Filatelia - Posta e Kosovës

31/10/2026

Lansimi i pullës postare kushtuar rikthimit të festivalit “Akordet e Kosovës” përbën një kontribut të veçantë të Postës së Kosovës në ruajtjen dhe promovimin e vlerave tona kulturore e muzikore.

Përmes këtij emetimi të veçantë filatelik, Posta e Kosovës i jep rikthimit të festivalit një dimension të ri simbolik, duke e shndërruar atë në një kujtim të përhershëm të traditës sonë muzikore dhe të artistëve që i kanë dhënë vlerë kulturës shqiptare.

Në këtë ngjarje, moderatorët e festivalit shprehën mirënjohjen dhe falënderimin për Postën e Kosovës për këtë dedikim të çmuar, që tejkalon funksionin e një pulle postare dhe merr kuptimin e një dëshmie të respektit për trashëgiminë tonë kulturore, e cila përcillet me krenari ndër breza dhe përtej kufijve.

Kryeshefja Ekzekutive dhe ekipi i Postës së Kosovës patën kënaqësinë të jenë pjesë e këtij organizimi dhe të kontribuojnë në përjetësimin e një ngjarjeje me rëndësi të veçantë për kulturën tonë.

Falënderojmë RTK-në dhe organizatorët e festivalit “Akordet e Kosovës” për bashkëpunimin dhe mundësinë që kjo traditë muzikore të marrë një simbol të veçantë edhe në historinë filatelike të Kosovës.

31/10/2026

"Akordet e Kosovës” – në bashkëpunim me RTK

Nga tapeti i kuq i Festivalit të Këngës, dizajnerja grafike e Postës së Kosovës, njëherësh autore e dizajnit të këtij emisioni filatelik, prezanton pullën më të re postare, “Akordet e Kosovës”, të lëshuar në qarkullim më 30 tetor 2026.

30/10/2026

Posta e Kosovës nderon festivalin “Akordet e Kosovës” me pullë postare

Posta e Kosovës, përmes Filatelisë së saj, në bashkëpunim me Radio Televizionin e Kosovës (RTK), ka emetuar emisionin e jashtëzakonshëm të pullave postare kushtuar festivalit “Akordet e Kosovës”.

Pulla postare u promovua sonte, në natën e parë të festivalit, në praninë e një numri të madh artistësh, mysafirësh dhe spektatorësh, si dhe të teleshikuesve të RTK-së përmes transmetimit të drejtpërdrejtë, duke shënuar një dedikim të veçantë të Postës së Kosovës për jetën muzikore dhe artistike të vendit.

Emisioni filatelik përfshin pullën postare dhe zarfin e Ditës së Parë, përmes të cilit Posta e Kosovës nderon rikthimin e festivalit “Akordet e Kosovës”, duke sjell përtej kufijve historinë, identitetin dhe trashëgiminë muzikore e kulturore të Republikës së Kosovës.

Posta e Kosovës falënderon RTK-në për bashkëpunimin dhe i uron festivalit “Akordet e Kosovës” suksese, artistëve frymëzim dhe publikut emocione të paharruara.

Posta e Kosovës fton qytetarët, koleksionistët dhe bizneset që ta blejnë këtë pullë të bukur postare, duke e bërë pjesë të koleksioneve të tyre dhe duke kontribuar në ruajtjen dhe promovimin e vlerave artistike e kulturore të vendit.

RTK
Festivali i Këngës në RTK

19/10/2026

80 vjetori i Teatri Kombëtar i Kosovës

80 vjet histori, emocione dhe duartrokitje!
Nga skena që solli në jetë mijëra rrëfime, te pulla postare që i përcjellë ato përtej kufinjve.

Trashëgimi artistike që vazhdon të jetoj, të frymëzoj dhe të udhëtoj nëpër botë.

Për porosi dhe informata:
[email protected]
📞 +383 (0) 38 246 770
Filatelia – Posta e Kosovës

14/10/2026

Urime 80 vjetori Teatri Kombëtar i Kosovës

Filatelia - Posta e Kosovës gjithmonë përcjellë aktivitetet tuaja dhe të të gjithëve që kontribuojnë për vendin tonë!

14/10/2026

Posta e Kosovës, në bashkëpunim me Teatri Kombëtar i Kosovës, ka lëshuar sot në qarkullim postar emisionin e ri të pullave postare kushtuar 80-vjetorit të themelimit të Teatrit Kombëtar të Kosovës.
Rrugëtimi tetëdhjetëvjeçar i këtij institucioni, që nga themelimi në tetor të vitit 1946 në Prizren si institucioni i parë teatror profesional në vend dhe zhvendosja, pak muaj më vonë, në Prishtinë, ka lënë gjurmë të thella në historinë e artit skenik. Përgjatë tetë dekadave, Teatri ka qenë vatër e qindra premierave, mijëra shfaqjeve dhe krijimtarisë së brezave të tërë artistësh.

