03/11/2026
𝗛𝗨𝗟𝗜𝗡𝗚 𝗬𝗨𝗚𝗧𝗢 𝗡𝗚 𝗦𝗢𝗕𝗔 𝟮𝟬𝟮𝟲, 𝗠𝗔𝗧𝗔𝗚𝗨𝗠𝗣𝗔𝗬!
Tinapos ng Barangay New Lower Bicutan 5th Council ang ikalawa at huling semestre ng State of the Barangay Address (SOBA) para sa taong 2026 na ginanap sa ikatlong palapag ng bagong bulwagang pambarangay noong nakaraang Sabado, ika-31 ng Oktubre.
Sa temang "Tayo na sa Barangay Assembly! Nagkakaisang tinig, Makabuluhang usapan, at Sama-samang Pagkilos para sa ating Komunidad," sinimulan ang programa ng Punong Barangay, Kapitan Papa Jun Rafael, Jr., sa pamamagitan ng isang pambungad na pananalita at pagbati sa lahat ng kanilang nasasakupan.
Pinasalamatan at binati rin ng Punong Barangay ang lahat ng kawani ng pamahalaan, lalo na ang mga miyembro ng Sangguniang Barangay na kinabibilangan nina:
Kgg. John Aldrin S.A. Fermin
Kgg. Conchita C. Faderog
Kgg. Nickson F. Paguirigan
Kgg. Ivie A. Mariano
Kgg. Alfredo L. Enano
Kgg. Princess Darwiza S. Bayan
Kgg. Ruel Q. Dela Cueva
Kgg. Kate O. Papa
Kasama rin ang mga itinalagang opisyal:
G. Augusto R. Echano, Kalihim
Gng. Fame Joy L. Biton, Ingat-yaman
G. Melchor P. Montajes, Tagapamahala
Ito ay bilang pagkilala sa kanilang dedikasyon at sama-samang pagsisikap sa paglilingkod sa mga mamamayan ng Barangay New Lower Bicutan.
Bilang pinaka-importante at pangunahing parte ng SOBA, ibinahagi ng ika-5 Konseho ang ulat ng kanilang mga napagtagumpayang mga gawain, programa, at proyekto simula buwan ng Marso hanggang Oktubre sa ilalim ng kani-kanilang mga komiteng pinangangasiwaan.
Kabilang sa mga komiteng ito ang: Arts, Culture and Tourism; Education and Human Rights; Transportation, Utility and Information; Women, Children and Family Affairs and Social Services; Barangay Peace and Order; Barangay Anti-Drug Abuse Council (BADAC); Infrastructure and Public Works; Livelihood, Labor and Employment; Agriculture and Fisheries; Barangay Disaster Risk Reduction and Management (BDRRMC); Elderly and Persons with Disability; Health and Nutrition; Muslim and Sectoral Affairs; Barangay Ecological and Solid Waste Management; Housing, Land Use, Urban Settlement and Informal Settlers; at Youth and Sports Development.
Dinaluhan ang pagtitipon ng iba’t ibang sektor ng komunidad, kabilang ang mga kinatawan ng School Parents-Teachers Associations (SPTA); Homeowners Associations (HOAs); mga organisasyon at opisyal ng paaralan; non-governmental, youth, social, at community-based organizations, mga organisasyon ng kabataan, mga kawaning pambarangay at panlungsod, mga miyembro ng kooperatiba, at mga residente ng Barangay New Lower Bicutan.
Nakiisa rin sa kaganapan ang mga opisyal ng pamahalaang lungsod sa pamumuno ni Mayor Lani Cayetano na binigyang-representasyon ni District 1 Councilor Allan Paul Cruz, at kinatawan ng Department of the Interior and Local Government (DILG) Taguig na si Local Government Operations Officer III Mark Inocencio, bilang pagpapakita ng pakikiisa at pakikilahok sa mga usapin at programa para sa pagpapaunlad ng komunidad.
Article | Keeve Fermin, Barangay Public Information Office (PIO) Director
Photos | Ronel Ong, Volunteer Photographer; and Taguig City Public Information Office (PIO)
