MIS Muntinlupa

𝗕𝗿𝘂𝗴𝗲𝗿 𝗦𝘁𝗿𝗲𝗲𝘁 𝗗𝗿𝗮𝗶𝗻𝗮𝗴𝗲 𝗣𝗿𝗼𝗷𝗲𝗰𝘁

𝗧𝘂𝗻𝗴𝗸𝗼𝗹 𝘀𝗮𝗮𝗻 𝗯𝗮 𝗮𝗻𝗴 𝗽𝗿𝗼𝘆𝗲𝗸𝘁𝗼?

Ang drainage project sa Bruger Street ay bahagi ng solusyon sa matagal nang pagbaha sa national road, partikular sa tapat ng City Hall.

Matagal na nating problema ang pagbaha sa lugar na ito. Ang orihinal na plano sana ay dumaan ang drainage sa ilang private properties, pero hindi ito napayagan kaya kinailangan nating humanap ng ibang ruta.

Dito napagdesisyunan na idaan sa Bruger Street ang drainage line papunta sa Laguna de Bay.

𝗕𝗮𝗸𝗶𝘁 𝗹𝘂𝗺𝗮𝗴𝗽𝗮𝘀 𝘀𝗮 𝗻𝗮𝘂𝗻𝗮𝗻𝗴 𝗱𝗲𝗮𝗱𝗹𝗶𝗻𝗲?

Habang ginagawa ang proyekto, may mga natuklasang underground utilities tulad ng linya ng tubig, kuryente, at telco na kinailangang i-relocate muna bago maituloy nang maayos ang drainage works.

Hindi rin madali ang relocation dahil maraming residente at serbisyo ang maaaring maapektuhan. Nakipag-coordinate tayo sa mga public utility companies para mapabilis ang proseso habang sinisigurong minimal ang abala sa mga tao.

𝗔𝗻𝗼 𝗻𝗮 𝗮𝗻𝗴 𝗸𝗮𝘀𝗮𝗹𝘂𝗸𝘂𝘆𝗮𝗻𝗴 𝘀𝘁𝗮𝘁𝘂𝘀?

Sa ngayon, tapos na ang malaking bahagi ng drainage works sa Bruger Street at asphalting na lamang ang hinihintay. Magagawa ito matapos makumpleto ang ongoing drainage works sa tapat ng City Hall.

𝗞𝗮𝗶𝗹𝗮𝗻 𝗯𝗮 𝗺𝗮𝘁𝗮𝘁𝗮𝗽𝗼𝘀?

Target nating matapos ang drainage works sa harap ng City Hall ngayong May, at susunod agad ang asphalting sa Bruger sa June.

Sa ngayon, may ginagawang adjustment sa design dahil may nakitang active gas line. Kung hindi iingatan, posibleng masira ang active gas lines dahil sa bigat ng mga sasakyang dumadaan sa National Road.

Unfortunately, wala ring existing o kumpletong records on file ng eksaktong lokasyon ng ilang underground utilities tulad ng gas lines, water lines, electrical at telco facilities, at iba pang linya sa ilalim ng kalsada.

Dahil dito, isa-isa pa itong kinailangang tukuyin at i-validate habang ongoing ang paghuhukay at konstruksyon upang maiwasan ang mas malaking aberya at pagkaantala ng serbisyo.

Malinaw sa kontraktor ang kanilang obligasyon. Kapag may hindi nasunod sa kontrata o hindi katanggap-tanggap na delay, may kaakibat itong multa at kaukulang parusa.

Sa ngayon, hinihingi po namin ang kaunting pang-unawa at pasensya habang tinatapos ang proyektong magbibigay ng pangmatagalang ginhawa laban sa pagbaha.

