Provincial Government of Cotabato

Call Directions Website Contact the organization

Provincial Government of Cotabato Official page of the Provincial Government of (North) Cotabato

Mission: Provider of excellent and responsive services through dynamic teamwork, transparent governance, and increasing adaptive capacity of the communities. Vision: Cotabato Province is a center of development opportunities with resilient, gender-sensitive, economically productive and globally competitive people in a peaceful and sound environment.

Tinututukan ng pamahalaang nasyonal sa pamumuno ni Pangulong Ferdinand R. Marcos, Jr. ang kapakanan ng mga nakatatanda s...
14/11/2026

Tinututukan ng pamahalaang nasyonal sa pamumuno ni Pangulong Ferdinand R. Marcos, Jr. ang kapakanan ng mga nakatatanda sa bansa sa pamamagitan ng Social Pension Program na ipinapatupad ng tanggapan ni DSWD Secretary Rex Gatchalian.

Sa ilalim ng programa, nagkakaloob ng P1,000 cash stipend kada buwan ang ahensya na maaaring magamit ng mga kwalipikadong benepisyaryo sa kanilang gastusin tulad ng bigas, gamot at iba pang pangangailangan.

Magkatuwang itong itinataguyod ng tanggapan ni DSWD XII Regional Director Loreto V. Cabaya, Jr. at pamunuan ni Gov. Emmylou “Lala” J. Taliño-Mendoza sa lalawigan ng Cotabato kung saan kamakailan ay natanggap na ng 13,967 social pensioners ng mga bayan ng President Roxas, Magpet at M’lang ang kanilang tig-P3,000 tulong-pinansyal o kabuuang P41,640,000. Sakop ng nabanggit na halaga ang mga buwan ng ikaapat na quarter ng taong 2026 o mula Oktubre hanggang Disyembre.//idcd-pgo-mombay/PhotobyPSWDO//

Ipinaabot ng pamunuan ni Gov. Emmylou “Lala” J. Taliño-Mendoza, sa pamamagitan ni Makilala Vice Mayor Atty. Ryan D. Taba...
13/11/2026

Ipinaabot ng pamunuan ni Gov. Emmylou “Lala” J. Taliño-Mendoza, sa pamamagitan ni Makilala Vice Mayor Atty. Ryan D. Tabanay, ang pagbati at pagsaludo nito sa barangay officials, Barangay Health Workers (BHWs) at Barangay Nutrition Scholars (BNS) ng bayan ng Tulunan, na kinilala at binigyang-parangal sa isinagawang Municipal Health Service Delivery Network Summit- Parangal sa Kalusugan 2026 Awarding Ceremony nitong Nobyembre 13, 2026.

Ito ay bilang pasasalamat ng LGU Tulunan sa pamumuno nina Mayor Lee Roy Villasor at Vice Mayor Rhezan Obrique sa mga patuloy na nagiging katuwang ng pamahalaan sa pagtataguyod ng dekalidad na serbisyong pangkalusugan para sa mga Tulunense maging sa mga Cotabateño. Nasa naturang seremonya rin si Provincial Health Officer Dr. Eva C. Rabaya na pinasalamatan ang dedikasyon ng health workers sa pagpapaabot ng serbisyong maaasahan sa mamamayan.//idcd-pgo-mombay/PhotobyVMTabanay//

Upang higit pang mahasa at mapaunlad ang kapasidad ng mga empleyadong may supervisory responsibilities o potensyal na ma...
13/11/2026

Upang higit pang mahasa at mapaunlad ang kapasidad ng mga empleyadong may supervisory responsibilities o potensyal na mamuno, isinagawa ang Supervisory Development Track II nitong Nobyembre 9-13, 2026 sa Capitol Rooftop, Amas, Kidapawan City sa pakikipagtulungan ng Civil Service Commission (CSC) at ng pamunuan ni Governor Emmylou "Lala" J. Taliño-Mendoza sa pamamagitan ng Provincial Human Resource Management Office (PHRMO).

