https://www.facebook.com/134443273095696/

SK Federation - Benito Soliven

Home
Philippines
Benito Soliven
SK Federation - Benito Soliven

Directions

The Official page of the Sangguniang Kabataan Federation of Benito Soliven, Isabela.

28/10/2026

📢 𝗞𝗔𝗕𝗔𝗧𝗔𝗔𝗡𝗚 𝗜𝗦𝗔𝗕𝗘𝗟𝗘Ñ𝗢𝗦, 𝗡𝗔𝗡𝗗𝗜𝗧𝗢 𝗡𝗔!

The wait is over, mga Iskolar ng Isabela! Finally, the lists are here!
Check out the lists of beneficiaries for the 1st Semester, A.Y. 2025–2026, covering both the Undergraduate and Expanded Scholarship Programs.

Thank you for your patience and understanding. Congratulations to all our students! May this assistance continue to support your educational journey and help you reach your dreams.

Stay tuned to our official page for the schedule of releases. Malapit na!

Link / QR Access:

𝐄𝐱𝐩𝐚𝐧𝐝𝐞𝐝: https://drive.google.com/file/d/1r6nmNvogLNogAqdN-W7vFs4CjsV8D-ig/view?usp=sharing

𝐔𝐧𝐝𝐞𝐫𝐠𝐫𝐚𝐝𝐮𝐚𝐭𝐞: https://drive.google.com/file/d/1ZWNuRl-6shqtXhR28yVTWChO8Lf9Gp7L/view?usp=sharing

26/10/2026

𝐒𝐊𝐅 𝐁𝐄𝐍𝐈𝐓𝐎 𝐒𝐎𝐋𝐈𝐕𝐄𝐍 𝐉𝐎𝐈𝐍𝐒 𝐓𝐇𝐄 𝐒𝐀𝐍𝐆𝐆𝐔𝐍𝐈𝐀𝐍𝐆 𝐏𝐀𝐍𝐋𝐀𝐋𝐀𝐖𝐈𝐆𝐀𝐍 𝐌𝐎𝐁𝐈𝐋𝐄 𝐒𝐄𝐒𝐒𝐈𝐎𝐍

Noong October 5, 2026, nakiisa ang Sangguniang Kabataan Federation ng Benito Soliven sa Mobile Session ng Sangguniang Panlalawigan ng Isabela, na ginanap sa Benito Soliven Community Center. Pinangunahan ang sesyon ni Isabela Vice Governor Hon. Francis Faustino A. Dy, kasama ang mga opisyal ng lokal na pamahalaan sa pangunguna ni Municipal Mayor Hon. John Paul S. Azur, Liga ng mga Barangay sa pangunguna ni LNB President Hon. Santos Sandoval, mga SK Chairperson sa pangunguna ni SKF President Hon. Isidro Carmelo L. Siquian, at mga barangay secretary.

Isa sa mga mahahalagang bahagi ng nasabing sesyon ang pagkilala at pagkomenda ng Sangguniang Panlalawigan sa SK Federation ng Benito Soliven dahil sa pagkakamit nito ng Most Outstanding SK Federation in the Philippines sa Philippine Sangguniang Kabataan Awards (PSKA) 2026. Ang pagkilalang ito ay sumasalamin sa sama-samang dedikasyon, pagsisikap, at makabuluhang paglilingkod ng mga kabataang lider ng Benito Soliven.

Naging mahalagang pagkakataon din ang mobile session upang maipahayag at maitaas ang mga hinaing, pangangailangan, at usaping may kaugnayan sa kapakanan ng Kabataang Solivenian. Sa pamamagitan ng ganitong mga pagtitipon, nabibigyang-daan ang mas bukas na komunikasyon sa pagitan ng mga lokal na lider at ng pamahalaang panlalawigan upang mapalakas ang pagtutulungan sa pagtugon sa mga pangangailangan ng komunidad.

Para sa SK Federation ng Benito Soliven, ang pagkilalang natanggap ay hindi lamang isang tagumpay na dapat ipagmalaki, kundi isang paalala ng patuloy na responsibilidad na maglingkod, makinig, at kumilos para sa kapakanan ng bawat kabataan.

