All India Radio News Aizawl

AKASHVANI AIZAWL
REGIONAL NEWS UNIT

REGIONAL NEWS BULLETIN
HEADLINES ( EVENING ) - 1.6.2026

1. Mizorama Rajya Sabha seat 1 hnawhkhat tura inthlan tur hriattirna chu vawiin khan Mizoram Legislative Assembly Secretary chuan a tichhuak.

2. Lei da zel tur ven kawnga hmalakna sorkar laipui hmalakna 'Khet Bachao Abhiyan' chu vawiin khan Larsap General (Retd) Vijay K*mar Singh-an a hawng.

3. Vawiina Prime Minister Narendra Modia leh Myanmar President U Min Aung Hlaing te inbia chuan Kaladan Multi Modal Transit Transport Project a hma thei ang bera thawh zawh an remti.

4. Malaysia sawrkar chuan vawiin atang khan naupang k*m 16 hnuailam social media account neih a khap.

Chanchin kimchang zawka ngaithla duh tan....

Chanchinthar (Evening Mizo News)-01/06/2026 AIR News,Aizawl

: Ministry of Health & Family Welfare hmalaknaa TB umbo beihpui thlak mek "100 Days Campaign" chu ngawrh taka kalpui mek a ni a, TB vei 370 vel hmuhchhuah a ni tawh.

He campaign hi Mizorama district zawng zawngah kalpui vek niin TB hluar theihna hmun bika ngaih "High Risk Village/Ward" te chu ngaihpawimawh a ni a. Heng hmunah te hian mipui zawng zawng screen vek tur a ni.

TB umbo beihpui thlak mek "100 Days Campaign" hi k*min March ni 24 atang khan kalpui tan a ni a, hemi hnuaiah hian TB vei awlsam bika ngaih zunthlum nei, BP sang, meizu, zu in mi, k*m 60 chunglam, Chuap TB damlo chenpui te phei chu endik ngei ngei tur an ni.

National Health Mission Mizoram hnuaia National TB Elimination Programme chuan bul an tan atanga thlahlui May 24 thleng khan campaign hi a kalpui a, hemi hun chhung hian Screening camp vawi 340 neih a ni a, X-ray hmanga endik zat hi mi 25509 an ni a, TB vei hmuhchhuah tawh zat chu mi 370 an ni a, Chuap TB damlo chenpui zinga TB venna (TPT) chu mi 488 hnenah pek a ni tawh bawk.

: Mizorama Rajya Sabha seat 1 hnawhkhat tura inthlan tur hriattirna chu vawiin khan Mizoram Legislative Assembly Secretary chuan a tichhuak.

Rajya Sabha inthlan vote thlak hi tun thla ni 18 ah neih tur a ni a, rampumah Rajya Sabha seat 24 hnawhkhat tura inthlan chuh tum te tan hian vawiin atang khan hming pek luh hun hawn tan a ni a, tun thla ni 8 thleng thehluh hun hawn a ni ang.

Mizoram bakah Manipur, Meghalaya leh Arunachal Pradesh ah te seat 1 theuh, Andhra Pradesh, Gujarat leh Karnataka seat 4 theuh leh Rajasthan leh Madhya Pradesh-a seat 3 leh Jharkhand a seat 2 hnawhkhat turin inthlan hi neih tur a ni.

Hetihlai hian state 3-Maharashtra, Tamil Nadu leh Odisha Rajya Sabha by election neih tur atana hriattirna chu vawiin hian chhuah a ni bawk a ni.

Rajya Sabha inthlan vote thlak hi tun thla ni 18 ah neih tur a ni a, hemi ni vek hian vote thlak zawhah vote tla te chhiar nghal a ni ang.

: Ran vulhtuten an ran vulhte an thih palh pawha sum an hmuh theihna tura Mizoram sorkarin National Insurance Company (NIC) thawhpuia sorkar laipui scheme National Livestock Mission (NLM) hnuaia a kalpui 'Animal Insurance'-ah nimin thleng khan vawk 2774, bawng 6 leh kel 7 insurance tih a ni tawh.

NIC hotute hnen atanga Akashvani News Aizawl thudawn danin, ran insurance tihnaah hian nimin thleng khan vawk vulhtuten an vawk vulh lai 2774 chu insurance an tihsak tawh a, Aizawl district-ah vawk insurance tihsak 1550 awm tawhin a tam ber a; Siaha district-ah insurance ti an la awm lo. Bawng insurance tihsak hi Aizawl district-ah 5 leh Serchhip district-ah 1 a ni a; kel insurance tihsak tawh 7 hi Lunglei district-a mi vek an ni.

