Mandaue City Social Welfare Services Office

Directions

Mandaue City Social Welfare Services Office Committed to delivering social protection and welfare programs for every Mandauehanon, As One Mandaue.

𝐌𝐀𝐍𝐃𝐀𝐔𝐄𝐇𝐀𝐍𝐎𝐍 𝐍𝐆𝐀 𝐓𝐎𝐏 𝟒 𝐒𝐀 𝐋𝐄𝐏𝐓 𝐍𝐀𝐊𝐀𝐃𝐀𝐖𝐀𝐓 𝐎𝐆 ₱𝟓𝟎𝐊 𝐂𝐀𝐒𝐇 𝐈𝐍𝐂𝐄𝐍𝐓𝐈𝐕𝐄 𝐆𝐈𝐊𝐀𝐍 𝐒𝐀 𝐒𝐈𝐘𝐔𝐃𝐀𝐃Nakadawat og ₱50,000 nga cash incentive ...
10/11/2026

𝐌𝐀𝐍𝐃𝐀𝐔𝐄𝐇𝐀𝐍𝐎𝐍 𝐍𝐆𝐀 𝐓𝐎𝐏 𝟒 𝐒𝐀 𝐋𝐄𝐏𝐓 𝐍𝐀𝐊𝐀𝐃𝐀𝐖𝐀𝐓 𝐎𝐆 ₱𝟓𝟎𝐊 𝐂𝐀𝐒𝐇 𝐈𝐍𝐂𝐄𝐍𝐓𝐈𝐕𝐄 𝐆𝐈𝐊𝐀𝐍 𝐒𝐀 𝐒𝐈𝐘𝐔𝐃𝐀𝐃

Nakadawat og ₱50,000 nga cash incentive si Audy F. Payao Jr., gikan sa Barangay Umapad nga nakasulod sa top 4 sa September 2025 Licensure Examination for Professional Teachers (LEPT), atol sa turnover ceremony karong adlawa, Nobyembre 10 sa Mandaue City Hall.

Gipasidunggan sa lokal nga kagamhanan ubos sa pagpangulo ni Mayor Thadeo “Jonkie” Ouano si Payao, graduate sa kursong Bachelor of Secondary Education (BSED) - English sa University of Cebu–Lapu-Lapu and Mandaue (UCLM).

Gawas sa iyang kalampusan sa LEPT, giila usab si Payao isip Bronze Medalist sa bag-ohay lang nga gipahigayong Justice Sotero Cabahug Awards niadtong Abril. Sa pagkakaron, nagserbisyo siya isip substitute teacher sa Don Gerardo Llamera Ouano Memorial National High School.
Kuyog ni Payao sa turnover ceremony ang iyang inahan nga si Michelle Flores Payao, City Administrator Atty. Sally Malig-on Jr., ug mga personnel sa City Social Welfare Services Office (CSWSO), nga gipangulohan ni Dr. Michael Pielago.

Pinaagi sa cash incentive program, naghatag ang siyudad og pinansyal nga suporta ug pag-ila sa mga Mandauehanong nagmalampuson sa ilang propesyon.

Gilauman ni Mayor Jonkie nga magpadayon pa ang kalampusan ni Payao isip magtutudlo ug mahimong inspirasyon sa ubang mga Mandauehanon nga maningkamot usab aron makab-ot ang ilang mga pangandoy.(JM,CG)



𝐂𝐒𝐖𝐒, 𝐍𝐀𝐆𝐏𝐀𝐇𝐈𝐆𝐀𝐘𝐎𝐍 𝐎𝐆 𝐒𝐄𝐌𝐈𝐍𝐀𝐑 𝐏𝐀𝐑𝐀 𝐌𝐀𝐊𝐀𝐏𝐀𝐋𝐈𝐆-𝐎𝐍 𝐒𝐀 𝐊𝐀𝐇𝐈𝐁𝐀𝐋𝐎 𝐒𝐀 𝐌𝐆𝐀 𝐊𝐀𝐁𝐀𝐓𝐀𝐍-𝐎𝐍𝐀𝐍 𝐒𝐀 𝐌𝐀𝐍𝐃𝐀𝐔𝐄 𝐁𝐀𝐓𝐎𝐊 𝐒𝐀 𝐎𝐒𝐀𝐄𝐂Isip kabahin sa...
10/11/2026

