Shkolla Model "Qamil Batalli" - Prishtinë

Sot në Malishevë u zhvillua aktiviteti i radhës në kuadër të programit “Sport në Shkolla”, në sportin e atletikës.

Në këtë aktivitet morën pjesë 6 shkolla nga qendra të ndryshme të Kosovës, me rreth 300 nxënës, të cilët fillimisht patën mundësinë të njihen dhe të përjetojnë format e ndryshme të Kids Athletics – Atletikës për Fëmijë.

Pas aktiviteteve praktike dhe argëtuese, nxënësit garuan në katër disiplina të atletikës shkollore:

vrapim 60 m,
vrapim 300 m,
kërcim së gjati nga vendi dhe
hedhja e topit të medicinbollit (2 kg) nga prapa.

Nxënësit e Shkollës sonë u paraqitën me shumë sukses, duke arritur rezultate të shkëlqyera.

Ndër më të spikaturit ishin:

🥇 Eris Ismaili – vendi i parë në vrapimin 300 metra;

🥈 Asja Avdiu – vendi i dytë në hedhjen e topit të medicinbollit (2 kg) nga prapa;

🥈 Ajana Rexhepi – vendi i dytë në kërcimin së gjati nga vendi.

Përveç këtyre rezultateve të shkëlqyera, edhe nxënës të tjerë të shkollës sonë arritën rezultate shumë të kënaqshme dhe përfaqësuan me dinjitet Shkollën Model “Qamil Batalli” – Prishtinë.

Urime e përgëzime të gjithë nxënësve për angazhimin dhe sukseset e arritura! 👏🏆

P.s.
Drejtori i shkollës përgëzon arsimtarin Osman Islami të cilin e ka angazhuar ne kete projekt ministror për "Sportin ne Shkolla" që nga viti shkollor 2024-2025 (bashke me nje arsimtar tjeter në vitin e kaluar të cilet edhe u shpërblyen për mundin e tyre ne vazhdimesi) e vazhdoi për dy vite ushtrime e përgatitje ne bashkepunim kete vit me arsimtarin Shpëtim Shala.

🎼 Ditë magjike me tinguj e tregime nga Filharmonia e Kosovës! 🎻🦊

​Sot, nxënësit tanë patën kënaqësinë e veçantë të bëheshin pjesë e një eksperience të mrekullueshme kulturore dhe edukative.

Me ftesë nga znj. Anda Gjini, koordinatore për edukim kulturor në Filharmoninë e Kosovës, dhe në kuadër të programit "Arti në shkolla", shkolla jonë mori pjesë në koncertin e dedikuar për nder të Ditës së Fëmijëve.

​Përmes kuintetit frymor të Filharmonisë, vogëlushët tanë përjetuan veprën e njohur botërore "Pjetri dhe Ujku" nga kompozitori S. Prokofiev.

Ishte një gërshetim fantastik ku çdo instrument frymor përfaqësonte një personazh të përrallës, duke u mundësuar fëmijëve të mësojnë mbi instrumentet e veçanta muzikore dhe të zhvillojnë imagjinatën e tyre përmes tingujve.

​Shkolla jonë u përfaqësua denjësisht nga koristët dhe instrumentistët tanë të talentuar, të cilët u shoqëruan dhe u udhëhoqën në këtë aktivitet nga mësimdhënësja e muzikës, Enkela Krasniqi, dhe libraria e shkollës, Lejla Dërguti.

​Falënderojmë përzemërsisht Filharmoninë e Kosovës për ftesën dhe mundësinë e artë që u dha nxënësve tanë për t'u rritur pranë artit të vërtetë! 🌟

​📸 Më poshtë, përmes fotografive, mund të ndiqni disa nga momentet më të bukura të nxënësve tanë gjatë këtij eventi plot mësim dhe emocione:

📖 04.06.2026✨

Nxënësit tanë shkëlqejnë në Festivalin e Recitatorëve - Prishtinë ✨📖

Lanika Abdullahu - zuri vendin e dytë ne nivel Komunal dhe përfitoi nje dhuratë/Voucher

Organizuar nga EdGuard Institute & Princeton School of Prishtina

E gjithashtu pjesëmarrës me performancë të shkëlqyer ishin edhe Jona Fazliu dhe Amela Halili.

