Relief Rehabilitation & Settlement Department KP

30/10/2026

KP Rescue1122 PDMA Khyber Pakhtunkhwa-Official Civil Defence Directorate KPK

30/10/2026

سیکرٹری ریلیف کی ہدایات کی روشنی میں سول ڈیفنس ضلع بنوں کے زیرِ اہتمام پاکستان ریڈ کریسنٹ سوسائٹی (PRCS) آفس بنوں میں جوائنٹ سمیولیشن ایکسرسائز اور عملی تربیتی مظاہرے کا انعقاد کیا گیا۔

سرگرمی میں سول ڈیفنس کے آفیسر سید رسول وزیر، انسٹرکٹر اسٹاف، سول ڈیفنس و PRCS کے رضاکاروں اور ریسکیو 1122 کی ٹیم نے شرکت کی۔

پروگرام کے دوران PRCS کی جانب سے فرسٹ ایڈ کی عملی تربیت، ریسکیو 1122 کی جانب سے ڈائیونگ اور ایمرجنسی رسپانس کی مشقیں، جبکہ سول ڈیفنس کی جانب سے فائر سیفٹی اور فائر ایکسٹنگوئشر کے درست استعمال کا عملی مظاہرہ کیا گیا۔

اس مشترکہ سرگرمی کا مقصد ہنگامی حالات سے مؤثر انداز میں نمٹنے کے لیے اداروں کی عملی استعداد کار میں اضافہ، رضاکاروں کی تربیت اور مختلف اداروں کے درمیان باہمی تعاون و رابطہ کاری کو مزید مضبوط بنانا تھا۔

29/10/2026

فائر سیفٹی آڈٹ اور حفاظتی اقدامات کے حوالے سے اجلاس

سیکرٹری ریلیف، یوسف رحیم کی زیرِ صدارت فائر سیفٹی آڈٹ اور حفاظتی اقدامات کے حوالے سے اجلاس منعقد ہوا، جس میں ڈپٹی سیکرٹری ریلیف، سول ڈیفنس اور ریسکیو 1122 کے نمائندوں نے شرکت کی۔اجلاس میں پشاور کی اہم عمارتوں، ہسپتالوں اور پٹرول و سی این جی اسٹیشنز میں فائر سیفٹی انتظامات کے جائزے اور آڈٹ کے نتائج پر تفصیلی تبادلۂ خیال کیا گیا۔ آڈٹ کے دوران ہنگامی اخراج کے راستوں، فائر الارم سسٹم، آگ بجھانے کے آلات، برقی نظام کی حفاظت اور ایمرجنسی گاڑیوں کی رسائی سے متعلق امور کو اہم قرار دیا گیا۔اجلاس میں فائر سیفٹی قوانین پر عمل درآمد، خلاف ورزیوں کی صورت میں نوٹسز کے اجرا، قانونی کارروائی پر بھی غور کیا گیا۔ سیکرٹری ریلیف یوسف رحیم نے فائر سیفٹی انتظامات کو بہتر بنانے، انسپکشن کے نظام کو مؤثر بنانے اور حفاظتی قوانین پر عمل درآمد یقینی بنانے کے لیے متعلقہ حکام کو ضروری اقدامات اور مجوزہ قانونی و انتظامی اصلاحات پر پیش رفت کی ہدایت کی۔ اجلاس میں صوبے بھر میں فائر سیفٹی آڈٹ کے دائرہ کار کو وسعت دینے اور عمارتوں میں حفاظتی انتظامات کو بہتر بنانے کے لیے تجاویز تیار کرنے پر بھی غور کیا گیا۔

29/10/2026

ڈیجیٹل کمپنسیشن سسٹم اور سی او سی لٹیگیشن کے حوالے سے اجلاس

سیکرٹری ریلیف، بحالی و آبادکاری محکمہ خیبر پختونخوا یوسف رحیم کی زیرِ صدارت ڈیجیٹل کمپنسیشن سسٹم اور سی او سی (COC) لٹیگیشن کے حوالے سے اجلاس منعقد ہوا۔ اجلاس میں سیکرٹری ریلیف کو ڈیجیٹل کمپنسیشن سسٹم کے ڈیش بورڈ پر تفصیلی بریفنگ دی گئی، جبکہ سی او سی لٹیگیشن سے متعلق امور پر بھی تبادلۂ خیال کیا گیا۔

اجلاس میں ڈیجیٹل کمپنسیشن سسٹم کی پیش رفت، زیرِ التوا کیسز، ادائیگیوں کی تصدیق اور مستحقین کو معاوضوں کی ادائیگی سے متعلق امور کا جائزہ لیا گیا۔ اس کے علاوہ ضلعی انتظامیہ اور پی ڈی ایم اے کی سطح پر کیسز کی صورتحال، ادائیگیوں کے ریکارڈ کی تصدیق اور متعلقہ اداروں کے درمیان رابطہ کاری پر بھی غور کیا گیا۔

