Joint council Kerala

31/10/2026

കേരളപ്പിറവി ആശംസകൾ

28/10/2026

ആൾ ഇന്ത്യാ സ്റ്റേറ്റ് ഗവൺമെൻ്റ് എംപ്ലോയീസ് കോൺഫെഡറേഷൻ്റെ
ആഹ്വാനീൻസരിച്ച് ഗ്യാനേഷ്കുമാറിൻ്റെ രാജിക്കായുള്ള പ്രക്ഷോഭത്തിന് ഐക്യദാർഡ്യവുമായി കേന്ദ്ര സർക്കാർ ഓഫീസുകൾക്കു മുന്നിൽ നടത്തിയ മാർച്ചും ധർണയും തിരുവനന്തപുരം AG'S ആഫീസിനുമുന്നിൽ ദേശീയ ജനറൽ സെക്രട്ടറി സി ആർ ജോസ് പ്രകാശ് ഉദ്ഘാടനം ചെയ്തു

26/10/2026

ജനാധിപത്യം സംരക്ഷിക്കുക

26/10/2026

പ്രസിദ്ധീകരണത്തിന്,

തിരുവനന്തപുരം
26-10-2026
ഗവര്‍ണറുടെ ശുപാര്‍ശ പി.എസ്.സി യെ
തകര്‍ക്കാനുള്ള ഗൂഢ നീക്കത്തിന്റെ ഭാഗം
-ജോയിന്റ് കൗണ്‍സില്‍
ഇന്ത്യയില്‍ ഏറ്റവും മാതൃകാപരമായി പ്രവര്‍ത്തിക്കുന്ന കേരള പബ്ലിക് സര്‍വീസ് കമ്മീഷനെ തകര്‍ക്കാനുള്ള ഗൂഢ നീക്കങ്ങളുടെ ഭാഗമാണ് പി.എസ്.സി ചെയര്‍മാനെയും അംഗങ്ങളെയും പുറത്താക്കണമെന്ന് ആവശ്യപ്പെട്ട് ഗവര്‍ണര്‍ രാഷ്ട്രപതിക്ക് കത്തയച്ചതെന്ന് ജോയിന്റ് കൗണ്‍സില്‍ ചെയര്‍മാന്‍ നരേഷ്‌കുമാര്‍ കുന്നിയൂരും ജനറല്‍ സെക്രട്ടറി എസ്.സജീവും പ്രസ്താവനയില്‍ പറഞ്ഞു. ഭരണഘടനാ സ്ഥാപനമായ പി.എസ്.സി യിലെ ചെയര്‍മാനെയും അംഗങ്ങളെയും പുറത്താക്കേണ്ടതെങ്ങനെയാണെന്ന് ആര്‍ട്ടിക്കിള്‍ 317 ല്‍ വ്യക്തമാക്കിയിട്ടുണ്ട്. ആര്‍ട്ടിക്കിള്‍ 163 പ്രകാരമേ ഗവര്‍ണര്‍ക്ക് പ്രവര്‍ത്തിക്കാന്‍ കഴിയൂ. മന്ത്രിസഭയുടെ ശുപാര്‍ശ രാഷ്ട്രപതിക്ക് നല്‍കാനുള്ള അധികാരം മാത്രമുള്ള ഗവര്‍ണര്‍ തനിക്ക് ലഭിക്കുന്ന പരാതികളുടെ അടിസ്ഥാനത്തില്‍ നിയമപരമായ യാതൊരു അന്വേഷണ റിപ്പോര്‍ട്ടിന്റെയും പിന്‍ബലമില്ലാതെ ഭരണഘടനാ പദവിയിലുള്ളവരെ പുറത്താക്കാന്‍ രാഷ്ട്രപതിയോടാവശ്യപ്പെടുന്നത് നഗ്‌നമായ അധികാര ദുര്‍വിനിയോഗവും ഭരണഘടനാ വിരുദ്ധവുമാണ്. ജനാധിപത്യപരമായി തിരഞ്ഞെടുപ്പെട്ട മന്ത്രിസഭയെ നോക്കുകുത്തിയാക്കി ജനാധിപത്യത്തെ അട്ടിമറിക്കാനുള്ള ഗവര്‍ണറുടെ നീക്കങ്ങളെ ശക്തമായി പ്രതിരോധിക്കാന്‍ എല്ലാ ജനാധിപത്യ വിശ്വാസികളും യോജിച്ച് അണിനിരക്കേണ്ടതുണ്ട്.
കേരളത്തിലെ പി.എസ്.സി യുടെ പ്ലാനിംഗ് ബോര്‍ഡ് നിയമനവുമായി ബന്ധപ്പെട്ട് നടന്ന ക്രമക്കേടുകള്‍ യു.ഡി.എഫ് സര്‍ക്കാര്‍ ശരിയായ രീതിയില്‍ അന്വേഷിക്കുന്നുണ്ട്. ഇത് സംബന്ധിച്ച് കേസ് ഹൈക്കോടതിയുടെ പരിഗണനയിലുമാണ്. അന്വേഷണ റിപ്പോര്‍ട്ടിന്റെ അടിസ്ഥാനത്തില്‍ കുറ്റക്കാര്‍ക്കെതിരെ മാതൃകാപരമായ നടപടിയെടുക്കുക എന്നതാണ് സര്‍ക്കാര്‍ ചെയ്യേണ്ടത്. അതിനു പകരം പി.എസ്.സിയുടെ വിശ്വാസ്യതയെ തകര്‍ക്കാനും സര്‍ക്കാര്‍ നിയമനങ്ങളെ അട്ടിമറിക്കാനുമുള്ള ഗൂഢ നീക്കങ്ങള്‍ക്ക് പിന്തുണ നല്‍കുന്ന ഗവര്‍ണറുടെ നടപടി അംഗീകരിക്കാന്‍ കഴിയുന്നതല്ല. കഴിഞ്ഞ 10 വര്‍ഷത്തിനിടയില്‍ മൂന്ന് ലക്ഷത്തോളം നിയമന ശുപാര്‍ശ നടത്തിയ മറ്റൊരു പി.എസ്.സി യും ഇന്ത്യയിലില്ല. ഒരു പരീക്ഷയിലെ സാങ്കേതിക പിഴവിന്റെ പേരില്‍ സ്ഥാപനത്തെയാകെ നശിപ്പിക്കാന്‍ ഭരണഘടനാ സംരക്ഷണ ചുമതലയുള്ള ഗവര്‍ണര്‍ ശ്രമിക്കരുതെന്നും ജോയിന്റ് കൗണ്‍സില്‍ ആവശ്യപ്പെട്ടു.

