19/08/2026
🚀BESØK FRÅ BUSKERUD FYLKESKOMMUNE🚀
I går hadde vi fint besøk frå Buskerud fylkeskommune. Fylkeskommunen er på ein runde i fylket for å høyre om korleis kommunane jobbar med busetting og integrering, samt informere om og få innspel til kommande års busettingsarbeid.
Fylkeskommunen var godt representert med tilsette frå integrering, karriererettleiing, utdanning, samfunn og folkehelse.
Vi fekk gode samtalar om kva som skal til for lykkast med busetting og inkludering. Fylkeskommunen ville gjerne høyre om vårt arbeid og kva vi ser som både moglegheiter og utfordringar i tida som kjem. Vi fortalte blant anna om korleis vi jobbar med praksis som veg til jobb, vår satsing på praksisnær opplæring og arbeidsretting, vårt gode samarbeid med lokalt næringsliv, NAV og frivilligheit, vår kultur for å tenke utvikling, samt vårt fokus på synelegheit, ressursar og relasjonsbygging.
Vi fekk gode samtalar, og også nyttig informasjon om kva fylkeskommunen jobbar med og kan bidra med. Vi set stor pris på at fylkeskommunen tek seg tid til å komme rundt og møte oss, og vi ser fram mot eit godt samarbeid framover også!🌸
Takk for besøket og velkommen tilbake😊
Frå venstre: Morten Barasinski (teamleiar Ål introsenter), Sissel Skrindo (kommunalsjef oppvekst Ål kommune), Kjersti Hagen (rådgivar utdanning Buskerud fylkeskommune), Ann Helen Smestad (busettingsansvarleg Ål introsenter), Kristine Novak (leiar for Karriere Buskerud), Danies Inglis (seksjonsleiar for samfunn og folkehelse Buskerud fylkeskommune), Silje Landsmann-Wiwe (leiar for Ål introsenter) og Tewasen Teshome (seniorrådgivar integrering Buskerud fylkeskommune) - med eit nydelig bilete av Ragnhild Nes frå sommarutstillinga i Galleri Syningen i bakgrunnen🌟