𝐒𝐚 𝐦𝐠𝐚 𝐢𝐥𝐚𝐰 𝐧𝐠 𝐭𝐚𝐡𝐚𝐧𝐚𝐧 𝐚𝐭 𝐦𝐠𝐚 𝐩𝐮𝐬𝐨𝐧𝐠 𝐰𝐚𝐥𝐚𝐧𝐠 𝐤𝐚𝐩𝐚𝐧𝐭𝐚𝐲 — 𝐇𝐚𝐩𝐩𝐲 𝐌𝐨𝐭𝐡𝐞𝐫'𝐬 𝐃𝐚𝐲! 💖

Maraming salamat po sa walang sawang pagmamahal, sakripisyo, at paggabay. Kayo ang tunay na inspirasyon ng bawat pamilyang Muntinlupeño. 💐

𝐌𝐮𝐧𝐭𝐢𝐧𝐥𝐮𝐩𝐚, 𝐍𝐚𝐠𝐤𝐚𝐦𝐢𝐭 𝐧𝐠 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐕𝐨𝐥𝐮𝐧𝐭𝐞𝐞𝐫 𝐀𝐰𝐚𝐫𝐝 𝐦𝐮𝐥𝐚 𝐬𝐚 𝐏𝐍𝐕𝐒𝐂𝐀

Kinilala ang Pamahalaang Lungsod ng Muntinlupa bilang International Local Volunteer Partner Institution Awardee ng Philippine National Volunteer Service Coordinating Agency (PNVSCA), katuwang ang Korea International Cooperation Agency Philippines - KOICA 필리핀사무소 (KOICA), bilang pagkilala sa pakikipagtulungan nito sa international volunteer programs.

Nagpasalamat si Mayor Ruffy Biazon sa patuloy na suporta ng Korean volunteers sa Early Childhood Education Division (ECED) at mga Child Development Centers, at binigyang-diin ang halaga ng partnership na kapwa nakikinabang ang komunidad at mga volunteers.

Matatandaang noong December 2023, kinilala ang Muntinlupa bilang kauna-unahang Volunteerism Local Learning Hub sa bansa—isang hakbang upang lalo pang mapalakas ang volunteerism sa lungsod.

Kaugnay nito, lumagda ang lokal na pamahalaan sa isang Memorandum of Understanding (MOU) kasama ang PNVSCA para sa mas pinalawak na training, workshops, at community outreach programs.

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐂𝐨𝐧𝐠. 𝐉𝐢𝐦𝐦𝐲 𝐅𝐫𝐞𝐬𝐧𝐞𝐝𝐢! 🎉🎂

Sa mahabang panahon ng iyong paglilingkod bilang Mayor ng Muntinlupa, naging matibay kang haligi ng kaunlaran para sa ating lungsod. At hanggang ngayon, bilang Congressman, tuloy-tuloy pa rin ang iyong dedikasyon sa paghahatid ng serbisyo at oportunidad para sa bawat Muntinlupeño.

Kasama ang Pamahalaang Lungsod sa pangunguna ni Mayor Ruffy Biazon, kami po ay nagpapasalamat sa iyong patuloy na paggabay at suporta sa ating lungsod.

Hangad namin ang inyong mabuting kalusugan at mas marami pang taon ng makabuluhang paglilingkod.

Maligayang kaarawan, Cong. Jimmy Fresnedi!

Sa pagdiriwang ng Earth Day 2026 na may temang “Our Power, Our Planet,” hinihikayat ng Pamahalaang Lungsod ng Muntinlupa ang bawat Muntinlupeño na makiisa sa pangangalaga ng kalikasan.

Nasa ating mga kamay ang kapangyarihang protektahan ang ating planeta para sa susunod na henerasyon. 🌏💚

𝐃𝐎𝐒𝐓-𝐍𝐂𝐑 𝐎𝐩𝐞𝐧𝐬 𝐅𝐢𝐫𝐬𝐭 𝐈𝐧𝐧𝐨𝐯𝐚𝐭𝐢𝐨𝐧 𝐇𝐮𝐛 𝐢𝐧 𝐌𝐮𝐧𝐭𝐢𝐧𝐥𝐮𝐩𝐚

Opisyal nang inilunsad ng DOST- National Capital Region ang kauna-unahang Innovation Hub (iHub) sa MUNTAPARLAS (Muntinlupa, Taguig, Parañaque, Las Piñas), na matatagpuan sa Colegio de Muntinlupa (CDM).