𝐂𝐒𝐖𝐒, 𝐍𝐀𝐆𝐏𝐀𝐇𝐈𝐆𝐀𝐘𝐎𝐍 𝐎𝐆 𝐒𝐄𝐌𝐈𝐍𝐀𝐑 𝐏𝐀𝐑𝐀 𝐌𝐀𝐊𝐀𝐏𝐀𝐋𝐈𝐆-𝐎𝐍 𝐒𝐀 𝐊𝐀𝐇𝐈𝐁𝐀𝐋𝐎 𝐒𝐀 𝐌𝐆𝐀 𝐊𝐀𝐁𝐀𝐓𝐀𝐍-𝐎𝐍𝐀𝐍 𝐒𝐀 𝐌𝐀𝐍𝐃𝐀𝐔𝐄 𝐁𝐀𝐓𝐎𝐊 𝐒𝐀 𝐎𝐒𝐀𝐄𝐂

Isip kabahin sa padayong paningkamot sa pagpanalipod ug pagpalig-on sa kahibalo sa mga kabatan-onan, nagpahigayon ang City Social Welfare Services (CSWS) og seminar nga nagtumong sa paghatag og saktong impormasyon ug pagsabot mahitungod sa Online Sexual Abuse and Exploitation of Children (OSAEC), lakip ang mga peligro nga mahimong ilang masugatan sa paggamit sa internet ug social media.

Pinaagi sa maong kalihokan, gihatagan og kahigayonan ang mga partisipante nga mas masabtan ang ilang mga katungod, mga responsibilidad, ug ang mga lakang nga angay buhaton aron mapanalipdan ang ilang kaugalingon batok sa pagpangabuso ug uban pang matang sa pagpangdaot, ilabina sa online nga kalibotan.

Gipasiugda usab sa kalihokan ang kamahinungdanon sa pagpakabana, pagreport, ug pagpangayo og tabang sa hustong mga ahensya kon adunay mahitabong paglapas sa katungod sa usa ka bata.

Pinaagi sa pagpaambit sa kahibalo ug hustong giya, gilauman nga mas mapalambo ang abilidad sa mga kabatan-onan sa pag-ila sa mga peligro ug pagpanalipod sa ilang kaugalingon ug sa ilang isigka-batan-on.

Tumong sa CSWS nga padayon nga mapalig-on ang mga programa ug inisyatibo alang sa pagpanalipod sa kabatan-onan, subay sa prayoridad sa administrasyon ni Mayor Thadeo Jovito “Jonkie” M. Ouano nga masiguro ang ilang kaluwasan ug kaayohan.

Pinaagi niini, gitinguha nga hatagan sila og hustong kahibalo ug giya aron malikayan ang mga makadaot nga impluwensya ug sitwasyon nga mahimong mohulga sa ilang kaugmaon.

Pinaagi sa padayon nga mga programa sa CSWS, gipasiugda sa Dakbayan sa Mandaue ang kamahinungdanon sa paghatag og kahibalo ug hustong giya aron masiguro nga ang matag bata ug kabatan-onan motubo sa usa ka luwas, mahigalaon, ug mapanalipdanong komunidad.



