All India Radio News Thiruvananthapuram

05/11/2026

തിരുവനന്തപുരം ശ്രീകാര്യം പാങ്ങപ്പാറയില്‍ പ്ളസ് വണ്‍ വിദ്യാര്‍ത്ഥി അഭിറാമിനെ കൊലപ്പെടുത്തിയ സംഭവത്തില്‍ കുറ്റവാളികള്‍ക്ക് കടുത്തശിക്ഷ തന്നെ ലഭിക്കുമെന്നുറപ്പ് വരുത്തുമെന്ന് ആഭ്യന്തരമന്ത്രി രമേശ് ചെന്നിത്തല വ്യക്തമാക്കി. അഭിറാമിന്റെ മാതാപിതാക്കളെയും കുടുംബാംഗങ്ങളെയും സന്ദര്‍ശിച്ചതിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

All India Radio News


AIR PIC:Reju Koliyacode, PTC Tvpm

05/11/2026

കൊച്ചി - ധനുഷ്കോടി ദേശീയപാതയിൽ ചീയപ്പാറ വെള്ളച്ചാട്ടത്തിന് സമീപം ഓടിക്കൊണ്ടിരുന്ന ടാക്സി കാറിന് തീപിടിച്ചു. വാഹനത്തിലുണ്ടായിരുന്ന ദമ്പതിമാരും ഡ്രൈവറും പരിക്കേൽക്കാതെ രക്ഷപ്പെട്ടു. കാർ പൂർണമായി കത്തിനശിച്ചു.ഷോർട്ട് സർക്യൂട്ടാണ് അപകടത്തിന് കാരണമെന്നാണ് പ്രാഥമിക നിഗമനം. അടിമാലി, നേര്യമംഗലം എന്നിവിടങ്ങളിൽ നിന്നെത്തിയ അഗ്നിരക്ഷാസേന യൂണിറ്റുകളാണ് തീ അണച്ചത്. അപകടത്തെ തുടർന്ന് ദേശീയ പാതയിൽ ഏറെ നേരം ഗതാഗതം തടസപ്പെട്ടു.

All India Radio News


AIR VIDEOS:Ratheesh Krishna, PTC Idukki

05/11/2026

ദീർഘദൂര യാത്രക്കാർക്ക് കൂടുതൽ യാത്രാ സൗകര്യമൊരുക്കുന്നതിനായി കെ.എസ്.ആർ.ടി.സി വെറ്റ് ലീസ് വ്യവസ്ഥയിൽ ലഭ്യമാക്കിയ അഞ്ച് പുതിയ ബസുകൾ കൂടി നിരത്തിലിറങ്ങി. തിരുവനന്തപുരം സെൻട്രൽ ഡിപ്പോയിൽ ഗതാഗത മന്ത്രി സി.പി ജോൺ ബസുകളുടെ ഫ്ലാഗ് ഓഫ് കർമം നിർവഹിച്ചു.

All India Radio News

AIR PIC:Reju Koliyacode, PTC Tvpm

05/11/2026

ആകാശവാണി പ്രത്യേക വാർത്ത ബുള്ളറ്റിൻ

SPECIAL BULLETIN 08.35 PM DATED 05/11/2026

https://www.youtube.com/watch?v=0AGukgTtSMI

വാർത്തകൾക്കായി ഞങ്ങളുടെ ഫേസ്ബുക് പേജ് Like ചെയ്ത് Share ചെയ്യാം

This is the Official YouTube channel of Regional News unit (RNU) of...

05/11/2026

സാഫ് ഫുട്‌ബോള്‍ ചാമ്പ്യന്‍ഷിപ്പിൽ പാകിസ്ഥാനെ രണ്ടിനെതിരെ മൂന്ന് ഗോളുകള്‍ക്ക് ഇന്ത്യ പരാജയപ്പെടുത്തി.
India defeats Pakistan 3-2 in the SAFF Football Championship.

********************************************************************

സാഫ് ഫുട്‌ബോള്‍ ചാമ്പ്യന്‍ഷിപ്പിലെ ഗ്രൂപ്പ് ബി മത്സരത്തില്‍ പാകിസ്ഥാനെ രണ്ടിനെതിരെ മൂന്ന് ഗോളുകള്‍ക്ക് പരാജയപ്പെടുത്തി നിലവിലെ ചാമ്പ്യന്മാരായ ഇന്ത്യ. ധാക്കയിലെ നാഷണല്‍ സ്റ്റേഡിയത്തില്‍ നടന്ന പോരാട്ടത്തിലാണ് ഇന്ത്യയുടെ വിജയം.

