95th Infantry Salaknib Battalion

30/10/2026

The Northern Luzon Command, AFP extends its warmest birthday greetings to BGEN RHODERICK L. PARALLAG PA, Commander, 502nd Infantry (Liberator) Brigade, Philippine Army.

May you be blessed with good health, continued success, and strength as you lead your command in service to the nation.

27/10/2026

𝐏𝐎𝐑𝐌𝐀𝐋 𝐍𝐀 𝐓𝐈𝐍𝐀𝐍𝐆𝐆𝐀𝐏 𝐀𝐍𝐆 𝐃𝐀𝐋𝐀𝐖𝐀𝐍𝐆 𝐁𝐀𝐆𝐎𝐍𝐆 𝐎𝐏𝐈𝐒𝐘𝐀𝐋 𝐒𝐀 𝐇𝐀𝐍𝐀𝐘 𝐍𝐆 𝐒𝐀𝐋𝐀𝐊𝐍𝐈𝐁

𝐒𝐀𝐍 𝐌𝐀𝐑𝐈𝐀𝐍𝐎, 𝐈𝐒𝐀𝐁𝐄𝐋𝐀 – Pormal na tinanggap ng 95th Infantry (SALAKNIB) Battalion ang dalawang bagong talagang Second Lieutenant sa pamamagitan ng seremonya ng pagkakabit ng unit patch kasabay ng Flag-Raising Ceremony ng batalyon.

Ang pagkakabit ng 95IB unit patch ay sumasagisag sa kanilang pagsapi sa hanay ng Salaknib at pag-ako sa pananagutang mamuno, pangalagaan ang kapakanan ng kanilang mga tauhan, at isakatuparan ang misyon ng yunit.

Kaugnay nito, ang pagtataas ng watawat ay nagsilbing pagpapatibay sa paninindigan ng mga opisyal at kawal na tuparin ang kanilang sinumpaang tungkulin nang may disiplina, katapatan, at dedikasyon sa serbisyo.

Ang pagdating ng dalawang bagong opisyal ay karagdagang lakas sa pamumuno ng batalyon sa patuloy nitong pagtupad sa tungkuling pangalagaan ang kapayapaan at seguridad ng mga komunidad na nasasakupan nito.

27/10/2026

𝟗𝟓𝐈𝐁, 𝐍𝐀𝐆𝐒𝐀𝐆𝐀𝐖𝐀 𝐍𝐆 𝐖𝐏𝐒 𝐈𝐍𝐅𝐎𝐑𝐌𝐀𝐓𝐈𝐎𝐍 𝐃𝐑𝐈𝐕𝐄 𝐏𝐀𝐑𝐀 𝐒𝐀 𝐌𝐆𝐀 𝐌𝐀𝐆-𝐀𝐀𝐑𝐀𝐋 𝐍𝐆 𝐀𝐋𝐄𝐉𝐀𝐍𝐃𝐑𝐈𝐍𝐎 𝐅𝐀𝐌𝐈𝐋𝐘 𝐋𝐄𝐀𝐑𝐍𝐈𝐍𝐆 𝐂𝐄𝐍𝐓𝐄𝐑

𝐒𝐀𝐍 𝐌𝐀𝐑𝐈𝐀𝐍𝐎, 𝐈𝐒𝐀𝐁𝐄𝐋𝐀– Nagsagawa ang 95th Infantry (SALAKNIB) Battalion, ng Information Drive tungkol sa West Philippine Sea (WPS) para sa mga mag-aaral ng Alejandrino Family Learning Center noong 26 Oktubre 2026.

Pangunahing tampok sa aktibidad ang film viewing tungkol sa sitwasyon sa WPS, kahalagahan nito sa bansa, at mga karapatan ng Pilipinas sa nasabing karagatan. Layunin nitong palawakin ang kaalaman ng mga mag-aaral at maipabatid ang kanilang papel bilang responsableng mamamayan sa pangangalaga sa pambansang interes.

Bilang karagdagang talakayan, nagbahagi rin ang mga kawal ng impormasyon tungkol sa pag-aaplay sa Philippine Army. Ipinaliwanag ang mga pangunahing kwalipikasyon, kinakailangang dokumento, at mga hakbang sa pagproseso ng aplikasyon upang gabayan ang mga mag-aaral na interesadong pumasok sa serbisyo militar.

Patuloy ang 95IB sa pakikipagtulungan sa mga paaralan upang mapalawak ang kamalayan ng kabataan sa mga pambansang usapin at mahikayat ang kanilang malasakit at paglilingkod sa bayan.

27/10/2026

𝐏𝐀𝐍𝐎𝐎𝐑𝐈𝐍| Bakit mahalaga ang West Philippine Sea sa bawat Pilipino? Alamin sa bidyong ito ang kahalagahan ng ating karagatan, mga yamang taglay nito, at mga karapatang dapat nating maunawaan at pangalagaan. Maging mulat at makiisa dahil ang usapin ng WPS ay usapin ng ating kinabukasan!