𝐏𝐀𝐆-𝐀𝐌𝐔𝐌𝐀 𝐔𝐆 𝐏𝐀𝐆𝐏𝐀𝐍𝐀𝐋𝐈𝐏𝐎𝐃 𝐒𝐀 𝐌𝐆𝐀 𝐊𝐀𝐁𝐀𝐓𝐀𝐀𝐍, 𝐆𝐈𝐏𝐀𝐒𝐈𝐔𝐆𝐃𝐀 𝐒𝐀 𝐌𝐀𝐍𝐃𝐀𝐔𝐄 𝐂𝐈𝐓𝐘 𝐒𝐀 𝐂𝐇𝐈𝐋𝐃𝐑𝐄𝐍’𝐒 𝐌𝐎𝐍𝐓𝐇 𝐊𝐈𝐂𝐊-𝐎𝐅𝐅Kapin sa 1,000 ka mga ...
10/11/2026

𝐏𝐀𝐆-𝐀𝐌𝐔𝐌𝐀 𝐔𝐆 𝐏𝐀𝐆𝐏𝐀𝐍𝐀𝐋𝐈𝐏𝐎𝐃 𝐒𝐀 𝐌𝐆𝐀 𝐊𝐀𝐁𝐀𝐓𝐀𝐀𝐍, 𝐆𝐈𝐏𝐀𝐒𝐈𝐔𝐆𝐃𝐀 𝐒𝐀 𝐌𝐀𝐍𝐃𝐀𝐔𝐄 𝐂𝐈𝐓𝐘 𝐒𝐀 𝐂𝐇𝐈𝐋𝐃𝐑𝐄𝐍’𝐒 𝐌𝐎𝐍𝐓𝐇 𝐊𝐈𝐂𝐊-𝐎𝐅𝐅

Kapin sa 1,000 ka mga bata gikan sa nagkadaiyang barangay ug eskwelahan sa Mandaue City ang mitambong sa Kick-Off Ceremony sa ika-34 nga National Children’s Month Celebration nga gipahigayon sa Barangay Opao Gym niadtong Nobyembre 7.

Uban sa tema nga “Manindigan! Tumugon at Kumalinga: Sa Batang Handa, Mas Ligtas ang Bansa,” gipasiugda sa maong kalihokan ang kamahinungdanon sa pagpanalipod sa katungod sa mga bata ug pagsiguro sa ilang kaluwasan, kaayohan, ug maayong kaugmaon.

Pinaagi sa pagpangulo ni Mayor Thadeo “Jonkie” Ouano, ug sa mensahe nga gipadayag ni City Councilor Eugene Andaya, gipasalig pag-usab sa lokal nga kagamhanan ang padayong suporta sa mga programa ug inisyatibo alang sa kaayohan sa matag batang Mandauehanon.

Dako usab ang nahimong papel sa City Social Welfare Services Office (CSWSO), Mandaue City Youth Development Office (MCYDO), ug sa tanang miyembro sa Local Council for the Protection of Children (LCPC) sa pagpangandam ug malampusong pagpahigayon sa maong kalihokan, isip pagpamatuod sa panaghiusa ug pagpanalipod sa mga katungod sa kabataan.



09/11/2026
𝗣𝗔𝗚𝗟𝗔𝗠𝗕𝗢 𝗦𝗔 𝗞𝗔𝗣𝗔𝗦𝗜𝗗𝗔𝗗 𝗦𝗔 𝗞𝗔𝗕𝗔𝗧𝗔𝗡-𝗢𝗡𝗔𝗡, 𝗚𝗜𝗣𝗔𝗦𝗜𝗨𝗚𝗗𝗔 𝗣𝗜𝗡𝗔𝗔𝗚𝗜 𝗦𝗔 𝗣𝗘𝗥𝗦𝗢𝗡𝗔𝗟 𝗔𝗡𝗗 𝗟𝗘𝗔𝗗𝗘𝗥𝗦𝗛𝗜𝗣 𝗗𝗘𝗩𝗘𝗟𝗢𝗣𝗠𝗘𝗡𝗧 𝗖𝗢𝗨𝗥𝗦𝗘Mipahigayon og tu...
09/11/2026

