Sangguniang Bayan ng Dolores

𝐇𝐎𝐍. 𝐀𝐋𝐋𝐀𝐍 𝐒𝐀𝐍𝐓𝐎𝐒, 𝐇𝐎𝐍. 𝐊𝐑𝐘𝐙𝐓 𝐀𝐍𝐃𝐑𝐄𝐘 𝐁𝐀𝐂𝐀𝐘, 𝐀𝐍𝐃 𝐇𝐎𝐍. 𝐉𝐎𝐇𝐍 𝐄𝐃𝐖𝐀𝐑𝐃 𝐑𝐄𝐘𝐄𝐒 𝐑𝐍, 𝐋𝐄, 𝐏𝐑𝐄𝐒𝐄𝐍𝐓 𝐀𝐓 𝐋𝐎𝐂𝐀𝐋 𝐃𝐄𝐕𝐄𝐋𝐎𝐏𝐌𝐄𝐍𝐓 𝐂𝐎𝐔𝐍𝐂𝐈𝐋 𝐌𝐄𝐄𝐓𝐈𝐍𝐆

Dumalo sina Hon. Allan Santos, Hon. Kryzt Andrey Bacay, at Hon. John Edward Reyes RN, LE sa isinagawang Local Development Council Meeting kanina bilang pakikiisa sa patuloy na pagpaplano at pagpapaunlad ng bayan ng Dolores.

Pinangunahan ang nasabing pagpupulong ni Hon. Mayor Orlan Calayag katuwang ang Municipal Planning and Development Office, Municipal Engineering Office, at mga Punong Barangay o kinatawan ng kani-kanilang barangay bilang bahagi ng Local Development Council ng bayan ng Dolores.

Patuloy na nakikiisa ang Sangguniang Bayan ng Dolores sa mga programang naglalayong mapalakas ang maayos na pagpaplano, koordinasyon, at pagpapatupad ng mga proyektong makatutulong sa patuloy na pag-unlad ng ating bayan at kapakanan ng bawat Doloresin.

𝐅𝐈𝐍𝐀𝐍𝐂𝐈𝐀𝐋 𝐀𝐒𝐒𝐈𝐒𝐓𝐀𝐍𝐂𝐄 𝐅𝐎𝐑 𝐁𝐄𝐃𝐑𝐈𝐃𝐃𝐄𝐍 𝐁𝐄𝐍𝐄𝐅𝐈𝐂𝐈𝐀𝐑𝐈𝐄𝐒 𝐅𝐑𝐎𝐌 𝐓𝐇𝐄 𝐇𝐀𝐌𝐁𝐔𝐉𝐀𝐍 𝐂𝐀𝐑 𝐀𝐍𝐃 𝐌𝐎𝐓𝐎𝐑 𝐒𝐇𝐎𝐖 𝐅𝐎𝐑 𝐀 𝐂𝐀𝐔𝐒𝐄 𝟐𝟎𝟐𝟔

Matagumpay na naipamahagi ng Sangguniang Bayan ng Dolores ang Financial Assistance para sa ating mga indigent bedridden na kababayan sa bayan ng Dolores. Nakapagbahagi ang SB Dolores ng tig 5,000 piso sa 16 benefeciafies sa bayan. Ang naturang tulong ay mula sa nalikom sa isinagawang “Hambujan Car and Motor Show for a Cause” noong Abril 09, 2026 bilang bahagi ng pagdiriwang ng Hambujan Festival 2026.

Ipinapakita ng inisyatibong ito ang sipag, dedikasyon, at malasakit ng Sangguniang Bayan ng Dolores sa patuloy na paglilingkod at paghahatid ng mga programang may tunay na pakinabang para sa mamamayan, lalo na sa mga higit na nangangailangan ng suporta at kalinga.

Taos-pusong nagpapasalamat ang Sangguniang Bayan ng Dolores sa pangunguna ni Hon. Vice Mayor Renato Alilio Jr. sa lahat ng nakiisa, tumulong, at sumuporta sa adhikaing ito mula sa paghahanda hanggang sa matagumpay nitong pagsasakatuparan. Ang inyong malasakit at pakikipagtulungan ay naging daan upang makapaghatid ng pag-asa, tulong, at pagmamahal sa ating mga kababayang higit na nangangailangan.

𝟒𝟕𝐭𝐡 𝐒𝐀𝐍𝐆𝐆𝐔𝐍𝐈𝐀𝐍𝐆 𝐁𝐀𝐘𝐀𝐍 𝐑𝐄𝐆𝐔𝐋𝐀𝐑 𝐒𝐄𝐒𝐒𝐈𝐎𝐍

Ngayong umaga, matagumpay na isinagawa ng Sangguniang Bayan ng Dolores ang Ika-47 Regular na Sesyon, kung saan tinalakay ang mahahalagang panukala, resolusyon, at iba pang usaping may kaugnayan sa pagpapaunlad ng ating bayan.