سیکرٹری ریلیف نے متعلقہ حکام کو ہدایت کی کہ زیرِ التوا کیسز کو جلد نمٹانے، ادائیگیوں کے ریکارڈ کی مؤثر تصدیق اور بینکوں و آئی ٹی بورڈ کے ساتھ مربوط اقدامات یقینی بنائے جائیں، تاکہ مستحقین کو بروقت معاوضوں کی ادائیگی ممکن بنائی جا سکے اور ڈیجیٹل کمپنسیشن سسٹم کی کارکردگی کو مزید بہتر بنایا جا سکے۔@top fansChief Secretary Khyber Pakhtunkhwa

29/10/2026

سیکرٹری ریلیف یوسف رحیم کی زیرِ صدارت رائٹ ٹو پبلک سروسز ایکٹ 2014 کے تحت عوام کو فراہم کی جانے والی خدمات کے حوالے سے اجلاس منعقد ہوا۔ اجلاس میں رائٹ ٹو پبلک سروسز کمیشن کی ٹیم نے بھی شرکت کی، جس کی قیادت سیکرٹری حافظ عصمت علی اور ڈپٹی ڈائریکٹر شہاب خان کر رہے تھے۔ اس کے علاوہ ریلیف ڈیپارٹمنٹ، پی ڈی ایم اے، ریسکیو 1122 اور سول ڈیفنس کے نمائندے بھی اجلاس میں شریک ہوئے۔

اجلاس میں متعلقہ محکموں کی مجوزہ عوامی خدمات، خدمات کی فراہمی کے مقررہ اوقات اور اپیل کے طریقۂ کار کا جائزہ لیا گیا۔ پی ڈی ایم اے کی جانب سے قدرتی آفات سے متاثرہ افراد اور شہری متاثرین کے لیے معاوضوں کی فراہمی، ریسکیو 1122 کی ایمرجنسی سروسز اور سول ڈیفنس کی جانب سے گیس و پٹرول پمپس کے قیام کے لیے این او سیز کے اجرا سے متعلق خدمات کا جائزہ لیا گیا۔

سیکرٹری ریلیف یوسف رحیم نے ہدایت کی کہ متعلقہ محکمے ان خدمات کے علاوہ عوام کو فراہم کی جانے والی دیگر خدمات کی بھی نشاندہی کریں، تاکہ تمام قابلِ شمولیت عوامی خدمات کو فہرست میں شامل کیا جا سکے۔

اجلاس میں اتفاق کیا گیا کہ مجوزہ خدمات کی فہرست کو حتمی شکل دے کر منظوری کے لیے رائٹ ٹو پبلک سروسز کمیشن کو ارسال کیا جائے گا، تاکہ عوام کو شفاف، مؤثر اور بروقت خدمات کی فراہمی یقینی بنائی جا سکے

28/10/2026

On the directions of Secretary Relief, Deputy Secretary Relief department chaired a Departmental Progress Review Meeting to review the progress of ongoing departmental activities. Representatives of Relief Department and its attached formations attended the meeting.

28/10/2026

27/10/2026

سیکرٹری ریلیف کی ہدایات پر ڈپٹی سیکرٹری ریلیف کی زیرِ صدارت رائٹ ٹو سروسز ایکٹ 2014 کے تحت عوامی خدمات کی نوٹیفکیشن کے حوالے سے اجلاس منعقد ہوا۔

اجلاس میں پی ڈی ایم اے، ریسکیو 1122 اور سول ڈیفنس کے نمائندوں نے شرکت کی۔ اجلاس میں عوامی خدمات کی نشاندہی، خدمات کی فراہمی کے لیے مقررہ مدت، متعلقہ افسران کی ذمہ داریوں اور جوابدہی کے طریقۂ کار پر تفصیلی غور کیا گیا، تاکہ عوام کو بروقت، شفاف اور مؤثر خدمات کی فراہمی یقینی بنائی جا سکے۔ Chief Secretary Khyber Pakhtunkhwa

#خیبرپختونخوا

27/10/2026

پشاور: 27 اکتوبر یومِ سیاہ و یکجہتی کشمیر کے موقع پر سیکرٹری ریلیف خیبر پختونخوا یوسف رحیم نے کشمیری عوام کے ساتھ مکمل یکجہتی کا اظہار کرتے ہوئے کہا کہ کشمیری عوام کی جدوجہد، قربانیاں اور حقِ خودارادیت کے لیے ان کا عزم قابلِ تحسین ہے۔
انہوں نے کہا کہ کشمیر پاکستان کے لیے خصوصی اہمیت رکھتا ہے اور کشمیری عوام کی امنگوں اور جائز حقوق کی حمایت ہمارا قومی فریضہ ہے۔ یومِ سیاہ اس عزم کی تجدید کا دن ہے کہ ہم کشمیری عوام کی آواز کو مؤثر انداز میں دنیا تک پہنچانے اور ان کے حقِ خودارادیت کی حمایت جاری رکھیں گے۔
سیکرٹری ریلیف نے مزید کہا کہ کشمیری عوام کی قربانیوں کو ہمیشہ یاد رکھا جائے گا، اور ان کی جدوجہد میں یکجہتی اور حمایت کا پیغام پوری دنیا تک پہنچانا وقت کی اہم ضرورت ہے۔
کشمیر بنے گا پاکستان! Chief Secretary Khyber Pakhtunkhwa Government of Khyber Pakhtunkhwa

27/10/2026

یومِ سیاہ و یکجہتی کشمیر کے موقع پر محکمہ ریلیف خیبر پختونخوا کی واک