Concello Oza-Cesuras

Cómo llegar Página web

Concello Oza-Cesuras Información oficial do Concello de Oza-Cesuras.
Podes seguirnos tamén en Twitter como e en Instagram como .

💜 25N | OBRADOIRO DE DEFENSA PERSOAL PARA MULLERESCon motivo do Día Internacional da Eliminación da Violencia contra as ...
06/11/2026

💜 25N | OBRADOIRO DE DEFENSA PERSOAL PARA MULLERES

Con motivo do Día Internacional da Eliminación da Violencia contra as Mulleres, dende o Concello de Oza-Cesuras organizamos un obradoiro de defensa persoal dirixido ás mulleres, impartido por Judo Grandeobra

Unha oportunidade para aprender técnicas básicas de autoprotección, gañar confianza e adquirir ferramentas que nos axuden a sentirnos máis seguras.

📅 25 de novembro
🕢 De 19:45 a 21:15 h
📍 Pavillón de Oza

▪️ Terán prioridade as mulleres empadroadas no Concello.
▪️ Prazas limitadas.

📝 INSCRICIÓNS: Poderán realizarse en calquera das sedes municipais, tanto por vía telefónica como de maneira presencial.

📌 Data límite de inscrición: 23 de novembro.

💜 A prevención, a sensibilización e a formación son fundamentais na loita contra a violencia machista. Seguimos traballando por unha sociedade máis segura, igualitaria e libre de violencia contra as mulleres.

❤️ HOMENAXE A JOSÉ CARMELO SÁNCHEZ PRESEDOO Concello de Oza-Cesuras organiza unha homenaxe a José Carmelo Sánchez Presed...
05/11/2026

❤️ HOMENAXE A JOSÉ CARMELO SÁNCHEZ PRESEDO

O Concello de Oza-Cesuras organiza unha homenaxe a José Carmelo Sánchez Presedo, con motivo da súa recente xubilación, en recoñecemento á súa traxectoria.

Será unha xornada especial para compartir, agradecer e celebrar tantos anos de traballo e compromiso co noso municipio.

📅 28 de novembro
📍 Pazo de Santa Cruz de Mondoi

🍽️ As persoas interesadas en asistir ao xantar deberán ingresar 50 € na seguinte conta bancaria:

IBAN: ES53 2080 0051 8130 4002 0225

Concepto: Xantar – nome da persoa asistente.

Agardamos contar coa vosa presenza nesta ocasión tan especial. ❤️

🏁 OZA-CESURAS ESTARÁ PRESENTE NO TRIAL DAS AUTONOMÍAS!Os nosos veciños Marcos e Romero Villaverde foron seleccionados pa...
04/11/2026

🏁 OZA-CESURAS ESTARÁ PRESENTE NO TRIAL DAS AUTONOMÍAS!

Os nosos veciños Marcos e Romero Villaverde foron seleccionados para representar a Galicia no Trial das Autonomías, na categoría absoluta. Unha gran oportunidade e un orgullo para o noso concello!

A competición celebrarase os días 7 e 8 de novembro en Tona (Barcelona), reunindo pilotos de diferentes comunidades autónomas.

Desde o Concello de Oza-Cesuras queremos felicitalos por esta selección e desexarlles moita sorte nesta experiencia deportiva.

Moitos éxitos e forza, equipo Galicia! 💪🏁

🏁 O talento e a solidariedade de Oza-Cesuras tamén chegan a Marrocos! 🇲🇦Os irmáns Daniel e Miguel Varela, veciños de Oza...
04/11/2026

🏁 O talento e a solidariedade de Oza-Cesuras tamén chegan a Marrocos! 🇲🇦

Os irmáns Daniel e Miguel Varela, veciños de Oza-Cesuras, participan no Chatarras Raid, unha aventura solidaria que os levará a percorrer Marrocos durante nove días.

Unha experiencia que combina a paixón polo motor coa solidariedade. A bordo do seu vehículo transportan 15 quilos de alimentos e material didáctico que serán entregados á Asociación Douha, beneficiaria desta edición.

O Concello de Oza-Cesuras tamén colabora nesta iniciativa achegando os alimentos e o material educativo que os irmáns levarán consigo.

Nesta edición participan arredor de 250 vehículos e 500 persoas procedentes de España, Portugal e Italia.

👏 Desde o Concello queremos desexarlles a Daniel e Miguel moita sorte nesta aventura e agradecerlles que leven o nome de Oza-Cesuras máis alá das nosas fronteiras, demostrando que a solidariedade tamén pode viaxar sobre rodas.

Moita sorte, Daniel e Miguel! ❤️

🏁 MARTÍN MORI GONZÁLEZ, ORGULLO DE OZA-CESURAS!O noso veciño Martín Mori González destacou na IV Supercopa FGA 2026 de K...
01/11/2026

🏁 MARTÍN MORI GONZÁLEZ, ORGULLO DE OZA-CESURAS!

O noso veciño Martín Mori González destacou na IV Supercopa FGA 2026 de Karting, celebrada no circuíto de Outeiro de Rei, ao conseguir o mellor tempo na sesión de Super Pole da categoría Júnior.

Martín marcou un espectacular rexistro de 52,893 segundos, sendo o único piloto capaz de baixar dos 53 segundos e logrando unha vantaxe de máis de seis décimas sobre o segundo clasificado. 🏎️💨

Unha gran actuación que demostra o seu talento, a súa preparación e o seu potencial neste deporte.

