Somalia National Institute of Health

Wasiirka Wasaaradda Caafimaadka iyo Daryeelka Bulshada XFS, Dr. Ali Haji Adam, ayaa, 𝐃𝐫. 𝐒𝐚𝐢𝐝𝐨 𝐀𝐛𝐝𝐢𝐫𝐚𝐡𝐦𝐚𝐧 𝐌𝐨𝐡𝐚𝐦𝐮𝐝 𝐆𝐞𝐝𝐢, u magacaabay Madaxa Xarunta Qaran ee Howlgallada Degdega ah ee caafimaadka Guud (PHEOC). National PHEOC Manager, ee Machadka Caafimaadka Qaranka.

Wasiirka Waasaradda Caafimaadka iyo Agaasimaha Guud ee Machadka Caafimaadka Qaranka ayaa kula dardaarmay Dr. Saido Abdirahman, in ay dardargeliso shaqada iyo horumarinta Xarunta.



—𝐃𝐇𝐀𝐌𝐌𝐀𝐀𝐃—

𝐀𝐠𝐚𝐚𝐬𝐢𝐦𝐚𝐡𝐚 𝐆𝐮𝐮𝐝 𝐞𝐞 𝐌𝐚𝐜𝐡𝐚𝐝𝐤𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐐𝐚𝐫𝐚𝐧𝐤𝐚 𝐨𝐨 𝐒𝐡𝐢𝐫-𝐠𝐮𝐝𝐨𝐨𝐦𝐢𝐲𝐚𝐲 𝐊𝐮𝐥𝐚𝐧 𝐌𝐮𝐡𝐢𝐢𝐦 𝐀𝐡 𝐎𝐨 𝐊𝐚 𝐃𝐡𝐚𝐜𝐚𝐲 𝐌𝐚𝐜𝐡𝐚𝐝𝐤𝐚.

Muqdisho 11 April 2016; Dr. Hussein Abukar Muhidine, Agaasimaha Guud ee Machadka Caafimaadka Qaranka, ayaa maanta shirgudoomiyay kulan ballaaran oo loogu talo galay isla xisaabtan iyo in la dardar gelinta shaqooyinka machadka, kulanka waxaa ka soo qayb galay agaasima waaxeedyada, la-taliyeyaasha, madax qeybeedyada iyo howl-wadenadka kala duwan ee machadka.

Kulankan ayaa ahaa mid ka mid ah dadaallada joogta ah ee Agaasimaha Machadka Caafimaadka Qaranka si loo xoojiyo isla xisaabtanka shaqaalaha, loo horumariyo waxqabadka, loona hubiyo in shqooyinki ay yihiin kuwa ku salaysan is-kaashi iyo wada shaqayn buuxda bulshada waxtar kusoo kordhin-karaan.

Intii uu kulanka socday, Agaasimaha Guud Dr. Hussein Abukar Muhidine ayaa koox koox uga dhageystay war-bixinno faahfaahsan oo ku saabsanaa howlaha machadka, ayadoona kulanka lagu falanqeeyay caqabadihii jiray sidookalena wadatashiyo balaaran laga yeeshay waxyaabihii laga bartay mudooyinki lasoo dhaafay waxaana bud-dhig looga dhigay sida loo horumarin lahaa mustaqbalka adeegyada caafimaadka ee dalka.

Agaasimaha guud ee Machadka Caafimaadka Qaranka, Dr. Hussein Abukar Muhidine, ayaa shaqaalaha kula dardaarmay inay sii wadaan dadaalka iyo shaqada wanaagsan, isaga oo xusay in ay muhiim tahay in la xoojiyo iskaashiga iyo wada shaqaynta si loo gaaro yoolalka machadka.

Ugu danbayn, Dr. Hussein Abukar, Wuxuu howl-wadeenada Machadka uga mahadceliyay dedaallada ay muujiyeen, wuxuuna ku dhiiri geliyay inay si firfircoon u gutaan waajibaadkooda si looga hortago caqabadaha loona yareeyo caqabadaha caafimaad ee dalka kajira.

Shirkan ayaa muujinayaa hannaanka hufan ee hoggaamineed ee Agaasimaha Guud ee Machadku ku wajahayo kor u qaadista waxqabadka Machadka, isagoo xooga saaraya wada-shaqeyn dhab ah iyo hal-abuur cusub ee fulinta howlaha hortabinta u leh Machadka.

