Samdech Mahamontrei Kuy Sophal

នៅព្រឹកថ្ងៃចន្ទ ទី០១ ខែមិថុនា ឆ្នាំ២០២៦
សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ជាព្រះរាជតំណាងដ៏ខ្ពង់ខ្ពស់ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការ:ដ៏ខ្ពង់ខ្ពស់បំផុត បានរៀបចំពិធីបួងសួងក្រុងពាលី ដើម្បីចាប់ផ្តើមជួសជុលកែលម្អព្រះរាជដំណាក់ធំ ក្រុងសៀមរាប ខេត្តសៀមរាប ។

នៅព្រឹកថ្ងៃអាទិត្យ ទី៣១ ខែឧសភា ឆ្នាំ២០២៦
សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ជាព្រះរាជតំណាងដ៏ខ្ពង់ខ្ពស់ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការ:ដ៏ខ្ពង់ខ្ពស់បំផុត បានរៀបចំពិធីសង្ឃទានឧទ្ទិសកុសលជូនវិញ្ញាណក្ខន្ធ លោកចៅឃុន ប៉ុម ពាង នៅមុខចេតិយ ក្នុងបរិវេណវត្តបទុមវតីរាជវរារាម រាជធានីភ្នំពេញ ។

កាលពីរសៀលថ្ងៃចន្ទ ទី២៥ ខែឧសភា ឆ្នាំ២០២៦
សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង បានចុះពិនិត្យសកម្មភាពការងារមន្រ្តីក្រុមសម្តេចឪ កំពុងភ្ជួររាស់ដីស្រែវស្សាជូនប្រជាពលរដ្ឋ ស្ថិតនៅឃុំស្វាយចចិប ស្រុកបរសេដ្ឋ ខេត្តកំពង់ស្ពឺ ដែលជាព្រះរាជទានដ៏ថ្លៃថ្លា ព្រះករុណាជាអម្ចាស់ជីវិតលើត្បូង ជាទីគោរពសក្ការ:ដ៏ខ្ពង់ខ្ពស់បំផុត និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ។

នៅព្រឹកថ្ងៃព្រហស្បតិ៍ ទី១៤ ខែឧសភា ឆ្នាំ២០២៦
សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ជាព្រះរាជតំណាងដ៏ខ្ពង់ខ្ពស់ បានចែកព្រះរាជអំណោយដ៏ថ្លៃថ្លាអំពី ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាសនៃព្រះរាជពិធីបុណ្យចម្រើនព្រះជន្មាយុព្រះអង្គ គម្រប់​ ៧៣ព្រះវស្សា យាងចូល ៧៤ព្រះវស្សា ជូនដល់ថ្នាក់ដឹកនាំ ទីប្រឹក្សា-ជំនួយការ មន្ត្រីរាជការ មន្ត្រីជាប់កិច្ចសន្យាក្រសួងព្រះបរមរាជវាំង និងកងកម្លាំងនគរបាលការពារព្រះបរមរាជវាំង ក្រុមគ្រូពេទ្យ វិស្វករ និងកម្មករកំពុងបំពេញការងារក្នុងព្រះបរមរាជវាំង ។

សូមព្រះបរមរាជានុញ្ញាតក្រាបបង្គំទូលថ្វាយ នូវសារលិខិតថ្វាយព្រះពរ ក្នុងឱកាសព្រះរាជពិធីបុណ្យចម្រើនព្រះជន្មវស្សា ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ៕

នៅរសៀលថៃ្ងពុធ ទី១៣ ខែឧសភា ឆ្នាំ២០២៦
សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង បាននាំយកព្រះរាជអំណោយដ៏ថ្លៃថ្លា នូវសៀវភៅកម្រងរូបភាព សី្ដអំពីព្រះរាជសកម្មភាព និងព្រះរាជសមិទ្ធផល (២០២៣-២០២៥) របស់ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត និងសមេ្តចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ប្រគល់ជូន:
១- ក្រសួងអប់រំ យុវជន និងកីឡា ប្រោសព្រះរាជទាន ចំនួន ១,៨១៥ ច្បាប់ ។
២- បណ្ណសារដ្ឋានជាតិកម្ពុជា ប្រោសព្រះរាជទាន ចំនួន ១០ ច្បាប់ ។

នៅព្រឹកថៃ្ងសៅរ៍ ទី០៩ ខែឧសភា ឆ្នាំ២០២៦
សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង បានអញ្ជើញចុះជួបសំណេះសំណាល និងនាំយកអំណោយមានគ្រឿងបរិភោគ និងថវិកាមួយចំនួន ចែកជូនគ្រួសារវីរៈកងទ័ពនៅសមរភូមិជួរមុខ ចំនួន ១៥៣គ្រួសារ សិ្ថតនៅឃុំចំនួន១០ ក្នុងស្រុកបរិបូណ៌ ខេត្តកំពង់ឆ្នាំង។

នៅព្រឹកថ្ងៃសុក្រ ទី០៨ ខែឧសភា ឆ្នាំ២០២៦
សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង បានអញ្ជើញចុះពិនិត្យសកម្មភាពការងារក្រុមសមេ្តចឳ កំពុងសាងសង់អគារសិក្សា ចំនួន ១ខ្នង មាន ៤បន្ទប់ អគារទីចាត់ការនិងបណ្ណាល័យ​ ១ខ្នង​ ២បន្ទប់​ ព្រមទាំងអគារអនាម័យ​ ១ខ្នង​ ៤បន្ទប់​ ដែលជាព្រះរាជទានដ៏ថ្លៃថ្លា សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ក្នុងបរិវេណសាលាបឋមសិក្សាស្រែប្រីយ៍ ស្ថិតនៅឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង។

នៅព្រឹកថ្ងៃសៅរ៍ ទី០២ ខែឧសភា ឆ្នាំ២០២៦
សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង បានអនុញ្ញាតជូន ឯកឧត្តម Steven Pang Chee Wee ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋសិង្ហបុរី ប្រចាំព្រះរាជាណាចក្រកម្ពុជា ចូលជួបសម្តែងការគួរសម ក្នុងព្រះបរមរាជវាំង។

នៅរសៀលថ្ងៃសុក្រ ទី០១ ខែឧសភា ឆ្នាំ២០២៦
សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ជាព្រះរាជតំណាងដ៏ខ្ពង់ខ្ពស់ ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងព្រះរាជពិធីបុណ្យវិសាខបូជា នៅក្នុងបរិវេណព្រះឧបោសថរតនារាមព្រះវិហារព្រះកែវមរកត ព្រះបរមរាជវាំង។