendlela ezikhuliswe ngayo,” kusho leli lungu lomphakathi.

UMasipala waseRichmond ubonge amalungu omphakathi aseNdaleni kanye nabafundi base-Indala High School ngokuba yingxenye yale ngxoxo nokuzibandakanya kwabo ekudingideni izindlela zokulwa ne-GBV.

Umasipala uveze ukuthi izingxoxo ezifana nalezi zibalulekile njengoba zinikeza umphakathi ithuba lokukhuluma ngezinkinga obhekene nazo, ziqwashise intsha ziphinde zikhuthaze ukubambisana ekunqandeni udlame.
UMasipala waseRichmond, ngokubambisana ne-OSS kanye neminye iminyango kahulumeni, usazibophezele ekuqhubekeni nezinhlelo zokuqwashisa nge-GBV kuzo zonke izigceme, ngenhloso yokukhuthaza imiphakathi ephephile nengenalo udlame lobulili.

13/10/2026

IMeya yoMkhandlu wase-Richmond, uKhansela Melikhaya Ngcongo, ufisela bonke abafundi abakumatikuletsheni inhlanhla kwizivivinyo zabo zokuphela konyaka.

12/10/2026

I-OSS NOMASIPALA WASE-RICHMOND BAVULE INKUNDLA NGENHLOSO YOKUZAMA UKUTHOLA IKHAMBI LODLAME LOBULILI

I-Operation Sukuma Sakhe (OSS), ngokubambisana noMasipala wase-Richmond, isingathe ingxoxo nomphakathi mayelana nodlame lobulili (GBV), enkundleni yezemidlalo iMphelandaba, eSigcakini, ku - Ward 2, ngoLwesine ngo - 10 ekuseni.

Inhloso yale ngxoxo bekuwukuqwashisa umphakathi ngobungozi bodlame lobulili, umthelela walo emndenini, emphakathinj, kanye nokukhuthaza izakhamuzi ukuba zibambisane ekulweni nalesi sihlava.

Amalungu omphakathi abe nethuba lokuphumela obala, aveze ukukhathazeka kwawo, aphinde abelane ngemibono mayelana nezinkinga eziholela ekwandeni kodlame lobulili, okubalwa kuzo inselelo ebhekene nomphakathi kanye nengcindezi yasemakhaya

Izakhamuzi ziphinde zaphakamisa izindlela ezingasetshenziswa ukuze ukuze kunqandwe udlame lobulili, kuphinde kwesekwe izisulu.

UMasipala kanye ne-OSS bashayele ihlombe izakhamuzi zaku -Ward 2, ngokubamba iqhaza kule ngxoxo, bagcizelela ukuthi izinhlelo zokuqwashisa ngodlame lobulili zizoqhubeka nokusondezwa kubantu ngenhloso yokunqanda lesi sihlava kuphinde kwakhiwe imiphakathi ephephile.

12/10/2026

Ibe yimpumelelo i- Mayoral Cup.

Address

Richmond
3780

Opening Hours

Monday	08:00 - 16:30
Tuesday	08:00 - 16:30
Wednesday	08:00 - 16:30
Thursday	08:00 - 16:30
Friday	07:30 - 16:00

Telephone

+27332122155

Website

http://www.richmond.gov.za/

Alerts

Be the first to know and let us send you an email when Richmond Municipality KZN posts news and promotions. Your email address will not be used for any other purpose, and you can unsubscribe at any time.