Xarunta Barbaarinta Carruurta Boliiska

20/10/2026

Taliyaha Xarunta Barbaarinta Agoonta Boliiska Soomaaliyeed, Dhamme Xaliimo-Sacdiyo Yuusuf, ayaa ka qayb gashay munaasabadda daahfurka ololaha Mashruuca SAMEYS, oo ay soo qabanqaabisay hay’adda Women Hope Foundation (WHF), kaas oo diiradda saaraya horumarinta xirfadaha haweenka iyo kobcinta isku-filnaanshahooda dhaqaale.

Ka qaybgalka munaasabaddan ayaa muujinaya muhiimadda ay leedahay taageeridda dadaallada lagu horumarinayo xirfadaha haweenka, dhiirrigelinta isku-filnaanshaha dhaqaale iyo xoojinta doorkooda ku aaddan horumarka bulshada.

27/09/2026

22/09/2026

Muuqaal soo koobaayo Maalintada nabadda ee adduunka oo lagu xusey muqdisho

22/09/2026

Taliyaha Xarunta Barbaarinta Agoonta Boliiska Dhamme: Xaliimo-Sacdiyo Yuusuf, ayaa ka qeyb gashay munaasabadda xuska Maalinta Caalamiga ah ee Nabadda.

Munaasabadda waxaa lagu xusay muhiimadda ay nabaddu u leedahay bulshada, gaar ahaan carruurta iyo dhalinyarada oo ah jiilka mustaqbalka.

Taliyaha ayaa khudbad ay ka jeedisay munaasabadda xoogga ku saartay in nabaddu aysan ahayn oo keliya dagaal la’aan, balse ay tahay amni, waxbarasho, is-ixtiraam, wada noolaansho iyo fursad loo abuuro jiilka soo koraya.

Waxay sidoo kale tilmaantay doorka waxbarashada iyo tarbiyadda carruurta ee dhismaha jiil nabadeed, iyadoo ku boorrisay dhalinyarada Soomaaliyeed inay aqoontooda, xirfadahooda iyo hal-abuurkooda uga faa’iideystaan dhismaha nabadda iyo horumarka dalka.

"Haddii aan rabno Soomaaliya nabad ah berri, waa inaan carruurteena nabad ku barbaarrinaa maanta" ayuu ahaa hadalka Taliyaha.

17/09/2026

Taliyaha Xarunta Barbaarinta Agoonta Boliiska Soomaaliyeed, Dhamme Xaliimo-Sacdiyo Yuusuf, ayaa maanta xafiiskeeda ku soo dhaweysey Xubno ka socda Naadiga Dhalinyarada Nabadda Ee Muqdisho oo hogaaminaayo Guddoomiyaha Naadiga.

Taliyaha ayaa uga mahadcelisay xubnaha Naadiga booqashadooda iyo dadaalkooda ku aaddan xoojinta nabadda, wadajirka iyo horumarka bulshada.

Waxay sidoo kale muujisay sida ay ugu faraxsan tahay booqashada Naadiga, iyadoo carrabka ku adkaysay muhiimadda ay leedahay in dhalinyaradu door muuqda ka qaataan nabadeynta iyo dhismaha mustaqbal wanaagsan.

"Ku soo dhowaada Xarunta Barbaarinta Agoonta Boliiska Soomaaliyeed. Mahadsanidiin booqashada iyo dadaalka wanaagsan ee aad bulshada u haysaan." Ayuu ahaa hadalka taliyaha.

01/07/2026

Hambalyo 1-da Luulyo
Waxaan dhammaan shacabka Soomaaliyeed ugu hambalyeynayaa munaasabadda 1-da Luulyo, oo ah maalin astaan u ah midnimada iyo madax-bannaanida Jamhuuriyadda Soomaaliya.

Maanta waxay ina xusuusinaysaa dadaalkii iyo naf-hurnimadii halyeeyadii u soo halgamay xorriyadda iyo mideynta ummadda Soomaaliyeed. Waa maalin mudan in laga barto qiimaha wadajirka, jacaylka dalkeenna, iyo ilaalinta qarannimada.

Alle waxaan ka baryayaa inuu Soomaaliya ku mannaysto nabad, xasillooni, horumar iyo barwaaqo, shacabka Soomaaliyeedna uu ku mideeyo walaaltinimo iyo is-ixtiraam.

Hambalyo 1-da Luulyo dhammaan shacabka Soomaaliyeed. Soomaaliya ha noolaato, midnimo iyo horumarna ha gaarto.

26/06/2026

Ubax dhigga Taallada Dhagaxtuur oo ka mid ah astaamaha lagu xusuusto halgankii ay shacabka Soomaaliyeed isaga dulqaadeen heeryadii gumeysiga.

Hambalyo 26-ka juun.

26/06/2026

Hambalyo 26-ka Juun

Taliyaha Xarunta Barbaarinta Agoonta Boliiska Soomaaliyeed, Dhamme: Xaliimo Sacdiyo Yuusuf, ayaa dhammaan shacabka Soomaaliyeed ugu hambalyeysey munaasabadda qiimaha badan ee 26-ka Juun oo ah maalin xusuus iyo sharaf u leh halgankii iyo geesinnimadii ay muujiyeen halyeeyadii u soo hooyay gobannimada.

Hadalka taliyaha ayaa ahaa "Ilaahay ha u naxariisto dhammaan intii naftooda u huray xorriyadda dalkeenna, kuwa noolna ha siiyo caafimaad iyo barwaaqo"

"Waxaan Alle ka baryayaa inuu Soomaaliya ku mannaysto nabad waarta, midnimo, horumar iyo barwaaqo."

Hambalyo 26-ka Juun dhammaan shacabka Soomaaliyeed meel kasta oo ay joogaan.

14/06/2026

Xarunta Barbaarinta agoonta Boliiska Soomaaliyeed oo abaal marin qaali ah oo isku jirta Dahab, taleefano(Mobile) iyo Lacago la Guddoonsiiyey Ardey ku guulaysatey Tartarka xifdinta Quraanka Kariimka.

Taliyaha Xarunta Barbaarinta agoonta Boliiska iyo saraakiil ka tirsan ciidanka boliiska ayaa si wadajir ah u guddoonsiiyey abaalmarinahaas.

Inta xafladda socotey waxaa loo mahadceliyey xaaska taliyaha ciidanka boliiska marwo mako oo door weyn ku laheed qaban qaabada xafladda.

Mahadsanidiin.

26/05/2026

Taliyaha Xarunta Barbaarinta agoonta Boliiska dhamme: Xaliimo-Sacdiyo Yuusuf ayaa hambalyo la wadaagtey dhamaan umadda soomaaliyeed gaar ahaan carruurta agoonta boliiska.

Waxeyna tiri "Waxaan hambalyo udiraya dhamaan umadda Soomaaliyeed gaar ahaan carruurta agoonta boliiska munaasabada Ciid Al-adxa waxaana idin leeyahay cafimaad ku ciida."