¿Cuál es el sitio web?

Protección Civil Rianxo Perfil Oficial

Inicio
España
Rianxo, Galicia
Protección Civil Rianxo Perfil Oficial

Cómo llegar Página web Contactar con la organización

Formada integramente por voluntari@s. A nosa máxima é formar a poboación na prevención e colaborar en emerxencias cós colectivos profesionais.

31/10/2026

🧡 XII Carreira Popular de Rianxo 🏃‍♀️🏃‍♂️

Onte, os voluntarios e voluntarias de Protección Civil de Rianxo, xunto cos compañeiros e compañeiras das agrupacións de Protección Civil de Outes, Valga e A Pobra do Caramiñal, formamos parte do dispositivo de seguridade da XII Carreira Popular de Rianxo.

Foi unha tarde de deporte, ambiente e moita participación, na que traballamos para que corredores, corredoras e público puidesen desfrutar da proba con total seguridade: control de cruces, acompañamento da carreira, atención aos participantes e apoio en todo o percorrido.

Queremos agradecer o gran traballo dos nosos compañeiros da Policía Local de Rianxo (Policía Local de Rianxo ), da organización, do servizo de ambulancia e de todas as persoas e colectivos que fixeron posible que esta carreira saíse tan ben. Grazas tamén ás agrupacións de Outes, Valga e A Pobra polo seu apoio. Da gusto traballar así, en equipo! 💪

E, por suposto, parabéns a todos os corredores e corredoras, desde os máis pequenos ata os máis veteranos, por encher as rúas de Rianxo de deporte e ilusión. 🧡

28/09/2026

🥾🚴 Gozo do Ulla 🚴🥾

O dia de onte, voluntarias de Protección Civil de Rianxo participaron no operativo da actividade deportiva e andaina Gozo do Ulla, celebrada na parroquia de Isorna, no noso concello e organizada pola área de Deportes.

Durante a xornada, as nosas voluntarias prestaron apoio preventivo ao longo da actividade, contribuíndo ao correcto desenvolvemento da mesma e á seguridade das persoas participantes.

Queremos destacar tamén o excelente traballo realizado pola Policía Local de Rianxo, coa que cooperamos durante toda a xornada, sumando esforzos para garantir que a actividade se desenvolvese con total normalidade.

Agradecemos á organización e a todas as persoas implicadas a súa colaboración e confianza.

💙 Un pracer acompañar unha vez máis á nosa veciñanza.

22/09/2026

🎆 Fogos artificiais das Festas do Nazareno en A Pobra do Caramiñal 🎆

Onte, voluntarios e voluntarias de Protección Civil de Rianxo desprazáronse ata A Pobra do Caramiñal para colaborar no operativo con motivo dos fogos artificiais das Festas do Nazareno.

Durante a xornada, os nosos voluntarios prestaron apoio tanto por terra como por mar, permanecendo preparados para actuar ante calquera incidencia e contribuíndo á seguridade das persoas asistentes e ao correcto desenvolvemento do espectáculo.

O operativo realizouse en colaboración coa Agrupación de Protección Civil de A Pobra do Caramiñal, sumando esforzos para acompañar á cidadanía durante unha das noites máis destacadas destas festas.

🎇 Unha noite máis de tradición, celebración e traballo conxunto pola seguridade.

21/09/2026

✝️ Procesión das Festas do Nazareno en A Pobra do Caramiñal ✝️

O pasado domingo, 20 de setembro, voluntarios e voluntarias de Protección Civil de Rianxo desprazáronse ata A Pobra do Caramiñal para prestar apoio con motivo da tradicional procesión das Festas do Nazareno.

O operativo desenvolveuse en colaboración coas agrupacións de Protección Civil de Santiago, A Pobra, Noia, Ribeira e Boiro, sumando esforzos para contribuír ao correcto desenvolvemento da celebración e á seguridade das persoas asistentes.

🤝 Unha vez máis, a coordinación e o traballo conxunto entre agrupacións fan posible acompañar estas celebracións coa maior seguridade.

19/09/2026

💙🎇 O último día da Guadalupe 🎇💙

Onte, 18 de setembro, voluntarios e voluntarias de Protección Civil de Rianxo participaron no operativo de seguridade dun dos días máis especiais e multitudinarios das Festas da Guadalupe: o tradicional Día das Bengalas, no que as rúas de Rianxo se enchen de luz, emoción e miles de persoas para acompañar á Virxe e cantar xuntos a nosa querida Rianxeira.