SK Federation Benito Soliven: Farther and Beyond!

26/10/2026

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍 𝐇𝐎𝐍. 𝐉𝐎𝐇𝐍 𝐌𝐀𝐑𝐊𝐋𝐎𝐑𝐃 𝐓𝐔𝐑𝐐𝐔𝐄𝐙𝐀!

Taos-pusong ipinapaabot ng SK Federation ng Benito Soliven ang mainit na pagbati kay Hon. John Marklord Turqueza, SK Chairperson ng Barangay Makindol.

Ang iyong dedikasyon sa paglilingkod sa kabataan ay sumasalamin sa tunay na diwa ng makabuluhang pamumuno. Nawa’y pagkalooban ka ng mabuting kalusugan, kaligayahan, at panibagong lakas upang patuloy na magbigay-inspirasyon at maglingkod sa mga Kabataang Makindol.

Hangad namin ang mas marami pang tagumpay at makabuluhang paglilingkod. Nawa’y patuloy kang maglingkod nang may puso, kababaang-loob, at malasakit sa kapwa.

SK Federation Benito Soliven: Farther and Beyond!

19/10/2026

𝐓𝐈𝐍𝐆𝐍𝐀𝐍 | 𝟑𝐑𝐃 𝐒𝐀𝐍𝐆𝐆𝐔𝐍𝐈𝐀𝐍𝐆 𝐊𝐀𝐁𝐀𝐓𝐀𝐀𝐍 𝐅𝐄𝐃𝐄𝐑𝐀𝐓𝐈𝐎𝐍 𝐑𝐄𝐆𝐔𝐋𝐀𝐑 𝐒𝐄𝐒𝐒𝐈𝐎𝐍

Isinagawa ang 3rd Regular Session ng Sangguniang Kabataan Federation ng Benito Soliven noong September 24, 2026, sa Benito Soliven Municipal Conference Hall, sa pangunguna ni SKF President Hon. Isidro Carmelo L. Siquian. Dinaluhan din ito ni Municipal Mayor Hon. John Paul S. Azur at Local Youth Development Officer Ms. Louella Marie Viernes.

Sa nasabing sesyon, tinalakay ang mga kinakailangang requirements na dapat i-comply ng bawat SK, gayundin ang mahahalagang hakbang upang higit na mapahusay ang pagpapatupad ng mga programa at serbisyo para sa kabataan. Binigyang-diin din ang kahalagahan ng maayos na koordinasyon, pagsunod sa mga itinakdang alituntunin, at aktibong partisipasyon ng bawat lider-kabataan.

Sa kabuuang 28 miyembro ng Federation, 20 ang present at 8 ang absent. Patuloy na isinusulong ng Federation ang transparency, accountability, at sama-samang pagkilos upang matiyak ang mas maayos at makabuluhang paglilingkod sa bawat Kabataang Solivenian.

SK Federation Benito Soliven: Farther and Beyond!

19/10/2026

𝐓𝐈𝐍𝐆𝐍𝐀𝐍 | 𝟑𝐑𝐃 𝐒𝐀𝐍𝐆𝐆𝐔𝐍𝐈𝐀𝐍𝐆 𝐊𝐀𝐁𝐀𝐓𝐀𝐀𝐍 𝐅𝐄𝐃𝐄𝐑𝐀𝐓𝐈𝐎𝐍 𝐑𝐄𝐆𝐔𝐋𝐀𝐑 𝐒𝐄𝐒𝐒𝐈𝐎𝐍

Bilang bahagi ng patuloy na pagsusulong ng transparency at accountability, inilalahad ng Sangguniang Kabataan Federation ng Benito Soliven ang attendance record ng 3rd Regular Session, na ginanap noong September 24, 2026, sa Benito Soliven Municipal Conference Hall.

Sa kabuuang 28 miyembro ng Federation, 20 ang present at 8 ang absent sa nasabing sesyon.

Patuloy na binibigyang-diin ng Federation ang kahalagahan ng aktibong partisipasyon, presensya, at pananagutan ng bawat lider-kabataan sa pagtupad ng kanilang tungkulin para sa kapakanan ng Kabataang Solivenian.

