02/11/2026
ജവഹർ ബാൽ മഞ്ച് എറണാകുളം ജില്ലാ കമ്മിറ്റിയുടെ ആഭിമുഖ്യത്തിൽ ഇടപ്പള്ളി ഗവ. ഹയർ സെക്കൻഡറി സ്കൂൾ ഹാളിൽ സംഘടിപ്പിച്ച ജില്ലാതല 'ചാച്ചാജി ഗോൾഡ് മെഡൽ' ചിത്രരചനാ മത്സരം കേരള കണ്ടിന്യൂയിങ് എഡ്യൂക്കേഷൻ ഡയറക്ടറും കാലടി സംസ്കൃത സർവ്വകലാശാല മുൻ വൈസ് ചാൻസലറുമായ ഡോ. എം.സി. ദിലീപ്കുമാർ ഉദ്ഘാടനം ചെയ്തു.
ജെ.ബി.എം. എറണാകുളം ജില്ലാ പ്രസിഡന്റ് കുമാരി അഫ്രിൻ എം.എ. അധ്യക്ഷത വഹിച്ച ചടങ്ങിൽ ജില്ലാ ചെയർമാൻ കെ.വി. ജോൺസൺ ആമുഖ പ്രസംഗം നടത്തി. ജെ.ബി.എം. സംസ്ഥാന സെക്രട്ടറി കുമാരി അമല മരിയ, ജില്ലാ ജനറൽ സെക്രട്ടറി കുമാരി അമന്ന എം.എസ്., സംസ്കാര സാഹിതി ജില്ലാ കൺവീനർ ഡോ. എരൂർ ബിജു, കോൺഗ്രസ് മണ്ഡലം പ്രസിഡന്റ് അനിൽ പാലത്തിങ്കൽ, കോർപ്പറേഷൻ കൗൺസിലർ സിനി ആനന്ദ്, സാഹിത്യകാരൻ നാസർ ബാബു മംഗലത്ത്, ഡിവിഷൻ പ്രസിഡന്റ് മനോജ്കുമാർ എന്നിവർ പ്രസംഗിച്ചു.
അഞ്ച് കാറ്റഗറികളിലായി ക്രമീകരിച്ച മത്സരങ്ങളിൽ ജില്ലയുടെ വിവിധ ഭാഗങ്ങളിൽ നിന്നായി 214 വിദ്യാർത്ഥികൾ പങ്കെടുത്തു മാറ്റുരച്ചു. പ്രോഗ്രാം കോ-ഓർഡിനേറ്റർ ജയ്മോൻ തോട്ടുപുറം സ്വാഗതവും ജില്ലാ കോ-ഓർഡിനേറ്റർ സുനിൽകുമാർ ജോൺ കൃതജ്ഞതയും രേഖപ്പെടുത്തി.
ജില്ലാ കോ-ഓർഡിനേറ്റർമാരായ സാബു പി. വാഴയിൽ, കെ.സി. തോമസ്, തോമസ് കെ. ജോസഫ്, ഫ്രാൻസിസ് നിക്സൺ, ഡോ. സുനിത അജി, ജേക്കബ് ജോൺ മാണി എന്നിവർ മത്സരങ്ങളുടെ ഏകോപനം നിർവ്വഹിച്ചു. ഡീന എബി, ജോണി സേവ്യർ, സജീർ എസ്., ഡിൽനാ സാബു എന്നിവർ രജിസ്ട്രേഷൻ നടപടികൾക്ക് നേതൃത്വം നൽകി.