15/10/2026
🏆 ISANG KARANGALAN PARA SA BARANGAY SANTA BARBARA! 🏆
Buong pagmamalaki at pasasalamat na ipinapaabot ng Barangay Santa Barbara, Bayan ng Iba, Zambales, ang pagkilala mula sa Department of the Interior and Local Government (DILG) Region III bilang PASSER sa CY 2026 Building Excellence in Service and Transparency for Barangay (BEST Barangay).
Ang pagkilalang ito ay patunay ng sama-samang pagsisikap, tapat na paglilingkod, mahusay na pamamahala, at matibay na pangako ng ating barangay sa pagsusulong ng transparency, accountability, at de-kalidad na serbisyong pampubliko.
Iginawad din ang Certificate of Recognition kay Punong Barangay Hon. Merla Payumo bilang pagkilala sa kanyang matatag na pamumuno, dedikasyon, at mahalagang ambag sa pagkamit ng tagumpay na ito.
Kinikilala rin ang mahalagang papel at dedikasyon ni Barangay Secretary Raquel Once, kasama ang buong pamunuan at mga kawani ng barangay, sa pagsusulong ng maayos na administrasyon, mahusay na dokumentasyon, transparency, at tapat na paglilingkod sa mamamayan.
Ang tagumpay na ito ay hindi lamang pagkilala sa pamunuan, kundi pati na rin sa bawat miyembro ng Sangguniang Barangay, mga kawani, katuwang na organisasyon, at higit sa lahat, sa mga mamamayan ng Santa Barbara na patuloy na nakikiisa sa pag-unlad ng ating komunidad.
Sa pangunguna ni Punong Barangay Hon. Merla R. Payumo, katuwang si Barangay Secretary Raquel Once at ang buong puwersa ng Barangay Santa Barbara, patuloy nating isusulong ang isang pamahalaang barangay na may integridad, malasakit, pananagutan, at tunay na paglilingkod sa mamamayan.
Santa Barbara, patuloy sa pag-asenso! 💚 Sama-sama sa mas mahusay, mas tapat, at mas maunlad na pamamahala!
