https://www.facebook.com/900939570074987/

Dretfp Alaotra Mangoro

Home
Madagascar
Ambatondrazaka
Dretfp Alaotra Mangoro

Directions

Direction Régionale de l'Enseignement Technique et de la Formation Professionnelle Organisme Gouvernemental

29/10/2026

FANAMAFISANA NY FAMPIHARANA ARA-PIKARAKARANA AMIN’NY ALALAN’NY CHANTIER ÉCOLE – LTP MORAMANGA

Ho fanamafisana ny fahaiza-manao arak’asa ananan’ireo mpiofana ao amin’ny LTP Moramanga, indrindra ireo ao amin’ny taona fahatelo amin’ny taranja DM sy ny taona faharoa amin’ny taranja CEC, dia misy ny chantier école tanterahina eny anivon’ny sekoly, izay ahitana ny asa fandrarahana simenitra (coulage de dalle).

Ity hetsika ity dia natao hanomezana traikefa mivantana sy azo ampiharina amin’ny sehatry ny fiofanana arahiny ireo mpiofana, sady mandray anjara amin’ny fanatsarana ny fotodrafitrasan’ny sekoly. Trano misy efitra efatra no kasaina hatsangana amin’ity taona ity, noho ny fiaraha-miasan’ny sekoly sy ny Fikambanan’ny Ray aman-drenin’ny Mpianatra (FRAM).

« Olo-mahay raha, tsy very mandeha. »
Ltpmoramanga

29/10/2026

FANENTANANA MOMBA NY ANDRAIKITRA MAHA-OLOM-PIRENENA SY NY FIAROVANA NY TONTOLO IAINANA – LTP MORAMANGA

Notanterahina tao amin’ny LTP Moramanga ny 27 Oktobra 2026 ny fanentanana notarihin’ny delegasiona avy amin’ny Cellule d’Engagement Civique et Environnementale (CECE), izay natao ho an’ireo mpianatra sy mpampiofana.

Ny tanjona dia ny hampiroborobo ny fandraisana andraikitra sy ny fifanajana, mba hisian’ny tontolo ianarana madio, milamina, azo antoka ary mifototra amin’ny etika sy ny maha-matihanina.

Anisan’ny nisongadina nandritra izany ny famporisihana ireo mpianatra hanangana ny « CLUB ÉCO-CITOYEN », ho sehatra iray entina hampivelarana ny fahatsapan-tena maha-olom-pirenena, ny fandraisana andraikitra ary ny fikajiana ny tontolo iainana.

« Olo-mahay raha, tsy very mandeha»

29/10/2026

EXAMEN NATIONAL FIN DE FORMATION COUPE ET COUTURE
‎
‎Tanterahina nanomboka omaly 28 Oktobra ka mifarana androany 29 Oktobra 2026 ny fanadinana nasionaly ho an'ny sampana tao zaitra, rehefa nahavita fiofanana arak'Asa nandritra ny 10 volana.
‎Ivon-toeram-panofanana arak'Asa miisa dimy ary nahitana mpiadina 32 no manatanteraka ity fanadinana ity dia ireto avy izany:
‎ - CFMECAPRO: 14
‎ - CFP MEVA: 3
‎ - LA COUTURE CHEZ SOI: 8
‎ - SEKOLY TAOFITAFY: 5
‎ - CFP ST JO: 3
‎
‎Mirary soa ireo mpiadina rehetra mandritra ity fanadinana ity.

26/10/2026

FANANGANAN-TSAINA DRETFP ALAOTRA MANGORO
‎
Notanterahina androany 26 Oktobra 2026 ny Fananganan-tsaina voalohany niarahana tamin'Andriamatoa Talem-paritra vaovao teto amin'ny birao ny Fitaleavam-paritry ny Fampianarana Teknika sy ny Fanofanana arak'Asa Alaotra Mangoro.
‎
‎Fotoana ihany koa izay nifampiarahabana sy nifampirariana soa nataony ho an'ireo mpiasa rehetra izany.
‎Taorian'izay dia niroso tamin'ny fivoriana fanao mahazatra ny rehetra.
‎
‎"Olo mahay raha tsy very mandeha."