SK Federation Benito Soliven: Farther and Beyond!

14/10/2026

Ang taong nasa likod ng bawat post at caption ng ating pahina! Maligayang Kaarawan sa aming pinakamamahal na SK Federation PRO, Hon. Eziquiel B. Oducayen!

Saksi ang ating opisina sa iyong paglago bilang isang mahusay na lider. Isa ka sa mga SK Chairperson ng Benito Soliven na tunay na hinahangaan dahil sa iyong matibay na paninindigan, propesyonalismo, at mataas na antas ng integridad.

Nawa’y patuloy kang pagkalooban ng mas marami pang biyaya, lakas, at karunungan upang maipagpatuloy ang makabuluhang paglilingkod sa ating kapwa kabataan. Dalangin namin ang iyong kaligayahan at tagumpay sa bawat hakbang ng iyong buhay.

Maligayang Kaarawan, SK Ezi! Patuloy kang maging inspirasyon at huwaran ng tapat at makabuluhang paglilingkod sa kabataang Solivenian!

SK Federation Benito Soliven: Farther and Beyond!

13/10/2026

𝐒𝐊𝐅 𝐁𝐄𝐍𝐈𝐓𝐎 𝐒𝐎𝐋𝐈𝐕𝐄𝐍 𝐕𝐈𝐒𝐈𝐓𝐒 𝐓𝐇𝐄 𝐇𝐎𝐔𝐒𝐄 𝐎𝐅 𝐑𝐄𝐏𝐑𝐄𝐒𝐄𝐍𝐓𝐀𝐓𝐈𝐕𝐄𝐒

Noong Setyembre 14, 2026, bumisita ang Sangguniang Kabataan Federation ng Benito Soliven sa House of Representatives of the Philippines, sa pangunguna ni SKF President Hon. Isidro Carmelo L. Siquian, kasama si Local Youth Development Officer Ms. Louella Marie Viernes. Nakiisa rin sa nasabing pagbisita ang SK Federation ng Santiago City, sa pangunguna ni Hon. Christopher Respicio, SKF President, at ang SK Federation ng San Manuel, sa pangunguna ni Hon. Catherine Legaspi, SK Panlalawigang President.

Bilang bahagi ng kanilang pagbisita, nagtungo ang mga delegasyon sa tanggapan ni House Speaker Hon. Faustino “Bojie” Dy III at ni Hon. Ed Christopher S. Go, Kinatawan ng Ikalawang Distrito ng Isabela. Sa pagkakataong ito, ipinakita rin ng SK Federation ng Benito Soliven ang kanilang pagkilala at pagmamalaki sa pagkakamit ng parangal bilang Most Outstanding SK Federation in the Philippines sa Philippine Sangguniang Kabataan Awards (PSKA) 2026. Ang parangal na ito ay sumasalamin sa sama-samang pagsisikap, dedikasyon, at patuloy na paglilingkod ng mga kabataang lider ng Benito Soliven.

Ang pagbisitang ito ay nagsilbing makabuluhang karanasan para sa mga kabataang lider, na nagbigay sa kanila ng mas malawak na pananaw sa pamamahala at sa papel ng mga institusyon ng pamahalaan sa paglilingkod sa mamamayan. Higit pa rito, ipinakita ng pagsasama-sama ng mga SK Federation ang kahalagahan ng ugnayan, pakikipagtulungan, at pagbabahaginan ng karanasan sa pagsusulong ng makabuluhang paglilingkod para sa kabataan.

Sa patuloy na paghubog sa mga kabataang lider, nananatiling mahalaga ang mga ganitong pagkakataon upang mapalawak ang kanilang kaalaman, mapalalim ang kanilang pag-unawa sa pamahalaan, at mahikayat silang maging mas aktibo at responsableng bahagi ng pagpapaunlad ng kanilang mga komunidad.

SK Federation Benito Soliven: Farther and Beyond!