Animal Insurance hi vawk, bawng, sial, kel leh beram-ah a tih theih a, insurance tihsak rante hi khuarel chhiatna leh hri avanga an thih chuan ranvulhtute hnenah NIC hian an ran vulh hlutna hùa chhût pawisa an pe dawn a - an len dan a zirin vawkah hian Rs 7200-24000 inkar hmuh theih niin, bawng leh sialah hian Rs 14000 - 48000 leh kel leh beram-ah hian Rs 1680 - 5600 hmuh let theih a ni. Ran insure te hi an lo thih palh a nih chuan ran vulhtute hian kim takin insurance pawisa dilna atan pawimawhte an neih kima, insurance an claim a nih chuan NIC hian a rang thei ang berin an chinfel sak tur a ni a, NIC hian an tih turte ni 15 chhunga an ti zo hman lo a nih chuan ran vulhtute hnena sum an pek tur hi zaa 12-in a pung dawn a ni.

: Vawk pul hri, African Swine Fever (ASF) avanga k*m 2024 chhunga vawk suat neitute hnena zangnadawmna pek tur cheng nuai 2195 chu vawk neitute hnenah pek a ni tawh a; sorkar laipuiah k*m 2025-a vawk suat neitute hnena pek tur zangnadawmna cheng nuai 194 vel dil lek mek a ni.

AH&Vety department hotute chuan Akashvani News Aizawl zawhna chhangin, ASF vanga vawk suat neitute hnena zangnadawmna pek tur chu central sorkar leh Mizoram sorkarin an za zela 50 ve ve-in an intum sem avangin sorkar laipuia zangnadawmna tura chhut atanga zaa 50 dil thin a ni a, hemi atanga sorkar lipuiin a rawn pek ang zat chiah hi state sorkar chuan a pe ve thin. K*m 2024 chhunga vawk suat neitute hnena sorkar laipuia zangnadawmna dil hi a vaiin a rawn pek loh avangin zangnadawmna pek zawng zawng hi zaa 89 vel a ni, an ti.

Listen to Chanchinthar (Midday Mizo News) – 01.063.2026 by Akashvani, News Aizawl on Youtube

Chanchinthar Midday Mizo News 01/06/2026 AIR NEWS AIZAWL

: Sawrkarin Passenger phur chi lirthei hrang hrang Mizo Taxi Online Booking application hmang tura a tih chu chu Taxi khalh pawl hrang hrang ten hman loh ni se tiin thuchhuah intawm an siam.

Mizoram Taxi Association (MTA), Aizawl Two Wheeler Taxi Association (ATTA) leh Aizawl District Auto Rickshaw Owner Association (ADAROA) hruaitu thukhawm chuan Mizo Taxi Online Booking application hi hmanglo turin thuchhuah intawm an siam a, thu leh awm hma chu Application Download lo tur leh in ziaklut lo turin an member te an hriattir a ni.

STA thuchhuah tarlan danin Mizo Taxi Online kalpui turah hian Taxi te in register a, registration tih manah, k*m tin Rs 600 /Rs1000 chawi ngai turin thu a chhuah a, hemi chungchangah hian passenger phur lirthei khalhtute chuan man chawi ngai a application hmang tura in register a ngai chu tha antih loh thu anlo thlen tawh a ni.

: Khawchin thlir lawktuten tunhnaia ruahsurah chhiatna hrang hrang a thlen theih avangin mipuite fimkhur turin an chah.

IMD, Aizawl Director Pu Sudheer Dwivedi chuan Akashvani News Aizawl in a kawmna ruahsur chuan ni 2 atanga ni 3 a awh dawn a ti a, ruahsur hian Mizorama District hrang hrang tuamin ruah bakah hian thli leh rial te pawh thawk thei ani a ti bawk.

Leimin tamna Mizoramah chuan mipuite fimkhur turin IMD Director chuan a chah a, hei bakah hian lirthei khalhtute pawh fimkhur turin a chah bawk a ni.

AKASHVANI AIZAWL
REGIONAL NEWS UNIT

REGIONAL NEWS BULLETIN
HEADLINES (MORNING) - 1.6.2026

1. Prime Minister Narendra Modi kaihhruai NDA sawrkar kaltlanga tanpuina dawngtu Vairengte tualchhung mi ten an chhawr tangkai thu an sawi.

2. Sawrkarin Passenger phur chi lirthei hrang hrang Mizo Taxi Online Booking application hmang tur a a tih chu chu Taxi khalh pawl hrang hrang ten hman loh ni se tiin thuchhuah intawm an siam.

3. Chief of Defence Staff (CDS) thar General N S Raja Subramani chuan ngahtuahna thar hman leh a taka thiltih chu sipaite theihna tihhmasawnna tur a ni a ti.

4. Myanmar hmarchhak Kaungtup khuaa in pakhata thil puakah mi 45 an thi..

Chanchin kimchang zawka ngaithla duh tan....

Chanchinthar (Morning Mizo News) - 01/06/2026 AIR News, Aizawl