All India Radio News

05/11/2026

കേരളത്തിൽ ഇടിമിന്നലോട് കൂടിയ ഒറ്റപ്പെട്ട ശക്തമായ മഴ തുടരുമെന്ന് കേന്ദ്ര കാലാവസ്ഥാ വകുപ്പ്. ഇന്ന് 11 ജില്ലകളിൽ മഞ്ഞ ജാഗ്രത.
India Meteorological Department predicts isolated heavy rainfall with lightning to continue in Kerala; issues yellow alert for 11 districts today.

**********************************************************

കേരളത്തിൽ ഇടിമിന്നലോട് കൂടിയ ഒറ്റപ്പെട്ട ശക്തമായ മഴ തുടരുമെന്ന് കേന്ദ്ര കാലാവസ്ഥാ വകുപ്പ്. തൃശൂര്‍, പാലക്കാട്, കാസര്‍ഗോഡ് ഒഴികെയുള്ള എല്ലാ ജില്ലകളിലും ഇന്ന് മഞ്ഞ ജാഗ്രത നൽകിയിട്ടുണ്ട്. അഞ്ച് ജില്ലകളിൽ നാളെയും മറ്റന്നാളും മഞ്ഞ ജാഗ്രതയാണ്.

All India Radio News

05/11/2026

അറസ്റ്റ് ചെയ്യപ്പെടുന്ന വ്യക്തിയെ മജിസ്ട്രേറ്റിന് മുന്നിൽ ഹാജരാക്കാനുള്ള 24 മണിക്കൂർ സമയ പരിധി, കസ്റ്റഡിയിൽ എടുക്കുന്ന സമയം മുതലെന്ന് സുപ്രീംകോടതി.
Supreme Court rules that the 24-hour deadline to present an arrested person before a magistrate starts from the moment of taking into custody.

*****************************************************************

അറസ്റ്റ് ചെയ്യപ്പെടുന്ന ഒരു വ്യക്തിയെ 24 മണിക്കൂറിനുള്ളിൽ മജിസ്ട്രേറ്റിന് മുന്നിൽ ഹാജരാക്കണമെന്ന ഭരണഘടനാപരമായ സമയപരിധി കണക്കാക്കേണ്ടത് ഔദ്യോഗികമായി അറസ്റ്റ് രേഖപ്പെടുത്തുന്ന സമയം മുതലല്ല, മറിച്ച് വ്യക്തിയെ കസ്റ്റഡിയിലെടുക്കുന്ന നിമിഷം മുതലാണെന്ന് സുപ്രീം കോടതി. 24 മണിക്കൂർ തികയുന്ന സമയം കണക്കാക്കാൻ അറസ്റ്റും കസ്റ്റഡിയും രണ്ടും രണ്ടായി കാണാനാകില്ലെന്നും മജിസ്‌ട്രേറ്റിന്റെ അനുമതിയില്ലാതെ ഈ സമയപരിധിക്കപ്പുറം തടങ്കലിൽ വയ്ക്കുന്നത് ഭരണഘടനാ വിരുദ്ധമാണെന്നും കോടതി വ്യക്തമാക്കി.

All India Radio News

05/11/2026

പെൻഷൻകാർക്ക് ലൈഫ് സർട്ടിഫിക്കറ്റ് സമർപ്പണം ലളിതമാക്കാൻ ലക്ഷ്യമിട്ട് ദേശീയ ഡിജിറ്റൽ ലൈഫ് സർട്ടിഫിക്കറ്റ് പ്രചാരണ പരിപാടിക്ക് നാളെ തുടക്കം.
National Digital Life Certificate Campaign begins tomorrow to simplify life certificate submission for pensioners.