—DHAMMAAD—

Wixii faahfaahin ah, fadlan kala xirir:
Xafiiska Warfaafinta & Xiriirka Warbaahinta ee Machadka Caafimaadka Qaranka.
Jamhuuriyadda Federaalka Soomaaliya
E-mail: [email protected]
Twitter/X: https://x.com/Somalia_NIH
Website: https://nih.gov.so.

𝐖𝐚𝐬𝐢𝐢𝐫𝐤𝐚 𝐖𝐚𝐬𝐚𝐚𝐫𝐚𝐝𝐝𝐚 𝐂𝐚𝐚𝐟𝐢𝐦𝐚𝐚𝐚𝐝𝐤𝐚 𝐗𝐮𝐤𝐮𝐮𝐦𝐚𝐝𝐚 𝐅𝐞𝐝𝐞𝐫𝐚𝐚𝐥𝐤𝐚 𝐒𝐨𝐨𝐦𝐚𝐚𝐥𝐢𝐲𝐚 𝐨𝐨 𝐗𝐚𝐫𝐢𝐠-𝐉𝐚𝐫𝐚𝐲 𝐃𝐡𝐢𝐬𝐦𝐚 𝐂𝐮𝐬𝐮𝐛 𝐞𝐞 𝐒𝐡𝐚𝐲𝐛𝐚𝐚𝐫𝐤𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐐𝐚𝐫𝐚𝐧𝐤𝐚.

Muqdisho, 08 April 2026; Dr. Ali Haji Adam Wasiirka Wasaaradda Caafimaadka iyo Daryeelka Bulshada XFS, ayaa maanta si rasmi ah u xarig jaray dhisma cusub oo lagu kordhiyay xarunta Shaybaarka Caafimaadka Qaranka ee heerka 3aad (BIOSAFETY LEVEL 3) ee Machadka Caafimaadka Qaranka taas oo muhiimad weyn u leh horumarinta adeegyada caafimaadka dalka.

Munaasabada Xarig Jarka ayaa ahayd mid heerkeedu sareeyay ayay goob jog ku ahayeen, Agaasimaha guud ee ee sii wareejinaya xafiiska Agaasinka ee wasaaradda, Dr. guuleed Cabdjalil. Agaasimaha guud ee Machadka Caafimaadka Qaranka Dr. Hussein Abukar Muhidine, Agaasime Waaxeedyo iyo How-wadeenado ka kala socotay wasaaradda Caafimaadka iyo Machadka Caafimaadka Qaranka iyo Marti Sharaf kale.

Dhismaha xaruntan cusub ayaa ah tallaabo weyn oo lagu xoojinayo awoodda baaritaannada caafimaadka iyo la tacaalidda cudurrada halista ah, ayay hirgelisay Wasaaradda Caafimaadka iyo Daryeelka Bulshada, oo kaashaneysa hay’adda UNICEF, si loo helo xarun casri ah oo ka jawaabi karta baahiyaha caafimaad ee sii kordhaya, waxayna qeyb katahay dadaallada lagu horumarinayo kaabeyaasha caafimaadka iyo sare u qaadidda tayada adeegyada la siinayo bulshada Soomaaliyeed.

Xaruntan cusub ee Shaybaarka Qaranka ayaa la filayaa inay si weyn kor ugu qaado tayada baaritaannada caafimaadka, isla markaana xoojiso awoodda dalka ee baaritaanka, ogaanshaha, iyo ka hortagga cudurrada faafa iyo kuwa kale ee halista ku ah nolosha bulshada. Sidoo kale, waxay xaruntani gacan ka geysan doontaa diyaar-garowga degdegga ah ee looga hortagayo khataraha caafimaad ee soo wajaha dalka.

Wasiirka Wasaaradda Caafimaadka XFS, Dr. Ali Haji Adam, ayaa tilmaamay in dhismaha xaruntani tahay guul weyn oo u soo hoyatay bahda caafimaadka, maadaama ay door muhiim ah ka qaadan doonto ilaalinta caafimaadka bulshada iyo horumarinta nidaamka caafimaadka qaranka.

