BNG de Rianxo

31/10/2026

𝗔𝗖𝗧𝗢 𝗔𝗕𝗘𝗥𝗧𝗢 𝗥𝗜𝗔𝗡𝗫𝗢 🗣️

💬 O traballo do BNG nas Cortes está a dar resultados para Galiza. Conseguimos avances importantes grazas á voz propia do nacionalismo galego en Madrid, pero aínda quedan moitos retos por diante para defender os nosos intereses e mellorar a vida da xente.

📆 O vindeiro 7 de novembro, abrimos un espazo de encontro coa veciñanza de Rianxo para compartir o balance do traballo feito en Madrid, poñer en valor os logros acadados e abordar as cuestións que máis preocupan á sociedade galega. Unha oportunidade para compartir propostas, escoitar as demandas da xente e seguir construíndo unha Galiza con máis dereitos e máis capacidade de decisión.

👉🏻 Intervirán Fran Rei, concelleiro do BNG en Rianxo; Rosana Pérez, candidata nº 2 pola Coruña ao Congreso; e Néstor Rego, candidato nº 1 pola Coruña ao Congreso.

📅 Venres, 7 de novembro
🕗 20.00 h
📍 Cuartel Vello, Rianxo

Un encontro aberto a toda a veciñanza. Agardámoste!

02/10/2026

🏥 A sanidade pública en Rianxo non pode seguir así.

O noso concelleiro Fran Rei denuncia as deficiencias que sofre o Centro de Saúde de Rianxo, con listas de agarda longas e problemas que afectan directamente á calidade da atención que recibe a veciñanza.

🧹 A isto súmase a situación das traballadoras da limpeza dos centros de saúde de Rianxo, Boiro e Ribeira, un servizo xa externalizado polo SERGAS, que están a sufrir atrasos no cobro das nóminas e o impago das pagas extras.

📢 Desde o BNG seguiremos presentando iniciativas para reclamar solucións e, sobre todo, seguiremos apoiando á veciñanza e ás traballadoras na defensa dunha sanidade pública digna, con recursos e condicións laborais xustas.

02/10/2026

29/09/2026

🏛️ 𝗥𝗢𝗚𝗢𝗦 𝗘 𝗣𝗥𝗘𝗚𝗨𝗡𝗧𝗔𝗦 | 𝗣𝗟𝗘𝗡𝗢 𝗗𝗘 𝗥𝗜𝗔𝗡𝗫𝗢

No pleno ordinario do pasado xoves levamos á Corporación diferentes cuestións que afectan directamente ao día a día das veciñas e veciños de Rianxo.

👉🏽 Estas son algunhas das cuestións que levamos ao último pleno. Desliza para coñecelas.

🗣️ Propostas e demandas para seguir traballando por Rianxo.

24/09/2026

24/09/2026

🎒 Hai unhas semanas comezamos un novo curso escolar. Un curso con novos retos e aprendizaxes.

🏫 Pero para que as nenas e nenos poidan aprender e desfrutar, tamén precisamos que os centros educativos e os seus espazos estean nas condicións que merecen.

🛝 No CRA de Rianxo, o patio é unha parte fundamental do día a día do alumnado e precisa dunha actuación integral: cómpre renovar os elementos do patio e mellorar o seu firme.

📢 Por iso, no pleno de hoxe presentamos un rogo para que o Concello proceda ao arranxo integral do patio do CRA de Rianxo.

22/09/2026

⚠️ Precaución na balsa do polígono.

Pedimos a toda a veciñanza que extreme as precaucións ao redor da balsa do polígono, xa que o peche está roto e a situación supón un risco que non se pode seguir ignorando.

ℹ️ É un problema que leva moito tempo sen ser solucionado, a pesar da súa importancia.

👉 No vindeiro Pleno do Concello, este xoves, dende o BNG imos levar a urxencia deste problema para reclamar que se actúe e se arranxe dunha vez.

14/09/2026

💙 Dende o BNG de Rianxo queremos desexarvos a todas e todos unhas boas Festas da Guadalupe!

Hoxe desfrutamos da nosa tradicional procesión marítima, unha das citas máis especiáis e unha parte imprescindible do sentir da nosa vila ⚓️🌊

🎉 Que viva Rianxo e que vivan as Festas da Guadalupe!

12/09/2026

🎖️ MEDALLA DE OURO PARA MONCHO O XIXÍ

🔜 Hoxe, sábado, Rianxo celebrou un pleno extraordinario para outorgarlle a Medalla de Ouro de Rianxo a Ramón Iglesias, Moncho o Xixí, en recoñecemento a tantos anos de dedicación, compromiso e amor polo noso concello.

🎇 As Festas da Guadalupe son, sen dúbida, unha parte fundamental dese legado, pero tamén o son a súa colaboración con outras comisións, a súa participación en asociacións e entidades e o seu compromiso coa conservación e promoción das nosas tradicións. Anos de traballo nos que soubo conxugar innovación e tradición, facendo medrar as festas e converténdoas nun referente.

❕E hai algo especialmente importante: Moncho non só fixo medrar as festas, tamén soubo deixar un relevo preparado para continuar ese camiño. Ese é tamén o mellor reflexo de todo o que construíu durante tantos anos.

✉️ Desde o BNG queremos agradecerlle toda esa dedicación e felicitalo por unha Medalla de Ouro máis que merecida, que é tamén un recoñecemento a todas as persoas que o acompañaron e traballaron ao seu carón.

Parabéns e que bote o Xixí! 🎉