𝗣𝗔𝗚𝗟𝗔𝗠𝗕𝗢 𝗦𝗔 𝗞𝗔𝗣𝗔𝗦𝗜𝗗𝗔𝗗 𝗦𝗔 𝗞𝗔𝗕𝗔𝗧𝗔𝗡-𝗢𝗡𝗔𝗡, 𝗚𝗜𝗣𝗔𝗦𝗜𝗨𝗚𝗗𝗔 𝗣𝗜𝗡𝗔𝗔𝗚𝗜 𝗦𝗔 𝗣𝗘𝗥𝗦𝗢𝗡𝗔𝗟 𝗔𝗡𝗗 𝗟𝗘𝗔𝗗𝗘𝗥𝗦𝗛𝗜𝗣 𝗗𝗘𝗩𝗘𝗟𝗢𝗣𝗠𝗘𝗡𝗧 𝗖𝗢𝗨𝗥𝗦𝗘

Mipahigayon og tulo ka adlaw nga pagbansay alang sa personal nga paglambo ug pagpangulo ang mga miyembro sa Pag-asa Youth Association of the Philippines (PYAP) – Mandaue City, pinaagi sa Personal and Leadership Development Course nga gipahigayon niadtong Nobyembre 4–6, 2026, sa RAFI Kool Adventure Camp (KAC), Balamban, Cebu.

Pinaagi sa maong pagbansay, gihatagan og oportunidad ang mga miyembro sa PYAP nga mapalambo ang ilang kaugalingong kapasidad, kahanas sa pagpangulo, pagtinabangay, ug epektibong komunikasyon.

Gitumong usab niini ang pagpalig-on sa ilang pagsalig sa kaugalingon, disiplina, responsibilidad, ug abilidad sa pag-atubang sa nagkalain-laing hagit isip mga batan-on.

Dako ang pasalamat sa mga miyembro sa PYAP ngadto sa City Social Welfare Services (CSWS) Office, ilabi na kang Mayor Thadeo Jovito "Jonkie" M. Ouano, tungod sa ilang suporta ug padayon nga paningkamot sa paghatag og mga oportunidad alang sa pagpalambo sa kapasidad, kahanas, ug potensyal sa kabatan-onan.

Pinaagi sa padayon nga suporta sa lokal nga pangagamhanan, gilaoman nga mas daghang kabatan-onan ang madasig nga molambo, mahimong responsable ug aktibong makatampo sa kalamboan sa ilang komunidad.



𝟭𝟬𝟰 𝗞𝗔 𝗣𝗔𝗠𝗜𝗟𝗬𝗔𝗡𝗚 𝗡𝗔𝗦𝗨𝗡𝗢𝗚𝗔𝗡 𝗦𝗔 𝗟𝗔𝗕𝗢𝗚𝗢𝗡, 𝗡𝗔𝗛𝗔𝗧𝗔𝗚𝗔𝗡 𝗗𝗔𝗬𝗢𝗡 𝗢𝗚 𝗙𝗜𝗡𝗔𝗡𝗖𝗜𝗔𝗟 𝗔𝗦𝗦𝗜𝗦𝗧𝗔𝗡𝗖𝗘 𝗗𝗨𝗛𝗔 𝗞𝗔 𝗦𝗘𝗠𝗔𝗡𝗔 𝗛𝗨𝗠𝗔𝗡 𝗦𝗔 𝗦𝗨𝗡𝗢𝗚Gihatagan og...
05/11/2026

𝟭𝟬𝟰 𝗞𝗔 𝗣𝗔𝗠𝗜𝗟𝗬𝗔𝗡𝗚 𝗡𝗔𝗦𝗨𝗡𝗢𝗚𝗔𝗡 𝗦𝗔 𝗟𝗔𝗕𝗢𝗚𝗢𝗡, 𝗡𝗔𝗛𝗔𝗧𝗔𝗚𝗔𝗡 𝗗𝗔𝗬𝗢𝗡 𝗢𝗚 𝗙𝗜𝗡𝗔𝗡𝗖𝗜𝗔𝗟 𝗔𝗦𝗦𝗜𝗦𝗧𝗔𝗡𝗖𝗘 𝗗𝗨𝗛𝗔 𝗞𝗔 𝗦𝗘𝗠𝗔𝗡𝗔 𝗛𝗨𝗠𝗔𝗡 𝗦𝗔 𝗦𝗨𝗡𝗢𝗚

Gihatagan og pinansiyal nga ayuda sa City Social Welfare Services Office (CSWS) ang 104 ka pamilyang naapektuhan sa sunog sa Barangay Labogon niadtong Oktubre 20, 2026. Ang pagpanghatag gihimo niadtong Nobyembre 4, 2026.