Ugu danbayn. Dr. Ali Haji Adam, ayaa bogaadiyay muhiimadda iskaashiga u dhexeeya dowladda iyo hay’adaha caalamiga ah ee taageeraya dadaallada dib-u-dhiska iyo horumarinta adeegyada aas-aasiga ah.

—DHAMMAAD—

Wixii faahfaahin ah, fadlan kala xirir:
Xafiiska Warfaafinta & Xiriirka Warbaahinta ee Machadka Caafimaadka Qaranka.
Jamhuuriyadda Federaalka Soomaaliya
E-mail: [email protected]
Twitter/X: https://x.com/Somalia_NIH
Website: https://nih.gov.so.

Sawiro: Diyaar Garowga Munaasabadda Xarig-jarka Dhismaha Cusub ee Shaybaarka Caafimaadka Qaranka Soomaaliyeed.

𝐓𝐚𝐛𝐚𝐛𝐚𝐫 𝐮𝐠𝐚 𝐅𝐮𝐫𝐦𝐚𝐲 𝐌𝐚𝐠𝐚𝐚𝐥𝐚𝐝𝐚 𝐌𝐮𝐪𝐝𝐢𝐬𝐡𝐨 𝐇𝐨𝐰𝐥𝐰𝐚𝐝𝐞𝐞𝐧𝐚𝐝𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐒𝐚𝐟𝐤𝐚 𝐇𝐨𝐫𝐞 𝐐𝐞𝐲𝐛𝐭𝐢 𝐒𝐞𝐝𝐞𝐱𝐚𝐚𝐝, 𝐃𝐮𝐟𝐜𝐚𝐝𝐝𝐚 𝐓𝐨𝐝𝐨𝐛𝐚𝐚𝐝 𝐞𝐞 𝐁𝐚𝐫𝐧𝐚𝐚𝐦𝐢𝐣𝐤𝐚 𝐅𝐄𝐓𝐏.

Muqdisho, Agaasimaha guud ee Machadka Caafimaadka Qaranka, Dr. Hussein Abukar Muhidine, ayaa si rasmi ah tababar ugu furay dufcaddi Todobaad ee qaybta sedaxaad barnaamijka Field Epidemiology Training Program (FETP), Tababarkan oo ah mid heerkiisu sareeyo ayaa loogu talagalay in lagu kobciyo xirfadaha shaqaalaha caafimaadka safka h**e ee ka shaqeeya heerarka kala duwan ee Federaal, Dowlad goboladyada iyo Gobalka Banadir.

Ujeedka ugu weyn ee tababarka ayaa ah in la siiyo ka qaybgalayaasha aqoon iyo xirfado muhiim u ah sahminta, daraaseynta, dabagalka iyo xakameynta cudurrada faafa Tababarkan ayaa loo arkaa mid muhiim u ah horumarinta nidaamka caafimaadka Bulshada gaar ahaan marka la eego awoodda looga jawaabayo xaaladaha degdegga ah ee caafimaadka.

Ugu dambeyn, Dr. Hussein Abukar Muhidine, Agaasimaha Machadka ayaa ku dhiirigeliyay dhammaan ka saraakiisha caafimaad in ay si buuxda uga faa idaystaan tababarka maadaama uu yahay mid muhiim u ah horumarinta nidaamka caafimaadka dalka Wuxuu sheegay in xirfadaha iyo aqoonta ay helayaan si toos ah wax ugu taridoonto hagaajinta caafimaadka bulshada Soomaaliyeed.

—DHAMMAAD—

Wixii faahfaahin ah, fadlan kala xirir:
Xafiiska Warfaafinta & Xiriirka Warbaahinta ee Machadka Caafimaadka Qaranka.
Jamhuuriyadda Federaalka Soomaaliya
E-mail: [email protected]
Twitter/X: https://x.com/Somalia_NIH
Website: https://nih.gov.so.

Dr. Fartun Idey Yusuf, ayaa loo magacaabay, La taliye Sare, Sheybaarka dhexe ee Qaranka, ( National Public Health Reference Laboratory) ee Machadka Caafimaadka Qaranka, taas oo muujinaysa kalsoonida buuxda ee lagu qabo doorkeeda ku aaddan hirgelinta qorsheyaal ee hagaajinta adeegyada Shaybaarka iyo hubinta tayada baarista si loo ilaaliyo caafimaadka bulshada.