08/10/2026

𝐁𝐄𝐍𝐈𝐓𝐎 𝐒𝐎𝐋𝐈𝐕𝐄𝐍 𝐘𝐎𝐔𝐓𝐇 𝐒𝐔𝐌𝐌𝐈𝐓 𝟐𝟎𝟐𝟔 | 𝐃𝐀𝐘 𝟐
Effective Leadership and Youth Governance

Sa ikatlong lecture ng Benito Soliven Youth Summit 2026, nakibahagi si Councilor Guill Mark Mariano bilang tagapagsalita para sa mga kabataang lider ng Benito Soliven, Isabela. Ibinahagi niya ang kanyang kaalaman at mga pananaw tungkol sa Effective Leadership and Youth Governance, na nakatuon sa mahalagang papel ng kabataan sa pamumuno, pakikilahok, at paglilingkod sa kanilang mga komunidad.

Sa kanyang talakayan, binigyang-diin ang kahalagahan ng pagkakaroon ng responsableng pamumuno at aktibong pakikilahok ng kabataan sa mga usaping may kaugnayan sa kanilang paaralan, organisasyon, at komunidad. Tinalakay rin ang mga pananaw at prinsipyo na makatutulong sa mga kabataang lider upang higit nilang maunawaan ang kanilang tungkulin at responsibilidad bilang bahagi ng pamamahala at pagpapaunlad ng kanilang komunidad.

Naging mahalagang pagkakataon ang kanyang pakikiisa upang magkaroon ng bukas na espasyo ang mga student leaders na matuto, makinig, magbahagi ng kanilang mga pananaw, at higit pang mapalalim ang kanilang pag-unawa sa epektibong pamumuno at youth governance.

Taos-pusong pasasalamat ang Municipal Youth Development Office at SK Federation Office ng Benito Soliven kay Councilor Guill Mark Mariano sa kanyang pakikiisa at pagbabahagi ng kaalaman sa mga kabataang lider ng bayan.

SK Federation Benito Soliven: Farther and Beyond!

08/10/2026

𝐁𝐄𝐍𝐈𝐓𝐎 𝐒𝐎𝐋𝐈𝐕𝐄𝐍 𝐘𝐎𝐔𝐓𝐇 𝐒𝐔𝐌𝐌𝐈𝐓 𝟐𝟎𝟐𝟔 | 𝐃𝐀𝐘 𝟐

Sinimulan ang ikalawang araw ng Benito Soliven Youth Summit 2026 sa pamamagitan ng isang masiglang Unity Dance kasama ang SK Federation, gamit ang SKF Theme Song na “Kabataang Solivenian,” sa pangunguna ni ZumbaRaj, Hon. Rajwant Sohal, SK Chairperson ng Barangay Lucban. Naging simbolo ito ng pagkakaisa at sama-samang enerhiya ng mga kabataang lider sa pagpapatuloy ng kanilang paglalakbay sa Youth Summit.

Matapos ang ikatlong lecture, isinagawa ang isang activity na nagsukat sa teamwork, communication, at pagkakaisa ng bawat kalahok. Sinundan ito ng “Hearts Giving,” kung saan nagbigay ang mga kalahok ng mensaheng may mga katagang “Thank You,” “Sorry,” at “Sana” sa kanilang mga kasama. Sa simpleng pagpapalitan ng mga salitang ito, nabigyan ng pagkakataon ang bawat isa na magpasalamat, humingi ng tawad, at magpahayag ng mga hangarin—isang makabuluhang paraan upang higit na mapatatag ang samahan ng Kabataang Solivenian.

Sa pagtatapos ng programa, nagbahagi sina Eldrich C. Ilayat, President ng BSNHS SSLG, at Cheayanne Eiyah C. Acob, Grade 12 Representative ng BSNHS SSLG, ng kanilang mga mensahe na nagsilbing inspirasyon at paalala sa bawat kabataang lider tungkol sa halaga ng pagkakaisa, pagkakaibigan, at patuloy na pakikibahagi sa mga gawaing pangkabataan.