Sa pamamagitan ng maayos at masusing deliberasyon, patuloy na ginagampanan ng mga miyembro ng Sangguniang Bayan ang kanilang tungkulin na magbalangkas ng mga polisiya at programang makatutugon sa pangangailangan at kapakanan ng mga Doloresin. Ang mga regular na sesyon ay mahalagang bahagi ng proseso ng lokal na lehislasyon at mabuting pamamahala.

Patuloy na nagsisilbi ang Sangguniang Bayan ng Dolores nang may dedikasyon, pananagutan, at malasakit para sa ikauunlad ng ating pamayanan.

𝐒𝐁 𝐌𝐄𝐌𝐁𝐄𝐑𝐒 𝐉𝐎𝐈𝐍 𝐒𝐄𝐍𝐈𝐎𝐑 𝐂𝐈𝐓𝐈𝐙𝐄𝐍𝐒 𝐅𝐄𝐃𝐄𝐑𝐀𝐓𝐈𝐎𝐍 𝐌𝐄𝐄𝐓𝐈𝐍𝐆

Nakiisa at bumisita sina Hon. John Edward Reyes, RN, LE, Hon. Rodel Pionela, Hon. Ma. Lilibeth Acuña, at Hon. Patricia Nicole Amat sa pagpupulong ng Federation ng mga Senior Citizen ng Dolores upang makipag-ugnayan at magbahagi ng mahahalagang impormasyon at mga programang may kaugnayan sa kapakanan ng mga nakatatanda.

Sa kanilang pagdalo, ipinahayag ng mga konsehal ang kanilang suporta sa mga adhikain ng samahan at binigyang-diin ang kahalagahan ng patuloy na pakikipag-ugnayan at pakikilahok ng sektor ng mga senior citizen sa mga gawaing pangkomunidad.

Patunay ang gawaing ito ng patuloy na pakikiisa ng Sangguniang Bayan ng Dolores sa iba't ibang sektor ng lipunan upang mapalakas ang pagkakaisa at kooperasyon tungo sa mas maunlad na pamayanan.

𝟏𝟔𝐭𝐡 𝐘𝐎𝐔𝐓𝐇 𝐋𝐄𝐀𝐃𝐄𝐑𝐒𝐇𝐈𝐏 𝐒𝐔𝐌𝐌𝐈𝐓 𝟐𝟎𝟐𝟔

Nakiisa at nagbigay suporta ang mga miyembro ng Sangguniang Bayan ng Dolores sa ginanap na pagbubukas ng 16th Youth Leadership Summit 2026 sa Bulakin Elementary School na may temang, “𝐁𝐀𝐊𝐈𝐓 𝐀𝐊𝐎?: 𝐀𝐖𝐀𝐊𝐄𝐍𝐈𝐍𝐆 𝐓𝐇𝐄 𝐋𝐄𝐀𝐃𝐄𝐑 𝐖𝐈𝐓𝐇𝐈𝐍, 𝐒𝐇𝐀𝐏𝐈𝐍𝐆 𝐓𝐇𝐄 𝐘𝐎𝐔𝐓𝐇 𝐎𝐅 𝐓𝐎𝐃𝐀𝐘.”

Pinangunahan nina SB Member Hon. Renato Alilio Jr., Hon. Ma. Aileen Cabrera Corabo, at Hon. Art Bagsit ang pagpapakita ng suporta sa mga kabataang lider na patuloy na hinuhubog upang maging responsable, aktibo, at makabuluhang bahagi ng komunidad.

Nagbigay rin ng virtual na pagbati at suporta si Hon. Kryzt Andrey Bacay na patuloy na hinahasa ang kanyang karunungan para sa pagseserbisyo na nagsilbing inspirasyon at motibasyon para sa mga kalahok ng summit.

Patuloy na sinusuportahan ng Sangguniang Bayan ng Dolores ang mga programang nagbibigay oportunidad sa kabataan upang malinang ang kanilang kakayahan, liderato, at pagmamahal sa bayan.

𝐉𝐎𝐈𝐍𝐓 𝐌𝐏𝐎𝐂 & 𝐌𝐀𝐃𝐀𝐂 𝟐𝐍𝐃 𝐐𝐔𝐀𝐑𝐓𝐄𝐑 𝟐𝟎𝟐𝟔 𝐌𝐄𝐄𝐓𝐈𝐍𝐆

Dumalo sina SB Members Hon. Renato Alilio Jr. at Hon. Archie Abrigo sa ginanap na Joint MPOC & MADAC Meeting para sa ikalawang quarter ng taong 2026 sa 2nd Floor Conference Hall ng Municipal Building ng Dolores.

Ang naturang pagpupulong ay pinangunahan ni Hon. Mayor Orlan Calayag katuwang ang MLGOO na si Ms. Shiela Del Mundo kasama ang mga kinatawan mula sa PNP, BFP, Philippine Army, at iba’t ibang tanggapan ng pamahalaang lokal.

Patuloy na nakikiisa ang Sangguniang Bayan ng Dolores sa pagsusulong ng mga programa at hakbangin para sa mas ligtas, mapayapa, at maayos na pamayanan para sa bawat Doloresin.