Desde o Concello de Oza-Cesuras queremos felicitar a Martín por este excelente resultado e desexarlle moitos éxitos nos próximos retos deportivos.

Parabéns, Martín! Seguimos acelerando contigo! 👏

🖤 OZA-CESURAS, EN MEMORIA DAS VÍTIMAS DO ACCIDENTE FERROVIARIO DE TOLEDOAnte o tráxico accidente ferroviario ocorrido ho...
28/10/2026

🖤 OZA-CESURAS, EN MEMORIA DAS VÍTIMAS DO ACCIDENTE FERROVIARIO DE TOLEDO

Ante o tráxico accidente ferroviario ocorrido hoxe na provincia de Toledo, o Concello de Oza-Cesuras únese á convocatoria da FEMP e convoca a veciñanza a participar nun minuto de silencio como mostra de respecto e lembranza das vítimas.

📍 Hoxe, ás 20:00 h, diante da sede do Concello en Oza.

Desde o Concello queremos expresar o noso pesar por esta traxedia e trasladar todo o noso agarimo ás familias e persoas achegadas ás vítimas, así como os nosos mellores desexos de recuperación para as persoas feridas.

🖤 O noso pensamento está con todas as persoas afectadas e co persoal dos servizos de emerxencia que traballa nesta situación.

Onte, durante a misa da parroquia de Cines, compartimos un momento especial para a nosa comunidade: a despedida do padre...
19/10/2026

Onte, durante a misa da parroquia de Cines, compartimos un momento especial para a nosa comunidade: a despedida do padre Slawomir e a benvida ao padre Blas.

Desde o Concello de Oza-Cesuras queremos agradecer ao padre Slawomir a súa dedicación e labor durante este tempo, desexándolle o mellor nesta nova etapa.

Ao padre Blas, trasladámoslle a nosa máis cordial benvida e os nosos mellores desexos nesta nova andaina pastoral, agardando que se sinta acollido e acompañado pola nosa veciñanza.

🤍 Grazas a ambos polo seu compromiso coa comunidade.

🎾 Xa podes reservar as pistas municipais de pádel e tenis de Oza-Cesuras!Informamos de que xa está dispoñible a platafor...
16/10/2026

🎾 Xa podes reservar as pistas municipais de pádel e tenis de Oza-Cesuras!

Informamos de que xa está dispoñible a plataforma para realizar as reservas das pistas municipais de pádel e tenis.

📲 Podes facer a túa reserva de dúas formas:
🔹 Escaneando o código QR da imaxe.
🔹 Accedendo directamente a través da seguinte ligazón:
🔗 https://adminv2.appgalileo.com/reservas_galileo/9088a07e-adf5-41ea-928d-7c5f74e6ff8e

⚠️ Importante: comprobarase que a persoa que realiza a reserva estea empadroada no Concello de Oza-Cesuras.

Anímate a desfrutar das nosas instalacións deportivas! 💪

Oza-Cesuras acompaña á Garda Civil na celebración do Día do PilarO Concello de Oza-Cesuras estivo representado onte, 12 ...
13/10/2026

Oza-Cesuras acompaña á Garda Civil na celebración do Día do Pilar

O Concello de Oza-Cesuras estivo representado onte, 12 de outubro, na celebración relixiosa que tivo lugar en Betanzos con motivo da festividade da Virxe do Pilar, patroa da Garda Civil, coincidindo co Día da Hispanidade.

Unha ocasión para mostrar o recoñecemento institucional ao labor que desenvolve a Garda Civil e agradecer a súa dedicación e compromiso coa protección e a seguridade da cidadanía.

🛍️ MERCANAVILA 2026 | Apoio ao comercio localA Deputación da Coruña pon en marcha unha nova edición do programa MercaNaV...
11/10/2026

🛍️ MERCANAVILA 2026 | Apoio ao comercio local

A Deputación da Coruña pon en marcha unha nova edición do programa MercaNaVila, unha iniciativa destinada a fomentar as compras no comercio local dos concellos da provincia.

📅 Datas importantes:
▪️ Adhesión dos comercios: do 6 ao 20 de outubro de 2026, ás 9:00 h.
▪️ Descarga dos bonos: do 20 de outubro ao 20 de novembro de 2026, ou ata esgotar o orzamento dispoñible.

💶 O programa conta cun orzamento total de 5 millóns de euros para incentivar as compras no comercio local.

📍 Poden beneficiarse desta iniciativa as persoas maiores de 18 anos, independentemente do seu lugar de residencia, que cumpran os requisitos establecidos nas bases.

🤝 Apostar polo comercio local é apoiar os negocios de proximidade, dinamizar a economía e contribuír ao desenvolvemento dos nosos concellos.

ℹ️ Consulta toda a información e as bases da convocatoria na web da Deputación da Coruña.

Dirección

Lois, 33
Oza
15388

Horario de apertura

Lunes 09:00 - 15:00
Martes 09:00 - 15:00
Miércoles 09:00 - 15:00
Jueves 09:00 - 15:00
Viernes 09:00 - 15:00

Notificaciones

Sea el primero en enterarse: le enviaremos un correo electrónico cuando Concello Oza-Cesuras publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Atajos

Compartir

Categoría

Servicios Gubernamentales cercanos