Lëvizja VETËVENDOSJE!

Zëvendëskryeministri i Kosovës, Glauk Konjufca, pas votimit:

Unë uroj që kjo ditë të shkojë mbarë, e mirë, pa ndonjë eksces. Kosova tashmë ka krijuar një traditë të zgjedhjeve nacionale, një traditë të demokracisë e cila është konsoliduar përgjatë viteve. Për këtë, më meritorët janë vetë qytetarët e Republikës së Kosovës, të cilët e shfrytëzoj rastin t’i falënderoj, sepse vetëm ata mund ta mbajnë gjallë demokracinë.

Kështu që unë uroj që në orën 7:00 të mbrëmjes ky proces të përmbyllet ashtu siç duhet. Fituese është Kosova në fund të fundit.

Ushtruesja e Detyrës së Presidentes njëherazi Kryetarja e Kuvendit, Albulena Haxhiu, votoi sot dhe u bëri thirrje qytetarëve të Republikës së Kosovës që të dalin masivisht në zgjedhje dhe ta ushtrojnë të drejtën e tyre të votës. Ajo theksoi se pjesëmarrja e lartë forcon demokracinë dhe tregon dashurinë për vendin.

Sapo e ushtrova të drejtën time të votes. Me këtë rast, nga këtu, ftoj të gjithë qytetarët e Republikës së Kosovës që sot, e dielë, 7 qershor, të dalin dhe ta ushtrojnë të drejtën e tyre të votes.

Sa më e lartë pjesëmarrja në këto zgjedhje aq më e fortë është demokracia jonë.

Unë ftoj të gjitha palët, ftoj të gjithë qytetarët e Republikës së Kosovës që në këtë ditë të bukur me diell të dëshmojnë maturi, të dëshmojnë respekt për njëri-tjetrin por po ashtu edhe dashuri për vendin.

Faleminderit të gjithëve dhe na priftë e mbara!

Mirëmëngjesi të gjithëve,

Sot është një ditë e bukur dhe e rëndësishme. E diel me diell. Unë para se të vi këtu në Fakultetin Ekonomik e Juridik të Universitetit të Prishtinës e vërtetova në faqen e Komisionit Qendror Zgjedhor se a e kam saktësisht këtu, sikurse herën e kaluar vendvotimin, dhe vetëm kur u konfirmua kjo gjë u nisa. Prandaj, i sugjeroj të gjithë qytetarët e Republikës që fillimisht ta kontrollojnë vendvotimin dhe atëherë kur ta verifikojnë që e kanë aty ku kanë menduar, të nisen në këtë ditë kaq të rëndësishme për institucionet e Republikës së Kosovës, për qeverisjen në vazhdim dhe gjithashtu për mbarvajtjen e Republikës.

Sa më e lartë të jetë dalja e qytetarëve në zgjedhje, aq më i madh është legjitimiteti i institucioneve dhe aq më solid stabiliteti i tyre.

Sot vendosin ata që votojnë, prandaj iu bëj thirrje qytetarëve të Republikës së Kosovës që ta ushtrojnë të drejtën e tyre demokratike. Ta përdorin mundësinë qytetare, të përcaktohen për përbërjen e ardhshme të Kuvendit të Republikës në legjislaturën e 11-të.

Ju faleminderit të gjithëve!

Të nderuar qytetarë,
Para se të votoni, verifikojeni vendin tuaj të votimit.

Linku për verifikim:
https://qv.kqz-ks.org/sq/PollingCenter/ActualPollingCenter?fbclid=IwdGRjcASSAc9jbGNrBJIBu2V4dG4DYWVtAjExAHNydGMGYXBwX2lkDDM1MDY4NTUzMTcyOAABHnClPGjVzuvv4vam6xKRFAErGb0jGKc0fUYcLUR4tF9o58PN4ccAZcey_O9l_aem_v5enASMnjeqQKi3LihJKcg

Komisioni Qendror i Zgjedhjeve KQZ

Prishtina, zemra e momentit të madh politik: E vendosur që nesër t'ia qesë pikën 116

Nën një atmosferë madhështore, mes mijëra qytetarëve që mbushën hapësirën prapa Pallatit të Rinisë, Prishtina sonte dha një pamje të fuqishme të besimit qytetar dhe mobilizimit për fitore nesër. Flamujt, brohoritjet dhe jehona e një mbështetjeje të palëkundur krijuan një mbrëmje që tejkaloi kuptimin e një tubimi të zakonshëm politik, një manifestim i qytetarisë që beson në Republikën, në drejtësi, në zhvillim dhe në vazhdimin e një rruge që po sjell ndryshim të prekshëm. Në prag të ditës së vendimit, Prishtina u shndërrua në zemrën e një momenti të madh politik, me mesazhin e qartë: nesër, Krejt për Shtet e Shtet për Krejt, nesër i qitet pika numrit 116.