É difícil explicar con palabras o que significa esta noite para Rianxo. Durante uns minutos, as rúas convértense nun punto de encontro para varias xeracións de rianxeiros e visitantes, unidos por unha mesma tradición e por unha canción que forma parte da identidade do noso pobo. 💙

Durante a xornada, os nosos voluntarios permaneceron despregados para prestar apoio preventivo e velar pola seguridade das persoas asistentes, preparados para actuar ante calquera incidencia e contribuíndo a que esta celebración puidese desenvolverse con normalidade.

Queremos agradecer especialmente o gran traballo da Policía Local de Rianxo, do servizo de ambulancia, da organización e de todas as persoas que formaron parte do operativo, así como á cidadanía pola súa colaboración durante unha noite tan especial.

E así poñemos o broche final a unhas festas nas que, un ano máis, tivemos a oportunidade de estar ao lado da nosa xente. 💙

🎇 Unha noite de bengalas, de emoción e dunha Rianxeira cantada por todo Rianxo.

💙 Viva a Guadalupe! Viva Rianxo! Viva a nosa Rianxeira! E viva a Moreniña! 💙

18/09/2026

🚨 Intervención no porto de Rianxo

Durante a xornada de hoxe, efectivos de Protección Civil de Rianxo, en coordinación coa Policía Local, interviñeron tras o afundimento dun barco bateeiro destinado ao despezamento no porto de Rianxo.

👨‍🚒 Os equipos desprazados ao lugar realizaron as comprobacións necesarias, aseguraron a zona e colaboraron nas actuacións destinadas a minimizar posibles riscos e evitar afeccións no contorno portuario.

⚓️ Este tipo de intervencións poñen de manifesto a importancia da coordinación entre os servizos de emerxencias e seguridade, especialmente nas instalacións portuarias, onde é fundamental actuar con rapidez e seguridade.

🤝 Desde Protección Civil de Rianxo agradecemos a colaboración de todos os servizos implicados.

15/09/2026

💙⚓ Procesión Marítima da Virxe de Guadalupe ⚓💙

Este domingo, 13 de setembro, os voluntarios e voluntarias de Protección Civil de Rianxo volvemos estar presentes nun dos momentos máis importantes e esperados das nosas festas: a tradicional Procesión Marítima da Virxe de Guadalupe.

Para Rianxo e para os rianxeiros e rianxeiras, a Guadalupe é moito máis ca unha celebración. É unha festa profundamente ligada á nosa identidade, ás nosas tradicións e, especialmente, á nosa relación co mar. É un día no que familias, veciños e visitantes saen ás rúas e á ría para acompañar á Virxe, nunha tradición que se mantén viva xeración tras xeración.

Durante a xornada, os nosos voluntarios prestaron apoio tanto por terra como por mar, acompañando o percorrido da procesión e permanecendo preparados para actuar ante calquera incidencia, coa finalidade de que todas as persoas puidesen vivir este día tan especial coa maior tranquilidade e seguridade posible.

Unha xornada destas características só é posible grazas ao traballo e á coordinación de moitas persoas. Por iso, queremos agradecer especialmente a colaboración da Policía Local de Rianxo, do servizo de ambulancia, así como de todas as persoas e entidades que participaron no operativo e, por suposto, á cidadanía, polo seu comportamento e colaboración durante a celebración.

🌊💙 Hoxe, como cada ano, estivemos onde tiña que estar Protección Civil: acompañando aos nosos veciños e veciñas nun dos días máis especiais para Rianxo, tanto dende a terra como dende o mar.

Viva a Guadalupe! 💙

08/09/2026

🥾🚵 BTT e Andaina Subida ao Castro Barbudo 🚵🥾

O pasado domingo, voluntarios e voluntarias de Protección Civil de Rianxo participaron no operativo da BTT e Andaina Subida ao Castro Barbudo, celebrada no noso concello.

Durante a xornada, os nosos voluntarios prestaron apoio preventivo ao longo dos percorridos, en colaboración coa Policía Local, permanecendo preparados para actuar ante calquera incidencia e contribuíndo á seguridade das persoas participantes.

Agradecemos á organización e a todos os servizos participantes a súa colaboración, facendo posible unha nova xornada de deporte, natureza e compañeirismo.

🌿 Unha xornada máis acompañando o deporte e reforzando a prevención.

Dirección

Rianjo
15920

Página web

https://sites.google.com/view/proteccincivilrianxo/inicio

Notificaciones

Sea el primero en enterarse: le enviaremos un correo electrónico cuando Protección Civil Rianxo Perfil Oficial publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.