03/11/2026
“MANINDIGAN! TUMUGON AT KUMALINGA: SA BATANG HANDA, MAS LIGTAS ANG BANSA!”
Ngayong buwan ng Nobyembre, nakikiisa ang Pamahalaang Bayan ng Isulan, sa pangunguna ni Hon. Bai Rihan Mangudadatu Sakaluran, Municipal Mayor, sa pagdiriwang ng Ika-34 na Buwan ng mga Bata (34th National Children's Month) 2026.
Ngayong araw, Nobyembre 3, pormal nating sinimulan ang pagdiriwang sa pamamagitan ng Kick-Off Activity at Children's Futsal Activities, sa pakikiisa nina Municipal Vice Mayor Hon. Arnold H. Armada at Hon. Ana Fe M. Collado, Sangguniang Bayan Member, na kapwa nakiisa sa pagbubukas ng aktibidad at pagsuporta sa mga programang nagtataguyod sa kapakanan ng mga bata.
Simula pa lamang ito ng mas makabuluhang pagdiriwang! May iba't ibang aktibidad na inihanda ang Pamahalaang Bayan ng Isulan sa buong buwan ng Nobyembre upang higit na mapalawak ang kaalaman, kakayahan, at partisipasyon ng mga bata, magulang, paaralan, at iba't ibang sektor ng ating pamayanan.
Sa pamamagitan ng mga gawaing ito, patuloy nating isusulong ang isang pamayanang ligtas, inklusibo, at tunay na kumikilala sa karapatan ng bawat bata.
Dahil ang pangangalaga sa mga bata ay hindi lamang responsibilidad ng iilan, kundi tungkulin nating lahat.
Sama-sama tayong manindigan para sa kanilang mga karapatan, tumugon sa kanilang mga pangangailangan, at kumalinga upang matiyak ang isang ligtas, masaya, at maunlad na kinabukasan para sa bawat batang Isulanon.
Manindigan! Tumugon at Kumalinga!