Tinutukan dito ang mahahalagang paksa tulad ng coaching and mentoring, performance appraisal, at effective communication na makakatugon sa performance gaps at iba pang mga hamon ng mga tanggapan ng kapitolyo.

Dumalo sa aktibidad si Provincial Administrator Aurora P. Garcia bilang kinatawan ni Governor Taliño-Mendoza, na nagpahayag ng pasasalamat sa mga kalahok sa pakikiisa sa layunin tungo sa mahusay na paghahatid ng serbisyo sa publiko.//idcd-pgo-Abellana/ photo by PHRMO.

Magkatuwang na isinagawa ng Regional Agriculture and Fisheries Council XII at pamunuan ni Gov. Emmylou “Lala” J. Taliño-...
13/11/2026

Magkatuwang na isinagawa ng Regional Agriculture and Fisheries Council XII at pamunuan ni Gov. Emmylou “Lala” J. Taliño-Mendoza sa pamamagitan ng Provincial Agriculture and Fisheries Council ang monitoring at ebalwasyon ng ongoing at completed projects na itinataguyod sa lalawigan ng Cotabato na pinondohan ng Department of Agriculture.

Layunin nitong masuri kung naging maayos ang implementasyon ng naturang mga proyekto, makita ang aktwal na benepisyo nito sa mga magsasaka at mangingisda at matukoy ang mga naging hamon sa pagpapatupad nito nang mapaunlad ang agricultural and fishery services sa probinsya.//idcd-pgo-mombay/PhotobyOPAg//

Pinaghahandaan na ngayon ng pamahalaang panlalawigan ng Cotabato ang Provincial Rice Congress na gaganapin ngayong buwan...
13/11/2026

Pinaghahandaan na ngayon ng pamahalaang panlalawigan ng Cotabato ang Provincial Rice Congress na gaganapin ngayong buwan ng Nobyembre, na isa sa mga inisyatibong programa ng pamunuan ni Governor Emmylou “Lala” J. Taliño-Mendoza.

Sa ginanap na Provincial Rice Dialogue ngayong araw, Nobyembre 13, 2026 sa Governor’s Cottage, Amas, Kidapawan City pinag-usapan ang paghahanda sa naturang pagtitipon. Tinalakay rin ng DA XII ang 2028 Rice program Budget, 2026 Utilization and Effectiveness Program Input, 2027 Seed Allocation for Cotabato Province, Proposed Rice Processing Complex in Magpet, at pagpapatuloy ng Rice Revolution Program ng OPAg.

Ang pagpupulong ay dinaluhan ng mga kinatawan mula sa Department of Agriculture (DA) XII, Philippine Rice Research Institute (PhilRice), Municipal Agriculturist mula sa mga bayan ng Midsayap, M’lang, at Makilala, Irrigators Association Presidents, Small Water Impounding System Association (SWISA) Presidents and District Representatives, at mga kawani ng Office of the Provincial Agriculturist. //idcd-pgo-sotto/photobyOPAg//

Bilang bahagi ng layuning maibigay ang mahusay at maayos na serbisyong pangkalusugan sa mga Cotabateño, isinagawa ang Pr...
13/11/2026

Bilang bahagi ng layuning maibigay ang mahusay at maayos na serbisyong pangkalusugan sa mga Cotabateño, isinagawa ang Program Implementation Review for Barangay Health Workers (BHWs) upang masuri ang mga programa at inisyatibong may kinalaman sa kalusugan na ipinapatupad kaagapay ang BHWs na may malaking papel sa paghahatid ng primary healthcare services sa mga komunidad.

Sa dalawang araw na aktibidad na ginanap sa Boylyns Pensionne Plaza, Kidapawan City nitong Nobyembre 12-13, 2026, binigyang-diin ang hindi matatawarang kontribusyon ng BHWs sa pagtataguyod ng mga nabanggit na programa, gayundin sa pagbibigay ng edukasyon sa mamamayan, at pagsusulong ng preventive health practices sa barangay level.

