Këshilli Bashkiak Shkodër

19/10/2026

🏛️ KËSHILLI BASHKIAK SHKODËR

Në mbledhjen e tij të radhës, Këshilli Bashkiak Shkodër trajtoi çështje të rëndësishme për administrimin e buxhetit vendor, mbështetjen sociale dhe menaxhimin e pronës publike.

💗 Në shenjë solidariteti me Tetorin Rozë, këshilltarët bashkiakë vendosën fjongon rozë, duke përcjellë një mesazh ndërgjegjësimi për rëndësinë e kontrolleve të hershme, kujdesit për shëndetin dhe mbështetjes për çdo grua që përballet me kancerin e gjirit.

🎗️ Vendimet e miratuara në këtë mbledhje përfshijnë:

🔹 Përdorimin e fondit shtesë mbi fondin e kushtëzuar për ndihmën ekonomike, deri në 6%, për muajin shtator 2026.

🔹 Miratimin e buxhetit të Bashkisë Shkodër për vitin 2027 dhe të Programit Buxhetor Afatmesëm 2027–2029, faza e dytë.

🔹 Miratimin e një ndryshimi në VKB nr. 84, datë 18.12.2025, për buxhetin e vitit 2026 dhe Programin Buxhetor Afatmesëm Përfundimtar 2026–2028, të ndryshuar.

🔹 Dhënien e pëlqimit për dhënien me qira të një pasurie në pronësi të Bashkisë Shkodër, me sipërfaqe 12 m², subjektit PF Erjona Bletaj.

🔹 Miratimin e kërkesës për heqjen e kushtit të përdorimit për ish-godinën e Gjykatës, pronë e Bashkisë Shkodër, dhe lejimin e dhënies së saj në përdorim të të tretëve.

🔹 Miratimin e vlerës maksimale të subvencionimit të qirasë dhe të nivelit të qirasë mesatare në tregun e lirë për vitin 2026.

🔹 Miratimin e zbatimit të projektit “Të Sigurt së Bashku: Aleancat e Grave që udhëheqin ndryshimet për mbrojtje reale nga dhuna”, në kuadër të Programit CERV 2025 DAPHNE, si dhe të shtesës së planit të buxhetit të Bashkisë Shkodër në funksion të zbatimit të tij.

🤝 Përmes vendimmarrjes dhe angazhimit qytetar, Këshilli Bashkiak Shkodër vijon të ushtrojë funksionin e tij në shërbim të komunitetit, duke i dhënë rëndësi zhvillimit vendor, mbështetjes sociale dhe ndërgjegjësimit për çështje që prekin jetën e qytetarëve.

19/10/2026

Mbledhja e Keshillit Bashkiak 19.10.2026

13/10/2026

📢 NJOFTIM

Këshilli Bashkiak Shkodër njofton se ditën e hënë, datë 19 tetor 2026, ora 17:00, do të zhvillohet mbledhja e radhës e Këshillit Bashkiak Shkodër.

📍 Vendi: Salla e Mbledhjeve të Këshillit Bashkiak Shkodër

🔗 Njoftimin e plotë dhe materialet e mbledhjes mund t’i gjeni në linkun më poshtë:

Njoftim – Për thirrjen e mbledhjes së Këshillit Bashkiak12 Tetor, 2026Në mbështetje të ligjit Nr. 139/2015, datë 17.12.2015 “Për vetëqeverisjen vendore”, i ndryshuar dhe rregullores “Për organizimin dhe funksionimin e Këshillit Bashkiak Shkodër”, miratuar me Vendimin Nr.60, dat...

30/09/2026

📌 U përmbyllën konsultimet publike me banorët e Lagjes nr. 5, në kuadër të procesit të këshillimit me publikun për Programin Buxhetor Afatmesëm 2027–2029 dhe projektbuxhetin vjetor 2027 të Bashkisë Shkodër.

👨‍💼 Gjatë takimit, Drejtori i Përgjithshëm i Zhvillimit të Qëndrueshëm Ekonomik prezantoi investimet e realizuara deri më tani, projektet në proces dhe ndërhyrjet e planifikuara për periudhën e ardhshme.

🙏 Banorët shprehën falënderimet dhe mirënjohjen e tyre për investimet dhe punët e realizuara në lagjen e tyre, ndërsa evidentuan edhe shqetësimet dhe prioritetet kryesore për komunitetin.

📌 Ndër çështjet kryesore të ngritura nga banorët ishin:

🚧 përmirësimi i infrastrukturës rrugore në rrugicat e lagjes që kërkojnë ndërhyrje;

💧 modernizimi i rrjetit të kanalizimeve për ujërat e bardha dhe të zeza;

🗑️ vendosja e kazanëve për grumbullimin e mbetjeve;

🏞️ rikualifikimi i lulishteve dhe i këndeve ekzistuese të lojërave;
🅿️ krijimi i hapësirave të nevojshme për parkim publik.