24/10/2026

FIFAMINDRAM-PITANTANANA DRETFP ALAOTRA MANGORO
‎
‎Araka ny tatitry ny filan-kevitry ny minisitra tamin'ny Alarobia lasa teo dia voatendry ho Talem-paritry ny Fampianarana Teknika sy ny Fampiofanana Arak'asa Alaotra Mangoro vaovao , Andriamatoa RANDRIAMAHAVONY Joharinivo Ampère.
‎
‎Natao androany 23 Oktobra 2026 tato amin'ny efitrano malalaky ny LTP Ambatondrazaka araka izany , ny fifamindram-pitantanana teo amin'ny Talem-paritra teo aloha sy ny Talem-paritra vaovao.
‎
‎Tonga nanome voninahitra ity fotoana ity ny Sekretera Jeneraly ny Fileovana Ambatondrazaka, notronin-dRamatoa Directeur d'Incubation Professionnel (DIP) avy any amin'ny Ministera foibe miaraka tamin'ireo manampahefana eto an-toerana sy ny fianakaviam-ben'ny Fampianarana Teknika sy ny Fampiofanana arak'Asa Alaotra Mangoro.
‎
‎Nizotra ampilamina tanteraka ny fotoana rehetra ary samy nitso-drano azy roa tonta ny Sekretera Jeneraly hahaleo ahalasa amin'ny adidy sy andraikitra sahaniny avy.
‎
‎"Olo mahay raha tsy very mandeha."

08/10/2026

EXAMEN FIN DE FORMATION
‎
‎Nanomboka omaly 07 Oktobra 2026 ary mifarana anio 08 oktobra 2026 ny fanadinana ofisialy famaranana "Mécanique Auto" ho an'ireo ivon-toeram-panofanana tsy miankina manerana ny Nosy.
‎
‎Raha ho an'ny Fitaleavam-paritry ny Fampianarana Teknika sy ny Fanofanana Arak'asa Alaotra Mangoro manokana dia nahitana mpiadina191 : niveau I : 72 ary niveau II: 119 izay mitsinjara amina ivon-toeram-panofanana miisa 5 ( INATE, ARMEC, PROMECA, CFP MEVA, CFMECAPRO).
‎
‎Nizotra am-pilaminana avokoa ireo fanadinana ireo ho an'ny androany. Mirary soa ireo mpiadina rehetra!

28/08/2026

EXAMEN FIN DE FORMATION
‎
‎Tanterahina androany 28 Aogositra 2026 ny fanadinana famaranana ny fiofanana ato amin'ny ivon-toeram-panofanana "Planet English" izay misahana ny fampiofanana ny taranja teny anglisy.
‎
‎Miisa 135 ny ireo mpiadina miatrika izao fanadinana farany izao rehefa avy nahavita fianarana nandritra ny 8 volana.
‎
‎Tsara ny manamarika fa efa nahazo ny fankatoavana ara-panjakana ity ivon-toeram-panofanana ity.
‎
‎"Olo-mahay raha, tsy very mandeha."

16/08/2026

Mankasitraka indrindra tamin'ny fandraisantsika anjara e🙏

16/08/2026

FIFANINANA ARA-PANATANJAHAN-TENA AN-TSEKOLY
‎
‎Tanterahina eto Mahajanga nanomboka ny 10 ka hatramin'ny anio 16 Aogositra 2026 ny lalao ara-panatanjahantena an-tsekoly.

‎Raha ho an'ny Fitaleavam-paritry ny Fampianarana Teknika sy ny Fanofanana Arak'Asa Alaotra Mangoro manokana dia ny taranja foot à 7 no nandraisan'izy ireo anjara tamin'ity hetsika ity.

‎Tsara ny vokadalao satria dia fandresena avokoa no azo nandritra ny lalao rehetra ka izao tafiakatra amin'ny dingana famaranana izao.
‎
‎Ho tanterahina anio amin'ny 3 ora tolakandro ao amin'ny kianja Rabemananjara ny lalao famaranana izay hifanandrina amin'ny DRETFP Atsinanana.

‎Mirary soa ho an'izy ireo isika mba hitondra ny amboara hody any an-tanàna.

‎Alefa DRETFP Alaotra Mangoro - Ltp Moramanga.
-mahay raha, tsy very mandeha

10/08/2026

KARAKÔRY EEEEE!🥁

JOUR J JEUX NATIONAUX DU SPORT SCOLAIRE 2026 ETO MAHAJANGA, PARÉ TSIKA?

SÔMA MAVARAKA!

Address

Ambatondrazaka

Website

facebook.com

Alerts

Be the first to know and let us send you an email when Dretfp Alaotra Mangoro posts news and promotions. Your email address will not be used for any other purpose, and you can unsubscribe at any time.