*******************************************************************

അഞ്ചാമത് ദേശീയ ഡിജിറ്റൽ ലൈഫ് സർട്ടിഫിക്കറ്റ് പ്രചാരണ പരിപാടി കേന്ദ്രസഹമന്ത്രി ജിതേന്ദ്ര സിംഗ് നാളെ ന്യൂഡൽഹിയിൽ ഉദ്ഘാടനം ചെയ്യും. പെൻഷൻ വെൽഫെയർ വകുപ്പ് സംഘടിപ്പിക്കുന്ന ഈ കാമ്പയിൻ ഈ മാസം 30 വരെ നടക്കും. ജീവൻ പ്രമാൺ ആപ്പിലെ ഫേസ് ഓതന്റിക്കേഷൻ ഉപയോഗിച്ച് പെൻഷൻകാർക്ക് ലൈഫ് സർട്ടിഫിക്കറ്റ് സമർപ്പണം കൂടുതൽ ലളിതവും വേഗത്തിലാക്കുകയുമാണ് പദ്ധതിയുടെ ലക്ഷ്യം. ബാങ്കുകൾ, ഇന്ത്യ പോസ്റ്റ് പേയ്‌മെന്റ് ബാങ്ക്, എന്നിവയുടെ സഹകരണത്തോടെ നടത്തുന്ന പരിപാടിയിൽ, 80 വയസ്സ് കഴിഞ്ഞവർക്കും രോഗികൾക്കുമായി വീടുകളിലെത്തി സേവനങ്ങൾ നൽകുന്നതിനുള്ള പ്രത്യേക സൗകര്യവും ഒരുക്കിയിട്ടുണ്ട്.

All India Radio News

05/11/2026

Prime Minister Narendra Modi says Indian athletes' performance in the Asian Para Games proves the country is emerging as a global sports powerhouse.

ഏഷ്യൻ പാരാ ഗെയിംസിലെ ഇന്ത്യൻ താരങ്ങളുടെ പ്രകടനം, ആഗോള കായിക രംഗത്ത് രാജ്യം, വൻശക്തിയായി ഉയർന്നുവരുന്നതിന്റെ തെളിവെന്ന് പ്രധാനമന്ത്രി നരേന്ദ്ര മോദി.

***************************************************************

ജപ്പാനിൽ നടന്ന ഏഷ്യൻ പാരാ ഗെയിംസിലെ ഇന്ത്യൻ താരങ്ങളുടെ പ്രകടനം, ആഗോള കായിക രംഗത്ത്, രാജ്യം വൻശക്തിയായി ഉയർന്നുവരുന്നതിന്റെ തെളിവാണെന്ന് പ്രധാനമന്ത്രി നരേന്ദ്ര മോദി. 2026ലെ ഏഷ്യൻ പാരാ ഗെയിംസിൽ പങ്കെടുത്ത ഇന്ത്യൻ സംഘവുമായി ന്യൂഡൽഹിയിൽ സംവദിക്കുകയായിരുന്നു അദ്ദേഹം. 2010-ൽ കേവലം 14 മെഡലുകൾ മാത്രം നേടിയിരുന്ന സ്ഥാനത്ത് നിന്ന് ഇത്തവണ 114 മെഡലുകളിലേക്ക് ഇന്ത്യ എത്തിയത് അത്ലറ്റുകളുടെ കഠിനാധ്വാനത്തിന്റെ ഫലമാണെന്ന് ശ്രീ മോദി പറഞ്ഞു.

All India Radio News

05/11/2026

രാജ്യത്തിന്റെ ഫോസിൽ ഇതര ഊർജ ശേഷി 300 ജിഗാവാട്ട് പിന്നിട്ടതായി ഉപരാഷ്ട്രപതി സി.പി.രാധാകൃഷ്ണൻ.
Vice President C.P. Radhakrishnan states that India's non-fossil fuel capacity crosses 300 gigawatts.

***********************************************************

രാജ്യത്തിന്റെ ഫോസിൽ ഇതര ഊർജ ശേഷി 300 ജിഗാവാട്ട് പിന്നിട്ടതായും പരിസ്ഥിതി സംരക്ഷണത്തിനായുള്ള പ്രതിബദ്ധത സാമ്പത്തിക വളർച്ചയ്ക്ക് തടസ്സമല്ല, മറിച്ച് വികസനത്തിന്റെ പ്രേരകശക്തിയാണെന്നും ഉപരാഷ്ട്രപതി സി.പി. രാധാകൃഷ്ണൻ. ന്യൂഡൽഹിയിൽ നടന്ന ഭാരത പുനരുപയോഗ ഊർജ ഉച്ചകോടിയുടെ സമാപന സമ്മേളനത്തിൽ സംസാരിക്കുകയായിരുന്നു അദ്ദേഹം. പുനരുപയോഗ ഊർജ മേഖലയിൽ ഭാവി സാങ്കേതികവിദ്യ വികസിപ്പിക്കുന്നതിന് വ്യവസായങ്ങളും ഗവേഷകരും സ്റ്റാർട്ടപ്പുകളും തമ്മിൽ ശക്തമായ സഹകരണം വേണമെന്ന് ഉപരാഷ്ട്രപതി പറഞ്ഞു.

All India Radio News