LVV - Skënderaj

30/10/2026

STOP diskriminimit ndaj grave!

LVV - në Skenderaj, reagon ashpër ndaj mbledhjes së sotme të Këshillit Komunal për Siguri në Bashkësi (KKSB), për vitin 2026.

Nuk ka asgjë më të dhunëshme e të shëmtuar sesa të shohesh një mbledhje ku flitet për dhunën në familje, e në mënyrë të veçantë për dhunën ndaj grave dhe në takim të mos jetë as edhe një grua e pranishme. Për më tepër, edhe temën për dhunën në familje ta lesh si pikën e fundit në rend të ditës.

(shih rendin e ditës të 👇🏻).

1. Diskutim rreth përgatitjeve rreth sezonit dimëror
2. Diskutim rreth çështjeve të sigurisë
3. Diskutim për masat në lidhje me vërshimet eventuale
4. Diskutim rreth çështjes së qenve endacak
5. Diskutim rreth dhunës në familje
6. Të ndryshme

Dhuna në familje dhe dhuna ndaj grave nuk mund të ndalët vetëm me policë dhe prokurorë, ajo kërkon përgjegjësi e gatishmëri institucionale të të gjitha niveleve.
Mbledhjet e këtilla, ku gratë nuk ftohen të marrin pjesë në takime kaq të rëndësishme dhe përjashtohen madje edhe kur flitet edhe për sigurinë e tyre, është shëmbulli më i keq që kryetari Lushtaku dhe KKSB mund të ofronte këto ditë.

Kërkojmë nga komuna ta fshijë postimin e mbledhjes së KKSB-së dhe nga kryetari Lushtaku të heq dorë nga logjika e përjashtimit të grave nga diskutimet e rëndësishme dhe vendimmmarrja.

06/10/2026

16/09/2026

13/09/2026

Urime Qeveria KURTI 4!

Urime Qeveria e udhëhequr nga Kryeministri Albin Kurti, që për vizion ka punën për qytetarin dhe mbrojtjen e familjes.

“Qeveria jonë është punë për publikun e jo privilegj për pakicën. Ky mandat është për të kthyer sigurinë dhe mirëqenien në përditshmërinë e qytetarit. Ne nuk subvencionojmë pasurinë, por punën që e garanton atë. Këto pesë vitet e fundit, nga të cilat pothuajse një vit e gjysmë ishim Qeveri në detyrë, kemi zhvilluar një Kosovë më të drejtë, më të fortë dhe më gjithëpërfshirëse.” - Kryeministri Kurti.

01/08/2026

E dashur mërgatë!

Ju mirëpresim sonte, në ora 20:00, në sheshin “Adem Jashari” në Prishtinë!

Pjesëmarrës Kryeministri, Albin Kurti

04/07/2026

Reagim mbi situatën në Klubin e Futbollit “Drenica”

LVV qendra në Skenderaj kujton se KF "Drenica" nuk është thjesht një klub futbolli. Ai është pjesë e identitetit sportiv dhe qytetar të Skenderajt, një identitet që për dekada ka përfaqësuar me dinjitet Drenicën në futbollin e Kosovës. Pikërisht për këtë arsye, gjendja e rëndë në të cilën ndodhet sot KF “Drenica” nuk mund të trajtohet si një problem i parënëdsishëm të cilin askush nuk e merr seriozisht.

Largimi i lojtarëve dhe investitorëve len shijën e një falimentimi të qëllimshëm. Falimentimi i një klubi nuk ndodh brenda natës. Ai është rezultat i viteve të tëra të menaxhimit të dobët, mungesës së transparencës, vendimmarrjeve të gabuara financiare dhe mungesës së përgjegjësisë institucionale. Dhe për të gjitha këto duhet të kërkohet përgjegjësi. Kur borxhet grumbullohen, kur nuk ndërtohet një model i qëndrueshëm financiar dhe kur mungon llogaridhënia, dështimi bëhet i pashmangshëm. E KF “Drenica” nuk mëriton një dështim të tillë, të paktën tifozët e Drenicës dhe historia e klubit nuk e meriton.
Shpresa e krijuar nga marrëveshja me investitorin e huaj, muaj më parë, u paraqit si një mundësi për ta nxjerrë klubin nga kriza. Sot, kur kjo marrëveshje ka dështuar, qytetarët dhe tifozët meritojnë një shpjegim të plotë: çfarë ndodhi, kush mban përgjegjësi dhe cili është plani konkret për shpëtimin e klubit? Heshtja nuk është zgjidhje!
Nëse nuk veprohet me urgjencë, rreziku nuk është vetëm humbja e statusit në Superligë, por edhe dëmtimi i një tradite sportive të ndërtuar me mund ndër breza. Drenica është pasuri e qytetit, jo pronë e individëve apo e grupeve të interesit.
Prandaj, koha e justifikimeve duhet të marrë fund. Është koha për transparencë të plotë, auditim të gjendjes financiare, identifikim të përgjegjësive dhe një strategji serioze për rimëkëmbjen e klubit. Vetëm kështu KF "Drenica" mund ta rikthejë besimin e tifozëve dhe të sigurojë një të ardhme të denjë me historinë dhe emrin që mban.

05/06/2026

Krejt për shtet,
shtet për krejt!

Qitja pikën.