എസ്.സജീവ്
(ജനറല്‍ സെക്രട്ടറി)

26/10/2026

സ. എംഎൻവിജി അടിയോടി ദിനത്തിൽ എല്ലാ ബ്രാഞ്ചുകളിലും ചിത്രം വച്ച് പുഷ്പാർച്ചന നടത്തി അനുസ്മരണ യോഗങ്ങൾ നടത്തി. കോഴിക്കോട് പന്തീരാങ്കാവിലെ സ്‌മൃതി മണ്ഡപത്തിൽ ചെയർമാനും തിരുവനന്തപുരത്ത് ഈ ജെ ഫ്രാൻസിസ് സ്‌മാര കത്തിൽ ജനറൽ സെക്രട്ടറിയും ആദരാഞ്ജലി അർപ്പിച്ചു.
വൈകിട്ട് 4 ന് തിരുവനന്തപുരത്ത് എം എൻ വി ജി അടിയോടി ഹാളിൽ അടിയോടി ദിനത്തോട് അനുബന്ധിച്ച് ജോയിൻ്റ് കൗൺസിലും സീനിയർ സിറ്റിസൺസ് സർവ്വീസ് കൗൺസിലും സ്റ്റേറ്റ് സർവ്വീസ് പെൻഷനേഴ്സ് കൗൺസിലും ചേർന്ന് നടത്തിയ യോഗത്തിൽ ജനാധിപത്യവും തിരഞ്ഞെടുപ്പ് കമ്മിഷനും എന്ന വിഷയത്തിൽ മുതിർന്ന കമ്യൂണിസ്റ്റ് നേതാവ് സ. പന്ന്യൻ രഷന്ദ്രൻ പ്രഭാഷണം നടത്തി.

26/10/2026

എം.എന്‍.വി.ജി.അടിയോടി അനുസ്മരണം
ജനാധിപത്യവും തിരഞ്ഞെടുപ്പ് കമ്മീഷനും - പ്രഭാഷണം ഇന്ന് ( 26-10-2026)