Nakadawat og ₱10,000 ang matag usa sa 57 ka totally damaged house owners, samtang ₱5,000 ang matag usa sa 47 ka partially damaged house owners ug renter-sharers.

Gawas sa pinansiyal nga tabang, gihatagan usab ang matag pamilya og lima (5) ka kilong bugas aron makatabang sa ilang adlaw-adlaw nga panginahanglan.

Kini nga paghatod sa tabang kabahin sa paningkamot sa City Government of Mandaue, ubos sa pagpangulo ni Mayor Thadeo “Jonkie” Ouano, uban sa suporta ug paningkamot ni Congresswoman Emmarie “Lolypop” Ouano-Dizon, aron mapadali ang paghatag og tabang sa mga pamilyang naapektuhan sa maong kalamidad.

Padayon ang CSWSO sa pagpaningkamot nga masiguro ang paspas nga paghatag og tabang ug suporta sa mga Mandauehanon nga nanginahanglan, ilabi na sa panahon sa kalisod ug emerhensiya.



𝗠𝗔𝗡𝗗𝗔𝗨𝗘 𝗖𝗜𝗧𝗬, 𝗚𝗜𝗣𝗔𝗟𝗜𝗚-𝗢𝗡 𝗔𝗡𝗚 𝗞𝗔𝗟𝗜𝗗𝗔𝗗 𝗦𝗔 𝗦𝗘𝗥𝗕𝗜𝗦𝗬𝗢𝗡𝗚 𝗘𝗖𝗖𝗗 𝗣𝗜𝗡𝗔𝗔𝗚𝗜 𝗦𝗔 𝗖𝗛𝗘𝗖𝗞𝗟𝗜𝗦𝗧 𝗨𝗚 𝗖𝗗𝗖 𝗣𝗢𝗟𝗜𝗖𝗜𝗘𝗦 𝗧𝗥𝗔𝗜𝗡𝗜𝗡𝗚Padayon ang City So...
05/11/2026

𝗠𝗔𝗡𝗗𝗔𝗨𝗘 𝗖𝗜𝗧𝗬, 𝗚𝗜𝗣𝗔𝗟𝗜𝗚-𝗢𝗡 𝗔𝗡𝗚 𝗞𝗔𝗟𝗜𝗗𝗔𝗗 𝗦𝗔 𝗦𝗘𝗥𝗕𝗜𝗦𝗬𝗢𝗡𝗚 𝗘𝗖𝗖𝗗 𝗣𝗜𝗡𝗔𝗔𝗚𝗜 𝗦𝗔 𝗖𝗛𝗘𝗖𝗞𝗟𝗜𝗦𝗧 𝗨𝗚 𝗖𝗗𝗖 𝗣𝗢𝗟𝗜𝗖𝗜𝗘𝗦 𝗧𝗥𝗔𝗜𝗡𝗜𝗡𝗚

Padayon ang City Social Welfare Services Office (CSWS) sa pagpalig-on sa mga programa ug serbisyo alang sa mga kabataan pinaagi sa pagpahigayon sa ECCD Checklist and Child Development Center (CDC) Policies Training.

Ang maong pagbansay nagtumong sa pagpalambo sa kahibalo ug kapasidad sa mga Child Development Workers (CDWs) sa hustong paggamit sa ECCD Checklist isip himan sa pagsusi ug pagmonitor sa pagtubo ug paglambo sa mga bata.

Lakip usab niini ang pagpalig-on sa ilang pagsabot sa mga polisiya, sumbanan, ug mga pamaagi nga angay sundon sa pagdumala sa mga Child Development Centers (CDCs).