📌 Me zhvillimin e takimit me banorët e Lagjes nr. 5, u përmbyll cikli i konsultimeve publike për Programin Buxhetor Afatmesëm 2027–2029 dhe projektbuxhetin vjetor 2027 të Bashkisë Shkodër.

✉️ Sugjerimet dhe propozimet mund të paraqiten pranë Bashkisë Shkodër deri me 09 tetor 2026 , nëpërmjet postës fizike ose në adresën elektronike të Këshillit Bashkiak.

29/09/2026

📌 Vijuan konsultimet publike me banorët e Lagjes nr. 4, në kuadër të procesit të këshillimit me publikun për Programin Buxhetor Afatmesëm 2027–2029 dhe projektbuxhetin vjetor 2027 të Bashkisë Shkodër.

👨‍💼 Gjatë takimit, Zëvendëskryetari i Bashkisë prezantoi investimet e realizuara deri më tani, ndërhyrjet në proces dhe projektet e planifikuara për periudhën e ardhshme.

🙏 Banorët shprehën falënderimet dhe mirënjohjen e tyre për investimet e realizuara në lagje, ndërsa evidentuan edhe shqetësimet dhe prioritetet kryesore për komunitetin.

📌 Ndër çështjet kryesore të ngritura nga banorët ishin:

1️⃣ 🚧 përmirësimi i infrastrukturës rrugore në disa akse të lagjes;

2️⃣ 💧 investime në kolektorin e Dracinit dhe përmirësimi i rrjetit të kanalizimeve për ujërat e bardha dhe të zeza;

3️⃣ 🗑️ sistemimi dhe rrethimi i hapësirës së kazanëve të mbetjeve përballë Conad-it;

4️⃣ 🚒 lirimi i hapësirave publike për të garantuar kalimin e mjeteve të emergjencës, si ambulanca dhe zjarrfikësja;

5️⃣ 🐕 adresimi i problematikës së qenve endacakë;

6️⃣ 🚗 rishikimi i kufizuesit të shpejtësisë në zonën nga Kalaja drejt Lagjes Qafë-Ajasem;

7️⃣ 🏰 hartimi i një plani zhvillimi për zonën e Kalasë, duke marrë në konsideratë rëndësinë e saj për turizmin;

8️⃣ 🌉 rikualifikimi i Urës së Vezëve;

9️⃣ 🌳 rikualifikimi i trotuarit dhe i hapësirës së gjelbër pranë Pallatit të Kinezëve.

28/09/2026

📢 Vijuan konsultimet publike me banorët e Lagjes nr. 3, në kuadër të procesit të këshillimit me publikun për Programin Buxhetor Afatmesëm 2027–2029 dhe projektbuxhetin vjetor 2027 të Bashkisë Shkodër.

👨‍💼 Gjatë takimit, zëvendëskryetari paraqiti investimet e realizuara deri tani, projektet në zbatim dhe ndërhyrjet e planifikuara për periudhën në vijim.

🙏 Banorët shprehën falënderimet dhe mirënjohjen e tyre për investimet e realizuara në lagje, ndërsa evidentuan edhe shqetësimet dhe prioritetet kryesore për komunitetin.

📌 Ndër çështjet kryesore të ngritura nga banorët ishin:

1️⃣ 🚧 përmirësimi i infrastrukturës rrugore;

2️⃣ 🅿️ krijimi dhe sistemimi i hapësirave të parkimit;

3️⃣ 🚶 përmirësimi i kalimit në zonën e Gjuhadolit;

4️⃣ 🚗 vendosja e pistonave rrugorë në zonat ku është e nevojshme për rritjen e sigurisë në qarkullim;

5️⃣ 🏢 rikonstruksioni i fasadave të pallateve;

6️⃣ 🗑️ vendosja e një orari të përcaktuar për grumbullimin e mbetjeve, sipas modelit të zbatuar për bizneset.

25/09/2026

📌 Këshilli Bashkiak Shkodër, në mbledhjen e tij të radhës, mori vendimet e mëposhtme:

💰 Përdorimin e fondit shtesë mbi fondin e kushtëzuar për ndihmën ekonomike (deri në 6%) për muajin Korrik 2026.

💰 Përdorimin e fondit shtesë mbi fondin e kushtëzuar për ndihmën ekonomike (deri në 6%) për muajin Gusht 2026.

📊 Nismën e Buxhetit të vitit 2027 dhe Programit Buxhetor Afatmesëm 2027–2029 të Bashkisë Shkodër (Faza I).

🔥 Dhënien e ndihmës financiare për dëmet e shkaktuara nga zjarri.

📑 Një shtesë dhe ndryshim në VKB nr. 84, datë 18.12.2025, “Për miratimin e shtesës së planit të buxhetit të vitit 2026 dhe Programit Buxhetor Afatmesëm Përfundimtar 2026–2028 të Bashkisë Shkodër”, i ndryshuar.