Lubos na pinasasalamatan ang mga taong naging bahagi at naging katuwang sa matagumpay na pagsasakatuparan ng Benito Soliven Youth Summit 2026—ang mga facilitator at ang SK Federation, sa pangunguna ni SKF President Hon. Isidro Carmelo L. Siquian, kasama sina Vice President Lovely Mae Bueno, Secretary Angelika Wenceslao, Treasurer Jerwin Orfinada, Auditor Mark Angelo Calautit, Sergeant-at-Arms Yzah Aquino, PRO Eziquiel Oducayen, at mga katuwang na sina SK Joshua Castillo, SK Reynald Tubije, at SK Rolly Padua; gayundin sina LYDO Staff Mary Allyza Vergara at SKF Bookkeeper Frank Rey Lazatin.

Sa huling bahagi ng programa, ibinahagi ni Local Youth Development Officer Ms. Louella Marie Viernes ang kanyang mensahe ng pasasalamat. Naging emosyonal ang kanyang mensahe habang ipinapahayag ang pasasalamat sa matagumpay na pagsasakatuparan ng Benito Soliven Youth Summit 2026, gayundin sa lahat ng kabataang naging bahagi nito.

Nagpaabot din siya ng taos-pusong pasasalamat sa walang sawang suporta ng LGU Benito Soliven, sa pangunguna nina Municipal Mayor Hon. John Paul S. Azur at Municipal Vice Mayor Hon. Roberto T. Lungan, na patuloy na nagbibigay ng suporta sa mga programa at inisyatiba para sa kabataan.

Ang Benito Soliven Youth Summit 2026 ay nagtapos hindi lamang sa mga bagong kaalaman, kundi sa mas matibay na samahan, mas malalim na koneksyon, at pagkakaisang magsisilbing baon ng bawat Kabataang Solivenian sa kanilang patuloy na paglalakbay bilang mga lider ng komunidad.

SK Federation Benito Soliven: Farther and Beyond!

03/10/2026

𝐁𝐄𝐍𝐈𝐓𝐎 𝐒𝐎𝐋𝐈𝐕𝐄𝐍 𝐘𝐎𝐔𝐓𝐇 𝐒𝐔𝐌𝐌𝐈𝐓 𝟐𝟎𝟐𝟔 | 𝐓𝐄𝐀𝐌 𝐁𝐔𝐈𝐋𝐃𝐈𝐍𝐆

Higit pa sa isang karaniwang team building activity, naging makabuluhang bahagi ng Benito Soliven Youth Summit 2026 ang serye ng mga gawaing naglalayong palakasin ang pagkakaisa, pakikipagtulungan, at ugnayan ng mga kabataang lider na dumalo sa nasabing pagtitipon.

Sa bawat activity, nabigyan ng pagkakataon ang mga kalahok na maunawaan ang kahalagahan ng aktibong participation, effective communication, at collective effort sa pagkamit ng isang layunin. Bawat gawain ay nagsilbing pagsubok na nangangailangan ng tiwala, koordinasyon, at pagkakaisa ng buong grupo upang maisakatuparan nang mas mahusay at makabuluhan ang bawat hamon.

Sa pagtatapos ng team building, nagkaroon ng pagkakataon ang bawat kalahok na magbahagi ng kanilang mga saloobin, damdamin, at realizations mula sa mga aktibidad at sa mismong Youth Summit. Naging daan ito upang mas makilala ang bawat isa, makinig sa kanilang mga karanasan, at higit na pahalagahan ang mga koneksyong nabuo sa buong programa.

Ang nasabing team building activity ay isinagawa ng SK Federation of Benito Soliven, sa pamumuno ni SK Federation President Hon. Isidro Carmelo L. Siquian, katuwang si Local Youth Development Officer Ms. Louella Marie Viernes, sa patuloy na suporta ni Municipal Mayor Hon. John Paul S. Azur.

Ang mga aktibidad na isinagawa ay hango at creditado sa Provincial Youth Development Office of Isabela – Nagkaisa Leadership Convergence 2025, na nagsilbing inspirasyon at gabay sa pagbuo ng mga makabuluhang gawain para sa mga kabataang lider.

SK Federation Benito Soliven: Farther and Beyond!

Address

Ground Floor, Municipal Hall
Benito Soliven
3331

Website

facebook.com

Alerts

Be the first to know and let us send you an email when SK Federation - Benito Soliven posts news and promotions. Your email address will not be used for any other purpose, and you can unsubscribe at any time.