കാര്യക്ഷമവും അഴിമതിരഹിതവും ആയ സിവിൽ സർവ്വീസിനായി പ്രയത്നിച്ച ജോയിൻ്റ് കൗൺസിൽ നേതാവ് എം.എന്‍.വി.ജി.അടിയോടിയുടെ അനുസ്മരണ ദിനത്തോടനുബന്ധിച്ച് ജോയിന്റ് കൗണ്‍സില്‍, സീനിയര്‍ സിറ്റിസണ്‍സ് സര്‍വീസ് കൗണ്‍സില്‍, സ്റ്റേറ്റ് സര്‍വീസ് പെന്‍ഷനേഴ്‌സ് കൗണ്‍സില്‍ എന്നിവയുടെ ആഭിമുഖ്യത്തില്‍ ഒക്‌ടോബര്‍ 26 വൈകുന്നേരം 4 മണിക്ക് ജോയിന്റ് കൗണ്‍സില്‍ സംസ്ഥാന കമ്മിറ്റി ഓഫീസിലെ എം.എന്‍.വി.ജി.അടിയോടി ഹാളില്‍ വച്ച് "ജനാധിപത്യവും തിരഞ്ഞെടുപ്പ് കമ്മീഷനും " എന്ന വിഷയത്തില്‍ പ്രഭാഷണം സംഘടിപ്പിക്കുന്നു. മുതിർന്ന കമ്മ്യൂണിസ്റ്റ് നേതാവ് പന്ന്യന്‍ രവീന്ദ്രന്‍ പ്രഭാഷണം നടത്തും

എസ്.സജീവ്
(ജനറല്‍ സെക്രട്ടറി)

