08/10/2026
ڈسٹرکٹ ایجوکیشن آفیسر محترمہ فرح اویس کا گرلز انٹر کالج خالق آباد کا دورہ، مسز نجم النساء خان کی تعلیمی خدمات کو خراجِ تحسین
میرپور (پریس ریلیز):
ڈسٹرکٹ ایجوکیشن آفیسر ایلیمنٹری، محترمہ فرح اویس نے گرلز انٹر کالج خالق آباد، میرپور کا دورہ کیا، جہاں کالج کی انتظامیہ، اساتذہ اور معزز شخصیات نے ان کا پرتپاک استقبال کیا۔ اس موقع پر مسز نجم النساء خان نے دیگر معزز مہمانوں اور کالج اسٹاف کے ہمراہ محترمہ فرح اویس کا خیرمقدم کیا۔
محترمہ فرح اویس نے کالج کے تعلیمی ماحول، تدریسی سرگرمیوں اور طالبات کی تعلیمی و تربیتی کارکردگی کا جائزہ لیا اور مسز نجم النساء خان کی پیشہ ورانہ صلاحیتوں، تعلیمی خدمات، انتظامی مہارت اور طالبات کی رہنمائی کے لیے ان کی مسلسل کاوشوں کو خصوصی طور پر سراہا۔
انہوں نے کہا کہ مسز نجم النساء خان ایک انتہائی ماہر، محنتی اور باصلاحیت تعلیمی شخصیت ہیں، جنہوں نے اپنی بہترین تدریسی اور انتظامی صلاحیتوں کے ذریعے گرلز انٹر کالج خالق آباد میں ایک مثبت اور معیاری تعلیمی ماحول قائم کرنے میں اہم کردار ادا کیا ہے۔ ان کی تعلیمی بصیرت اور طالبات کی کردار سازی کے لیے خدمات قابلِ تحسین ہیں۔
ڈسٹرکٹ ایجوکیشن آفیسر محترمہ فرح اویس نے اس امید کا اظہار کیا کہ کالج کا تدریسی و انتظامی عملہ مسز نجم النساء خان کی محنت، نظم و ضبط، خلوص اور تعلیمی وژن کو مشعلِ راہ بناتے ہوئے اسی جذبے کے ساتھ اپنی ذمہ داریاں ادا کرتا رہے گا۔
اس موقع پر کالج کے تعلیمی معیار کو مزید بہتر بنانے، طالبات کو جدید تعلیمی مواقع فراہم کرنے اور ادارے کی مجموعی ترقی کے حوالے سے بھی تبادلۂ خیال کیا گیا۔ دورے کے اختتام پر محترمہ فرح اویس نے کالج انتظامیہ اور تدریسی عملے کی کاوشوں کو سراہا اور ادارے کے روشن مستقبل کے لیے نیک خواہشات کا اظہار کیا۔