25/10/2026

𝗠𝗚𝗘𝗡 𝗦𝗘Ñ𝗜𝗥𝗘𝗦: SIPS DECLARATION, PANIMULA NG MAS MATATAG NA KAPAYAPAAN AT KAUNLARAN SA NORTHERN LUZON

CAMP MELCHOR F DELA CRUZ, Upi, Gamu, Isabela – Binigyang-diin ni MGEN Gulliver L. Señires, Commander ng 5th Infantry (STAR) Division, na ang deklarasyon ng State of Stable Internal Peace and Security (SIPS) sa Cagayan Valley at Cordillera Administrative Region (CAR) ay mahalagang hakbang tungo sa pangmatagalang kapayapaan at kaunlaran.

Sa panayam ng DWDD, ipinaliwanag ni MGEN Señires na ang tagumpay na ito ay bunga ng sama-samang pagsisikap ng militar, pulisya, mga lokal na pamahalaan, iba pang ahensiya ng gobyerno, at mga mamamayan. Binigyang-diin niya na mahalagang mapanatili ang kapayapaan upang patuloy na maihatid ang mga serbisyo ng pamahalaan sa mga komunidad.

“Ang tagumpay na ito ay hindi para sa amin lamang, kundi higit sa lahat, para sa ating mga kababayan. Ang ating layunin ay hindi lamang mapanatili ang kapayapaan, kundi matiyak na maramdaman ito ng bawat komunidad sa pamamagitan ng patuloy na serbisyo at pangmatagalang kaunlaran,” pahayag ni MGEN Señires.

Ibinahagi rin niya na na-dismantle na ang limang guerrilla front na naabutan niya nang maupo bilang Division Commander. Aniya, mahalagang ipagpatuloy ang pagtutulungan ng militar, pamahalaan, at mga komunidad upang mapanatili ang mga nakamit na tagumpay at maiwasan ang muling pag-oorganisa ng mga armadong grupo.

Samantala, patuloy ding naghahanda ang 5ID para sa external security operations (ESO) habang pinananatili ang mga pagsisikap sa internal security at pinalalakas ang kahandaan sa disaster response at proteksiyon ng mahahalagang imprastraktura.

Hinimok ni MGEN Señires ang publiko, lalo na ang kabataan, na makiisa sa mga programa ng pamahalaan, maging responsable sa pagbabahagi ng impormasyon sa social media, at makibahagi sa pagpapanatili ng kapayapaan sa kanilang mga komunidad.

Binigyang-diin ng pamunuan ng 5ID na ang deklarasyon ng SIPS ay hindi katapusan ng pagsisikap para sa kapayapaan, kundi simula ng mas matatag na pagtutulungan upang matiyak ang pangmatagalang seguridad at kaunlaran sa Northern Luzon.

24/10/2026

22/10/2026

21/10/2026

𝟗𝟓𝐈𝐁 𝐏𝐢𝐧𝐚𝐥𝐚𝐥𝐚𝐤𝐚𝐬 𝐚𝐧𝐠 𝐊𝐚𝐦𝐚𝐥𝐚𝐲𝐚𝐧𝐠 𝐊𝐮𝐥𝐭𝐮𝐫𝐚𝐥 𝐧𝐠 𝐦𝐠𝐚 𝐊𝐚𝐰𝐚𝐥 𝐬𝐚 𝐏𝐚𝐦𝐚𝐦𝐚𝐠𝐢𝐭𝐚𝐧 𝐧𝐠 𝐓𝐚𝐥𝐚𝐤𝐚𝐲𝐚𝐧 𝐬𝐚 𝐂𝐮𝐥𝐭𝐮𝐫𝐚𝐥 𝐒𝐞𝐧𝐬𝐢𝐭𝐢𝐯𝐢𝐭𝐲

𝐒𝐀𝐍 𝐌𝐀𝐑𝐈𝐀𝐍𝐎, 𝐈𝐒𝐀𝐁𝐄𝐋𝐀 – Nagsagawa ang 95th Infantry (SALAKNIB) Battalion ng isang Cultural Sensitivity Lecture para sa mga tauhan nito noong 21 Oktubre 2026 sa Barangay Zone 1, San Mariano, Isabela. Pinangunahan ang aktibidad nina Mr. Neilvin B. Agustin, Cultural Affairs Officer (CAO), at Ms. Lenie C. Quinto, TAA-I, na nagbahagi ng mahahalagang kaalaman tungkol sa pag-unawa at paggalang sa iba't ibang kultura, paniniwala, tradisyon, at kaugalian.

Binigyang-diin sa lektyur ang kahalagahan ng pagiging sensitibo sa kultura sa pagtupad ng mga tungkuling militar, lalo na sa pakikisalamuha sa mga indibidwal at pamayanang may magkakaibang kultura at paniniwala. Tinalakay rin kung paano nakatutulong ang paggalang, pag-unawa, at epektibong komunikasyon sa pagbuo ng tiwala, pag-iwas sa hindi pagkakaunawaan, at pagpapatibay ng ugnayan at kooperasyon sa pagitan ng mga kawal at ng mga lokal na komunidad.

Ipinapakita ng aktibidad ang patuloy na pagsisikap ng 95IB na hubugin ang mga kawal na may sapat na kaalaman at kamalayan sa iba't ibang kultura, responsable, at propesyonal sa pagtupad ng kanilang tungkulin. Sa pamamagitan nito, higit na pinagtitibay ng batalyon ang pagpapahalaga sa pagkakaiba-iba ng kultura at ang pagpapanatili ng maayos at mapagkakatiwalaang ugnayan sa mga pamayanang kanilang pinaglilingkuran.