03/11/2026
ഹൃദ്യമായ നന്ദി...
പ്രവാസലോകത്തിന്റെ സംഘടനാ ചരിത്രത്തിൽ പുതിയൊരു അധ്യായം എഴുതിച്ചേർത്ത്, ലീഡക്സ് ഹൊറിസോൺ 2026 – ഡെലിഗേറ്റ്സ് മീറ്റും നാഷണൽ കോൺഫറൻസും അവിസ്മരണീയ വിജയമാക്കി മാറ്റിയ നിങ്ങളോരോരുത്തർക്കും...
700-ലധികം തെരെഞ്ഞെടുക്കപ്പെട്ട പ്രതിനിധികളുടെ ആവേശകരമായ പങ്കാളിത്തംകൊണ്ട് ശ്രദ്ധേയമായ ഈ മഹാസംഗമം കേവലം 'മറ്റൊരു' സമ്മേളനമല്ല, പുതിയ കാലത്തിന്റെ നേതൃത്വത്തിന് ചരിത്രബോധവും ദിശാബോധവും ഉൾകാഴ്ചയും പകർന്നുനൽകിയ പ്രവാസസംഘടന ചരിത്രത്തിലെ ഒരു നവഅധ്യായമായാണ്‌ സമാപിച്ചത്‌.
ഈ മഹത്തായ വിജയത്തിന് പിന്നിൽ അക്ഷീണം പ്രയത്നിച്ച ഒരുപാട്‌ മുഖങ്ങൾ, സംസ്ഥാന ജില്ലാ മണ്ഡലം പഞ്ചായത്ത്‌ മുനിസിപ്പൽ കെ എം സി സി ഭാരവാഹികൾ, ഇതരജില്ലകളിലെ കെ എം സി സി ഭാരവാഹികൾ, ദുബായ്‌ കെ എം സി സി ഹാപ്പിനസ്‌ ടീം അംഗങ്ങൾ,
വനിത കെ എം സി സി പ്രവർത്തകർ, വിവിധ സെഷനുകൾക്ക്‌ നേതൃത്വം നൽകിയ ട്രെയിനർമാർ, സഹകരിച്ച വ്യവസായ പ്രമുഖർ, അഭ്യുദയകാംക്ഷികൾ, അങ്ങനെ നീളുന്നു... ആരേയും വിസ്മരിക്കുന്നില്ല.
ഉത്തരവാദിത്തത്തോടെ സമ്മിറ്റിന്റെ ഭാഗമായ ഓരോ പ്രതിനിധികളോടും ദുബൈ കെ.എം.സി.സി കാസർഗോഡ് ജില്ലാ കമ്മിറ്റിയുടെ പേരിൽ ഹൃദയം നിറഞ്ഞ നന്ദിയും കടപ്പാടും അറിയിക്കുന്നു.
നിങ്ങളോരോരുത്തരുടെയും സമയവും അധ്വാനവും സമർപ്പണവും ഒത്തുചേർന്നപ്പോഴാണ് ഈ അവിസ്‌മരണീയമായ നിമിഷം യാഥാർത്ഥ്യമായത്. ഈ ചരിത്രത്തിന്റെ യഥാർത്ഥ ശില്പികൾ നിങ്ങളോരോരുത്തരുമാണ്.
ആ ചരിത്രം നമുക്ക് സമ്മാനിക്കുന്നത് നാളെയുടെ പുതിയ പ്രതീക്ഷകളാണ്.
ഈ കൂട്ടായ്മയുടെ ആവേശവും ഐക്യവും സംഘടനാ കരുത്തും വരുംകാല പ്രവർത്തനങ്ങൾക്ക് എന്നും പ്രചോദനമാകട്ടെ.
ഒരിക്കൽ കൂടി എല്ലാവർക്കും ഹൃദയം നിറഞ്ഞ നന്ദി… സ്നേഹാഭിവാദ്യങ്ങൾ...
ദുബൈ കെ.എം.സി.സി
കാസർഗോഡ് ജില്ലാ കമ്മിറ്റി
