Relief Rehabilitation & Settlement Department KP

وزیراعلیٰ خیبرپختونخوا محمد سہیل آفریدی کی زیر صدارت مون سون کنٹی جنسی پلان سے متعلق اہم اجلاس، صوبائی و ضلعی سطح پر تیاریوں کا تفصیلی جائزہ لیا گیا۔

وزیراعلیٰ نے مون سون سے قبل بھرپور پیشگی تیاریوں کیلئے تمام ضروری فنڈز فراہم کرنے کی ہدایت دیتے ہوئے کہا کہ بروقت اقدامات سے قیمتی انسانی جانوں اور انفراسٹرکچر کو ممکنہ نقصانات سے محفوظ بنایا جا سکتا ہے۔

اجلاس میں تمام اضلاع میں ڈسٹرکٹ ایمرجنسی آپریشن سینٹرز کو فعال رکھنے اور 24 گھنٹے ڈیوٹی روسٹر نافذ کرنے کا فیصلہ کیا گیا۔ وزیراعلیٰ نے حساس علاقوں کی ونریبلٹی میپنگ، ایس او پیز کی ٹریننگ اور ماک ایکسرسائزز 15 جون تک مکمل کرنے کی ہدایت جاری کی۔

اجلاس کو بتایا گیا کہ گلیشیئر جھیلوں، دریاؤں اور بارشوں کی روزانہ بنیادوں پر مانیٹرنگ جاری ہے جبکہ نالوں، برساتی چینلز، کلورٹس اور سیوریج لائنوں کی صفائی کیلئے 30 مئی کی ڈیڈ لائن مقرر کی گئی ہے۔ نکاسی آب مہم کے تحت 4802 میں سے 4099 نالوں اور 635 کلومیٹر سے زائد ڈرینج لائنز میں سے تقریباً 598 کلومیٹر کی صفائی مکمل کرلی گئی ہے۔

وزیراعلیٰ نے محکمہ آبپاشی کو فلڈ پروٹیکشن ورکس، ٹیلی میٹری سسٹم کی فعالیت اور تجاوزات کے خاتمے کیلئے اقدامات مزید تیز کرنے کی ہدایت کی۔ بریفنگ میں بتایا گیا کہ مون سون سے قبل تجاوزات کے خلاف کارروائیوں میں 794 میں سے 524 تجاوزات ختم کی جا چکی ہیں جبکہ باقی کے خلاف کارروائیاں جاری ہیں۔

ریسکیو 1122 نے مون سون کنٹی جنسی پلان مکمل کر لیا ہے اور مختلف مقامات پر واٹر ریسکیو پوائنٹس قائم کیے جا رہے ہیں۔ وزیراعلیٰ نے ریسکیو آلات، کشتیوں اور واٹر پمپس کی دستیابی اور فعالیت کی تصدیق 15 جون تک مکمل کرنے کی ہدایت کی۔

اجلاس میں ادویات، آئی وی فلوئیڈز، اینٹی اسنیک وینم، او آر ایس، خیموں، نان فوڈ آئٹمز اور دیگر امدادی سامان کی پیشگی دستیابی یقینی بنانے کی ہدایات بھی جاری کی گئیں۔ وزیراعلیٰ نے پی ڈی ایم اے کو 15 جون سے قبل تمام مطلوبہ امدادی سامان کی فراہمی یقینی بنانے کی ہدایت کرتے ہوئے کہا کہ فنڈز کی تقسیم اضلاع کی ضروریات اور ونریبلٹی انڈیکس کے مطابق کی جائے۔

اجلاس کو بتایا گیا کہ تمام 36 اضلاع میں کمیونٹی بیسڈ ڈیزاسٹر رسک مینجمنٹ کمیٹیوں کی تشکیل کا عمل تقریباً مکمل ہو چکا ہے اور 1220 میں سے 1214 کمیٹیاں نوٹیفائی کی جا چکی ہیں۔ اسکولوں اور سی بی ڈی آر ایم مراکز میں ریلیف کیمپس کی تیاری 25 مئی تک مکمل کرنے کا فیصلہ بھی کیا گیا جبکہ محکمہ تعلیم نے 185 کیمپ اسکولوں کیلئے ایجوکیشن کنٹینیوٹی پلان تیار کر لیا ہے۔