Kryetari i Qendrës së Prishtinës, Arben Vitia, përshëndeti dhe falënderoi mijëra gra e burra që gjithmonë kanë qenë bashkë dhe i kanë besuar rrugëtimit tonë. Për secilën mbështetje që e kemi marrë, ju falënderojmë nga zemra.

“Kjo energji sonte nuk është thjesht energjia e një tubimi, është energjia e një qytetarie që beson në demokraci, që beson në shtetin e së drejtës, që beson në Republikën, beson në lëvizjen tonë dhe kryeministrin, Albin Kurti.

Nesër, më 7 qershor, është dita kur ky besim shndërrohet në vendim dhe ju ftojmë që në këto orë të fundit të bëjmë edhe përpjekjet e fundit për një fitore sa më bindëse.”

Kryeministri Albin Kurti, në fjalën e tij, tha se kjo verë po vjen dy javë më herët; madje jo dy javë më herët, por vera po vjen nesër. E për mijëra bashkatdhetarë, vera ka ardhur që sot, sepse kanë pritur në radhë për të votuar e për t’ia qitur pikën.

“Dallon kjo verë, nuk është verë që vjen njëherë në derë, sepse populli ynë, me neve në qeveri, ka verë e derë përherë, për rini e pleqëri, për burra e gra, për shumicën e pakicën, pa dallim.

Të dashur qytetarë, në mandatin e kaluar, 80 mijë gra kanë marrë mbështetje financiare për shkak se kanë lindur fëmijë, për herë të parë në jetën e tyre. Dy të tretat e këtyre lehonave ishin të papuna. Mbi 400 mijë fëmijë kanë marrë shtesa për herë të parë në jetën e tyre.

12 mijë gra u punësuan si rezultat i masave direkte qeveritare. 23 mijë të reja e të rinj u punësuan nga programi ‘Superpuna për të rinjtë’. Pagën minimale e kemi gjetur 170 euro dhe e ngritëm në 500 euro nga 1 korriku.

Janë regjistruar 60 mijë biznese të reja, 10% me pronarë të huaj. Viti 2025 ka qenë historik, sepse kemi pasur 1 miliard euro investime të huaja direkte dhe rritje vjetore prej 30%.

60% e të punësuarve në administratën e shtetit në vitin 2025 ishin gra e vajza. 77% janë të punësuara jashtë shërbimit civil dhe mbi 50% janë nën moshën 34-vjeçare.

Në bujqësi, mbi 350 milionë euro janë ndarë nga buxheti i shtetit për 150 mijë fermerë. Sipërfaqen e tokës së punuar e kemi rritur për 50%.

Në këto vite të qeverisjes sonë, asnjë fushë nuk ka pasur regres. Sipas raportit të Komisionit Evropian për vendin, kemi pasur vetëm progres. Në vitin 2025, nga 38 fusha ku vlerësohemi, në 35 kemi pasur progres.

Punët e mira të bëra në mandatin e kaluar do t’i vazhdojmë në katërvjeçarin e ardhshëm, sepse kështu keni vlerësuar edhe më 28 dhjetor.

Mandati i ardhshëm do të jetë mandat i 1 miliard eurove për prodhimtari, mandat i Bankës Zhvillimore dhe mandat i 100 milionë eurove si dritare për investimet e diasporës. Çmime tavan për produktet bazë. Do të jetë mandat i arkave fiskale digjitale dhe i faturës elektronike.

‘Superpuna për gratë’ është pjesë e mandatit të ardhshëm. 14 parqe industriale dhe teknologjike. Sistemi informativ shëndetësor dhe fondi i sigurimeve shëndetësore, si dhe modernizimi i çdo klinike, spitali dhe poliklinike specialistike në të gjithë Kosovën.

Mandat i sportit në shkolla dhe i shkollave në shkencë e kulturë, mandat i profilizimit të universiteteve publike, 5 gjimnaze ekselence.

Mandat i vettingut për gjyqësorin dhe prokurorinë dhe i byrosë për konfiskimin e pasurisë së pajustifikueshme. Mandat i digjitalizimit. Pra, është mandat i mandateve.

Ky është mandat për krejt, prandaj qitjani pikën nesër numrit 116.”

Faleminderit secilës aktiviste dhe aktivist për punën e pashoq gjatë këtyre ditëve, sidomos atyre që nuk ua dimë emrin. Pa ju, të dashur aktivistë, nuk do të ishim këtu ne që na dihet emri.

Nesër ia qesim pikën numrit 116, sepse shtet për krejt e krejt për shtet, për shtet demokratik dhe të fortë.

Kosova ia qet pikën.