https://www.facebook.com/434638656404495/

Mayor Gege Salonga-Esquivel, MD

Home
Philippines
San Antonio
Mayor Gege Salonga-Esquivel, MD

Directions

Official FB Page of
Mayor Gege Salonga-Esquivel, MD

03/11/2026

Isa na naman pong kababayan natin ang ating nadalaw, si Nanay Rita Payabyab ng Brgy. San Jose. 💙

Nag-request po si Nanay Rita ng wheelchair upang makatulong sa kanyang pang-araw-araw na pagkilos. Kaya naman personal po nating iniabot ang kanyang hinihiling, kasama ang kaunting tulong para sa iba pa niyang pangangailangan.

Masaya po tayong kahit sa simpleng paraan ay nakatutugon tayo sa pangangailangan ng ating mga kababayan. Patuloy nating pakinggan ang kanilang mga hinaing at sikaping maihatid ang tulong kung saan ito higit na kailangan.

Kay Nanay Rita at sa kanyang pamilya, maraming salamat po sa mainit na pagtanggap. Ingat po kayo palagi! 💙

29/10/2026

Isinagawa ang ikalawang pagpupulong ng Municipal Community-Based Monitoring System (CBMS) Coordinating Board upang talakayin ang mahahalagang usapin kaugnay ng CBMS implementation sa ating bayan.

Maraming salamat po kay Sir Rommel Payawal, Senior Statistical Specialist ng PSA Cabanatuan, sa pagbabahagi ng kaalaman at gabay para sa maayos na pagpapatupad ng programa.

Patuloy nating isinusulong ang paggamit ng maaasahang datos bilang gabay sa pagpaplano at paghahatid ng mga serbisyong angkop sa pangangailangan ng ating mga kababayan. 💙

29/10/2026

DSWD KALINGA SOLO PARENT PROGRAM 💙

Patuloy nating isinusulong ang pagbibigay ng kaalaman, pagkilala sa karapatan, at paghahatid ng mga serbisyong nararapat para sa ating mga solo parent.

Sa pamamagitan ng programang “Kaalaman, Karapatan at Serbisyo para sa Solo Parent,” layunin nating mas mapalawak ang kanilang kaalaman sa mga benepisyo at tulong na maaari nilang matanggap.

Sama-sama nating suportahan ang ating mga solo parent tungo sa mas maayos at mas matatag na kinabukasan para sa kanilang mga pamilya.

28/10/2026

Muli na naman nating nailapit ang iba't ibang serbisyo ng ating pamahalaan sa ating mga kababayan, ngayong araw dito sa Barangay San Mariano, sa pamamagitan ng ating Malasakit Caravan.

Maraming salamat po kay Punong Barangay Mauricio DC Javier at sa buong Pamahalaang Barangay ng San Mariano sa mainit na pagtanggap at pakikiisa upang maging maayos at matagumpay ang ating programa.

Taos-puso rin po akong nagpapasalamat kay Vice Mayor Arvin Salonga, sa buong Sangguniang Bayan, sa ating mga department heads, mga kawani ng munisipyo, health workers, volunteers, partner agencies, at sa lahat ng naglaan ng oras at lakas upang maihatid ang mga serbisyong kailangan ng ating mga kababayan.

Masaya po akong makita na sa pamamagitan ng pagtutulungan ng ating mga tanggapan at mga katuwang, mas napapalapit natin ang serbisyo ng pamahalaan sa bawat barangay. Ito po ang patuloy nating pagsisikapang gawin—ang maging mas madali para sa ating mga kababayan ang pagkuha ng mga serbisyong kanilang kailangan.

Maraming salamat po, Barangay San Mariano, sa inyong pakikiisa at suporta! Patuloy po tayong magtulungan para sa isang pamahalaang laging handang makinig at maglingkod nang may malasakit. 💙

27/10/2026

Nagsagawa ngayong araw ng pagpupulong upang talakayin ang mga paghahanda at hakbang ng Pamahalaang Bayan ng San Antonio para sa nalalapit na Undas 2026 at sa posibleng epekto ng Super El Niño.

Layunin nitong matiyak ang kaligtasan ng ating mga kababayan at mapalakas ang kahandaan ng bawat tanggapan sa pagtugon sa mga posibleng hamon.

Patuloy ang pagtutulungan para sa isang ligtas at handang San Antonio. 💙

27/10/2026

See you tomorrow,
Brgy. San Mariano!

24/10/2026

📢 MALASAKIT CARAVAN | BRGY. SAN MARIANO 💙

Inaanyayahan ko ang ating mga kababayan mula sa Barangay San Mariano na samantalahin ang iba't ibang serbisyong hatid ng ating Malasakit Caravan.

🗓 October 28, 2026 (Wednesday)
🕗 8:00 AM
📍 Brgy. San Mariano Covered Court

Narito ang iba't ibang serbisyong inyong maaasahan:
🩺 Health Services
❤️ Social Services
🏛 Government Services
🌱 Livelihood & Community Services
💙 Youth Services

Kasama rin natin ang ating mga partner agencies at organizations na maghahatid ng karagdagang serbisyo para sa ating mga kababayan.

Makiisa at samantalahin ang mga serbisyong ilalapit natin sa ating barangay. Dalhin lamang ang mga kinakailangang dokumento kung kinakailangan.

Serbisyong may malasakit, para sa mamamayan ng San Antonio.

Kita-kita po tayo!

23/10/2026

🤝 7th Regular Meeting of the League of Municipalities of the Philippines – Nueva Ecija Chapter

Our sincere thanks to Hon. Mayor Christopher Aguilar of Santa Rosa, Nueva Ecija, for graciously hosting our 7th Regular Meeting and for the warm hospitality extended to the LMP Nueva Ecija family.

May we continue to strengthen our unity and cooperation as we work together for better local governance and the continued progress of our municipalities. 💙

21/10/2026

📢 LTOPF CARAVAN SA SAN ANTONIO!

Magkakaroon ng LTOPF Caravan sa ating bayan sa darating na Oktubre 30, 2026 (Biyernes), alas-8:00 ng umaga, sa Dr. Jose Lapuz Salonga Gymnasium, San Antonio, Nueva Ecija.

Inaanyayahan ang mga interesadong kababayan na samantalahin ang pagkakataong ito para sa mas maginhawang pag-access sa mga serbisyong may kaugnayan sa License to Own and Possess Fi****ms (LTOPF).

Makipag-ugnayan sa San Antonio Municipal Police Station para sa karagdagang impormasyon tungkol sa mga kinakailangan at proseso.

21/10/2026

Isang mainit na pagbati kay Kian Carlo G. Inductivo sa matagumpay na pagpasa sa September 2026 Civil Engineers Licensure Examination! 👏🎓

Ang tagumpay na ito ay bunga ng iyong sipag, tiyaga, at dedikasyon. Nawa'y maging simula ito ng mas marami pang oportunidad at tagumpay sa iyong propesyon.

Ipinagmamalaki ka namin! Nawa'y gamitin mo ang iyong kaalaman at kakayahan upang makapagbigay ng ambag sa pag-unlad ng ating komunidad.

Muli, congratulations, Kian Carlo! Hangad namin ang iyong patuloy na tagumpay sa bagong yugto ng iyong buhay. 💙

Address

San Antonio

Website

facebook.com

Alerts

Be the first to know and let us send you an email when Mayor Gege Salonga-Esquivel, MD posts news and promotions. Your email address will not be used for any other purpose, and you can unsubscribe at any time.