Pinaagi niini, mas mapalambo ang kalidad sa pag-atiman, paggiya, ug paghatag og angay nga mga kalihokan sa pagkat-on nga motubag sa panginahanglan ug ang-ang sa paglambo sa matag bata.

Kabahin kini sa padayong suporta ug paningkamot sa administrasyon ni Mayor Thadeo Jovito M. Ouano sa pagpalambo sa mga programa alang sa mga kabataan ug sa pagsiguro nga matag bata sa Dakbayan sa Mandaue makadawat og dekalidad, luwas, ug inklusibong serbisyo sa Early Childhood Care and Development (ECCD), alang sa mas lig-on nga pundasyon sa ilang pagtubo, pagkat-on, ug kaugmaon.



04/11/2026
𝗖𝗦𝗪𝗦, 𝗡𝗔𝗚𝗣𝗔𝗛𝗜𝗚𝗔𝗬𝗢𝗡 𝗢𝗚 𝗥𝗘𝗢𝗥𝗜𝗘𝗡𝗧𝗔𝗧𝗜𝗢𝗡 𝗔𝗟𝗔𝗡𝗚 𝗦𝗔 𝗕𝗖𝗣𝗖 𝗙𝗢𝗖𝗔𝗟 𝗣𝗘𝗥𝗦𝗢𝗡𝗦 𝗦𝗔 𝗖𝗢𝗠𝗣𝗥𝗘𝗛𝗘𝗡𝗦𝗜𝗩𝗘 𝗕𝗔𝗥𝗔𝗡𝗚𝗔𝗬 𝗝𝗨𝗩𝗘𝗡𝗜𝗟𝗘 𝗜𝗡𝗧𝗘𝗥𝗩𝗘𝗡𝗧𝗜𝗢𝗡 𝗣𝗥𝗢𝗚𝗥𝗔𝗠N...
29/10/2026

𝗖𝗦𝗪𝗦, 𝗡𝗔𝗚𝗣𝗔𝗛𝗜𝗚𝗔𝗬𝗢𝗡 𝗢𝗚 𝗥𝗘𝗢𝗥𝗜𝗘𝗡𝗧𝗔𝗧𝗜𝗢𝗡 𝗔𝗟𝗔𝗡𝗚 𝗦𝗔 𝗕𝗖𝗣𝗖 𝗙𝗢𝗖𝗔𝗟 𝗣𝗘𝗥𝗦𝗢𝗡𝗦 𝗦𝗔 𝗖𝗢𝗠𝗣𝗥𝗘𝗛𝗘𝗡𝗦𝗜𝗩𝗘 𝗕𝗔𝗥𝗔𝗡𝗚𝗔𝗬 𝗝𝗨𝗩𝗘𝗡𝗜𝗟𝗘 𝗜𝗡𝗧𝗘𝗥𝗩𝗘𝗡𝗧𝗜𝗢𝗡 𝗣𝗥𝗢𝗚𝗥𝗔𝗠

Nagpahigayon og reorientation alang sa mga Barangay Council for the Protection of Children (BCPC) focal persons ang Mandaue City Social Welfare Services Office kalabot sa Comprehensive Barangay Juvenile Intervention Program niadtong Oktubre 26–27, 2026.

Tumong sa maong kalihokan nga mapalawom ang kahibalo ug pagsabot sa mga BCPC focal persons sa ilang mga tahas ug responsibilidad sa pagpanalipod sa mga katungod ug kaayohan sa mga bata, ilabina sa pagpatuman sa mga programa ug interbensyon alang sa mga batang nanginahanglan og giya, pag-atiman, ug suporta sulod sa komunidad.

Lakip sa mga nag-unang hilisgutan nga gihisgutan ang Republic Act No. 9344 o Juvenile Justice and Welfare Act of 2006, ang pagpalambo sa functionality sa BCPC ug sa mga mekanismo batok sa Violence Against Women and Children (VAWC), intervention planning, ug ang nagkalain-laing balaod nga may kalabotan sa pagpanalipod sa mga bata.