26/10/2026

സ.എം.എന്‍.വി.ജി.അടിയോടി ദിനം

സര്‍ക്കാര്‍ ജീവനക്കാരുടെയും അദ്ധ്യാപകരുടെയും എണ്ണമറ്റ പോരാട്ടങ്ങള്‍ക്ക് ധീരമായ നേതൃത്വം നല്‍കിയ എം.എന്‍.വി.ജി.അടിയോടി ഓര്‍മ്മയായിട്ട് ഇന്നേയ്ക്ക് 20 വര്‍ഷമായി. ആരോഗ്യ വകുപ്പില്‍ ഫാര്‍മസിസ്റ്റ് ആയി ഔദ്യോഗിക സേവനം ആരംഭിച്ച അടിയോടി കേരള ഗവണ്‍മെന്റ് ഫാര്‍മസിസ്റ്റ് അസോസിയേഷന്റെ സംസ്ഥാന നേതൃത്വത്തില്‍ നിരവധി വര്‍ഷം പ്രവര്‍ത്തിച്ച ശേഷമാണ് സംസ്ഥാന ജീവനക്കാരുടെ പൊതു പ്രസ്ഥാനമായ ജോയിന്റ് കൗണ്‍സിലുമായി ബന്ധപ്പെട്ട് സര്‍വീസ് മേഖലയിലെ നിറസാന്നിദ്ധ്യമായി മാറിയത്. ജോയിന്റ് കൗണ്‍സില്‍, അദ്ധ്യാപക-സര്‍വീസ് സംഘടനാ സമരസമിതി, ആള്‍ ഇന്ത്യാ സ്റ്റേറ്റ് ഗവണ്‍മെന്റ് എംപ്ലോയീസ് കോണ്‍ഫെഡറേഷന്‍ എന്നീ സംഘടനകളുടെയും ഫാര്‍മസി കൗണ്‍സില്‍ ഓഫ് ഇന്ത്യയുടെയും അമരക്കാരനായി ദീര്‍ഘനാള്‍ പ്രവര്‍ത്തിച്ച അടിയോടി തന്റെ ധീരമായ നേതൃത്വ പാടവം കൊണ്ടും അചഞ്ചലമായ നിശ്ചയദാര്‍ഢ്യം കൊണ്ടും ശ്രദ്ധേയനായിരുന്നു. ജനോപകാരപ്രദവും അഴിമതിരഹിതവുമായ സിവില്‍ സര്‍വീസിന് വേണ്ടി ജീവനക്കാരെയും പൊതുജനങ്ങളെയും അണിനിരത്തി 1986 ല്‍ ജോയിന്റ് കൗണ്‍സില്‍ കാസര്‍ഗോഡ് നിന്നും തിരുവനന്തപുരം വരെ നടത്തിയ കാല്‍നട ജാഥ സിവില്‍ സര്‍വീസിന്റെ ചരിത്രത്തില്‍ പുതുമയാര്‍ന്നതും കേരളീയ സമൂഹം ഏറെ ശ്രദ്ധിച്ചതും ചര്‍ച്ച ചെയ്യപ്പെട്ടതുമായിരുന്നു. ഈ ജാഥയ്ക്ക് സഖാവ് നേതൃപരമായ പങ്ക് വഹിച്ചു.സര്‍ക്കാര്‍ ഓഫീസുകളില്‍ എത്തുന്ന സാധാരണക്കാരനായ ജനങ്ങള്‍ക്ക് അവരുടെ ആവശ്യങ്ങള്‍ വേഗത്തില്‍ നിറവേറ്റുന്നതിനായി നിലവിലുള്ള ചട്ടങ്ങളും നിയമങ്ങളും കാലാനുസൃതമായി പരിഷ്‌ക്കരിക്കണമെന്നാവശ്യപ്പെട്ട് കൊണ്ട് 1988 ല്‍ സിവില്‍ സര്‍വീസ് ഉടച്ചു വാര്‍ക്കുക എന്ന മുദ്രാവാക്യം ഉയര്‍ത്തി ജോയിന്റ് കൗണ്‍സില്‍ നടത്തിയ ജാഥയുടെയും നേതൃത്വം സ.അടിയോടിക്കായിരുന്നു.
2002 ല്‍ സംസ്ഥാന ജീവനക്കാരുടെയും അദ്ധ്യാപകരുടെയും 32 ദിവസത്തെ പണിമുടക്കിന് മുഴുവന്‍ സംഘടനകളെയും ഒന്നിച്ച് നിര്‍ത്തി ഭരണ-പ്രതിപക്ഷ ഭേദമില്ലാതെ പോരാട്ടം സംഘടിപ്പിക്കാനും ഭരണാധികാരികളുടെ ഭീഷണിയും കരിനിയമങ്ങളും അറസ്റ്റും പിരിച്ചുവിടലും എല്ലാം നേരിട്ട് സമര രംഗത്ത് മുഴുവന്‍ ജീവനക്കാരെയും അദ്ധ്യാപകരെയും അണിനിരത്താനും അദ്ദേഹം കാണിച്ച അനിതരസാധാരണമായ നേതൃപാടവം കേരളത്തിലെ സര്‍ക്കാര്‍ ജീവനക്കാരുടെ സമരചരിത്രത്തില്‍ പുതിയ ഒരദ്ധ്യായമായി ജ്വലിച്ച് നില്‍ക്കുന്നു.
ജീവനക്കാരുടെയും അദ്ധ്യാപകരുടെയും അഖിലേന്ത്യാ സംഘടനയായ ആള്‍ ഇന്ത്യാ സ്റ്റേറ്റ് ഗവണ്‍മെന്റ് എംപ്ലോയീസ് കോണ്‍ഫെഡറേഷന്‍ രൂപീകരിക്കുന്നതിനും ഭൂരിപക്ഷ സംസ്ഥാനങ്ങളിലും സംഘടനക്ക് ശക്തമായ സാന്നിദ്ധ്യം ഉറപ്പാക്കുന്നതിനും കോണ്‍ഫെഡറേഷന്റെ ദേശീയ ജനറല്‍ സെക്രട്ടറി എന്ന നിലയിലുള്ള അദ്ദേഹത്തിന്റെ പ്രവര്‍ത്തനം ശ്രദ്ധേയമായിരുന്നു.
മൂന്നര പതിറ്റാണ്ട് നീണ്ട ഔദ്യോഗിക സേവനത്തില്‍ നിന്നും വിരമിച്ച സ.അടിയോടി കമ്മ്യൂണിസ്റ്റ് പാര്‍ട്ടിയുടെ ദേശീയ കൗണ്‍സില്‍ അംഗം എന്ന നിലയില്‍ പൊതുപ്രവര്‍ത്തന രംഗത്ത് കൂടുതല്‍ ഉത്തരവാദിത്വങ്ങള്‍ ഏറ്റെടുത്ത് പ്രവര്‍ത്തിക്കാന്‍ ആരംഭിച്ചപ്പോഴാണ് മാരക രോഗത്തിന് അടിപ്പെടുന്നത്. ആരേയും ആകര്‍ഷിക്കുന്ന സൗമ്യമായ പെരുമാറ്റശൈലി, പ്രതിസന്ധികളെ നേരിടാനുള്ള കഴിവ്, ഉദാത്തമായ മനുഷ്യസ്‌നേഹം എന്നിവയ്ക്ക് ഉത്തമ ഉദാഹരണമായിരുന്ന സ.അടിയോടിയുടെ ദീപ്തമായ ഓര്‍മ്മകള്‍ക്ക് മുന്നില്‍ ആദരവോടെ ആദരാഞ്ജലികള്‍ അര്‍പ്പിക്കുന്നു.

25/10/2026

ജാനാധിപത്യം സംരക്ഷിക്കാനായി വിദ്യാർത്ഥികളും യുവത യും നടത്തുന്നപോരാട്ടങ്ങൾക്ക്
ജോയിൻ്റ് കൗൺസിൽ സംസ്ഥാന വനിതാ ക്യാമ്പിൻ്റെ ഐക്യദാർഢ്യം

24/10/2026

സംസ്ഥാന വനിത ക്യാമ്പ് ഹരിപ്പാട് സ.ബീന അലക്സാണ്ടർ നഗറിൽ
AITUC സംസ്ഥാ പ്രസിഡൻ്റ്
സ. ടി.ജെ ആഞ്ചലോസ് ഉദ്ഘാടനം ചെയ്യുന്നു

22/10/2026