Isa sa mga adhikain ni Governor Emmylou “Lala” J. Taliño-Mendoza ay ang mapahusay ang serbisyong kalusugan lalo na sa mga komunidad sa probinsya, katuwang ang Integrated Provincial Health Office, sa pamumuno ni Dr. Eva C. Rabaya. Dumalo rin sa aktibidad sina Former Board Member Aying Pagal-Villarico, former city councilors Judith Navarra at Roshiel Gantuangco./idcd-pgo-gonzales/photoby:ipho/

Ilang mga opisyal at panauhin mula sa iba’t ibang bayan ng lalawigan ang nakipag-ugnayan ngayong araw sa tanggapan ni Co...
13/11/2026

Ilang mga opisyal at panauhin mula sa iba’t ibang bayan ng lalawigan ang nakipag-ugnayan ngayong araw sa tanggapan ni Cotabato Governor Emmylou “Lala” Taliño-Mendoza kabilang na rito sina Libungan Municipal Mayor Angel Rose Cuan, Magpet Vice Mayor Florenito Gonzaga, Makilala Vice Mayor Ryan Tabanay at iba pang mga tagasuporta at panauhin.

Bumisita rin sa tanggapan ng gobernadora ang Parent-Teacher Association at School Governance Council (SGC ) ng New Bohol Elementary School mula sa Kidapawan City para magpasalamat sa tulong ng kapitolyo sa kanilang paaralan at idulog ang kanilang mga pangangailangan at hinaing.//idcd-pgo-sotto/photo

Bahagi ng isinagawang Getting Along You and Me Orientation ng pamunuan ni Gov. Emmylou “Lala” J. Taliño-Mendoza sa matat...
13/11/2026

Bahagi ng isinagawang Getting Along You and Me Orientation ng pamunuan ni Gov. Emmylou “Lala” J. Taliño-Mendoza sa matataas na paaralang sekondarya ng Alamada, Pigcawayan, Libungan at Katalicanan, Aleosan ang Kita-kits o Encounter Session na nagbibigay ng pagkakataon sa mga anak at magulang na partisipante ng aktibidad na maibahagi ang kanilang nais ipahayag sa isa’t isa.

Kabilang ito sa mga pangunahing layunin ng GAYM na mapanatili ang komunikasyon, matibay na ugnayan, pagmamahal at suporta sa pagitan ng bawat miyembro ng pamilya sa tulong ng mga topikong tinatalakay ng PGO-Population, Gender and Development Division.//idcd-pgo-mombay/PhotobyPopGAD//

Hangarin ni Governor Emmylou “Lala” J. Taliño-Mendoza na higit pang mapahusay ang pagbibigay serbisyo ng kapitolyo sa mg...
13/11/2026

Hangarin ni Governor Emmylou “Lala” J. Taliño-Mendoza na higit pang mapahusay ang pagbibigay serbisyo ng kapitolyo sa mga Cotabateño Lalo na sa pagpapanatili ng seguridad at kaligtasan.

Ang pagdaos ng Program Implementation Review ng Provincial Inter-Agency Committee Against Trafficking and Violence Against Women and Children (PIACAT-VAWC) nitong Nobyembre 12-13, 2026 sa Kidapawan City na dinaluhan ni Provincial Advisory Council (PAC) Member Retired Judge Lily Lydia A. Laquindanum, Provincial IPMR Rodrigo S. Rangaban at Makilala Vice Mayor Atty. Ryan Tabanay, ay parte ng mga hakbang ng pamahalaang panlalawigan upang masuri ang mga programa, matukoy ang kakulangan at hamon at mapaigting ang koordinasyon at sama-samang pagkilos ng mga kaukulang ahensya nang mabigyan ng epektibong proteksyon ang mga kababaihan at kabataan sa lalawigan.//idcd-pgo-frigillana/photoby:pswdo//

Address

Amas
Kidapawan
9400

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Telephone

+63645218080

Alerts

Be the first to know and let us send you an email when Provincial Government of Cotabato posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Provincial Government of Cotabato:

Shortcuts

Share