Mandaue City Social Welfare Services Office

𝗕𝗔𝗧𝗔 𝗦𝗔 𝗖𝗦𝗪𝗦 𝗗𝗔𝗡𝗚𝗣𝗔𝗡𝗔𝗡 𝗛𝗢𝗟𝗗𝗜𝗡𝗚 𝗖𝗘𝗡𝗧𝗘𝗥 𝗡𝗔𝗞𝗔𝗗𝗔𝗪𝗔𝗧 𝗦𝗔 𝗦𝗔𝗞𝗥𝗔𝗠𝗘𝗡𝗧𝗢 𝗦𝗔 𝗕𝗨𝗡𝗬𝗔𝗚 𝗔𝗧𝗢𝗟 𝗦𝗔 𝗠𝗔𝗡𝗗𝗔𝗨𝗘 𝗙𝗜𝗘𝗦𝗧𝗔 𝟮𝟬𝟮𝟲

Isip kabahin sa selebrasyon sa Mandaue Fiesta 2026, usa sa mga bata nga anaa sa pag-atiman sa Dangpanan Holding Center sa Mandaue City Social Welfare Services Office (CSWS) ang nakadawat sa Sakramento sa Bunyag — usa ka mahinungdanong hitabo nga nagpahinumdom nga ang misyon sa Dangpanan labaw pa sa paghatag og temporaryong kapuy-an.

Pinaagi sa padayon nga pag-amuma ug pag-atiman, gitinguha sa CSWSO nga mahatagan ang matag bata dili lamang sa ilang panginahanglanon, kundili usab sa gugma, paglaum, pagtuo, ug higayon nga makasugod og mas maayong espirituhanong kinabuhi.

Mapasalamaton usab ang CSWS Office ilabi na kang Mayor Thadeo "Jonkie" Ouano ug Congresswoman Emmarie “Lolypop” Ouano-Dizon alang sa ilang walay hunong nga suporta ug paghigugma sa mga programa alang sa kaayohan sa dakbayan.

Kanunay usab nga tumong sa CSWS ang pag-amuma ug paghigugma sa mga kliyente sa Dangpanan ilabi na sa mga kabataan nga nagkinahanglan og espesyal nga pag-atiman ug proteksyon.

Kinasingkasing nga pasalamat sab sa tanang CSWS staffs sa ilang walay kakapoy nga serbisyo ug gugma nga ilang gipakita adlaw-adlaw ngadto sa bata sa Dangpanan.

Kini nga dedikasyon dakong bahin sa paghatag og mas maayong kaugmaon sa mga bata ug sa pagpadayag nga sila adunay mga taong andam moatiman ug mohigugma kanila.

𝗖𝗦𝗪𝗦 𝗡𝗔𝗚 𝗔𝗣𝗢𝗗-𝗔𝗣𝗢𝗗 𝗢𝗚 𝗗𝗜𝗦𝗔𝗦𝗧𝗘𝗥 𝗞𝗜𝗧 𝗦𝗔 𝗠𝗚𝗔 𝗔𝗣𝗘𝗞𝗧𝗔𝗗𝗢 𝗦𝗔 𝗦𝗨𝗡𝗢𝗚 𝗦𝗔 𝗣𝗔𝗞𝗡𝗔𝗔𝗡

Mikabat sa 72 ka pamilya ang naapektuhan sa sunog nga nahitabo niadtong alas 2:00 sa kadlawon, Abril 2, 2026, sa Zone Tamatis, Brgy. Paknaan, base sa inisyal nga report.

Dali nga miresponde ang Mandaue City Social Welfare Services Office (CSWS) aron motabang sa mga biktima pinaagi sa paghatag og disaster kits isip pangunang ayuda.

Ang matag kit naglangkob sa mga batakang panginahanglan sama sa banig, tuwalya, toothbrush, sabon, sinina, ug uban pang gamit alang sa adlaw-adlaw nga panginahanglan.

Padayon usab ang gipahigayon nga assessment sa CSWS aron masuta ang kahimtang sa matag pamilya ug masiguro nga mahatagan sila og hustong ug angay nga tabang.

Bisan pa man sa adlaw nga Domingo, aktibong mipakigbahin ang mga kawani sa CSWS sa pag-andam ug pagputos sa mga disaster kits aron masiguro ang paspas nga paghatag og serbisyo sa mga naapektuhan.

Nagpadayon ang CSWS sa ilang misyon sa paghatag og matinud-anon ug epektibong serbisyo alang sa tanang Mandauehanon, ilabi na sa panahon sa kalamidad.

𝗖𝗦𝗪𝗦 𝗠𝗜𝗥𝗘𝗦𝗣𝗢𝗡𝗗𝗘 𝗗𝗔𝗬𝗢𝗡 𝗦𝗔 𝗦𝗨𝗡𝗢𝗚 𝗦𝗔 𝗭𝗢𝗡𝗘 𝗧𝗔𝗠𝗔𝗧𝗜𝗦, 𝗕𝗥𝗚𝗬. 𝗣𝗔𝗞𝗡𝗔𝗔𝗡

Paspas nga miresponde ang City Social Welfare and Services Office (CSWS) sa paghatag og tabang sa mga apektado sa sunog nga nahitabo alas 2:00 sa kadlawon niadtong April 12 sa Zone Tamatis, Barangay Paknaan, Dakbayan sa Mandaue.

Sumala sa partial report, kapin sa 72 ka pamilya ang apektado sa maong insidente.

Gipangulohan sa CSWS staffs, uban sa City Disaster Risk Reduction and Management Office (CDRRMO) ug Bureau of Fire Protection (BFP) ug uban pang ahensya ang dayon nga pagresponde. Lakip niini ang padayon nga pag-assess sa kahimtang sa mga biktima aron masiguro nga matubag ang ilang mga nag-unang panginahanglan.

Isip unang tabang, mihatag ang dakbayan og libreng pamahaw ug paniudto ngadto sa mga apektadong pamilya.

Susama ni Mayor Thadeo Jonkie Ouano, prayoridad sa Mandaue City Social Welfare and Services Office ang paghatag dayon og tukmang tabang sa mga Mandauehanon nga naapektuhan sa kalamidad, ilabi na sa mga insidente nga sunog.