𝗦𝗔𝗡𝗚𝗚𝗨𝗡𝗜𝗔𝗡𝗚 𝗕𝗔𝗬𝗔𝗡 𝗠𝗘𝗠𝗕𝗘𝗥𝗦' 𝗖𝗢𝗠𝗠𝗜𝗧𝗧𝗘𝗘𝗦 & 𝗗𝗜𝗦𝗧𝗥𝗜𝗖𝗧 𝗕𝗔𝗥𝗔𝗡𝗚𝗔𝗬𝗦 𝐀𝐒𝐒𝐈𝐆𝐍𝐌𝐄𝐍𝐓𝐒

Narito ang listahan ng mga miyembro ng Sangguniang Bayan ng Dolores kasama ang kanilang mga hawak na komite at district barangays para sa mas maayos at mas epektibong paglilingkod sa mamamayan.

𝟒𝟔𝐓𝐇 𝐑𝐄𝐆𝐔𝐋𝐀𝐑 𝐒𝐄𝐒𝐒𝐈𝐎𝐍 𝐎𝐅 𝐓𝐇𝐄 𝐒𝐀𝐍𝐆𝐆𝐔𝐍𝐈𝐀𝐍𝐆 𝐁𝐀𝐘𝐀𝐍 𝐎𝐅 𝐃𝐎𝐋𝐎𝐑𝐄𝐒

Matagumpay na naisagawa ngayong araw ang Ika-46 Regular na Sesyon ng Sangguniang Bayan ng Dolores kung saan muling tinalakay ng mga miyembro ng konseho ang mahahalagang usapin, panukala, at programang makatutulong sa patuloy na pag-unlad ng ating bayan at kapakanan ng mamamayan.

Patuloy ang pagkakaisa at pagtutulungan ng mga halal na opisyal upang makapaghatid ng maayos, responsable, at makataong serbisyo publiko para sa bawat Doloresin.

𝐊𝐀𝐏𝐀𝐒𝐈𝐘𝐀𝐇𝐀𝐍 𝐁𝐋𝐆. 𝟐𝟎𝟐𝟔-𝟐𝟐𝟑
𝐈𝐒𝐀𝐍𝐆 𝐑𝐄𝐒𝐎𝐋𝐔𝐒𝐘𝐎𝐍 𝐁𝐈𝐋𝐀𝐍𝐆 𝐏𝐀𝐆𝐊𝐈𝐋𝐀𝐋𝐀 𝐒𝐀 𝐃𝐄𝐃𝐈𝐊𝐀𝐒𝐘𝐎𝐍, 𝐇𝐔𝐒𝐀𝐘, 𝐀𝐓 𝐊𝐀𝐑𝐀𝐍𝐆𝐀𝐋𝐀𝐍𝐆 𝐈𝐏𝐈𝐍𝐀𝐌𝐀𝐋𝐀𝐒 𝐍𝐆 𝐌𝐆𝐀 𝐌𝐀𝐍𝐋𝐀𝐋𝐀𝐑𝐎 𝐍𝐆 𝐁𝐀𝐘𝐀𝐍 𝐍𝐆 𝐃𝐎𝐋𝐎𝐑𝐄𝐒 𝐒𝐀 “𝐆𝐑𝐄𝐀𝐓 𝐆𝐎𝐋𝐃𝐄𝐍 𝐆𝐑𝐎𝐔𝐏𝐒 𝐆𝐎𝐎𝐃𝐖𝐈𝐋𝐋 𝐆𝐀𝐌𝐄𝐒 𝐈𝐍𝐓𝐄𝐑-𝐓𝐎𝐖𝐍 𝐁𝐀𝐒𝐊𝐄𝐓𝐁𝐀𝐋𝐋 𝐋𝐄𝐀𝐆𝐔𝐄”

Buong pagmamalaki at pagpupugay na iginawad ng Sangguniang Bayan ng Dolores ang Commendation Resolution sa mga manlalaro ng Bayan ng Dolores bilang pagkilala sa kanilang ipinakitang dedikasyon, husay, disiplina, at karangalan sa paglahok sa “Great Golden Groups Goodwill Games Inter-Town Basketball League.”

Ang resolusyong ito ay inakda ni Hon. Kryzt Andrey Bacay bilang pagkilala sa natatanging karangalan ng mga Doloresin sa larangan ng pampalakasan. Sa pamamagitan ng kanilang determinasyon at sportsmanship, matagumpay nilang naitaas ang pangalan ng Bayan ng Dolores at naging inspirasyon sa mga kabataan at kapwa mamamayan na patuloy na paunlarin ang talento sa larangan ng palakasan.

Ang pagkilalang ito ay patunay ng suporta ng lokal na pamahalaan sa mga atletang nagbibigay dangal at karangalan sa ating bayan sa pamamagitan ng kanilang pagsisikap at mahusay na representasyon sa iba’t ibang kompetisyon.

Muli, taos-pusong pagbati sa ating mga manlalaro. Nawa’y patuloy ninyong dalhin ang diwa ng pagkakaisa, sipag, at pagmamahal sa Bayan ng Dolores.