Përmes skenës së tij është promovuar dramaturgjia kombëtare dhe botërore, duke dhënë një kontribut të rëndësishëm në jetën kulturore të Kosovës dhe duke u vlerësuar me çmime e mirënjohje të shumta brenda dhe jashtë vendit.

Në nderim të këtij rrugëtimi të rëndësishëm, Posta e Kosovës i kushton Teatrit Kombëtar të Kosovës dy pulla postare, një bllok filatelik dhe Zarfin e Ditës së Parë. Ky emision filatelik sjell në vëmendje historinë, traditën dhe kontributin e këtij institucioni në zhvillimin e artit dhe kulturës në Kosovë, duke e shndërruar trashëgiminë e tij tetëdhjetëvjeçare në një kujtesë të qëndrueshme edhe për brezat e ardhshëm.

Posta e Kosovës fton qytetarët, koleksionistët dhe bizneset që ta bëjnë pjesë të koleksioneve të tyre këtë emision të veçantë filatelik, kushtuar një prej institucioneve më të rëndësishme të kulturës skenike në vend.

06/10/2026

Konkurs filatelik për dizajnin e pullave postare 2027
Posta e Kosovës fton të gjithë artistët, dizajnerët dhe krijuesit me shpirt artistik të bëhen pjesë e Konkursit për Programin e Rregullt të Pullave Postare dhe Blloqeve Filatelike për vitin 2027.
Kjo është mundësia juaj unike që arti juaj të shndërrohet në pullë postare – në një simbol që vulos historinë, kulturën dhe identitetin e shtetit tonë.
📅 Konkursi është i hapur për 30 ditë, nga 6 tetor 2026 deri më 4 nëntor 2026, në ora 16:00.
📌 Për kriteret, temat dhe mënyrën e aplikimit, ju ftojmë të vizitoni:
https://postakosoves.com/konkurset-filatelike/
Bëhu pjesë e historisë së pullës postare të Kosovës!

29/09/2026

Pulla postare, pjesë e përfaqësimit kulturor.
Kryeministri zgjodhi pullën postare të Kosovës, si dhuratë protokollare.

In New York, I had the opportunity to meet with the Prime Minister of Kosovo, Albin Kurti, to discuss how the United States can aid in their country’s safety and sovereignty. It was a productive meeting capped off with receiving a display of commemorative 250th anniversary stamps to represent the celebrations of our country’s independence as we remain a partner in Kosovo’s fight for their own.

28/09/2026

Një pullë e vogël mund të hapë një botë të tërë zbulimesh.

Koleksionimi i pullave postare përveç si një hobi, është edhe një mënyrë e bukur për të njohur historinë, kulturën, artin dhe natyrën.

Për të rinjtë, koleksionimi i pullave postare zgjon kureshtjen, zhvillon përqendrimin dhe i afron me botën e koleksionimit në një formë sa interesante, aq edhe edukative.

Nëpërmjet filatelisë, çdo pullë bëhet një dritare e vogël drejt dijes, ndërsa çdo koleksion një rrugëtim i veçantë përmes temave dhe vlerave që përfaqëson Kosova.

Zbuloni koleksionet e pullave postare të Kosovës dhe për më shumë informata apo porosi, na kontaktoni:

Filatelia – Posta e Kosovës

Tel: +383 (0) 38 246 770
[email protected]
www.postakosoves.com
Facebook & LinkedIn: Filatelia - Posta e Kosovës

25/09/2026

Dy çmime ndërkombëtare për pullat postare të Postës së Kosovës në Pragë
Në kuadër të panairit ndërkombëtar Sběratel – Collector Fair Prague 2026, të mbajtur më 4–5 shtator 2026 në PVA Expo Prague, pullat postare të Postës së Kosovës u vlerësuan me dy vende të treta në garën Praga Ars Philatelica 2026.

Emisioni “Flora shëruese dhe aromatike”, me autore Hyrije Ademi, fitoi vendin e tretë në kategorinë “The Most Beautiful Miniature Sheet”.

Ndërsa emisioni “Qytetet e Kosovës – Janjeva”, me autor Milot Krasniqi, fitoi vendin e tretë në kategorinë speciale “Architecture on Stamps”.

Ky vlerësim ndërkombëtar përbën një tjetër sukses të rëndësishëm për Postën e Kosovës dhe filatelinë kosovare, duke dëshmuar se puna krijuese dhe profesionale e emisioneve postare të Kosovës po gjen vlerësim edhe në skenën ndërkombëtare.

Pulla postare, përveçse pjesë e rëndësishme e trashëgimisë filatelike, mbetet një ambasadore e kulturës, historisë, trashëgimisë dhe vlerave të Kosovës në botë.

Posta e Kosovës fton qytetarët, koleksionistët dhe bizneset që të blejnë dhe koleksionojnë pullat postare të Kosovës, duke mbështetur zhvillimin dhe fuqizimin e filatelisë dhe duke kontribuar në ruajtjen dhe vazhdimësinë e kësaj tradite të rëndësishme kulturore e postare.

https://arsprague.info/