=== DHAMAAD===

𝐂𝐢𝐢𝐝 𝐌𝐮𝐛𝐚𝐚𝐫𝐚𝐤

Agasimaha Guud ee Machadka Caafimaadka Qaranka Hon Hussein Gessey ayaa dhambaal hambalyo farxadda Ciidul Fidrida awgeed u marinayay ummadda Islaamka, gaar ahaan Bulsha waynta Soomaaliyeed meel kasta oo ay joogaan, dalka gudihiisa iyo daafaha caalamkaba. Waxuuna u rajeeyay in farxad iyo raynrayn ay ku ciidan.

Dr. Hussein Abukar Muhidine, ayaa yiri waxaan Alle ka baryaa in uu inaga aqbalo soonkii, salaaddii iyo camalkii suubanaa, sidookale in uu Eebe inaga dhigo kuwii dembiyadooda la dhaafay. Ilaahay raxmadiisa ha nagu gallado, abaaraha jirana Ummada Alle ha dhaafiyo.

Muqdisho 31 January 2026; Wasaaradda Deegaanka iyo Isbeddelka Cimilada XFS,(MoECC), ayaa soo qabanqaabisay tababar loogu talagalay in lagu taageero diyaarinta Warbixinta Shanaad ee heer Qaranka taasoo ku saabsan hirgelinta Heshiiska Cartagena ee Badbaadinta Noolaha, aqoon korarsigan ayaa ahaa mid kulmiyay dhammaan hay,ado kala duwan ee dalka si ay dib ugu eegaan, u xaqiijiyaan, uguna mideeyaan macluumaadka la xiriira arrimaha bay’ada iyo badbaadinta noolaha.

Aqoon korarasigaan ayaa sidookale diirada lagu saaray in la ururiyo macluumaad sax ah oo lagu gudbin karo Biosafety Clearinghouse (B*H) taasoo ka caawin doonta in dalkeenu uu si hufan u muujiyo tallaabooyinka la qaaday si loola jaan qaado dalalka dariska, iyadoo la tixgelinayo baahiyaha deegaanka iyo badbaadada noolaha, tababarka ayay kaso qaybgaleen saraakiil ka kala socday hay’adaha dowladda, ururada bulshada rayidka ah iyo jaamacadaha.

Machadka Caafimaadka Qaranka ayaa ka mid ahaa hay,addaha dowlada ee ka qaybgalay kulankan, iyadoo ay ka go,an tahay in la xaqiijiyo, dib u eegis lagu sameeyo iyo in macluumaadka la abuuriyay ay noqdaan kuwa kudhisan xaqiiqda si loo hirgeliyo heshiiska Cartagena.

—DHAMMAAD—

Wixii faahfaahin ah, fadlan kala xirir:
Xafiiska Warfaafinta & Xiriirka Warbaahinta ee Machadka Caafimaadka Qaranka.
Jamhuuriyadda Federaalka Soomaaliya
E-mail: [email protected]
Twitter/X: https://x.com/Somalia_NIH
Website: https://nih.gov.so.

𝐖𝐚𝐟𝐝𝐢 𝐡𝐞𝐞𝐫 𝐜𝐚𝐥𝐚𝐦𝐢 𝐨𝐨 𝐛𝐨𝐨𝐪𝐚𝐬𝐡𝐨 𝐫𝐚𝐬𝐦𝐢 𝐚𝐡 𝐤𝐮 𝐲𝐢𝐦𝐢𝐝 𝐌𝐚𝐜𝐡𝐚𝐝𝐤𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐐𝐚𝐫𝐚𝐧𝐤𝐚.

Muqdisho 26 January 2026; Agaasimeha Guud ee Machadka Caafimaadka Qaranka Dr, Hussein Abukar Muhidine, ayaa xarunta Machadka ku qaabilay wafti heer caalami ah oo uu hoggaaminayay Prof. Vittorio Colizzi, oo ah Professor of immunology & Pathology, University of Roma Tor Vergata, Ahna Agaasimaha Africa Relations Center, kana tirsan Italian Society of Geography, isaga oo ay booqashadiisa ku wehliyeen masuiliin.