🌱 Zbatimin e projektit SOILSTICE – Forcimi i institucioneve dhe lokaliteteve tona për transformimin e tokës, financuar në kuadër të programit HORIZON-MISS-2025-05, si dhe shtesën në planin e buxhetit të vitit 2026 dhe Programin Buxhetor Afatmesëm Përfundimtar 2026–2028 për realizimin e këtij projekti.

🌊 Zbatimin e projektit LAKE CARE – Veprimi komunitar për restaurimin dhe shëndetin e ekosistemit të Liqenit të Shkodrës, si dhe shtesën në planin e buxhetit të vitit 2026 dhe Programin Buxhetor Afatmesëm Përfundimtar 2026–2028 për realizimin e këtij projekti.

🏛️ Rregulloren e shfrytëzimit të hapësirës publike në Bashkinë Shkodër.

🗺️ Dhënien e mendimit zyrtar të Këshillit Bashkiak Shkodër mbi projektligjin “Për ndarjen administrativo-territoriale të njësive të qeverisjes vendore në Republikën e Shqipërisë”, për Bashkinë Shkodër.

📑 Një shtesë dhe ndryshim në VKB nr. 84, datë 18.12.2025, “Për miratimin e Buxhetit të vitit 2026 dhe Programit Buxhetor Afatmesëm Përfundimtar 2026–2028 të Bashkisë Shkodër”, i ndryshuar.

24/09/2026

Mbledhja e Keshillit Bashkiak 24.09.2026

23/09/2026

📌 Vijojnë konsultimet publike me banorët e Lagjes nr. 2, në kuadër të procesit të këshillimit me publikun për Programin Buxhetor Afatmesëm 2027–2029 dhe projektbuxhetin vjetor 2027 të Bashkisë Shkodër.

👨‍💼 Drejtori i Përgjithshëm i Zhvillimit të Qëndrueshëm Publik prezantoi:
✅ Investimet dhe ndërhyrjet e realizuara;
✅ Projektet në proces;
✅ Planet dhe projektet e parashikuara për vijim.

🙏 Gjatë takimit, banorët shprehën falënderimet dhe mirënjohjen e tyre për punët dhe investimet e realizuara deri më tani, ndërsa parashtruan nevojat dhe prioritetet për zonën ku banojnë.

✨ Prioritetet e evidentuara nga banorët janë:

1️⃣ 🚧 Përmirësimi i infrastrukturës rrugore;
2️⃣ 💧 Përmirësimi i rrjetit të kanalizimeve për ujërat e bardha dhe të zeza;
3️⃣ 🛝 Krijimi i një këndi lojërash për fëmijët.

📌 Konsultimet publike vijojnë nesër sipas kalendarit të miratuar.

21/09/2026

🔈 Përmbyllen konsultimet me publikun në njësitë administrative të Bashkisë Shkodër, me takimin e zhvilluar me banorët e Njësisë Administrative Guri i Zi, në kuadër të procesit të këshillimit për Programin Buxhetor Afatmesëm 2027–2029 dhe projektbuxhetin vjetor 2027, si dhe për projektligjin “Për ndarjen administrativo-territoriale të njësive të qeverisjes vendore në Republikën e Shqipërisë”.

✅ Gjatë takimit, administratori i Njësisë Administrative prezantoi investimet e realizuara deri më tani, projektet në proces dhe ndërhyrjet e planifikuara për periudhën e ardhshme.

🙏 Banorët shprehën falënderimet dhe mirënjohjen e tyre për investimet e realizuara në zonë, ndërsa evidentuan edhe prioritetet kryesore për komunitetin:

🚧 përmirësimi i infrastrukturës rrugore në disa fshatra;

💧 ndërhyrja dhe përmirësimi i rrjetit të ujësjellësit, i cili paraqitet i amortizuar dhe kërkon investime;

🏫 rikonstruksioni dhe përmirësimi i infrastrukturës së shkollave;

4️⃣ 🌊 vijimi i pastrimit dhe mirëmbajtjes së kanaleve vaditëse dhe kulluese, duke përfshirë pjesët që kanë mbetur pa ndërhyrje;

⚽ krijimi i një hapësire sportive në funksion të komunitetit;

🕌 krijimi i një hapësire të përshtatshme për varrezat myslimane, në përgjigje të nevojës së komunitetit.

🗣️ Në kuadër të konsultimit për reformën administrativo-territoriale, banorët patën gjithashtu mundësinë të shprehin mendimet e tyre lidhur me projektligjin.

📌 Me përfundimin e takimeve me njësitë administrative, procesi i konsultimit me publikun vijon sipas kalendarit me takimet me komunitetin në lagjet e qytetit të Shkodrës.