Sa pagtutulungan ng DOST at Pamahalaang Lungsod ng Muntinlupa, binuksan ang iHub bilang isang open-access workspace para sa mga estudyante, researchers, startups, at entrepreneurs na gustong mag-collaborate, mag-innovate, at gawing realidad ang kanilang mga ideya.

Hindi lang ito basta workspace—dito mabibigyan ng access ang mga innovators sa mentorship, advanced prototyping tools, at suporta para makabuo ng market-ready solutions na makatutulong sa ekonomiya ng rehiyon.

Kasama rin sa iHub ang Project SARAI CeNTRO Hub, na magdadala ng science-based solutions para suportahan ang ating mga magsasaka sa MUNTAPARLAS.

Sa iHub, mas inilalapit ang agham at teknolohiya sa mamamayan para gawing tunay na solusyon ang bawat ideya.

Isang malaking hakbang para sa kaunlaran ng Metro South!

𝐅.𝐑.𝐄.𝐄. 𝐒𝐞𝐫𝐯𝐢𝐜𝐞 𝐰𝐢𝐭𝐡 𝐚 𝐒𝐦𝐢𝐥𝐞 𝐢𝐬 𝐍𝐨𝐧-𝐍𝐞𝐠𝐨𝐭𝐢𝐚𝐛𝐥𝐞

Muling binigyang-diin ni Mayor Ruffy Biazon ang mandato ng Pamahalaang Lungsod: F.R.E.E. (Fast, Responsive, Effective, and Efficient) Service with a Smile.

Hindi katanggap-tanggap na may ilang kawani pa rin sa City Hall ang patuloy na nairereklamo dahil hindi magalang o masungit habang naglilingkod ayon sa Punong-Lungsod.

“Walang lugar sa public service ang mga taong walang ganang ngumiti. If you cannot do your job courteously, take yourself somewhere else,” mariing pahayag ni Mayor Biazon.

Ang F.R.E.E. Service with a Smile ay hindi simpleng slogan kundi isang direktiba mula sa Local Chief Executive na dapat sundin nang buong puso at seryosong pagtupad.

“This is an order. Take it seriously. Wala na sana akong marinig na may nasungitan na naman sa City Hall,” dagdag pa ni Mayor Biazon.

Sakaling may ma-encounter na masungit na empleyado, maaaring mag-message sa Muntinlupa Helpdesk FB page. Ilakip ang pangalan ng empleyado, tanggapan, pati araw at oras ng insidente para sa mas mabilis na aksyon.

Naglaan ang Pamahalaang Lungsod ng ₱100 milyon para sa malawakang renovation ng Pamantasan ng Lungsod ng Muntinlupa (PLMun). Sa kasalukuyan, nasa 50% completion stage na ang isinasagawang upgrading ng mga pasilidad.

Saklaw ng proyekto ang pagtatayo ng karagdagang classrooms, mini amphitheatre, student lounge, satellite library, at bagong fire exits, pati na rin ang rehabilitasyon ng dating Audio-Visual Room (AVR) na inaasahang makakapag-accommodate ng 150–200 estudyante.

Isinasaalang-alang sa disenyo ng bagong classrooms ang kautusan ni Mayor Ruffy Biazon na gawing mas malalaki ang bintana para sa mas maayos na lighting at ventilation, gayundin ang paggamit ng polished concrete flooring para sa mas pangmatagalang pasilidad.

Dahil pinaplano na ang pagbubukas ng College of Nursing sa PLMun, nagpapatayo ng mini amphitheatre na magsisilbing lecture room ng mga mag-aaral at future nurses.

Habang nauna na ring isinagawa ng City Government ang pagpapabuti ng comfort rooms sa paaralan.