Kulankan oo ay ujeedkiisu ahayd xoojinta iskaashiga dhinacyada cilmi-baarista caafimaadka, is-weydaarsiga aqoonta sayniska, horumarinta awoodda cilmi-baarayaasha, iyo dhismaha nidaam cilmi-baariseed oo tayo leh, dhanka kale kulanka ayay agaasimaha guud ee machadka ku wehlinayeen Agaasimaha Waaxda Cilmi-baarista, Dr. Farhan Mohamed iyo xubno kale oo ka tirsan hoggaanka Machadka Caafimaadka Qaranka.

Intii uu socday kulanka ayay si gaar ah diiradda ugu saareen doorka muhiimka ah ee Shaybaarka Qaranka (NPHRL) oo ah laf-dhabarta nidaamka shaybaarrada tixraaca qaranka, kanaalin muhiim u ah ogaanshaha cudurrada, tayaynta natiijooyinka shaybaarka iyo taageeridda cilmi-baarista caafimaadka ee ku salaysan caddayn iyo xog sugan, ayadoona xoojinta NPHRL ay saldhig u tahay horumarinta nidaamka cilmi-baarista caafimaadka qaranka iyo adkaynta u diyaar garowga wax ka qabashada caqabadaha caafimaad ee jira iyo kuwa mustaqbalka.

Ugu danbayn, Dr. Hussein Abukar Muhidine, Agasimaha Guud ee Machadka ayaa uga mahadceliyay Prof. Vittorio Colizzi iyo wafdigiisa booqashada qiimaha leh, wada-xaajoodka miro-dhalka ah iyo dadaalkooda ku aaddan taageeridda horumarinta cilmi-baarista caafimaadka iyo shaybaarrada tixraaca qaranka ee Soomaaliya.

Machadka Caafimaadka Qaranka ayay si buuxda uga go’an tahay horumarinta cilmi-baaris tayo leh oo kaalin muuqata ka qaadata dejinta siyaasadaha caafimaadka, hagaajinta go’aan-qaadashada ku salaysan caddayn ay saldhig u tahay aqoon iyo kor u qaadida tayada adeegyada daryeelka caafimaad ee bulshada Soomaaliyeed.

—DHAMMAAD—

Wixii faahfaahin ah, fadlan kala xirir:
Xafiiska Warfaafinta & Xiriirka Warbaahinta ee Machadka Caafimaadka Qaranka.
Jamhuuriyadda Federaalka Soomaaliya
E-mail: [email protected]
Twitter/X: https://x.com/Somalia_NIH
Website: https://nih.gov.so.

𝐓𝐚𝐛𝐚𝐛𝐚𝐫 𝐮 𝐬𝐨𝐜𝐨𝐧𝐚𝐲𝐚𝐲 𝐬𝐡𝐚𝐪𝐚𝐚𝐥𝐚𝐡𝐚 𝐜𝐚𝐚𝐟𝐢𝐦𝐚𝐚𝐝𝐤𝐚 𝐞𝐞 𝐬𝐚𝐟𝐤𝐚 𝐡𝐨𝐫𝐞 𝐨𝐨 𝐮𝐠𝐮 𝐬𝐨𝐨 𝐱𝐞𝐫𝐦𝐚𝐲 𝐌𝐚𝐠𝐚𝐚𝐥𝐚𝐝𝐚 𝐌𝐮𝐪𝐝𝐢𝐬𝐡𝐨.

Muqdisho; Agaasimaha Waaxda Emergency Preparedness and response ahna FETP Program Coordinator ee Machadka Caafimaadka Qaranka, Abdullahi Sheikh Abdi, ayaa tababar usoo xeray qalinjabiyaashii afartii koox ‘cohort’ ee ugu h**eesay barnaamijka tababarka FETP, kasoo soconayay 14-21 Janaayo, sidookale munaasabadan ayay goob joog ku ahayeen masuliyiin ka kala socotay Hay,adaha WHO, AFENET iyo marti sharafkale.

Mudadii uu socday tababarkan ayay ka qayb qateen 30 howl-wadeeno oo ka kala socday heer Fedraal iyo dowlad goboleed, iyadoo diiradda la saarayay Cudurka Dabeysha(polio) waxaana si wadajir ah uga shaqeyay Machadka Caafimaadka Qaranka, Africa CDC iyo CDC USA, taaso ka tarjumaysa dadaalada lagu xoojinayo nidaamka caafimaadka dalka iyadoo la rajeynayo in howl-wadeenadu usoo dhamaaday ay ku qabalabaysan yihin aqoon ay ku gaar siin doonaan bulshada adeegyo caafimaad oo tayo leh.

