20/10/2026
RISE PROJECT MULA SA JICA, NIPPON KOEI AT DEPARTMENT OF AGRARIAN REFORM
Sa loob ng tatlong araw, naging bahagi ang Lokal na Pamahalaan ng Infanta ng serye ng mga aktibidad para sa RISE Project kasama ang ating mga development partners mula sa JICA, Nippon Koei, at Department of Agrarian Reform (DAR).
Nagsimula ang mga aktibidad sa isang orientation at consultation meeting kasama ang iba't ibang stakeholders, na sinundan ng focus group discussion at direktang konsultasyon sa komunidad ng Barangay Pita. Nakibahagi rin dito ang Pita Farmers Association, isa sa mga Agrarian Reform Beneficiaries Organizations (ARBOs), kasama ang mga opisyal ng barangay at mga residente upang maibahagi ang kanilang mga pangangailangan, hamon, at mithiin para sa kanilang komunidad.
Sa isinagawang Exit Conference, nagkaroon ng pagkakataon ang LGU Infanta na maipresenta ang mga panukalang proyekto para sa Barangay Pita na nakatuon sa pagpapabuti ng aksesibilidad, pagpapaunlad ng agrikultura, seguridad sa tubig, at pagpapalakas ng katatagan ng komunidad laban sa mga epekto ng climate change.
Lubos nating pinasasalamatan sina Regional Director Maria Ana B. Francisco, CESO III, Provincial Agrarian Reform Officer Charlotte Lasmarias, at ang buong pangkat mula sa DAR, JICA, at Nippon Koei sa kanilang mahalagang mga rekomendasyon at positibong pagtanggap sa mga panukalang proyekto.
Nakatanggap ang LGU ng nakapagbibigay-inspirasyong feedback at pagpapahayag ng interes na higit pang pag-aralan ang mga iminungkahing proyekto bilang mga posibleng development interventions para sa Barangay Pita.
Sa patuloy na suporta ng ating mga partner agencies at sa sama-samang adhikain ng komunidad at ng LGU, umaasa tayong maisakatuparan ang mga programang magdadala ng mas maunlad na kabuhayan, mas matatag na agrikultura, at mas inklusibong kaunlaran para sa mga Indigenous Peoples at mamamayan ng Barangay Pita
Kapag nagkakaisa ang komunidad, pamahalaan, at mga katuwang sa pag-unlad, mas nagiging posible ang mga proyektong magbabago ng buhay.
#