Pra, me krenari ju njoftojmë se tre nxënës të klasave të pesta, nën përkujdesjen e mësueses Brikena Salihu Krasniqi, morën pjesë në "Festivalin e Recitatorëve", një ngjarje e veçantë e organizuar nga Princeton School of Prishtina & EdGuard Group për nivelin komunal.

Kjo pjesëmarrje ishte një mundësi fantastike për nxënësit tanë që të shprehin talentin e tyre në artin e recitimit dhe të ndajnë dashurinë për poezinë me bashkëmoshatarë nga shkolla të ndryshme. Me emocion, pasion dhe përkushtim, ata sollën në skenë vargje që frymëzuan dhe prekën zemrat e të gjithë të pranishmëve.

Ata u pajisën me mirënjohje dhe certifikatë pjesëmarrjeje.

Urime të gjithë pjesëmarrësve dhe një falënderim të veçantë për mësuesen Brikena, për mbështetjen e vazhdueshme ndaj nxënësve tanë! 💙📚👏

📅 03.06.2026 - E mërkurë 📅

Aktivitetet e Muajit Maj

​👩🏻‍💼 Mësuesja: Donjeta Shabani
🏢 Klasa: III/1

​🖇 Bashkëlidhur mund t'i shihni disa fotografi që përmbledhin orë dhe aktivitete mësimore kurrikulare si dhe shënimi i ditëve me rëndësi siç ishin:

Dita Botërore e Fëmijëve
Dita Botërore e Punës
Dita e Evropës

&
Aktivitete të ndryshme që paraqiten përmes fotografive e që përmes tyre jane synuar arritjet e rezultateve të të nxënit.

​👏🏼 Përgëzime për mësuesen dhe nxënësit për punën e palodhshme dhe dashurinë për dijen!

​Suksese tutje!

📅 02.06.2026 ✒️ e martë

​🌟 Aktivitete mësimore nga mësuesja Brikena Ademi
Me rastin e Ditës Botërore të Fëmijëve
Së bashku
Me nxënësit e Nivelit fillor✒️

Drejtori i shkollës ztr. Liridon S. Maliqi, përgëzon mësuesen dhe nxënësit për angazhimin dhe përkushtimin e tyre!

​📸 Për të parë më shumë nga këto momente të bukura, ju ftojmë të shihni fotografitë e bashkëngjitura.

​

Rubrika: Promovojmë nxënësit e suksesshëm

​🏆 SUKSES I SHKËLQYER NË "PRISHTINA TALENT" – VENDI I PARË PËR MIR BERISHËN në PIANO

​Kemi kënaqësinë dhe krenarinë e veçantë të ndajmë me ju një lajm të mrekullueshëm.

Nxënësi i shkollës sonë, Mir Berisha (kategoria B klasa e tretë me 96 pikë), ka triumfuar në garën nacionale artistike të talenteve muzikorë "Prishtina Talent", duke u vlerësuar me:

Vendin e Parë në Kategorinë B (Profesional).

​Në këtë garë prestigjioze, e cila mblodhi talentet më të mirë nga mbarë Kosova në sallën “Ulpiana”, MIRI shkëlqeu me interpretimin e tij, duke dëshmuar përkushtim, talent të rrallë dhe pasion të madh për muzikën.

​Suksesi i Noarit është një frymëzim për të gjithë ne dhe një dëshmi e punës dhe talentit që rritet brenda hapësirave të shkollës sonë.

​Në emër të drejtorit Liridon S. Maliqi, mësueses Suzana Perjuci Xhemajli dhe të gjithë nxënësve, e përgëzojmë Mirin përzemërsisht për këtë arritje të madhe dhe i urojmë suksese të panumërta në rrugëtimin e tij artistik!
Krenohemi me ty, Mir! 🌟🎹🎻