Abdullahi Sheikh Abdi, Agaasimaha Waaxda Emergency Preparedness and response ee Machadka Caafimaadka Qaranka ayaa Ugu danbayn ku booriyay ka qaybgalayaasha in ay si firfircoon uga qaybqaataan dadaallada lagu xoojinayo wacyigelinta bulshada ee ku aadan talaalka iyo ka hortagga cudurrada sidookalena in si wadajir ah looga shaqeeyo sidii looga hortagi lahaa cudurrada dabaysha iyo in kor loo qaado caafimaadka bulshada gaar ahaan dhalaanka.

—DHAMMAAD—

Wixii faahfaahin ah, fadlan kala xirir:
Xafiiska Warfaafinta & Xiriirka Warbaahinta ee Machadka Caafimaadka Qaranka.
Jamhuuriyadda Federaalka Soomaaliya
E-mail: [email protected]
Twitter/X: https://x.com/Somalia_NIH
Website: https://nih.gov.so.

𝐌𝐚𝐜𝐡𝐚𝐝𝐤𝐚 𝐜𝐚𝐚𝐟𝐢𝐦𝐚𝐚𝐝𝐤𝐚 𝐐𝐚𝐫𝐚𝐧𝐤𝐚 𝐨𝐨 𝐬𝐨𝐨 𝐠𝐚𝐛𝐨 𝐠𝐚𝐛𝐞𝐞𝐲𝐚𝐲 𝐚𝐪𝐨𝐨𝐧 𝐢𝐬 𝐰𝐚𝐲𝐝𝐚𝐚𝐫𝐬𝐢 𝐦𝐮𝐝𝐨 𝐬𝐡𝐚𝐧 𝐜𝐚𝐬𝐡𝐨 𝐚𝐡 𝐮𝐠𝐚 𝐬𝐨𝐜𝐨𝐧𝐚𝐲𝐚𝐲 𝐦𝐚𝐠𝐚𝐚𝐥𝐚𝐝𝐚 𝐌𝐮𝐪𝐝𝐢𝐬𝐡𝐨.

Muqdisho 10 December 2025; Wasiir ku xigeenka Wasaaradda Caafimaadka, Dr. Mohamed Hassan Mohamed, ayaa si rasmi ah usoo xeray aqoon-is-weydaarsi soconayay mudo shan maalmood ah oo ku saabsan Mudnaanta Cilmi-baarista iyo Horumarinta Caafimaadka ee Xubnaha Madax-bannaan ee Midowga Afrika, Munaasabadan ayay sidookale goob jog ku ahayeen Agaasimaha guud ee Machadka Caafimaadka Qaranka Dr. Hussein Abukar Muhidine, Masuuliyiin kasocotay AfricaCDC, maamulada isbitaalada iyo jaamacadaha iyo marti Sharaf kale.

Tababarkan ayaa ahaa mid ay soo qaban qabisay Machadka Caafimaadka Qaranka oo kaashanaya Africa CDC ayaa ahaa mid mudnanta lagu siinayay in cilmi-baarista Caafimaadka ay noqdaan kuwa ku salaysan xaqiiqooyinka baahiyaha caaafimaad ee dalka kajira, kuwaaso ay kamid ahayeen xakamaynta cudurada faafa, caafimaadka taranka, naafanimada, caafimaadka maskaxda iyo kuwa kale sidookale kulankaan ayaa ahaa mid lagu xajinayay yoolalka cilmi-baarista caafimaadka dalka ay noqoto mid la jaanqaada howlgalada wadajirka ah ee Gobalka.

Wasiir ku xigeenka wasaaradda Caafimaadka iyo Daryeella Bulshada Dr. Mohamed Hassan Mahamed, ayaa ugu horayn uga mahadceliyay Machadka Caafimaadka tababarkaan muhiimka u ah horumarinta cilmi-baarista caafimaadka dalka ayadoo ujeedu yahay in ay ka tarjumaan baahiyaha caafimaad ee dalka.

Ugu danbayn, Wasiir ku xigeenka ayaa ku booriyay dhamaan ka qayb galayaasha in in ay kamid noqdaan dadaalada lagu horumarinaayo caafimaadka dalka si loo xaqiijiyo in bulshada ay helaan caafimaad wanaagsan.