وزیراعلیٰ نے فیلڈ اسٹاف کی ایویکوایشن اور فرسٹ ریسپانس ٹریننگ 30 مئی تک مکمل کرنے، تمام کلیدی افسران کی رابطہ فہرستیں اپڈیٹ رکھنے اور ایکسکیویٹرز، لوڈرز، ٹریکٹرز سمیت ہنگامی مشینری کی تیاری یقینی بنانے کی ہدایت کی۔

اجلاس میں عوامی آگاہی مہم کے تحت حفاظتی پیغامات، انخلا ہدایات اور ہیلپ لائنز جاری کرنے، بجلی کے کھمبوں، ٹرانسفارمرز اور خطرناک درختوں کے معائنے، اور سیلابی علاقوں میں نہانے و فشنگ پر دفعہ 144 نافذ کرنے کیلئے اقدامات کا بھی جائزہ لیا گیا۔

محکمہ سیاحت نے سوات، کاغان، گلیات، چترال اور کمراٹ سمیت مختلف سیاحتی مقامات پر مانیٹرنگ سخت کر دی ہے جبکہ 156 ٹورازم پولیس اہلکار اہم سیاحتی مقامات پر تعینات کیے جا چکے ہیں۔

وزیراعلیٰ محمد سہیل آفریدی نے سی اینڈ ڈبلیو حکام کو ہدایت کی کہ کسی بھی ہنگامی صورتحال میں سڑکوں کی بروقت بحالی اور آمدورفت ہر صورت یقینی بنائی جائے۔ انہوں نے واضح کیا کہ کسی بھی ایمرجنسی میں ریسکیو آپریشن میں تاخیر ہرگز برداشت نہیں کی جائے گی۔

اجلاس میں اہم صوبائی محکموں کے کنٹنجنسی پلانز کا بھی تفصیلی جائزہ لیا گیا اور خامیوں کی اصلاح کے بعد اپڈیٹڈ پلانز جلد جمع کرانے کی ہدایت کی گئی۔

إِنَّا لِلّهِ وَإِنَّـا إِلَيْهِ رَاجِعونَ

The Relief, Rehabilitation & Settlement Department Khyber Pakhtunkhwa expresses profound grief and sorrow over the tragic martyrdom of the brave driver of Rescue 1122 in Bannu, who lost his life in a cowardly firing incident by unknown assailants while serving humanity.

The sacrifice of our rescue personnel, who put their own lives at risk to protect and assist others during emergencies, will always be remembered with honor and respect. The entire department stands in solidarity with the bereaved family, colleagues, and the people of Bannu in this moment of grief.

May Almighty Allah forgive the departed soul, elevate his ranks in Jannat-ul-Firdous, grant patience and courage to the grieving family, and bless the injured and affected colleagues with strength and protection. Ameen.

*Relief Rehabilitation and Settlement Govt of Khyber Pakhtunkhwa*

*مون سون کنٹنجنسی پلان 2026 — خیبر پختونخوا*

* وزیراعلیٰ خیبر پختونخوا جناب سہیل خان آفریدی صاحب کو **سیکرٹری ریلیف، بحالی و آبادکاری ڈیپارٹمنٹ** کی جانب سے مون سون 2026 کے لیے جامع آپریشنل پلان پر بریفنگ دی گئی۔
* اجلاس میں وزیر ریلیف جناب عاقب اللہ صاحب سمیت آبپاشی، سی اینڈ ڈبلیو، لوکل گورنمنٹ، صحت، تعلیم، لائیوسٹاک اور دیگر متعلقہ محکموں کے سیکرٹریز شریک ہوئے۔

🌧️ *تیاریوں کا مجموعی جائزہ*

* صوبہ بھر کے **تمام 36 اضلاع کے کنٹنجنسی پلانز** تیار، جانچے اور اپڈیٹ کیے گئے۔
* ضلعی انتظامیہ کو فرنٹ لائن رسپانس فورس کے طور پر مکمل طور پر متحرک کیا گیا۔
* پی ڈی ایم اے کی سطح پر متعدد ریویو اجلاس منعقد کر کے خامیوں کو دور کیا گیا۔

*⚠️ حساس علاقوں اور خطرات کی نشاندہی*

* **346 مقامات کو انتہائی حساس (Most Vulnerable)** قرار دیا گیا۔
* بونیر، سوات، شانگلہ سمیت مختلف اضلاع کو ہائی رسک کیٹیگری میں رکھا گیا۔
* سیلابی راستوں، کمزور پلوں اور سڑکوں کی باقاعدہ نشاندہی مکمل۔