Subay sa tumong sa administrasyon ni Mayor Thadeo Jovito “Jonkie” M. Ouano nga mapalambo ang kaayohan ug kaluwasan sa matag bata, gihatagan og gibug-aton sa maong kalihokan ang mahinungdanong papel sa mga barangay sa pagpugong sa juvenile delinquency, pagpatuman sa tukmang mga interbensyon, ug paghatag og luwas, matinabangon, ug child-friendly nga palibot alang sa kabataan.

Pinaagi sa maong reorientation, gilauman nga mas mapalambo ang kapasidad sa mga BCPC focal persons sa pagplano ug pagpatuman sa epektibong mga programa alang sa juvenile intervention ug child protection.

Magpadayon ang CSWS sa pagpalig-on sa koordinasyon ug pakigtambayayong sa mga barangay aron masiguro ang padayon nga pagpanalipod sa mga katungod, kaluwasan, ug kaayohan sa tanang kabataan sa Mandaue City.



𝗖𝗦𝗪𝗦, 𝗚𝗜𝗣𝗔𝗟𝗜𝗚-𝗢𝗡 𝗔𝗡𝗚 𝗣𝗔𝗚𝗦𝗔𝗕𝗢𝗧 𝗦𝗔 𝗠𝗚𝗔 𝗞𝗔𝗪𝗔𝗡𝗜 𝗦𝗔 𝗠𝗔𝗡𝗗𝗔𝗧𝗢 𝗦𝗔 𝗢𝗣𝗜𝗦𝗜𝗡𝗔 𝗨𝗚 𝗥𝗘𝗦𝗣𝗢𝗡𝗦𝗜𝗕𝗜𝗟𝗜𝗗𝗔𝗗 𝗦𝗔 𝗣𝗨𝗕𝗟𝗜𝗖 𝗦𝗘𝗥𝗩𝗜𝗖𝗘Gipahigayon sa Cit...
26/10/2026

𝗖𝗦𝗪𝗦, 𝗚𝗜𝗣𝗔𝗟𝗜𝗚-𝗢𝗡 𝗔𝗡𝗚 𝗣𝗔𝗚𝗦𝗔𝗕𝗢𝗧 𝗦𝗔 𝗠𝗚𝗔 𝗞𝗔𝗪𝗔𝗡𝗜 𝗦𝗔 𝗠𝗔𝗡𝗗𝗔𝗧𝗢 𝗦𝗔 𝗢𝗣𝗜𝗦𝗜𝗡𝗔 𝗨𝗚 𝗥𝗘𝗦𝗣𝗢𝗡𝗦𝗜𝗕𝗜𝗟𝗜𝗗𝗔𝗗 𝗦𝗔 𝗣𝗨𝗕𝗟𝗜𝗖 𝗦𝗘𝗥𝗩𝗜𝗖𝗘

Gipahigayon sa City Social Welfare Services (CSWS) ang seminar nga nagtumong sa pag review sa misyon, bisyon, ug mandato sa opisina aron mapalawom ang pagsabot sa mga kawani sa ilang mga tahas ug responsibilidad isip mga alagad sa publiko, ilabina sa paghatag og tarong, matinahuron, ug hapsay nga serbisyo sa mga kliyente.

Subay kini sa tumong ni Mayor Thadeo Jovito “Jonkie” Ouano nga mapalig-on ang komitment sa mga kawani sa gobyerno sa paghatag og matinud-anon, episyente, ug dekalidad nga serbisyo publiko.

Pinaagi niini, gidasig ang matag kawani sa CSWS nga magpakita og respeto, malasakit, ug professional sa pag-atiman sa mga kliyente, ilabi na sa mga indibidwal ug pamilyang nanginahanglan og tabang ug suporta sa opisina.



Address

SDC Building, C. Mina Centro (Pob. )
Mandaue City
6014

Website

Alerts

Be the first to know and let us send you an email when Mandaue City Social Welfare Services Office posts news and promotions. Your email address will not be used for any other purpose, and you can unsubscribe at any time.

Shortcuts

Share

Nearby government services