—DHAMMAAD—

Wixii faahfaahin ah, fadlan kala xirir:
Xafiiska Warfaafinta & Xiriirka Warbaahinta ee Machadka Caafimaadka Qaranka.
Jamhuuriyadda Federaalka Soomaaliya
E-mail: [email protected]
Twitter/X: https://x.com/Somalia_NIH
Website: https://nih.gov.so

𝐌𝐚𝐜𝐡𝐚𝐝𝐤𝐚 𝐜𝐚𝐚𝐟𝐢𝐦𝐚𝐚𝐝𝐤𝐚 𝐐𝐚𝐫𝐚𝐧𝐤𝐚 𝐨𝐨 𝐬𝐨𝐨 𝐪𝐚𝐛𝐚𝐧 𝐪𝐚𝐛𝐢𝐲𝐚𝐲 𝐭𝐚𝐛𝐚𝐛𝐚𝐫 𝐥𝐨𝐨𝐠𝐮 𝐭𝐚𝐥𝐨 𝐠𝐚𝐥𝐚𝐲 𝐬𝐡𝐚𝐪𝐚𝐚𝐥𝐚𝐡𝐚 𝐜𝐚𝐚𝐟𝐢𝐦𝐚𝐚𝐝𝐤𝐚 𝐞𝐞 𝐬𝐚𝐟𝐤𝐚 𝐡𝐨𝐫𝐞.

Muqdisho 07 December 2025; Wasiir Dowlaha wasaaradda Caafimaadka ahna ku simaha Wasiirka, Dr. Maryama Mohamed Hussein, ayaa maanta magaalada Muqdisho uga daahfuray tabbabarka Field Epidemiology Training Program (FETP), kooxdii Todobaad (Cohort7) oo ay qaadanayaan 26 howl-wadeena ka kala socda wasaaraddaha cafimaadka heerarkooda kala duwan iyo Gobalka Banadir.

Munaasabada furitaanka oo ahayd mid aad loo soo agaasimay ayay sidookale goob jog ku ahayeen Agasimaha Guud ee Machadka caafimaadka Qaranka, H.E Dr Xuseen Abukar Muxiyadiin, masuuliyiin kasocotay Hay,addaha AFENET, Dr. Tatek Bogale, Dr. Kasim Sultan iyo WHO Dr. Ahmed Dahir, sidookale lataliye sare Wasaaradda Caafimaadka, Dr. Abdulkadir Wheliye.

Tababarkaan oo socon doona mudo 11 casho ah ayay qabadiisha oo ay hirgelisay Machadka Caafimaadka Qaranka isagoo kaa shanaya, CDC USA, Africa Field Epidemiology Network (AFENET) iyo Baniga Aduunka ayaa inta uu socdo ka-hortagga, sahminta, daraaseynta iyo xakamaynta cudurrada faafa, qiimeynta, maamulidda iyo hubinta tayada xogta sidookale howl-wadeenadan ayaa lagu qalabayn doonaa aqoon ay ku taageeri doonaan xarumaha caafimaadka ee kala duwan.

Dr. Maryama Mohamed Hussein, Ku simaha wasirka ahna wasir dowlaha wasaaradda caafimaadka, ayaa ugu horayn uga mahadcelisay Machadka caafimaadka qaranka isxilqaanka ay ku suura geliyeen qabsoomida tababarkaan waxayna xustay in uu yahay fursad gaar ah oo lagu kordhinaayo awoodaha howl-wadeenada caafimaadka.

Machadka Caafimaadka qaranka ayay ka go,an tahay dhiira gelinta isdhexgalka iyo wada shaqaynta heerarka kala duwan ee shaqaalaha caafimaadka dalka sidookale kor uqaadista wacyiga bulshada ee muhiimada ka hortagga cudurada iyo sidii loo horumarin lahaa nidaamka caafimaadka dalka.

—DHAMMAAD—
Wixii faahfaahin ah, fadlan kala xirir:
Xafiiska Warfaafinta & Xiriirka Warbaahinta ee Machadka Caafimaadka Qaranka.
Jamhuuriyadda Federaalka Soomaaliya
E-mail: [email protected]
Twitter/X: https://x.com/Somalia_NIH
Website: https://nih.gov.so