🚧 *نکاسی آب اور تجاوزات کے خلاف اقدامات*

* **4800 سے زائد ڈرینز** کی صفائی مہم جاری، جن میں اکثریت صاف کی جا چکی ہے جبکہ باقی پر کام تیز۔
* **794 تجاوزات** میں سے بڑی تعداد ختم، باقی کے خاتمے کے لیے ضلعی انتظامیہ اور آبپاشی محکمہ مشترکہ کارروائیاں کر رہے ہیں۔

*🚑 ایمرجنسی رسپانس اور ریسکیو تیاری*

* **ریسکیو 1122 کا کنٹنجنسی پلان مکمل**، واٹر ریسکیو پوائنٹس قائم کیے جا رہے ہیں۔
* 24/7 ایمرجنسی رسپانس، مشقیں (Mock Drills) اور عملے کی ٹریننگ جاری۔
* فوج اور دیگر اداروں کے ساتھ کوآرڈینیشن میکانزم قائم۔

*🏥 محکمہ صحت کی تیاری*

* DHQ، THQ اور RHC ہسپتالوں میں ایمرجنسی پلان نافذ۔
* **185 ریلیف کیمپ سائٹس** کے لیے میڈیکل ڈیوٹی روسٹر تیار۔
* ادویات، ORS، ویکسین اور ایمرجنسی اسٹاک کی دستیابی یقینی بنائی گئی۔

*🚰 پینے کے پانی اور صفائی کے اقدامات*

* پبلک ہیلتھ انجینئرنگ ڈیپارٹمنٹ کی جانب سے

* صاف پانی کی فراہمی کے متبادل انتظامات
* موبائل واٹر ٹیسٹنگ لیبارٹریز
* واٹر فلٹریشن اور کلورینیشن سہولیات فعال

*🏗️ انفراسٹرکچر اور مواصلات*

* سی اینڈ ڈبلیو کے مطابق

* **شمالی ریجن: 49** اور
* **جنوبی ریجن: 26**
کمزور سڑکوں و پلوں کی نشاندہی
* بھاری مشینری، ایکسکیویٹرز اور متبادل راستوں کی تیاری مکمل۔

*🌾 زراعت و لائیوسٹاک اقدامات*

* کسانوں کے لیے **ٹیلی فارمنگ کال سنٹر** قائم، 24/7 رہنمائی فراہم
* لائیوسٹاک کے لیے موبائل ویٹرنری کلینکس اور ایمرجنسی ٹیمیں تیار
* چارے اور ادویات کی دستیابی یقینی بنانے کے اقدامات

*🎒 ریلیف سامان کی پیشگی فراہمی*

* خیمے، کمبل، میٹریس، کچن سیٹس، جنریٹرز اور دیگر ضروری اشیاء
مون سون سے قبل متاثرہ اضلاع میں منتقل کی جا رہی ہیں۔

*📢 عوامی آگاہی اور احتیاطی تدابیر*

* عوام کو سیلاب سے بچاؤ، انخلا، اور ہیلپ لائنز سے متعلق آگاہی مہم
* خطرناک مقامات پر دفعہ 144 کے نفاذ کی ہدایات

*🎯 آئندہ لائحہ عمل (Timeline Based Actions)*

* 15 مئی تک پری مون سون الرٹس جاری
* 20 مئی تک ایمرجنسی آپریشن سینٹرز فعال
* 30 مئی تک ڈرین صفائی، ادویات اور کیمپ تیاری مکمل
* 15 جون تک تمام ریسکیو آلات اور اسٹاک کی فراہمی یقینی

*💰 فنڈز اور وسائل*

* اضلاع کے پاس **1635 ملین روپے** دستیاب
* مزید **910 ملین روپے** کی ڈیمانڈ
* 20 اضلاع کے پاس فنڈز کافی جبکہ 16 اضلاع کو مزید وسائل درکار

* وزیراعلیٰ خیبر پختونخوا جناب سہیل خان آفریدی صاحب نے ہدایت کی کہ:
*تمام ادارے مکمل ہم آہنگی کے ساتھ بروقت اقدامات یقینی بنائیں تاکہ انسانی جانوں اور املاک کا تحفظ کیا جا سکے*

نور وزیر
ترجمان محکمہ ریلیف، بحالی و آبادکاری خیبر پختونخوا